利強記北角雞蛋仔

營業中

休息中

I tried this after hiking in Braemar Hill as many people said that it is worth to try.I saw many people lined up outside the shop and waited for the egg puff. That was an afternoon on Saturday. I still wanted to give it a try. I waited for about 15 minutes. They cooked quickly indeed.The egg puff is soft inside and crispy outside. It costs $18 per one. It is not cheap when compared to others but the taste is good. Mouth-watering

已經食過好多次呢間雞蛋仔， 味道叫做不過不失， 但對比以前嘅水準差咗。 唔知道係自己嘅味覺唔同咗， 對食嘅要求多咗， 定一話呢間間雞蛋仔嘅質素差咗呢。 以前要排好多個， 依家不用再排隊。 剛剛一去到嘅時間， 好似其他香港人一樣， 賣雞蛋仔嘅阿姐， 顧住玩自己嘅電話。 可能古估到我哋想食雞蛋仔。 去到都冇問我哋想食咩。有人問佢哋有冇其他跟蛋仔嘅口味，佢話冇 。 我見依家好多雞蛋仔都有唔同嘅口味 ，期望呢間雞蛋仔嘅質素再有所提升,或者有咁多口味。

呢一日雨紛紛，涼涼地，最岩就執個熱煎堆。不過為左與時俱進，就決定執個熱雞蛋仔啦！離遠已經索到北角雞蛋仔既香味，真係好香雞蛋味，全部真材實料，絕對唔係得d色咁大把。見隻d啊姐auntie，熟練既手勢，乾淨俐落咁將原先既雞蛋仔甩模，另一隻手就倒入新鮮蛋漿。達至天人合一既境界。等等等等等，笑左成30分鐘，終於到手啦！講真啊，廿幾三十蚊一底，唔平架。食個lunch都係50蚊。不過利強記出左名好食，話試一試

米芝蓮雞蛋仔，呢間鋪，有好多分店。但好多鋪，都騝係本店做得出色D，呢間都唔例外。以觀察所見，不停都有人排隊。主打雞蛋仔，材料都係雞漿，雲呢拿香油果D野！。質地做得幾好，內裡唔會空心。外層金黃香脆。味道淡D，無乜蛋味。

放咗學嚟呢邊跳舞，記得有間北角雞蛋仔好出名，所以就諗住當晚餐咁食下，但係食完之後比想像中失望。因為我覺得一啲都唔好食。首先佢係唔會好脆，而且我覺得一啲味道都冇。完全唔知自己食緊咩所以好失望。

去北角，當然要去食雞蛋仔啦。呢間雞蛋仔就最岀名，好多時去親都大排長龍。因此，每次食親都係新鮮 整，唔係放左好耐再翻熱個啲。今日再食，味道同以往一樣，蛋味重，烘烤程度剛好，每粒雞蛋仔都外脆內軟，正 十幾蚊一底 ，係現時來說都不是太貴。

2016年起連續兩年入選米芝蓮街頭小食推介、有近三十年歷史的利強記，一直備受食客青睞，店外除了貼滿老闆與名人的合照，更有不少旅客慕名而來👨‍👩‍👧‍👦——————————🔸雞蛋仔 $18 📍9/10外皮顏色參差，部份焦啡帶淡黃，但食落完全無影響，每粒都烤到脆卜卜，口感似餅乾🍪～（☠️小心刮傷口腔）餡料約佔二份之一，蛋味濃且煙韌綿密，不會太甜👍🏻值得一讚的是‼️外皮不易變軟😳過了幾個鐘再食依然香脆😍

北角出名雞蛋仔成日都要排隊, 今日經開果邊見5-6個人都唔算長龍。。。。 諗起都流口水。。。。排左10分鐘有得食, 店員做到變機械人,呢個係名店既必然過程。。。。。。。前方師奶要求1開2, 分兩個膠袋, 店員都有照做。。。睇住雞蛋仔新鮮出爐好開心, 有蛋香和外脆內軟, 但係少左d蛋味。。。。食落有d黑色點點看似唔乾淨。。。。咬開唔係全滿, 好正。。。。$18 蚊一底算係咁。。。。 前方冇賣小食但睇落唔乾淨。。。。。。

嘩～～～～～～～世界上有兩種雞蛋仔，一種係北角利強記雞蛋仔，另一個普通或唔好食嘅雞蛋仔。利強記可以話係重新發明，重新定義雞蛋仔呢種小食。去到北角總壇，見到肥佬老闆面上直情好似有種光芒咁。大家睇下閒日都有唔少信徒嚟朝聖。相比之下前後兩間舖人都唔多個，相反雞蛋仔客似雲來。雖然人多，但呢間舖可是見過大風浪，兩下就輪到我，18蚊食到最完美嘅雞蛋仔，外爽內軟，唔似鋒味嗰d淋過毛巾。如果未食過北角利強記雞蛋仔，千祈唔好話自己食過雞蛋仔。你睇難以抗拒啊！

嗰日行經北角聞到一陣好香嘅味道，發現原來係由細食到大嘅雞蛋仔，忍唔住買咗一底。雞蛋仔同格仔餅都只係$18，好抵呀。雞蛋仔製作中傳來嘅香味非常吸引。熱辣辣嘅雞蛋仔，外脆內軟，蛋香味濃。

原味雞蛋仔 ($18)佢一定係咁多出名賣雞蛋仔既舖入面最少款既一間。因為…佢只係得原味同原味比你揀 (係欣賞佢既堅持既，同埋咁樣你要等既時間會少左，因為幫咩客整，佢唔洗換野)相比其他店，我覺得北角雞蛋仔係特別脆，脆到好似食緊餅乾咁，但有時會有少少刮口，都唔知話佢脆定硬。如果你鍾意食偏香軟煙韌既雞蛋仔，咁呢度唔岩你了除左脆之外，唔知點解我唔是好食到有蛋味，如果多D蛋香會更好。Any肥，我覺得唔差既，我鍾意佢既脆卜卜既口感，但我果底好似過份脆，可以再蛋心軟D，同蛋心餡料平均就好啦

要數我鍾意食的雞蛋仔，北角利強記的雞蛋仔一定係其中之一。佢亦都係早期帶起雞蛋仔熱潮嘅店舖之一，其實大家一直只知道北角雞蛋仔，但其實佢店名叫利強記，我由讀大學時期已經好鍾意食佢嘅雞蛋仔，即使依家出嚟工作有時經開北角，都不忘過去買一底邊行邊食😛😛😛不過記得以前要排好耐隊，而家可能佢分店多咗，其他競爭對手又多咗，顧客有選擇唔需要特登入嚟食了，所以近呢幾次都唔使點排隊就好快買到。基本上好食嘅雞蛋仔一定係即叫即整，整好之後仲要攤唞一陣等佢由身軟變返脆身，唔知點解我覺得北角雞蛋仔係零舍脆身，同時可以放一段時間仲可以保持外脆內軟。🤙🏻價錢方面見證佢每一兩年加一蚊，一直加價加到宜家$18/底，但佢一直保持住只有原味，唔似其他店家雞蛋仔有咁多花款，反而以最單純最基本嘅蛋香原味作為主打已經足夠，紮實而不花巧，係正宗港式雞蛋仔嘅感覺。👍👍👍😛 雖然佢已經開咗好多分店，聽講最新嘅分店開到返上大陸，不過我始終覺得都係北國總店整嘅最好食！😋🤙🏻 ______________________________店名: 利強記北角雞蛋仔 (北角)環境🏝：6/10服務💁🏼‍♀️：7/10 價錢💰：7/10食物質素🍝： 9/1

十點路過…都知佢係就收工…求其俾件賣剩既勁硬雞蛋仔我…都算啦…重要俾我見到裹面枱面有小強同路過…同d賣剩貨一齊…最可怕…俾左錢才見到…唯有放棄唔食…以後都唔係哩間買雞蛋仔…好噁心…

路經北角 先知道原來有間利強記印象中尖沙咀都有一間我唔係住呢區 只是剛巧外出買嘢見到鋪外貼滿多間報章雜誌採訪以及許多跟明星的合照相信好多人曾慕名而來排隊大鄉里的我只是第一次來時間早的關係 唔需要排隊下買咗一底嚟食 一底雞蛋仔$18外層相當結實 非常脆口邊食邊發出卜卜聲 內軟軟的 蛋味欠奉優勝之處嘅係隔咗一陣再食 仍保持脆口唔覺得淋 如果有多啲蛋味 會加添不少分數

黎到北角，其中一樣最出名嘅野食一定係佢：北角雞蛋仔！今次黎到北角，特登去搵黎試食下！因為佢喺街口嘅轉角位，要留意一下先見到間舖面，但其實去到附近就自自然然會聞到啲雞蛋仔嘅香味！終於比我買到啦！摸落真係已經feel到手感脆卜卜！燒得金黄，望落可口！食落外脆內鬆軟，真係一粒接一粒，食到停唔到！旁邊仲有一個窗口賣其他小食，都有好多選擇。我揀左牛筋丸同魚肉燒賣，熱辣辣，好鬼正！其實最正嘅係佢啲秘製辣椒醬，食落完全係同其他小食店唔同，唔算好辣，亦唔會太咸，非常香口！