影片
開飯介紹
利苑酒家提供大量套餐，當中有鮑魚﹑響螺﹑燕窩等菜式。酒家不斷創新以迎合客人的需求及時代的轉變，保持現有菜式的水準，並因應客人的口味加以改良及鑽研新菜，30年來創出上千款菜式。
繼續閱讀
獎項殊榮
米芝蓮一星餐廳 (2015)
特色
同客食飯
適合大夥人
附加資料
座位: 150個，5個廳房
營業時間
今日營業
11:30 - 15:00
18:00 - 22:00
星期一至日
11:30 - 15:00
18:00 - 22:00
以上資料只供參考, 請與餐廳確認詳情
食家推介
招牌菜
相關文章
食評 (130)
IFC利苑晚飯鮮蝦粉絲煲星期三去咗中環辦事，為方便泊車就去IFC利苑食晚飯，六點鐘去到酒樓仲有幾張空枱，前後左右大部份都係外來遊客，似乎都幾好生意。點咗一份兩餸餐再加多一碢牛肉粉絲。薑蔥粉絲焗海中蝦粉絲鹹味較重，蝦肉欠彈牙口感，薑蔥配料足夠多而薑蔥味濃郁，大大增加鮮香味，粉絲軟韌度啱啱好，而芡汁亦收乾恰當，一啲都唔水汪汪，緊緊鎖住海蝦鮮味，特別好味，比老婆全部清晒。啫啫鮑魚雞煲上枱時熱辣辣啫啫聲，色香味俱全，味帶微微辣，鮑魚切片夠腍有口感兼惹味，鹹味適中，雞肉先裹粉再走油，肉質鮮嫩Juice味重，超好味，鮑魚菇/乾蔥頭/青椒烹煮程度適中一樣好食，老婆話蒜頭夠腍仲好味，比佢食晒一粒都無留返俾我，好有水準嘅煲仔菜，可惜煲夠大隻但食材份量就很少。燒汁金菇牛肉片粉絲夾雜金菇比到一種煙煙韌韌軟腍嘅感覺，牛肉夠腍身有肉味而醃料較重手，燒汁份量啱啱好，味道濃郁帶微鹹，口感重但入口軟滑細膩，同粉絲蝦煲又係另外一種不同嘅食法。店員服務有禮貌，不過服務水準欠缺，全程都冇更換碗碟，隔離多張枱都唔見佢哋更換碗碟，店員需多但都係行過就算，碗筷杯碟清潔乾淨，但係枱布唔乾淨有紙巾殘留物，喺IFC location呢啲屬於低水準！有待改善。
繼續閱讀
臨上機，攞住手提行李去食飯。差唔多夠鐘，部長不停行過眼望望，埋空單，想去埋個廁所番埋位攞野走，一番到黎就見我個hand carry 係出面等待區張櫈度，老人家就攞住我有d份量既backpack 同另一個屋企人既袋行出黎。我明要番枱，但真係唔可以等一等人地攞番d行李，要個老人家攞住d重野即刻離開？係 IFC 得到呢個服務體驗，我覺得都幾失望。
繼續閱讀
Luffy🐷: ｢之前禾阿媽淨係掛住買寵物月餅俾禾食都唔記得買俾屋企人食，好彩今次有利苑 @leigarden 三款⭐️級月餅俾人類慶中秋😗包裝盒好靚，望落好美味，禾都好想食，lam lam脷🤤 」利苑嘅星級月餅，百分百🇭🇰製造，仲拎過98粒米芝蓮美食指南嘅授星⭐️仲可以喺網店落order📦, 好方便呀！岩哂我地成日帶狗狗周圍去唔得閒去拎嘅爸爸媽媽們👏🏻 🌕🥮【🆕】迷你軟心陳皮紅豆月餅（8個）利苑融合傳統工藝與創新口味，自家研製及全新推出這款月餅中之精品。選用上等紅豆及遠年陳皮精製，可同時品嚐到紅豆蓉的清甜幼滑及陳皮的醇厚甘香，一口體驗雙重獨特軟心滋味，絕對是人氣之選。🌕🥮雙黃翡翠蓮蓉月餅（4個）甄選健康原料螺旋藻，巧心製成清新金翡翠蓮蓉，醇香軟滑的蓮蓉配上頂級鹹蛋黃，啖啖甘香滋味令你一試難忘。傳承中秋暖意，共度健康美味。🌕🥮精選月餅禮盒（4個）包括雙黃白蓮蓉月餅、雙黃蓮蓉月餅、雙黃翡翠蓮蓉月餅及金華火腿月餅各1個，讓您可同時品嚐4款口味，送禮自奉皆宜。
繼續閱讀
以往也很喜歡這間食府，專提供高質素的食物，價錢還算合理。他們的晚市分時段，第一輪由六時至到7:30，第二輪由7.45開始。今時今日的經濟環境下還能保持兩輪是十分難能可貴了！環境還可以，但餐桌排得太密，以我們二人座位來說，餐桌和鄰近的二人枱相連，只有一個屏風分隔，鄰近所有談話也可以聽到，沒有私隱可言！食物的質素和味道便相當好了。三層肉皮脆肉嫩，鮑魚蚊得很腍，稍嫌鵝掌比較瘦。響螺燉鮑翅亦非常香濃，魚翅份量也不算少了。米鴨雖然只有兩片，但係味道非常好，皮亦燒得很脆。我一般不喜歡上湯浸菜，因往往淡而無味，但利苑的的珍菌湯非常濃郁，調味恰到好處，令到菜苗也非常美味，有驚喜！龍蝦湯拉麵，龍蝦湯亦夠濃，配以拉麵的確是十分好的配搭。其實燕窩糖水亦好美味，但係已經好飽了，所以浪費了一點。整體來說水準非常之高，值得這個價錢，但環境太擠迫就要改善了！
繼續閱讀
在1年前的新年後，細佬找到新工作！ 這間公司都有些員工福利呀！端午節有糉劵，中秋節有月餅劵！意想不到！他公司送上兩者，都是選購自 <利苑酒家>！ 相信食物有信心保證！裹蒸糉一隻裹蒸糭夠巨型！ 我與媽咪兩人分享一隻做午餐！一切開！餡料豐富！ 包括：瑤柱、鹹鴨蛋、栗子、蓮子、綠豆、豬肉、肥豬肉、豬腩肉等，相當足料！糯米軟糯略帶微鹹！滲出淡淡清香！瑤柱滲透著鮮甜味！此外，肥豬肉帶出油份添香味！栗子則是粉得來清甜！豬肉肉質軟腍，口感豐富而不太油膩！食完真是飽到不得了！雙黃白蓮蓉月餅厚身硬卡紙盒盛載，夠哂環保又無鐵盒咁重！一盒4個，每個以獨立包裝！月餅斤兩十足幾大個！鹹蛋黃的油份卻不及美心月餅那麼油潤豐腴！
繼續閱讀