利久庵日本料理 (已結業)

係尖沙咀放工後同幾個朋友shopping完 當然找個好地方 食下野幾條友去左麼地道個頭 我地走左入綿登徑死巷入面因為朋友介紹果度有幾間幾正日本菜我地就揀左間叫''利久庵''的因為剛剛shopping完,唔想食太貴喇所以想5-600左右埋單,就叫經理幫手介紹下主要食熟野同佢地d 人氣作點知經理話有新大廚所以真係有d 新菜總共叫左 5-6道菜1 海膽烏賊口感特別兩者混合不錯2 大板三文魚壽司幾特別,都幾飽3 經理特別推介只此一家親子雞翼, 超正 勁特別 雞翼入面有半生熟雞蛋問經理點整,佢話成間餐廳得師傅知點整,不過我估都好多功夫4 汁煮青魚- 唔錯唔錯,正過大酒家好多 蒸魚 仲要都幾平5仲有凍花縲 唔錯唔錯 不過唔太特別6 虎蝦天婦羅 都係天婦羅 不過d蝦真係勁大隻 食野450左右 另外幾支酒 400左右仲有招呼不錯

幾日前去左 呢間食公司附近的日本餐廳最令我深刻是進店後 經理的招待相當好 叫了一份午餐 有牛脷前菜 幾好食 芝麻醬沙津 幾開胃日式蒸蛋 水準之作miso湯 不錯當然有白飯 係日本米主菜係 網燒安格斯 88大元我覺得幾多野食牛扒係真安格斯 因為我成日自己買來食 份量算多 唔錯唔錯 記住叫五成熟 我覺得最正

是日要到尖沙咀覆診, 下午名正言順放假, 正好可以去尖沙咀搵食, 友人說這間日本野掂, 而且中午唔算貴 (晚上就唔同了), 正好一試去到已經兩點幾, 還好午餐仲有供應, 二話不說立即坐底好久無食過有水準既日本定食, 餐牌上的鰻魚飯, 刺身定食, 統統都非常吸引, 心大心細下不如直接問waitress吧!「你地呢度邊樣好食? 」「樣樣都好食 (我問完都知自己白問), 睇下你想邊一類既野囉」「鰻魚飯同刺身我都想食」「咁你會唔會考慮試下個便當? 便當鰻魚飯, 幾片刺身, 天婦羅, 日式蒸蛋等等」Good! 簡直係一次過滿足晒我幾個願望, 不作他選, 立即order呢個利久庵便當沙律 (前菜): lunch set送的, 不要為會馬馬虎虎, 呢度既唔係柚子汁之類既沙律, 而係日式沙律醬, 食完係令到我有少少開胃的終於黎到, 便當既size比我想像中大, 而且一d都唔馬虎, 應有則有, 以唔駛100既價錢黎講, 真係物有所值 (當時味道都係一個好重要既因素)醃三文魚 (前菜): 沒想到前菜竟然係三文魚, 味道適中, 第一口已經對利久庵有良好印象日式蒸蛋: 一個字, 滑, 冬菇既美味完全吸收晒,

睇到呢間ｄ食評唔錯，而且食過棉登徑內的其他幾間日本餐廳水準甚高，昨晚約了女伴晚飯咪黎試試． 八點行入去只有一檯客，完全冇居酒屋應有的氣氛已心知不妙，不過既然黎到便姑且一試吧． 店內只有一位經理服務（並沒有其他侍應生），平時生意看來不好，但經理的服務很好． 我們點了帶子及牡丹蝦刺身（帶子唔新鮮有點霉，牡丹蝦ＯＫ），利久庵沙律（好一般，只係幾塊下價魚生伴生菜再加幾粒小番茄），幾串串燒（完全唔掂，差過坊間其他日本食肆），一份蘿蔔煮雞（甜甜地算ＯＫ）及一小瓶凍清酒． 埋單５８０蚊唔算貴，不過食物水準認真麻麻，應該唔會再幫襯啦．

剛一次寫了兩次食評 這是第二篇 之前是寫在同一區的 川燒 有興趣可以睇下我的食評1月1日 晚上 算是今年第一次 同幾位遠地朋友 食飯今次由他們其中一位 介紹 泊好車 走到錦登徑 其實錦登徑 對我來說 是一個很熟識的地方因為我常到這條街 賣醉 不過今次有點不同 因為是走到 平常不會到 錦登徑的盡頭位置這裡的日本餐廳一向好出名 而且價錢亦唔係講笑 食之前 都問一問老友 貴唔貴佢就話 ok中等價 回正題 走到盡頭位 走進這間 利久庵 名字怪怪的 門口 跟其他幾間一樣 係日本封密式裝修 入到去 感覺不錯 跟着朋友 走進房間 進房前 我看到很多清酒紅酒 睇怕今次都逃不過 斬酒的命運好 叫野食 打開本餐單 沒想像中貴 而且我地5個人 可以叫好多野首先食前菜 有冷豆腐及波菜各一 幾開胃再來是魚生沙津 不錯 酸酸地 而且魚生算多之後我 點了 特上魚生及特上壽司 份量ok 新鮮度ok 可惜 toro 賣哂 朋友點了串燒 及 牛扒沒特別 就是牛扒 幾生下 不過我朋友 係咁食 因為佢最愛血淋淋其實喜歡食生的朋友 一定like至於串燒 是很簡單的鹽燒不過真係真係燒得幾好 特別係牛舌 正過食牛扒比起之前同區食

我是一位在日本工作的香港人近來派回香港 分部 當然十分開心至於寫食這次食評 是因為 終於找到一間 近似自己在 京都工作時 的餐廳我知道香港有很多日本餐廳 而且很出色不過就是有種 食快餐的感覺 香港的步伐愈來愈快了我喜歡這間 是因為 食物 夠地道 而且我想食什麼 他們都會煮 當然是一些日本地道菜加上餐廳的位置 比較隱蔽 人不太多 那天去店中 有幾位日本人而我跟2位日本同事吃了 三文魚頭火鍋 及一大堆 串燒 及燒物 一點煮物 質素不錯 當日一直飲酒 當天點了的食物三文魚頭火鍋 我覺得材料很新鮮 而且魚頭 在煮前有經燒烤 所以令湯更香串燒 是本人的最愛 而雞皮 雞脛肉 是最出色的 至於牛舌亦很下酒煮物之中的 豚角之煮 是我在日本 吃最多的食物 而在日本 各家店的味道都是不一樣的話回港後 我覺得這裡的 很好吃而這店前菜 亦很特別 會有煮物及冷努 我會再試 那條街 其他日本料理 下次再寫吧

今日中午行尖沙咀打開電話search開飯網搵日本餐見到LE間好評如潮 一於試下入到去一望咦 幾地道咁喎 好有日本feel好多日本雜誌睇 又有日本電視播緊OK啦 醫肚為上一見過menu 有D愕然星期日都有set lunch仲要成20個sets咁多選擇又有黑豚 銀鱈魚 吞拿魚腩 網燒牛扒等都好特別喔下 每份餐都唔過100蚊雞 咁既地方 OK咁喎!平還平 最緊要唔會一肚火即試一個"刺身壽司定食"不用多講等餐轉個頭就呈上魚生色澤唔錯 舊芥辣係薑磨架喎牌面好似都OK 即刻放入口嗯嗯!!~三文魚夠厚有口感墨魚夠爽 條蝦夠新鮮都幾鮮甜下整體一D都唔馬虎 四個字幾好食丫!不消一會 finished姐姐仔問我要雪糕定係茶水咁我要個熱柚仔蜜暖下個胃咁走既時候 姐姐仔提我話三人黎食set lunch 仲有"三文魚刺身"送見間野都幾有誠意 好!下次約埋D朋友食多鑊

朋友從雜誌得悉此食肆，故提議來這裡共敍午餐。她預先訂了中午十二點半；我們很準時到，可能下雨的關係，所以較少人。餐廳裝潢十分簡潔，看了餐牌，都有很多午市定食選擇。我同朋友不約而同都選了三色丼。可能人少的關係，很快便上餐了。三色丼內的魚生都很美味，份量也不算少。海胆亦不覺很腥。其中一個前菜很像芋頭，都很好食。唯一稍為遜色的是麵豉湯偏咸。食完之後，還有餐飲或雪糕選擇。當天是荔枝味雪糕，很少試這個味道；故決定一試。味道也很香甜，但奶味較重。我們坐了很久，侍應也不時為我們添茶，服務還算週到。下次也打算再嚟！

見咁多好評, 上週五趁放假lunch time去試呢間名店, 一去到好似話 menu 改左, 轉左廚...叫左兩個定食, 定食已經冇左蒸蛋, 跟兩沙律, 小缽 及湯. 另外叫左燒牛舌. 味道如下.1. 鰻魚飯 - 鰻魚好香, 好肥, 汁唔過甜, 但飯唔得, 過軟冇咬口, 唔似日本米 (可能我唔識食).2. 滑蛋豬扒飯 - 滑蛋普通, 豬扒good, 好冧夠脆, 但飯如上.3. 兩小缽 - 漬芽菜, 肉片乾. 味道唔錯, 但有d失望, 想象中係其它煮物..4. 沙律, 湯 - 一般味道5. 燒牛舌 - 好厚, 但超硬, 入面生到咬唔開, 又唔夠味. 结果叫佢再燒..$28一串既水準, 真不能接受.個人感覺味道可以, 但咁既價錢expect唔止咁小, 希望日後改進.

大家好 小弟第一次 寫食評 好了，上星期左右，其實忘了是星期幾，與幾位朋友在尖沙咀四處找尋美食，更計劃飯後落吧，幾條友便走到尖沙咀綿登徑附近，因為個度酒吧多，食完都唔想行太遠。咁我地發現綿登徑有四間日本料理，好明顯係走高檔路線，而其中一間更是老字號xx，勁多名人明星去食，不過消費係太貴，而且我真係覺得不太特別，之前食過幾次。而另一間是專食串燒的x，但係太悶主打串燒。最後我地幾條友選擇了利久庵，記得之前來這條街，呢間野都好似唔覺眼，但當日被佢門口個大燈箱吸左去，唔通係風水陣。入到去，感覺非常好，很靜很舒服，不過枱並太多，當日只有一枱4人位可以坐，之不過我朋友我女朋友會之後來，變了5個人，4個位唔知點算好，本身想走人，不過有位講英文女士明顯係日本人，突然招呼我地去一間房，仲有大電視，咁樣就FIT哂LA。之後開始點野食，一位女經理就入左嚟，係講中文，佢推介我地食每位幾百銀的套餐，咩都有齊個D，不過我地見個餐牌好多野食，咁我地就決叫2個套餐再散叫。不過未食野之前，就叫左D日本清酒飲，好快就WINGWING地，只記得其中一味燒牛舌係勁正，其他刺身亦非常新鮮，入口時仲凍冰冰，油

三月廿九‧陰天 約了朋友吃晚飯，首選的地方安排不到座位，去次選的地方又滿座，最後朋友記得棉登徑有好幾間不錯的日本料理店，就往這邊走。要吃得輕鬆，又喝點酒的，來居酒屋錯不了。 周五晚上九時多，這裡人客不少，起先還要坐在小小的二人檯，還好遲一點可以進佔隔離的四人檯，比較舒適寬敞。 先來喝的，先來朝日生啤，幾味下酒小吃分別是店方奉上的漬海鮮，魷魚鹽辛，烤三文魚籽及豚角煮，當中最喜歡的當然是鹽辛類，而豚角煮，也令人一再回味；再來就是燒物，分別是燒雞頸肉、燒蕃薯及燒雞翼，味道口感只及格；要了個火龍卷，捲得鬆鬆散散的，不修邊幅，收88蚊，絕要不過；另外的幾味料理，燒鰻魚年糕是值得一吃；牛油蘆筍炒帶子的蘆筍很鮮甜，吉列豬扒卻很不濟，水汪汪的。 最後也來兩味澱粉質食物，燒飯糰不香也不乾身，湯烏冬就煙韌爽口，吃起來也美味的。 想看足本食評及料理的相片，來這裡：http://gourmetkc.blogspot.com/2009/07/blog-post_631.html侍應服務不錯，值得一讚。 傾傾講講，轉眼又坐至打烊，埋單一千大元，不算很貴。吃過附送的雪糕，是吃得心滿意足的一餐。

本來沒有寫食評習慣, 只因答應了有劉華服務態度的"老闆娘"此食評. 我送妳的 用 "珍珠飯免費加" 來引他試這間未嘗過的日式食店星期六十二點半到環境整齊乾淨, 坐得很舒服, 很好"老闆娘" 落力介紹先叫一客日替 $100, 一客鯖魚定食 $7x - 8x詳情請看圖吧~因為我倆都大食, 再加一客咖哩豬扒定食啊! 幸好有叫這個, 因為喜歡, 所以加了一碗不用$~每個定食都有沙律, 味僧湯, 蒸蛋等...附甜品或咖啡很抵食, 三個定食加起來也只是二百七樓下地點也不難找, 鄰近港鐵

汁煑牛肉鍋是很日式風味的一樣菜式，牛肉片是冷藏的，但質感很滑，是入口即化的感覺，很有吃頭。有蔬菜如日本大葱、洋葱、冬菇、金菇等伴吃。將湯撈進白米飯內，就變湯飯,味道更加美味喇~

曾說要帶太座試勻棉登徑內所有的日式料理，今日來到最後的一站，就是在"道"旁的利久庵....自己之前來過一次吃午飯，留下的印象不算很深。是次與太座同來，可以吃多試多一些東西，想應可更全面的說一說這裡的水準吧....很熱情的老闆娘不斷作是日的午市套餐推介。上次吃過不時轉換的日替料理，對當日吃的不太感興趣，反而對menu上的汁煑牛肉鍋正式是"流晒口水"，而且還配搭了刺身三點付、小鉢、沙律、煑物、漬物及麵豉湯，陣容都可算是鼎盛。不試一下，怎對得起已差不多流乾盡的口水 ?....太太對一向心儀的魚生就只能吞口水而不能沾之只能order一份咖喱吉列白身魚飯定食，算是用來"頂頂檔"也可以啦....兩款定食都配有一味淋上和風芥末芝蔴醬的蕃茄沙律。開邊的蕃茄頗甜，菜的新鮮度反而是一般，最好吃的是那個芝蔴醬，味道甜甜辣辣的很開胃；麵豉湯沒有假味，不會過份的死鹹而且又不咯喉，吃得過....茶碗蒸內沒有常見的日式魚蛋片，卻有小粒熟吞拿魚及更罕見的鰻魚粒，挺特別。不過蛋略嫌蒸得過老，單是看到蛋的表面那些小洞便可得知了；刺身是最普通的三文、魚及tako。厚切的三文尚算肥美油潤；魚看上去色澤帶些啞，不是很新鮮，

上星期曾到這用膳. 現在才有空寫評語.當天選了 三色刺身飯定食 ,前菜: 茄汁煮紅蘿蔔牛脷, 還有其他連餐的.上菜後, 先嚐嚐前菜. 濃濃的茄汁味, 非常醒胃. 加上很入味的紅蘿蔔和牛脷. 顯示出師匠們的努力, 連這隨餐前菜都這麼嚴謹. 值得一讚.到主菜 三色刺身飯, 三色為: 三文魚, 帶子和海膽.三款刺身滿滿蓋在白飯之上, 先嚐各款刺身的味道. 三款刺身都很新鮮, 而我覺得帶子最為突出, 很鮮甜且厚大. 另外三文魚都是厚身的. 最後是海膽很是香軟細滑. 以這樣價錢能吃以上質素優質的刺身, 物超所值. 而刺身醬油是他們自己調味的, 不會太鹹也夠香.除此之外, 還有冬菇絲, 甜甜的蛋和酸薑, 冬菇是帶有微微的鹹味.整體的配合很好.味噌湯都很不錯, 配料份量恰當, 豆腐亦很滑. 而且味道不太鹹. 喝了不會感到渴.還有其他配菜, 如 醃蘿蔔, 沙拉都很可口. 沙拉選料亦都很鮮, 配上日式沙拉汁, 酸酸的芝麻醬, 很香很醒胃.甜品是紅豆雪糕, 味道不錯, 還有一粒粒的紅豆, 令雪糕變得不太單調. 不過溶化的速度蠻快的......不知是否那盛雪糕的杯子原本是熱的還是怎的, 如他們能先為盛雪糕的