別忘了

營業中

休息中

食物質素及價錢可以，但係埋單果陣強烈建議大家一定要check 單。餐廳5點前入座係免加一。一入座就會開張單寫明幾多位、（根據佢系統）幾點入座、總共幾錢。今日去食果陣明明入座張單開啱一大一細16:54 分入座，銀碼都啱。餐廳系統亦準時cut單。但係拎張單去俾錢果陣就無啦啦變咗兩個大人兼加一。問返佢仲要唔check 返張單就話係因為我地係5點後入座。最後叫佢查返入座果陣開果張單先至話係因為埋咗數所以收錯錢⋯好彩今次我發現到啫，如果係老人家俾錢真係未必夠眼睇到。做生意咁唔老實，好食都真係唔會想再幫襯。

適逢我們家既生日季節 今個月我同媽媽 下個月我妹妹 所以我地4大1小去到一間開左冇耐既台式火鍋店 外面有個靚靚打卡位 櫻花樹下 即刻想唱返首歌🎶😂餐廳面積雖然唔大 但位置好闊落 坐得好舒服 大選👍🏻 不過咁樣所以就好full 要等到8:30先有位🥺時間上可以選擇90/120分鐘 有4個set選擇 湯底有9款 預設鴛鴦鍋唔洗加錢👍🏻我地揀左90分鐘 因為普遍任食火鍋90分鐘都係可以食到飽一飽🤰🏻🫃🏻Set方面我地揀左b 極上牛翼板 肉類分別有極上牛翼板🥩🥓 紐西蘭頂級肉眼草飼牛 精選牛鍵板 西班牙栗飼豬梅片 日本鹿兒島茶美豚梅肉 羊肉卷 出面有蔬菜麵類任拎🥬🌽 每台一開始就會預設每款肉各一 每一碟份量都好足夠 基本上冇再叫過肉🙈湯底揀左招牌台灣麻辣鍋 台灣香濃椰子雞湯 台灣惹味沙茶湯 十小時香濃豬骨湯🫕最特別的我覺得係台式飲品任飲🍹 而甜品係有窩夫🧇 呢兩樣我真係大大讚👍🏻成個感覺好好 服務態度都99分 留一分進步空間先🤣 妹妹已經講定下星期會再黎食多次

別忘了近日天氣轉涼，心思思去咗附近天耀商場新開既別忘了食火鍋放題。呢到既火鍋放題同其他最大既分別係，呢到仲有埋甜品放題架。🤗🤗別忘了既裝修好粉紅，啱晒我地女仔打卡，除咗打卡之餘，仲可以寫低願望然後掛上樹上，幾得意。 😆😆呢到座位空非常闊落，仲要係卡位黎，都幾好坐。入座後，我地仲可以一人叫一個湯底，咁我地就叫咗一個昆布清湯，同另一個台式壽喜燒。 呢到係用QRcode手機落單，上菜速度快到我地嚇親，啱啱禁完，放低手機，轉個頭啲野就到齊，勁有效率。💕💕我地今次平平地叫咗個set A，都有兩款牛肉，牛板腱同埋肉眼草飼牛，加埋豬梅片同羊肉卷，都算幾豐富。四款你肉都唔過太肥，入口嫩滑。除此之外，出面仲有好多配菜比大家夾，有丸類，各式蔬菜菰類，仲有啲台灣名物米血糕等，材料都好新鮮好多款式。😍😍不得不提佢地既台式小食，我地一坐低就叫咗幾款試下。台式鹽酥雞扒真心好好食，雞扒入面好juicy，我地忍唔住encore咗。其他甜不辣，台式香腸等都做得好有水準，去到記得要叫黎試下！🥰🥰

好一陣無黎天水圍，黎買野順便食下野，又來到別忘了，是日食個午市套餐先。兩點來到，好多人等位，食打邊爐同台灣面都多，真係好受歡迎。等左五分鐘左右就有枱，哈哈，好好彩有幾枱人一齊走。今次終於坐到櫻花樹下啦，係幾靚🌸，快快用個QR CODE落單先，一小時用餐架。⭐辣味香酥雞扒飯朋友叫左雞扒飯，有驚喜喎，個雞扒炸得香脆酥軟，大大塊啖啖肉🤤加左辣粉更惹味。滷肉飯夠香口，半肥瘦豬肉加上調味剛好的醬汁，真係好好撈飯。⭐魚皮餃麻辣蕃茄湯台灣麵自己就叫左台灣麵，麵質彈牙掛湯，湯底蕃茄味濃郁帶甜味，辣醬又香又麻，但就堅辣，中辣都食到流鼻水，哈哈，打破左我一向覺得台灣野唔辣嘅觀點。下次都係小辣得啦，係辣過頭啫，其實幾好味的😆⭐檸檬綠茶叫左走甜，茶底清香，但一片青檸唔太夠酸。⭐芋泥冰淇淋窩夫原來有得散點甜品，叫左份窩夫，厚身多芋泥😍仲有焦糖醬又香又甜，正喎😍😍原來午市唔使加一，兩個人食左$145，抵食🤤

除咗火鍋外 別忘了還有必食台灣牛肉麵😋分別有自選麻辣米線 /精選套餐👈包檸檬綠茶或紅茶 ( 冷/熱)招牌牛肉麵 💰68🐮🐮 好澎湃 有牛腩 牛筋 牛肚 牛丸👍樣樣都好大件 炆得入味 牛氣十足 yummy湯底入口濃郁 好好飲 食埋有著勁嘅面底 抵食又美味 極力推介🤤辣味台式排骨飯 💰56排骨即叫即炸香脆 肉質柔軟juicy😚配上鹹香爽口既菜脯 肥瘦適中滷肉加埋濃甜滷肉醬汁撈飯食 口感豐富到呢~~芋圓仙草凍💰38飯後食甜品 忘不了幸福的滋味🤣🤣🤣

必到好去處，想不到天水圍也有隱藏的台式餐廳，午市除了午餐還有火鍋，午餐時間也有不少人光顧。麻辣鴨血牛肉麵麻辣湯底散發醉人香氣，濃郁牛肉與鴨血交織出絕妙口感，湯底濃厚清純油脂感不會太厚肉，牛肉軟腍入口易撕開，加上酸菜解膩感。原味塔香鹽酥雞飯（走蔥）鹽酥雞外皮酥脆金黃，咬下去噴香四溢，內裡多汁嫩滑的雞肉，配上九層塔的點綴，香氣撲鼻，難以抗拒。別忘了，檸檬綠茶清新的檸檬與綠茶的完美結合，酸甜交融，一口下去讓加入愛玉，口感更佳。鳳梨紅茶鮮甜多汁的鳳梨搭配清甜的紅茶，口感醇厚，滋味獨特。台灣香腸經典的台灣風味，彈牙的口感帶來滿滿的滿足感，香氣四溢，回味無窮。還有許願簽可以寫完掛在樹上。

台式打邊爐係hongkong幾受歡迎 主要野食 款式都岩大部份港人口味湯底口味多樣 滿足不同顧客的口味喜好 兩樣唔同口味，就揀鴛鴦鍋想自主啲 自己一個細鍋都得 整體係好食 野食唔稱得上好多野揀但每樣食材都係優質 食得過 唔係hea果種台式飲品任飲，甜品任食 淨係呢樣都夠吸引飲品唔係 紙包罐裝飲品 每杯都係獨立調製出嚟感覺就似係你去一間珍珠奶茶店 可以飲10幾種唔同口味水果乳酸梳 水果茶 鮮檸檬紅茶 手煮小芋圓奶茶 蜂蜜檸檬綠茶 百香果梳打 以上嘅都試過晒 飲到成肚都係水 係jeng既甜品系列 絕對值得食多幾份紅豆巧克力配迷你窩夫飄雪世界MOW抹茶雪糕杯 特濃朱古力雪糕杯精選牛板腱 蘭王生雞蛋 雪櫃拎出嚟嘅真正讚岐烏冬 台式墨魚丸 韭菜豬肉水餃 紐西蘭草飼牛 豚肉 台式小雞扒 鹽酥雞 以上都推介

#別忘了 餐廳主要提供台式火鍋小食及甜品放題，台式茶飲無限飲！！系天水圍區屬於少見。幾棵大櫻花樹，裝飾得粉粉嫩嫩的。入座時送上書籤，比大家寫上祝福，並可將大家嘅期盼掛於牆。提醒自己別忘了台式小確幸生活！我哋揀咗要Set B極上牛翼板套餐（90分鐘：$268）！🔍湯底有9款選擇，揀左蕃茄及香濃椰子雞湯。兩款湯底都好夠味，有好香椰子味同超甜蕃茄味。加湯並非只得雞湯而系系原味湯底。🔍肉類-極上牛翼板-精選牛板腱-西班牙栗飼豬梅片-羊肉卷-紐西蘭草飼牛當中嘅牛翼板令我幾有驚喜！油花分佈好均勻唔會太多肥膏，系鍋內輕輕灼熟，肉質鬆軟，有種入口即溶嘅感覺！而羊肉食落去唔會又唔會過羶，味道啱啱好👍👍🔍小食鹽酥雞、台灣小香腸、花枝丸、甜不辣、蝦卷、仲有十分邪惡嘅榴連炸彈等~炸物普遍炸得香口！值得一試😎🔍飲品水果茶、奶茶、百香果梳打...冰既多少同甜度都可自由選擇~🔍甜品有芋圓仙草凍、雪糕球、迷你窩夫、布甸、雪花冰等唔同種類嘅甜品~90分鐘時間，其實已經吃好滿足，估唔到火鍋店內有咁多打卡位，食物、 甜品同飲品選擇亦相當豐富，上菜嘅速度之快。係一個聚會嘅唔錯選擇。一定會再約朋友來。

天水圍呢幾個月新開嘅一間超抵食火鍋店🤩 小編嗌咗最平嘅set $198 90分鐘精選牛板腱 setA 間火鍋店裝飾幾可愛好友台式風格😂😂😂湯底可以鴛鴦鍋我嗌咗蕃茄同關東煮🍅🍢個湯蕃茄味幾濃關東煮甜甜地仲有啲藥膳嘅option 不過今次就嗌咗呢兩個😋配料方面蔬菜丸嗰啲基本嘢都有，特別讚一讚個麻吉燒😂根本上就係湯圓😋花生味甜甜糯糯小編好鍾意 🍡🍡小食方面真係超級多😋😋竟然仲有地瓜條芋泥波波炸香蕉鹽酥雞甜不辣醉雞炸雞扒等嘅台式嘢食😋仲要全部都係任食🤩🤩特別個滷肉飯😂小編知道食火鍋放題唔應該食太多飯嗰啲但係都係忍唔住食咗碗😂😂😂鍾意台式嘢食就唔好錯過😋😋😋甜品同埋珍珠奶茶方便都係大家嘅天堂🤩🤩全部都係放題咁樣食😋😋小編特別欣賞個水果茶🍎🍇唔滯好飲😋😋食完仲有一人限一杯嘅Movepick真係超級超級抵食 🤩🤩🤩🤩

推薦呢間任飲任食台式火鍋店！❤️性價比高！90分鐘食到飽👍我地揀左極上牛翼板套餐 $268/位 90分鐘 （$298係120分鐘喔）無論肉類定小食同飲品等都係可以無限追加！😆😆最正係台灣飲品都係即叫即做 仲任飲肥水✌️鴛鴦鍋叫左招牌麻辣湯同香濃椰子雞湯～ 鐘意雞湯有杞子紅棗養生又補身❤️套餐有以下basic肉類選擇極上牛翼板西班牙栗餇豬梅片紐西蘭頂級肉眼草飼牛 日本鹿皃島茶美豚梅肉精選牛板腱羊肉卷我地兩人總共食左20幾碟肉 食回票價啦☺️☺️出面仲有自助蔬菜同炸物！必食炸芋蕃薯波👏仲有紫淮山好少見架！肉類個人最推薦精選牛板腱👏肉類肉質都不錯～仲叫左以下食物：台式墨魚滑花雕嫩雞肉榴槤炸彈澎湖花枝丸甜品類 雪糕好食！😋MOW特濃朱古力杯MOW抹茶雪糕杯台式仙草凍朱古力雪糕配迷你窩夫甜品類一樣咁正！水果茶水果乳酸梳打珍珠奶茶加一服務費別忘了 (天水圍)天水圍天湖路2號天耀廣場LG樓15-16號舖

台灣食身總係令人念念不忘同好掛住🥰呢間台灣火鍋放題任食就足夠令大家回味台灣小食、飲品同甜品。一個價錢食盡咁多野真係夠晒抵😎✨SET B極上牛牛翼板套餐💰($268/90分鐘.$298/120分鐘；小童及長者各平$80)火鍋湯底總共有9款可以選擇！今次揀咗台灣惹味沙茶湯同芝士牛奶鍋。前者入面有大量蒜頭，洋蔥等做湯底，沙茶味好濃。後者芝士牛奶好特別，係濃濃嘅牛奶味中又帶啲芝士味😚火鍋配料都超過30款任拎！雪櫃出晒煙，確保配料夠凍！最深刻印象就係芋頭丸、米血糕同埋麻吉。呢幾樣平時係出面火鍋店比較少見😗除咗配料之外仲有多達9款台式小食，最鍾意食鹽酥雞、花枝丸同埋榴連炸雞！每款都即叫即炸，咬開榴彈炸彈啲醬仲流晒出黎，好邪惡🤤套餐包咗六款肉類。當中最吸引嘅肉就係極上牛翼板。肉嘅紋理就已經好靚，食落唔韌又好有牛味。另外日本鹿兒島茶美豚梅肉塊塊都好大塊，好有肉味😋飲品就比起其他火鍋店好唔同喇！平時汽水，紙包飲品就飲得多。呢到就係一杯杯即叫即整嘅手搖飲品，有最常見嘅珍珠奶茶到乳酸梳打都有，多達20款任飲！嗌咗冬瓜茶、芋圓圓奶茶同鳳梨乳酸梳打，杯杯都好足料，同平時出面嘅手搖杯不相伯仲🤩最後仲有多達11款，

好想打邊爐食台式放題，就揾間離屋企唔太遠🤣近近地嘅台式放題過下口隱🤭✨set B 極上牛板腱成個放題有好多野揀👍🏻熟食嘅種類都好多，好多台式小食，基本上係滿足到想食台式小食嘅欲望，因為有時係台式餐廳根本食唔到咁多款🤣牛都ok嘅，不過本身肥米鍾意食豬多啲！佢啲豬好好食🤤湯底肥米揀左椰子雞同蕃茄🤣兩個湯底都勁濃😍唔洗點醬汁都完全夠味！椰子雞係一路滾一路有好香嘅椰子味😆個蕃茄湯就蕃茄味好出，食肉用呢個湯底好夾！熟食都可以嘅，舊炸雞扒都幾出色😍好香口，仲要係有汁㗎，一啲都唔乾！🤣如果同friend食真係可以叫個細嘅一齊share🤣咁就可以食多啲其他嘢，唔會比件雞扒搞到飽左😆而飲品方面都有好多選揀🤤基本上好多都有！仲有好多款甜品揀🤩餐廳環境都好靚🤩坐得幾舒服，個價錢都唔算太貴，性價比都幾高下！#別忘了 📍天水圍天湖路2號天耀廣場LG樓15-16號舖

別忘了最近於天水圍開設分店，台灣火鍋放題可選90或120分鐘腱餐時間，由每位$198至$518不等，最高級更可享用A4宮崎和牛。座位空間充足，更與荃灣店一樣佈滿櫻花樹裝飾。自助區提供羽衣甘藍、娃娃菜、通菜、萵筍等各款蔬菜，以及米血糕、蛋餃、芝士腸、貢丸、響鈴、王子麵等其他配料。醬料區旁放有四款炸物，包括脆皮香蕉、脆皮地瓜條、地瓜丸及香甜番薯仔。九款湯底包括招牌台灣麻辣湯、台灣藥膳當歸湯、台灣香濃椰子雞湯、自家製台灣番茄湯、鰹魚昆布湯、芝士牛奶鍋、台灣惹味沙茶湯、台式壽喜燒及十小時香濃豬骨湯，麻辣湯香辣惹味而椰子雞湯濃厚鮮甜。小食包括花雕嫩雞肉、麻辣鴨血、鹽酥雞、宜蘭蔥肉餅、台南府城蝦捲、榴槤炸彈等。極上牛翼板、精選牛板腱、紐西蘭頂級肉眼草飼牛、日本鹿兒島茶美豚梅肉、西班牙栗飼豬梅片及羊肉卷各款肉類新鮮。珍珠奶茶、小芋圓奶茶、百香果梳打、荔枝乳酸梳打、鮮檸檬紅茶、冬瓜茶、桂圓紅棗茶等飲品超過四十款選擇。朱古力雪糕配迷你窩夫冷熱交融，另外更有火龍果雪花冰、芋圓仙草凍、檸檬愛玉凍、芒果布丁等，份量迷你可以多試幾款。最後每人更可從Mõvenpick雪糕、森永布甸或樂天西瓜味雪條中自選一款。

今日同朋友周圍行到好攰，決定一於要刷餐勁嘅！見到呢間台式火鍋放題評價唔錯，就入左去試下今次試嘅係B餐任食火鍋極上牛翼板 (每位$268)湯底揀左招牌台灣麻辣湯同埋香濃椰子雞湯，兩個湯都超入味！特別係椰子雞湯，真係有超濃椰子味，擺入湯底滾嘅每一舊肉都入曬味，絕對值得挑戰！肉類方面，當然唔少得瘋狂order極上牛翼板，紐西蘭頂級肉眼草飼牛同埋，好濃牛味之餘，肉質都好嫩滑最驚喜係連帶好多台灣小食+甜品都係任叫任食！鹽酥雞，台灣小香腸，蜜糖窩夫配雪糕都係我最愛。另外都有好多款台式飲品任飲，珍珠奶茶，水果茶同埋冬瓜茶等等都拍得住出面台式飲品店質素，絕對唔hea!座位對出仲有火鍋配料可以任攞，今次真係食到夠曬本啦！

主打台式火鍋放題，讓你盡情享受自在美食的樂趣！選擇多樣，點餐更方便快捷，只需掃描二維碼即可輕鬆下單！✨芝士牛奶鍋：濃郁的芝士與香濃牛奶結合，帶來獨特的風味享受。台灣惹味沙茶湯鍋：深受喜愛的台灣風味湯底，豐富口感，絕對讓你回味無窮。🥩鮮嫩多樣的肉食選擇，爽脆的牛翼板散發著豐富的牛肉香氣，一咬即爽，絕對不容錯過。豬梅片和羊肉片：誘人的豬梅片和羊肉片，口感鮮嫩，絕無膻味，肉質鮮美。🥗 多款新鮮蔬菜：唐生菜、南瓜、蘿蔔和粟米，新鮮清甜，尤其推薦芋蓉貢丸，口感綿密，美味無比。🍖台式特色小吃：台式鴨血、豬肚和鹽酥雞，味道絕佳，口感豐富。別錯過酥炸魚皮和嚮鈴，輕脆可口。