利小館 (已結業)

這是利苑的新分店，名為利小館，名符其實，菜式與利苑完全不同，不是食小菜，而是食精巧創意的小點心、甜品及粉麵。價錢雖不是十分大衆化，但設於元朗Yoho Mall內，這種價錢，我認為也算是公道的！內裡空間寬敞，座位也舒適，與其他酒樓不同之處⋯⋯是它沒有一壺壺的茶，侍應並不會為你開茶，要飲茶，得在餐牌上點，侍應會為你送上精美的茶包，不喜歡飲茶的朋友可以揀奶茶、汽水、果汁、竹蔗矛根水、意米水、豆漿、羅漢果茶⋯⋯應有盡有！我選了天山雪菊，非常清香，濃淡任君自行沖調！食物貴精不貴多，客人可以試多幾款口味，符合香港人心態；用新穎的運輸帶運送食物，不但節省人手，食物也保持衞生，令人食得安心！談談食物方面：青芥末螺肉，份量不多，但辣味夠激，爽口好食。密汁火方，蝴蝶包軟，好食，火腿肥瘦參半，但瘦肉部分較硬，略為遜色。蜂巢芋盒，皮脆鬆化，餡料豐富。楊枝金露，料多，甜度適中。义燒包，皮軟，好食。

去過屯門果間菜色精緻，味道好。點知呢間同屯門果間唔一樣，菜色賣相不好，味道差，好似微波爐整翻熱甘，根本無服務仲要加一。。。。。。。。。。。。。。。。。。。。。。。。。。。。。。，，，，，，，去過屯門果間菜色精緻，味道好。點知呢間同屯門果間唔一樣，菜色賣相不好，味道差，好似微波爐整翻熱甘，根本無服務仲要加一去過屯門果間菜色精緻，味道好。點知呢間同屯門果間唔一樣，菜色賣相不好，味道差，好似微波爐整翻熱甘，根本無服務仲要加一

電話訂位時，職員強調用餐時間只有一小時十五分鐘，當場感到非常詫異，因為用餐當日並非星期五六日假期日子，職員亦無話如果無客人訂位可以繼續坐，對於我與朋友黎講都感到無奈，因難得一聚，仲要朋友本身住大埔特意遷就我到元朗食飯（因我懷有身孕），無理由坐一坐就走，所以諗住去到再決定情況入到餐廳，客人人數唔多，不過無諗過中菜館竟然有自動傳菜輸送帶響卡位旁邊，檯旁仲有個水喉可以自行斟熱水，最方便就係可以用Pad點菜，圖文並茂，我地兩個女仔點了以下菜式：原湯野菌娃娃菜：味道超淡，只食到娃娃菜原味，可能因此命名為原湯（當初以為原湯=上湯），但諗唔到細細碟已經$45雞絲粉皮：麻醬味超香，雞絲略咸，但略嫌部份粉皮黏埋一舊，味道都ok秘製瑤柱荷葉飯：味道唔錯，不過糯米飯可能蒸過長時間，所以飯質好軟及太腍身椒鹽魷魚鬚：脆漿厚度適中，味道唔錯蘿蔔絲酥餅：酥餅皮咬落鬆化，蘿蔔餡清甜，味道唔錯南京素鵝：內餡有菇碎，咬落外脆內軟，配喼汁食唔錯南翔小籠包：味道好普通，略嫌外皮比較厚栗蓉焗布甸：內餡有濃厚栗子蓉，味道不算太甜，好好食，不過用紙碗上略嫌奇怪元肉雪梨茶：味道普通以一間中菜館黎講，食物味道普通，菜單選擇並不多，由於

今日5打5撞黎到呢間有自助送餐服務既利小館中菜餐館黎講，呢間餐廳算得上十分智能化。唯一擔心既係老年人不能駕馭這種high-tech既restaurant. 😂 今晚4條友食飯，甘就叫左7樣食物啦1. 燒乳鴿 - 味道 炸得乾身而小油2. 擔擔麵 - 花生味道偏重，食過詠黎園既人可能會五太中意3. 老干媽四季豆 - 比較夠汁，我中意夏麵館既乾炒4. 荷葉飯 - 一上枱有好香既荷葉味，感覺好清新，味道又岩岩好，五太咸5. 鮑汁鳳爪 - 巧巧食耶，中意食鳳爪既你五好錯過6. 青爪縲肉 - 一個字 正！ 口感清新帶有wasabi既味道肉感煙銀7. 醉雞 - 無咩酒味既醉雞岩哂小朋友食啦，值得一提既係雞肉軟硬適中好味道！下次有機會都想再試其他菜式

本來想去隔離牛陣打鞭爐，但姪女話喉嚨痛想食其他，就去左利小館，見到價錢唔算貴，食物精緻，唸住可叫多幾款就入左去食啦，沒太大驚喜之餘還有點失望，不過最特別係佢竟然採用左同元氣一樣既送餸軌道，好特別，d餸菜係你隔離飛黎飛去，同全部卡位，好舒服

同人去利小館,叫咗幾樣嘢.花雕醉雞以價錢嚟講個份量比較少,好彩當日係雞髀位,肉質比較多同嫩滑,味道就帶酒香唔澀.陳醋雲耳入面加咗百合,青瓜,紅椒,酸香爽脆,都幾開胃.XO醬煎蘿蔔糕,蘿蔔糕切成骰仔大小,不過XO醬味唔濃,糕身亦比較濕潤鬆散.鮮蝦意式白汁意粉,粗身嘅意大利粉表面蘸滿白汁,當中有蝦肉,青紅椒等.奶味濃郁.有啲西式嘅感覺.蜜汁火方,金華火腿表面蘸咗稠身嘅蜜汁,夾晌包子之間嚟食,既甜又中和咗金華火腿嘅膩感.四喜烤麩,烤麩吸滿醬汁,都幾香甜,雲耳同花生就令成碟嘢更有咬口.香檳汁海鮮焗飯,鋪咗厚厚芝士同醬汁焗成,下面嘅飯粒粒分明,同埋加咗啲海鮮,對芝士控嚟講都幾滿足.

在明珠閣完成了一頓太豐盛的冬至午餐，來到晚上其實沒多少胃納剩下。不過難得一家人做冬，也來記錄一下吧！十月才到訪元朗這設備先進、自動化下單＋上菜的利小館，沒想到很快它就改 menu 了；新餐單的小菜更少，點心及粉麵飯的選擇則更豐富了，還幸是食物水準還是一樣的不錯。來這裡必點 三層肉 ($78@)，之前是$32四小粒，現變成$78碟，也好，不用像上回連點4碟才夠吃，而且香脆好吃之餘，感覺也比利苑便宜抵食許多！其實，說我有一半是為了這名物再訪，也不為過啊～來到點心環節：流沙包 ($33@) 也要打孖點，因為單是Chloe就會吃掉兩個！後來我由姨姨處分了小半個嚐，無驚無喜味道中等，相比下半月叉燒包會好吃些。還有 南翔小籠包 ($36)，一籠四隻，樣子不太吸引關係，不浪費原本就不多的胃納了～最後一款點心是 XO醬煎蘿蔔糕 ($36) 香口惹味而不糊口，不錯的。這裡沒咕嚕肉卻有 咕嚕蝦球 ($78)，也來一份吧；菜式不算大，但蝦隻頗巨也爽口，酸甜開胃的滋味兩兄妹都愛～海鮮湯烏冬配雲吞 ($55) 是給小兄妹點的主食，湯底算清鮮，雲吞又皮薄餡鮮，大家都來爭吃。川味牛筋湯生麵 ($58) 不用說是老公

想吃利小館一向都到屯門V City，今次元朗開分店即管試試，看似小吃價錢不太貴，但原來份量是出乎意外之少… 非常的"精緻小巧"軟殼蟹配蒜蓉麵包多士，超厚的蒜蓉面層(不合我口味)麵包烘得勁脆若不小心吃容易弄損口腔軟殼蟹也像是炸得過龍…豬骨濃湯豬扒拉麵 豬扒炸得香脆不太油膩清雞湯鮮蝦水餃都算真材實料還有一大件雞髀肉以上的份量要加埋甜品才剛剛好栗蓉焗布甸但栗蓉餡料不多，不算甜！ 招牌棗皇糕另一半必吃… 就是喜愛它煙靭軟糕，很濃的紅棗味香又不會太甜不過…說到尾…若果下次想再吃利小館都係去返屯門 V city好啲

小弟曾光顧屯門Vcity 的利小館而且十分滿意食物質素，所以希望再品嚐其他未試菜式，但元朗此間利小館卻十分差勁。食物賣相十分不濟，味道一般。好似用微波爐反叮熱再𣺉上汁似的。令人感覺難受。

首先我叫左個湯，天麻燉魚王，因為太耐冇湯水飲，所以近近地就去咗呢間食，個湯飲落去都足料，唔係淡茂茂，之後叫左個脆化三層肉，佢個皮燒到趣卜卜，係幾好食嘅，但係得四粒，唔係好夠喉，$32 得4粒覺得貴咗啲，仲叫咗個黃金蝦送飯，賣相一嚟到佢真係一般，但食落口又唔錯，如果我食呢款餸，一定唔會食個蝦殼，但份量真係好少😭但埋單價錢偏貴咗啲，仲有＋1服務

第三分店開張已有兩個月，終於有時間去試，中午近一時午餐時間，不用等太久便可以入座，當然坐有卡位啦！因為先可以俾我哋感受到自動傳菜的新樂趣！點心款式選擇少，份量又細又少。鮑魚汁鳳爪$32得三隻，好搵笨。但係涼伴小食價錢合理，夠凍和入未。我哋endcore 咗鷄絲粉皮，好香花生醬味。有西式的焗豬扒飯，夠熱，豬扒切有四件，洋蔥和蕃茄，盛謂$42。鳳尾茘芋盒，鬆脆好味，清雞湯鮮蝦水餃，湯熱清甜，雲吞皮又薄又滑，估不到真係鷄腿肉放在湯盅底，真係叫寶物沉鷄底，連水餃六粒祇不過是$32。整體來說食物份量少可以嚐試不同食品，但是見意增加多些不同菜式，好似蛋散，馬拉糕，燒賣，蛋撻⋯⋯。

近期在不同平台都介紹’利小館’新店，它用上很多電腦化系統和改用路軌輸送食物，已很想去見識下，可惜店舖位於元朗，我們這些”九龍友”很難光顧呢。是晚難得要到元朗，首選當然是這間食店呢。開張套餐 $128-         半月叉燒卷形狀長長的，其實即是叉燒包，外皮軟熟，餡料香甜，味道不錯。-         焦糖排骨生炒骨吃得多，但焦糖排骨較為少見，焦糖排骨既甜而且脆脆的，很特別。-         龍蝦濃湯拉麵配雲呑湯底味道較淡，拉麵’淋淋的’，口感麻麻，但份量很多。一個套餐有五款食物和飲品，確是超值啊。香檳汁海鮮焗飯    $45想不到在酒樓會吃到一個出色的焗飯，芝士味道香濃，海鮮件數量合理，味道不錯。蟹粉小籠包     $33/個薄薄的外皮，入面是滿滿的湯汁，每淡都散發濃郁的蟹味，值得一試。雞絲粉皮      $18雞絲粉皮大多都用麻醬，但這裹是用花生醬的，雖然不是正宗，但又很合我胃口，算是一個開胃菜呢。改用路軌輸送食物既特別，上菜速度也很快，價錢合理，值得再幫襯呢。

今次憑商場活動獎賞券，再來利小館晚饍，品嚐四款指定菜式。包括有鮮肉小籠包、雞絲粉皮、湖北黃金蝦和香檳汁海鮮焗飯。由於上次帳單問題，餐廳主動提出送我們兩杯飲品，我們選了清甜的香檸薏米水(凍)($18)，薏米美白袪濕，酸酸的檸檬醒胃又有益，美味又美顏。雞絲粉皮(＄18) 的粉皮比較乾硬，不像平常吃到的濕潤，醬汁味道可以，但雞絲的份量少得很，這道菜出自利小館當然難免叫人失望。鮮肉小籠包($22)，尚算皮薄餡靚，湯汁也挺鮮甜，不錯。湖北黃金蝦($28)是我推介的菜式，薄殼的蝦炸香脆可口，連殼入口絕對沒有問題，外面的咸蛋黃極為邪惡，教人停不了地一口接一口，這道菜份量二人用恰好。香檳汁海鮮焗飯($45)有點驚喜，材料多樣化，有蝦、小元貝、菇、煙肉粒、紅椒粒和洋蔥，汁料上面是一層焗得金黃濃香的芝士，整體的配搭很很好，而且雖然是一人份，但都挺飽肚。我倆其實都是餓底加飯桶，兩小口子只吃了一人份量的飯，再就算再來十個精緻點心，最終還是會感到空虛，所以我們決定要在大碗麵項目再另點一份五穀類，老公選了龍蝦濃湯拉麵配豬扒（$55），可能這刻目標只為填肚，沒帶很高期望，當看見熱騰騰炸得金黃香脆的厚切豬扒烈車抵達時

一架又一架的”新幹線”在眼前呼嘯而過, 真的好過癮呢!之前已經試過載著壽司的新幹線, 今次卻是載著熱騰騰的湯面, 點心等, 確是一大賣點. 值得一讚的是這幾輛新幹線可靠非常, 所點的湯面, 點心全部完好無缺, 熱辣辣的送到我們的面前, 可能比X鐵更可靠呢! (笑)*用平板電腦點食物, 好方便.當食物煮好後, 便由新幹線送到我們的面前,而玻璃門會自動打開, 我們要動動身子, 要企起身來舉手取食物, 不失為一個不錯的運動呢! (笑)開張套餐B ($128) (優惠期至2016年10月31日)- 陳醋雲耳 (小食)- 半月叉燒卷- 焦糖排骨 (小食)- 龍蝦濃湯拉麵配雲吞- 香檸薏米水 (熱)- 棗皇糕陳醋雲耳 雲耳比一般的小巧精緻，以黑醋調味，味道帶微酸，是一道美味的開胃菜。味道是跟利苑酒家一樣的，但價錢則便宜一大截！半月叉燒卷味道跟叉燒包沒兩樣, 不過內餡帶微甜, 毫無肥膩感.焦糖排骨排骨炸得香脆可口，外面覆蓋了一層蜜糖，非常香甜，略嫌排骨太過肥，吃完會滿口油。龍蝦濃湯拉麵配雲吞之前在利苑吃過驚艷的龍蝦湯泡飯, 當然對這道龍蝦湯面甚為期待!先呷一口湯, 嘩! 兩者真的差了十條街! 真的一

已經一早用apps拎定位，但去到都係過左一張號碼，要等補枱。本來無野等叫，但之後發現原來佢地個制度係正飛一定要有人入座才可以叫一次補飛，即我23，叫咗24，之後叫25無人入，叫26，直至叫到有人入，再下次叫飛係叫返之前補枱19！！如是這叫到30，咁我地話咪有排等！？另一個男人聽到又走嚟話自己26聽唔到叫飛，點知補飛叫完19叫返佢26！喂，我地23反而俾26入先？一句聽唔到見人地惡啲就俾人先！好啦，終於入到去，全部卡位，坐得幾舒服嘅，餐具全部喺枱下面，熱水連喺枱，好似壽司店，自己搞掂。之後全部用枱上面嘅ipad落單，包括茶包，不過只有一款天山雪菊食物好快喺輸送帶送上，有上下層，食物一到就會自動開門，唔怕對面會攞錯，之後按紅包制關門。整體係ok嘅，不過份量真係超少，如果大食嘅真係全部double上都唔夠食。最正係個楊枝甘露，fb like，打卡及upload相就可加10蚊換一碗，不過最後都無check我仲問要幾多碗