利寶閣 (已結業)

日式放題食得多。點心放題真係第一次。利寶閣嘅點心平時都好評多多,放題任食真係要試下。 即時約朋友仔去試下。任點任食2小時，時間真係好夠。而且啲野都唔會嚟得好慢。最好嘅係每款點心都係以（粒）（位）（個）做單位。 蝦餃可以叫一粒。 咁就唔會浪費。又可以食多啲唔同款。真係大讚。 但順帶一提。因為真係即叫即蒸，仲要逐款分開蒸。所以最好一次叫多幾款。每位額外送原隻鮑魚酥同花膠灌湯餃。點心款式又多好好食，蝦餃都有2款。有普通蝦餃同水晶蝦餃。2款都好好食，鮮蝦新鮮又爽口彈牙。絕不將價就貨。燒賣皇，多層口感。面層鮮甜爽口，再配下層鮮蝦豬肉。好夾好好食。花膠灌湯餃。真係有花膠㗎！份量仲唔少㗎！鮑汁雞腳又好好食，充滿膠原，夠晒入味。正。仲可以逐隻叫。仲有蛋白杏仁茶，楊枝甘露，芝麻卷...甜品一樣咁出色。 百幾蚊位真抵食👍🏻

早前看到有點心放題即刻去了試！分享一下～..........一坐下與普通飲茶差不多有點心紙有茶等左一陣佢就上咗鮑魚酥同埋花膠灌湯餃鮑魚酥非常好食 鹹甜適中灌湯餃亦不錯 好足料..........佢嘅點心係即叫即做所以等候時間會比較長但係點心選擇都幾多 超過50多款我哋叫咗蝦餃丶鳳爪丶金錢肚腸粉等等全部都幾唔錯！特別想讚佢啲餃除咗蝦餃仲有菜苗餃全部餃都好好食！熱辣辣皮薄餡靚👍🏻👍🏻..........佢另外仲有甜品我哋試咗香芒布甸丶杏仁蛋白露布甸唔錯！好有芒果味👍🏻蛋白杏仁露就略為稀咗少少但味道可以接受😆另外仲有其他抵食美食包括蘋果叉燒酥﹑荔蓉蜂巢帶子﹑百花燒賣皇﹑楊枝甘露﹑暗然銷魂飯﹑籠仔飄香荷葉飯等等每人$148有咁多嘢食 物超所值啦！..........利寶閣分店地址︰上環德輔道中199號無限極廣埸2樓

今日去開上堂，在朋友介紹下到此酒樓一遊，原來這個酒樓正在做一個網上廣為人知的活動， 就是飲茶放題。 一進去就看見有很多人在飲茶。 飲茶放題的價錢還可以，150元一個位。每人送一份 鮑魚酥 同埋 花膠灌湯餃，非常之吸引。 鮑魚酥的撻底十分鬆化， 好食到停唔到口， 可惜只有一件， 果然往事只能回味呀。 第二度菜是花膠灌湯餃，不但灌湯餃有手掌般大， 餃裏有足料的花膠，豬肉，蝦肉， 鮮甜無比， 再加上秘製上湯， 味道濃郁。 貌似平凡的揚州炒飯及豉油王炒麵， 新鮮熱辣送到上枱， 炒飯粒粒分明， 炒麵煙韌有咬口， 是必點之選。 鳳爪一共有兩款，有豉汁鳳爪同鮑汁鳳爪， 兩者都滷得入味， 連粒花生都入口即溶。 黯然銷魂飯真不愧係黯然銷魂，甜甜嘅醬油再加上惹味嘅豬油， 加上有咬口的半肥瘦叉燒， 令人食指大動。 黑椒牛肚 黑椒惹味香濃， 整個點心蒸得恰到好處。 其他香酥脆口的點心都不錯， 例如有芋絲春卷， 叉燒包， 鹹水角，煎堆，炸蝦餃， 鬆脆有熱辣辣， 再加上我覺得也很不錯的杏仁蛋白茶及芒果布甸， 150蚊算十分抵。

上星期我媽聽波友講有間放題專食點心， 對於老人家嚟講， 點心確實吸引他們。 所以我呀媽哦足我幾日叫我帶她去食。 話說我媽要去上環買古董，所以特意選今日去食。 上環依間可能偏遠，所以唔係太多人等位，大約等十分鐘左右就有得入去食。 入到去先發現，入邊好寬闊，好多位，而且枱枱滿位咁。 睇嚟依到放題都幾多人來幫襯🤣我留意到好多人都係嚟食點心放題。 確實$148一位， 對於我嚟講係平嘅！ 而食物係點呢⋯⋯？ 繼續收看👇🏼坐底佐， 有一疊放題點心紙。 記住枱號就可以點啦！ 大家要留意， 點心紙內的食物‼️量詞‼️差不多每款以件計算。 我覺得依個idea 好好， 通常食點心，都會一籠籠一碟碟上，每樣鎖定三至四件點心。 如果真係唔好食， 真心浪費金錢同胃入邊嘅位置所以見到以一件件叫，個人好欣賞又支持。 其實食開放題，真係怕有伏，怕唔生鮮，怕煮完放好耐。 今次係有喜出望外的。 推薦1: 鮑汁雞腳 （叫咗6件） 煮得好入味，醬汁搭配剛好，雞腳煲淋了，入口咬一下即化，好似化骨棉掌咁！ 好味推薦2: 豬腳薑（叫2件） 怕好快食太飽，只叫兩件試下， 又一入味之作。 好足味，唔會hea你。 而且軟熟，肉質唔實，唔會太

今日做個乖孩子約媽媽出去飲茶，當然要揀地點方便，食物質素好嘅地方，搜尋下呢到做緊$148/位嘅午市放題（茶水加一另計），約定媽媽去嘆下先。星期日係上環區估唔到都咁多人嚟飲茶，但好在酒樓夠大，位又多，好快就安排到入座。放題任食2小時，款式大概超過50款即叫即做點心、小食、粉麵飯及甜品任點任食，另外每位更送原隻鮑魚酥及一份花膠灌湯餃，非常足料。點心選擇與平時飲茶無異，而且仲有好多特式嘅點心及小食提供。以下係個人推介——————豬腳薑，味道甜甜唔會酸，豬腳好入味，蛋亦唔硬，真係好味又養顏；懷舊芝麻卷因好少地方仲有得食，可以懷緬一下，食落好香芝麻味，而且唔太甜；蘿蔔金錢肚金錢肚炆得入味而且軟腍；仲有必食嘅晶瑩鮮蝦餃及百花燒賣王，完全大滿足。呢到放題點餐形式不錯，可依照件數或位數去點餐，大大提高珍惜食物不浪費嘅情況。唯一需要改善之處可以話係上菜速度，可能即叫即做嘅關係，所以會比較慢，但始終係限時，所以如果能夠有些少改善會好些少，不過整體而言是一個不錯而且物有所值嘅選擇。

人少去飲茶食唔到d乜依家竟然有放題。。。梗係可以盡情咁食喇。。。因為每樣野叫一兩件就得上環店$148 兩個鐘，每人包一隻鮑魚酥同灌湯餃好吸引加茶介同加一，每人大概180蚊落樓，大滿足不過呢。。。上點心實在太慢，又漏單一夠鐘就即刻要埋單，即使未出曬單。。。鮑魚酥好煙in 不過個皮就林曬原則上所有點心都無特別話因爲放題而質素差正正常常不過腸粉太厚，蘿蔔糕好粉。。唔多好食奶皇包得個甜字，唔香推介有炸雞亦，熱辣辣超香脆仲有雞粥，d雞好滑美中不足無得揀蛋撻

日式放題、西式自助餐都食得多，中式點心放題就第一次食。最近見到宣傳$148 兩小時任食點心限定放題，一於訂定今日同老公去撐下枱腳😛坐下不久，侍應就送上原隻鮑魚酥及花膠灌湯餃，每人一份，是贈送的🤗🔸原隻鮑魚酥鮑魚非常軟腍入味，撻底好鬆脆 ，牛油味香😋🔸花膠灌湯餃好足料, 花膠大大片 ，隻餃都大隻㗎👍🏻，湯底清而不油膩，正👍🏻D點心係即叫即蒸，所以要俾少少等候時間，點心既選擇都幾多 。試了好幾款點心：鮑汁鳳爪、晶瑩鮮蝦餃、鮮蝦水晶餃、百花燒賣皇、蒜香雞中翼、暗然銷魂飯、豉椒蒸排骨、油鹽水菜遠、鮮茄雲耳浸菜苗、養顏貢棗糕、 蘋果叉燒酥、楊枝甘露我推介的選擇有:🌟蝦餃、水晶菜苗餃~~兩種都皮薄餡正，入面隻蝦又爽口又大隻🌟蒜香雞中翼~~大隻又肥美，啖啖肉之餘又充滿蒜香味道， 夠熱夠脆，好惹味㖿😋😋!雞翼控必點之選🥰🌟楊枝甘露~~芒果味香濃、夠冰凍透心涼❄️🌟蘋果叉燒酥~~外皮鬆軟、叉燒加上蘋果好夾👅🌟鮮茄雲耳浸菜苗~~蔬菜相當新鮮及清甜，呢個組合好清新，正好中和點心的油膩感👌🏻這裡整體食物和服務不錯，而且可以給客人選擇吃點心的份量，頗貼心❤️原價$228 現在限定$148，另加茶水每位$15及加一服

-今日同屋企人專程黎到上環利寶閣，一嚐點心放題。$148起任食2小時點心中菜，一次過品嘗超過50款點心＋小食而且仲送原隻鮑魚酥及一份花膠灌湯餃。請屋企人歎個豪華點心實在大方得體。味道惹味，花膠彈牙軟滑-性價比高，點心小食應有盡有😻😻而且食物質素頗高，份量都好足夠。我自己就最中意食原隻鮮蝦腸粉、晶瑩鮮蝦餃、百花燒賣皇、蘋果叉燒酥，水準同平時無異，腸粉滑溜，蝦餃蝦肉爽，而且大部分都係熱辣辣，真係幾唔錯。另外亦有廚部小食及涼拌菜，例如蒜拍小黃瓜、沙田雞粥，就連黯然銷魂飯也有，所以同屋企人黎食，都係一次唔錯幾體驗！👍🏻仲有甜品食，甜品又第二個胃-👅味道:8/10🍽賣相: 8/10🏰環境: 8/10🙇🏻‍♂服務: 8/10💎CP值: 8/10⚖人均：$150-200

中午時候一支公去咗中環嘅利寶閣嘆茶，一個人比較易揾位，叫咗一壺水仙，点咗幾個㸃心，包括有罐湯餃，鼓招鳳爪，珍珠雞同埋义食嘅蝦餃，等咗成十五分鐘，點心開始來了，先食蝦餃，味道唔錯，罐湯餃我連湯都飲埋，珍珠雞都好大隻，食晒啲點心跟住再嘆埋份報紙先回家。

鐘意食點心既人最開心係咩事呢？當然就係點心放題啦！🥰可以唔睇價錢係咁叫自己鍾意食既點心！爽呀今次叫咗好多唔同嘅點心十分之開心一於就等我分享下今次叫咗啲咩點心啦！鮑汁鳳爪啲鳳爪好林 好重鮑汁味！🤩蝦餃啲皮好薄而且有好大隻蝦有水準！😋由於呢度係可以自己選擇點心嘅份量所以我哋每款腸粉都叫咗一條個人比較喜歡食鮮蝦腸👍🏻原隻鮑魚酥一啖過鮑魚好有咬口😆花膠灌湯餃有水準鹹菜豬肚雖然細細碗但係估唔到都有好多豬肚正唔經唔覺都食咗好多嘢好飽好滿足雖然係放題但係份量都好足有誠意

去酒樓飲茶吃點心，有時會吃得不盡興，因為不能點太多，怕吃不完。但今天，朋友帶我來吃點心放題，說是可以任點任吃。這間酒樓其實已經經營多年，為了順應潮流，推出了放題的點心款式都算多，分了四大類。每款點心都可以單件點。放題限時兩小時，入座後每人會先奉上灌湯餃和鮑魚酥。之後我們再點了多樣點心，XO醬炒腸粉、大包、金錢肚、拍黃瓜和陳醋木耳等。大包很懷舊，現在很少地方做了， 雖然包很美味很鬆軟，但餡料比以前差多了。XO醬炒得很乾身很惹味。荔芋炸帶子和煎蘿蔔糕也很出色。其中蘿蔔糕是見到有蘿蔔的不是全粉漿。另外本來還有點燒賣的，但因為太好味所以很快被人吃掉來不及拍照！甜品點了蛋白杏仁茶，也很滋潤很不錯。

又到左跑步比賽既日子同左三位朋友一齊參加比賽跑完之後即刻落大雨好好彩😂跑完步勁肚餓落雨濕濕又唔知去邊好叫左老公陪我去飲茶可以坐耐d嘛🤣呢間茶樓有「點心放題」架睇見都好吸引佢地都好多款式選擇我地兩個人如果平時叫點心一籠珍珠雞、一籠燒賣真係食唔哂又唔可以叫得太多款但呢間可以逐隻、逐粒叫咁就唔會浪費啦有幾款我都覺得幾好味馬拉糕、芒果布甸、雞粥、蒜香雞中翼、珍珠帶子腸粉等....推介蒜香雞翼，超香脆👍🏻芒果布甸真心唔錯👍🏻香濃芒果味呢度仲送原隻鮑魚酥（每位）同埋花膠罐湯餃（每位）鮑魚彈牙、酥皮鬆化罐湯餃湯底清甜、肉餡香濃仲有暗然銷魂飯、十勝紅豆雪糕脆麻花都好Yummy架仲有其他傳統點心金錢肚、春卷、蘿蔔糕、煎茄子呢度咁多款式屋企人又鐘意飲茶等我下次帶屋企人黎嘆下先🤣

周末晨早行山日後的代價是什麼？每次運動過後當然是自由自在吃一個放題來補充體力啦😋，每次講起放題都是刺身呀壽司呀，今次就來個特別一點嘅放題吧，就係真心人生第一次的點心放題💪講得點心放題就一定係張紙到任點任叫，今次有緣來到上環利寶閣試試五十數款點心限定放題，一次過Display比大家睇睇有咩揀😆。主要留意一點是，原隻鮑魚酥及花膠灌湯餃是特別贈送的兩款點心，不在order紙中，店員會隨時間送上。吸引我到來此處，這兩款點心功勞不少😆，鮑魚酥有煙肉和薯蓉配上一隻糖心鮑魚，食落口感不錯，花膠湯清甜配上豬肉水餃入味比普通灌湯餃美味好多。海味山珍級享受再加上任點邪惡點心麵飯甜品用大胃王的CP值對評一定是滿高分數。而且Order唔駛怕份量太多,因為件數可以隨各人口味而點選份量多少，由於點心太多款就不逐一介紹啦，如果真係要推介我的選擇是: 沙田雞粥、沙爹金錢肚、蒜香雞中翼、香芒布甸及十勝紅豆雪糕脆麻花。其他款式就因個人口味隨做選擇填飽肚子滿足享受😋原價$228 現在$148的午市放題是早上11時至下午4時，任坐任食的確係周末休閒靜坐的好地方，另外就係留意返這個放題限定日期是4月13日至7月7日，茶水每位$

星期日是家庭日， 我地嘅指定節目就係飲茶。不過今個星期因為家姐去左旅行，得返do re mi fa四丁友， 所以我就想變下。知道幾間百貨公司都在大減價，所以我就拉佢地陪我出上環永安逛，因為我要買咖啡濾紙😊，佢嗰度有100pcs裝，如果再打折就都幾抵架。當然世上冇免費午餐的，作為等價交換，我就要請佢地飲茶😅。今日揀左隔離商場嘅呢間利寶閣，有人同我講佢有點心放題， 今日要去上環永安買咖啡濾紙。話時話呢間點心一向唔差，以前在銅鑼灣返工都經常有去lunch。但我最鍾意都係佢放題形式每款點心可以單件點起，咁就唔使怕要就其他人口味，可以盡情點各自想食想試嘅點心咯。點心放題本身已經包括每人一份鮑魚酥同花膠灌湯餃。跟住我地就亂點了一大堆點心，其中有媽咪嘅豬腳薑、細佬嘅燒賣、弟婦嘅腸粉同暗然銷魂飯、當然唔少得我嘅籠仔蒸雞飯啦😁，我好餓呢！燒賣好新鮮好大粒，味道好好。腸粉質地唔錯，個粉漿調得好好。而我地一致通過全場最好味係個籠仔蒸雞飯，個雞好滑不特止，佢嘅調味有兒時味道，是簡單加了燒酒醃，所以帶點酒香😋。雖然我地都唔係食得好多，但呢個放題形式令我地食得冇負擔，唔使怕啲野食唔哂囉。

平時食放題食得多，但點心放題真係第一次食喎！仲要係利寶閣推出，當然要搵日放假拉埋我屋企人一齊去飲茶啦！平時飲茶幾條友，叫既點心又唔可以多，驚食唔哂。但樣樣都好想食。點心放題真係岩哂我地喇！有成五十多款既點心，小菜，炒粉麵叫，仲每位會送一隻鮑魚酥同花膠灌湯餃添。而且最好既係，每款既點心可以以 每粒 去叫，唔怕一籠點心食唔哂，樣樣都可以食😁食點心當然唔可以無 蝦餃燒賣腸粉啦。平時仲要係”特點”黎，真係唔捨得叫。😆即刻叫多啲！都幾大粒幾足料架，但粉皮唔會話太厚，都唔錯。腸粉可以一次試哂咁多款味🤭 最鐘意食 帶子腸粉，口感又爽口夠鮮。流心奶皇包🤤🤤好邪惡，但好鐘意食！熱辣辣，好好味！鮑魚酥又幾新穎既配搭，鮑魚夠入味，好煙韌。咸菜豬肚夠哂惹味，豬肚唔會話有陣腥味。上湯鮮竹卷，幾好味。連埋個湯一齊食，無咁熱氣。鮑汁鳳爪 ， 個汁無平時個啲咁鹹。鮑汁都幾襯鳳爪。除左點心之外，仲有甜品糖水叫。個芒果布甸 又幾好味喎，好多芒果粒。