利寶閣 (已結業)

服務態度極差,大部分點心都話冇,點錢買難受,垃圾,咁大個集團服務態度都可以差到咁樣點解仲未執笠?曾經佢哋都冇咁差點解而家變成咁…所有員工好似唔願做你生意咁,得嗰少少點心可以嗌都仲可以錯漏百出,168蚊一位放題比佢平既多的是,服務態度比佢好嘢食又多又好食,真心冇必要食呢間咁嘅垃圾,記得以前食佢夜晚都唔係咁樣起碼食物ok,而家係食物唔好食員工服務態度又差,最好笑坐咗成個鐘叫嘅嘢都未嚟先至話冇貨,飲茶蝦餃燒賣都話冇貨咩玩法,問經理佢就話寫到明買曬就冇貨

其實搞放題都知大鑊，但我諗住係翠園（記錯左Lee Gardens）果間唔會差得去邊，點知黎到見到樣已知瀨野 ... 當時我12點到還好，第一輪好快到，但無留意到好多點心原來以件叫，於是唯有叫第二輪，第二輪等左半小時，以為部分野唔到，再叫第三輪，等極都未有，當時已是1點，可以食既時間只剩1粒鐘（因為有兩小時用餐限制）催啲侍應當我唱歌還掉番轉叫我地體諒，但啲人又不停咁好忙咁行黎行去唔知忙乜，最奇怪係點解豆腐花同雪糕杯都要等！？咁老實講我覺得又唔係人既問題，食肆要知道做放題同fine dining其實係唔同business model，要廚房樓面改面營運模式，仲要學人搞網購，同寫鱔稿，更大鑊 ... 最尾我只食到一粒蝦餃🤬 而臨近兩點，每檯開始complain，有檯客仲掟卡片落部長到

It was suppose to be a happy occasion with friends and family after this pandemic situation. I was there to yum cha this afternoon. They have the worst customer service in Hong Kong food and beverage industry. I was waiting 45mins after I placed my order for dim sum. I was wondering what happened to my order. So, I checked with the restaurant manager and they told me they didn’t even enter my order. They didn’t even apologize for their mistake. I have an 80 yrs old mom waiting and no one

點解可以咁差的.....味道已經不再是重點，但是服務真是強差人意，由等枱到下單到送點心都係三個字 、[差］，連加水也要客人自己做因根本不夠人手，有客人甚至直入廚房自己拿一大壺水返自己枱。點心出了等分送到枱也要15-20 分鐘，到咗都凍咁了！12:39 分下了點心單，到 13:33 才有第一碟滷水豆腐出，其他蒸的點心一個鐘後都無影，問嘅時候先同你講唔知點解無出單，今時今日咁嘅服務真係......😓😓😰😰

星期三晚放題最平，一行4人埋單連茶錢、加一，每人$300有找放題食物選擇真係唔多亦唔吸引，非常失望。主打嘅佛跳牆，賣相以為係例湯（味道還可以）、天婦羅似炸物多啲；脆皮燒腩仔係微涼而且唔脆；扇貝非常淡口冇味、大少只得5亳子（包括內臟）；其他炸雞亦、3-4款蝦、蒸魚、涼菜都係街坊洒家水準片皮鴨係唯一比較出色，所以我哋食咗2轉，份量亦彼大碟，可惜樓面太忙，冇時間補充青瓜條、蔥絲服務方面，3位樓面照顧8-9枱客, 冲水、落單、上菜、收碟、換碟以至片皮鴨片皮都係3位負責。服務態度良好，但難免有漏單、上菜速度慢問題。火鍋牛肉，追咗4次先有（大約等咗40分鐘），真係懷疑係其中一位樓面入廚房切😅😅總結，可一不可再

此店疫情求生，做北京填鴨任食已有一段日子，但上環的京菜店倒下了，粵菜店接棒，改良再戰。改良方法不滲入粵菜，而是做晚餐，和牛和北京填鴨任食。惜海報重點不清晰，欠焦點，平日晚上只有幾檯客。又粵菜又火鍋又烤鴨又重慶雞煲，「唔明！」烤鴨是重中之重，水準與上環店一樣，皮餅熱烘烘，十足與北京菜店一樣。鮑魚佛跳牆限一盅，是此高級粵菜店一向水準。其他粵菜很「馬虎」，如咕嚕肉，風格似快餐店，與前年晚餐的比較，完全是兩碼子。燒味更差勁，炸蝦多士則可以，脆香鮮嫩。「自助火鍋」與我理解全不同，只是食客自行堂灼和牛。一檯一爐的爐子與快餐店無異，火力有限。重點的「極黑和牛」有驚喜，是火鍋店的正貨，竟可無限任食。牛肉味濃厚，每碟牛部位不同。送青菜自灼放題。烤鴨和和牛放題，足以值350元每位的實價。況且，同類放題少有。其他重慶雞煲和天富羅是東施效顰。很多川粵菜宜刪除，以免降低評價。蒸元貝或蒸其他海鮮可保留。所費人力有限。甜品則是此店原有水準，十分可人。如只想食烤鴨放題，來午餐點心放題便可。

之前已經諗住搵間點心放題試下，本身想試神燈。。但又唔想去咁遠，最後都係近近地去利寶閣試下我無book, 11:30 去到有好多位！任食2 小時$168, 茶，加一另計🙈唔算平， 即管都試下。種類不太多，很多點心重覆叫左好多次蝦餃最好食，咸水角，炸芋，春卷，都ok, 其實食物都可以，係服務差d, 人手唔夠😒😒

已經唔係第一次去，但係次次都係一樣，今次最離普。一如以往：個埸大把位，執好的枱都已經有唔少，起碼有4-5張。女黑衣叫知客帶人入去，知客就話好忙，叫人係出面排隊等，但又唔派飛（佢好鍾意去小食位煮嘢食俾人，入單，同同事和客人吹水），兩個女人互閙了一陣後，男黑衣和兩個女黑衣就繼續執枱，知客繼續煮佢嘅嘢。出邊連埋自己，其實只得兩個客。終於入座後第一時間問用唔用得張cash coupon ，個男黑衣話可以 （上一次去，賣單時先話下午茶時段唔用得，雖然coupon 無寫）等好耐先有人想睇到我地&落單和知客例必落錯單也不是新鮮事。到賣單時，知客話：呢張coupon 唔夠$200唔用得。真係火都嚟！ 我都係諗住用埋佢，以後都唔會再去。我問佢條例中邊條有寫？ 佢話會搵經理。突然全埸無曬侍應，再追知客，知客話經理問緊。問咗好耐，我再找女黑衣，佢話佢唔係經理，另一個女黑衣話佢係經理，叫我入後冷同唔知邊度的禮賓部講。我叫佢自己去讀一次條文，佢不斷話佢知，又話張coupon 唔係佢地的，所以唔可以用。攪咗半個鐘頭，女經理問我：你張coupon是幾時，點樣換的？因為如果是12月前換的就可以用，之後就唔用得。咁好明

不知所胃！垃圾！態度差！佢地係咪淨係鐘意做熟客？寫完紙仔，揚左十幾下個經理見到都仲係要同人吹水唔理我，大佬呀食飯時間呀肚餓架，見另一個伙記抄緊米粉唔得行先死死地氣過嚟我度。食物質素不好！d點心叮叮嘅都好味過佢！食晒先見到有條垃圾係籠入面！衛生惡劣！

去過The One、奧海城、利舞台三間利寶閣。時為早上11時15分。剛剛去過利舞臺嘅利寶閣，全場約有十張枱有人：有兩個職員同茶客打聲牙骹。有驚喜亦有驚嚇， 原來而家做緊148放題，真係抵到痺。 我哋諗住十一點實有位，今日又好想食Bunch， 又真係大把位，令我滿心歡喜。點知等咗兩分鐘，完全冇人騷我哋，有啲唔對路； 跟住有個女部長喺200米外高呼同我哋講：冇曬位喺，你哋喺出面等啦。 一係我見鬼，一係佢撞邪：間酒樓咁多枱，望落最少七成空位，唔係啩？阿女部長呼喝完之後，已經冇再理我哋：又唔幫我你mark低等位，又唔畀飛，咁唯有冇引離開。 其實幾十蚊一餐、到二三千蚊一餐，我都係咁食：冇乜計較價錢。唔知點解女部長咁黑面同埋一臉不屑。我諗作為服務性行業，係應該要檢討下。

見到門口有題心放題入到去個女經理好惡，話無訂位就無下咁你放個牌出嚟做咩？.之後我們出門口，馬上打電話2881 1682訂座，又ok 無問題可以有放題.......人手不足我明白點解，所以大家唔好預期好好食物上得慢，質素對得住個價錢，每個人送鮑魚酥及灌湯餃.不過個蝦餃皮略微厚左少少

呢排同事間互相介紹食乜好? 😄邊間好? 價錢如何? 抵吾抵食?😛 除了打邊爐, 我必定推薦吃時令大閘蟹🦀🦀🦀🤩，好老實，一年只得這2、3個月有得吃，為何有此好者不趁機會做次＂小胃大解放"😜🤭我毫不執輸😌堅決完成10隻大閘蟹的大挑戰，誰都不能擋我 🙅哈哈🤪吃到第6隻已經肚脹了，為了達到最高的成本效益，我確實努力了，也最終完成這創舉, 是10隻🎉🥳🥳🥳 回本了🥇🏆就是喜歡"公公"🦀的膏，啖啖軟糯黏口的感覺, 實在是太久違和思念了😘😘😘其實清蒸便行了，原汁原味，但既然有得選，那個花雕或盐油都值得一試吧😆其餘的配角: 螺頭湯、北京片皮鴨、8頭鮑魚、冬菇、糯米飯、甜品等等，對我來說，達到水準便行，實不用苛求! 反正我人好專一 😏 為了"公" "公" 🤵🦀🦀一心一意的💞🤭服務員有問有答，迅速解決你的問題，我也是衷心滿意的👍👍👍😃

見到網上介紹有任食既大閘蟹，所以約朋友一齊去食~呢間酒樓提供大閘蟹任吃，大閘蟹有3款，分別係清蒸大閘蟹、花雕蒸大閘蟹同鹽油焗大閘蟹，除左大閘蟹外，每人有包一份花膠湯，鮑魚花菇，花雕醉蟹，仲有片皮鴨任食~ 湯同鮑魚就不過不失，凍既花雕醉蟹就第一次食~雖然大閘蟹係任食，不過質素唔差，都好新鮮，4兩既蟹公隻隻都好多膏呀，好味！(♡˙︶˙♡)只係有幾隻就比較瘦！3款煮法中，最中意係清蒸，原汁原味，我地食左好多隻呀～酒樓人手不多，所以大閘蟹頭一輪就等得比較耐，大概20分鐘先上枱～ 等蟹同時，我地就先食片皮鴨，片皮鴨係自助形式，有師傅不斷切，同朋友密密食左好多，片皮鴨油脂豐腴，都唔錯～ .套餐包埋甜品，不過我覺得選擇一般，我地試了紅棗糕同埋薑汁湯圓暖暖胃~~整體來講大閘蟹嘅質素唔錯，隻隻都好多膏，但係餐廳可能唔夠員工，大閘蟹就要等耐啲，如果上菜速度可以快啲就更好

昨日星期天食点心放題两位，落單後等了45分鐘才有笫一樣点心到 ; 即時落第二張單，怎料点心又到吾齊 ; 水又冇人加，食客又吾算多，伙記多次見到都吾主動去做，要自己要求才幫你加 ; 食物質數飛常一般，同街舖買的沒有分別 ; 点心選擇又小 ; 但是收$就飛常快，由於結帳數目與本人計的不同，一問之下，答 : 噤你想幾多$丫。 我即時火都黎，現今役情下還有這種工作態度，真的不要得，假如經濟好D，你地咪吾使做 坐係度。真的貼錢買難受，一肚氣 🤬

如果想食片皮鴨同埋糯米飯食飽的話，就即管比四百幾蚊入嚟食啦！不停喺度等，不停喺度期待究竟啲蟹幾時上枱，等咗足足一個鐘頭之後，終於有幾隻蟹上枱喇！真心唔明白點解要等咁耐，明知道間餐廳係要做放題，點解唔可以出餐出得快啲，其實呢個係咪策略之一呢？係咪唔想出得咁快俾人食呢，如果係咁就唔好學人做放題啦。不過一打開隻蟹見到咁嘅質素，如果唔驚食物中毒，即管放馬過嚟啦！總之一句到尾，呢間野，冇下次！🤮🤮🤮 比呢個價錢，寧願自己同幾個知心好友夾份買籮蟹返屋企食啦