利苑酒家 (已結業)

four people dinner. ordered lobster and many other dishes, cost $ 2300. only eggplant was tasty... and the service was poor.

幫襯幾次都係午巿,限死食1小時15分鐘,唔係咁舒服。點心: 可能係近年吃到最好的一家, 雖然貴一點,也值。蘿蔔酥正小炒/碟頭菜: 炒年糕有風味佢會向你sell set meal. 我都食過，其實都ok.　不過無以上兩樣有驚喜

已經不是第一次光顧此店，但還是忍不住要說，好差，差到爆，拜託，請在沙田開一家像樣、有水準的中菜館吧，那大家就不用受荼毒了＝＝||||這家店，該怎麼說，幾乎每次去，都有不愉快經驗，上次最經典。一去到，大約八點半，可能因為不是周五六日，奇蹟地居然有位，那知進去點菜，想叫窩魚翅，結果..."對唔住，這個要訂，咁啱最後一窩都賣咗"。好，算數，沒魚翅，那只叫一個燉湯，"對唔住，呢款燉湯已經賣晒，不如叫鱷魚肉燉湯".....我們不想吃鱷魚肉，而另一款響螺燉湯幾乎次次都叫，不想要了，只好叫了個例湯。然後，朋友無奈再叫一個餸，我已經不記得是甚麼，只記個女部長滿面尷尬，回答："唔好意味，這個今晚都係冇..."我朋友面都黑埋，說樣樣都冇，有沒有搞錯呀?原本打算大吃一頓，結果隨便叫了三餸一湯，草草吃完就走。簡直掃興到極！！！

今次係第二次幫襯,service幾好,叫左個紫薑雞,雞好好味,但下面d雀巢"林"左.另一味蜜糖元蹄都值80分,好味.一味蟹肉鮮蝦蒸水蛋就麻麻,d水蛋好稀!炒白菜仔冇乜特別.甜品既杏仁茶好好味,擂沙湯丸都好食.

都唔係第一次去幫親，多數去茶市，都知佢串個咩，要老年咁早打電話去訂位，佢話冇位la，又冇話要幾點後先有，要問佢幾點先有位，都唔係好想答你......xx，再問可唔可以walk in後補，態度好差的說都話左我地係要訂位先有位la，我夠知la，平時都可以有後補o架ma試過幾間d野食係ok都唔使咁，對d熟客就完全變臉，唔知咩態度，仲有幾x日都介紹d成頸血野俾你，唔叫又黑面，幾乎唔想so你

次次去利苑都食到一肚火，本來都唔諗住去，不過個friend鍾意食中菜，沙田又真係冇乜其他更好嘅選擇，姑且俾多次機會佢啦！個friend一早已經book左枱，7:30pm都唔算好晏啫，但去到已經企滿人，小弟都心知不妙。等左一陣就有位，都好啦！但係坐左十幾分鐘都冇侍應黎擺位，茶就沖左黎，但冇杯點飲呀！最嬲係好多侍應經理行過，望到都扮唔知走左去，要我地叫左幾次先有人擺位。擺完位又唔俾menu我地，又要我地問先放低一本。幾難我地先揀左個老火湯套餐，落單時又話冇湯，咁就轉貴d嘅燉湯餐啦！跟住叫d餸又話冇，原來本menu係流嘅，已經唔多用，要睇即日print嗰張紙，咁你就應該一早俾我地啦！真係火都黎埋！我地再諗再叫又係有d餸已經賣晒，咁大間酒樓，明知咁旺咁多客，都唔識預算入幾多貨，有冇搞錯！個侍應仲話我地應該book位時要book埋d餸，大佬，我點知你地今日個即日鮮menu有咩食，同埋我亦都估唔到一d簡單嘅菜式都要預訂。d菜式味道雖然一流，但係要我食完一肚氣先再食飯，食龍肉都冇味啦！都唔駛旨意再幫襯！

今天1行13人來lunch,點好多點心和1個午市優惠菜,樣樣d味道唔錯,有些我都無機會食,在轉盤上轉到我時,就已經無晒。上菜速度都幾快,我們的消化力也不弱。比較好comment的有:-花雕蒸開邊蝦-濃湯翠泡濛粉:主角個湯底,唔鹹但飲到雞的鮮味(有點像淡金寶忌廉雞湯),濛粉只配角-排骨陳村粉:聽說好食-鹿兒島烤包:皮即生煎包,餡是西式叉燒包,有洋蔥在內-五香金錢肚:上碟排得整齊,大件貨色,無sauce果種,好有五香味,又"霖"-烤"夫":暖的做法,雖做不到惹味,但也不差-蘿蔔絲酥餅-蔥油餅:外微脆,內鬆,不覺油膩-蛋白生磨杏仁茶:好杏仁味,蛋白滑,good, must try-白灼魷魚牛柏葉:魷魚非軌貨-四川麻抄手:皮薄,不辣-口水雞其他有-蝦腸-叉燒腸-叉燒包-蒜拍青瓜-楊枝金露-郊外油菜-鳳爪-枇杷葉麥冬燉梨

五個人包括兩個長輩，星期日到此吃晚飯。點了五菜一湯。老實說，老火湯是最好的，其餘免談。一個龍蝦什麼加點菜，龍蝦份量只有十塊左右（包括服腳及頭），已經要三百元，其餘菜式味道和份量一般。最後來了一點很普通的甜點，雪耳木瓜和芒果卷，埋單一千元有多，太貴了。

雞燉魚翅好正炸子雞算系皮脆肉嫩螺片露荀炒麻麻地,露荀ok蒸龍躉腩幾好豆苗ok荷葉飯正甜品ok la侍應生有d醒有d梁丙.未食晒既收食晒既唔收.之前一早訂左但又比唔到隔左廿分鐘先比到卡位.5個人有d迫.環境ok啦

上月26號同中電同事合辦o左個大型Program,今日下晝被邀出席佢o地o既飯聚,內心雖然唔多想去(唔鍾意飲茶,唔鍾意嘈吵),但This is an order!冇辦法...幾年冇踏足過茶樓喇!午市時間,超嘈!!!!但見返班曾合作o既同事,幾開心!佢o地有位女同事知我比較鍾意食齋,特登點多碟素菜(Pauline,多謝妳!),冬瓜,竹笙,草菇,髮菜炆埋一堆,清清o地,幾好味!我好驚食油炸o野,眼見炸饅頭同帶子荷蘭豆D豆就幾油,但夾到俾我,盛情難卻...不過都算好味!我仲食o左D菜同椰芋西米露,味道都唔錯!整體上覺得Do野幾乾淨,D waitress亦有換碟,但有幾碟菜上得頗慢,要催幾次單!其實,食o野都係次要,我反而珍惜同呢班同事共聚o既時間,自從媽咪病倒後,呢次係我第二次出席朋友o既聚會,雖然今次係order,但頃刻亦有少少放鬆o既感覺...Pauline & Simon,衷心多謝你o地!(如果你o地有緣見到我呢段食評o既話...)(由於埋單前已返院工作,所以唔知幾錢?不過綜觀所有菜式,應該唔平...)

市中心無乜邊間淨底嚮度，只有美心同利苑可以嚮汰弱留強兼舖租颷升o既新城市廣場撐得住腳，證明實力有返咁上下。利苑午市點心唔多，呢個係敗筆。但款款出爐點心食親都會叫『好味』，蝦餃蝦腸唔在講，推介點心鮑汁鳳爪更係一哉心頭愛。另外呢排推出『龍躉頭& 陳村粉』，$168，係貴左d，但新鮮龍躉加蠔汁蒜頭薑葱雲耳清蒸，再有魚骨湯做湯底的陳村粉，加埋少少芹菜粒。絶對好味。侍應服務態度好好，快手，醒目。加哂分啦。

行完山之後同其他朋友會合, 成十幾人搵地方食晚飯, 有人提議黎呢間, 無人反對, 就咁決定. 可能係假期同埋有酒席既關係, 我地九點先黎到都發覺幾乎滿座. 大家又餓又費事諗咁多, 一於叫個十二人套餐再加野. 無睇過菜牌, 所有菜名都係斷估, 而且可能記漏左d.燒味拼盤係第一味上檯, 正值大家都仲肚餓, 清得好快. 有人鍾意食呢度既叉燒, 於是追加左碟乳豬拼叉燒, 我自己就唔覺得好出色, ok咁啦.西芹炒斑球入面既魚肉好爽, 不過整體非常油膩, 見到好多西芹剩我都唔想食.有人另外order左個唔知咩牛柳, 味道無咩特別, 都過得去既.酥炸龍蝦----印象中好似係第一次咁既食龍蝦, 上面淋左少少芝士汁, 但汁既份量唔夠, 味道又偏淡, 唔係幾受歡迎.老火湯係白菜仔豆腐魚湯, 唔係唔好飲, 不過好少見用呢款湯黎當老火湯囉......石鍋斑腩又係頗油膩.瑤柱上湯菠菜就夠清喇, d菠菜又唔會灼到腍晒, 好快清碟的一味.炸子雞只係一般, 肉質偏鞋同乾.炒飯炒得夠乾身, 唔錯.甜品賣剩紅豆沙, 我地一邊睇住侍應"畢"果陣, 已經落足眼力, 幾對眼都搵唔到有豆! 無豆既紅豆沙, 食落口既感覺, 原來幾

酒席，之前落左成萬定金，埋單就話冇落過，仲要好寸好大聲話：「我地冇得check 單喎，我地又唔係用電腦。」「你地keep 張單，下次黎再計比你地啦。」仲有下次？你當我係咩呀…出黎食飯都係想開開心心，又唔係刻薄你，我真係唔明點解要攪成敢，唔通係我個樣好蝦？1. 環境(Environment)：ok 啦2. 味道(Taste)：冬至第二日，有的失水準3. 服務(Service)：服務員ok 喎，係埋單個個同個經理…4. 抵食(Price)：ok 啦，有的的貴5. 乾淨(Cleanliness)：ok

一個$568 o既四人套餐, 另加一個羊腩煲和龍蝦e麵一份, 套餐包括有 燉魚湯一鍋, 足有六碗, 味道濃郁燒鹵雙拼, 鵝肉拼鹵豆腐, 鵝肉好腍, 冇咬口, 豆腐都幾滑,可惜鹵水香味不特出清蒸石班, 肉質嫩滑, 蒸的時間剛好, 魚剛熟, 骨裡沒帶有半點紅野菌炒象芽蚌及四川滑炒手, 即紅油炒手, 兩款也沒吃, 依其他人描述味道都是一般。點菜前巳通知要少油, 但炒蚌片望落仍是立立令, 與其他食肆的少油的準則有點差距上湯炮青菜(波菜), 菜頗青嫩, 只因是滾熟的關係,此款可以算是少油的了 古法扣羊腩($12x), 例牌份量, 味道不夠濃, 但肉質非常嫩滑龍蝦e麵($23x), 份量以一份計, 相對其他菜, 及相比其他食肆, 份量不算少, 而蝦肉也不過不失 跟餐的木瓜雪耳糖水, 味道不太甜, 南北杏煲得出味, 是款不錯的甜品 整體上來說, 羊嫩魚滑選料佳, 但廚技只覺是一般, 不比稻香或美心優勝。服務方面, 換碟次數太頻密, 足有四五次之多, 此舉阻礙人客進食。埋單總計約$1100

利苑晚餐ｄ小菜睇下你識唔識叫啦～有ｄ都幾有特色。脆炸石蠔－３０蚊一隻，超級好味！推介呀！千葉豆付－ｄ豆付真係千葉架，師傅ｄ刀法好勁！賣相好靚～食落去就比較普通。我諗貴ｏ係ｄ手工度，因為成碟都唔知有冇兩磚豆付。燒雞半隻－佢地唔會俾野你點的，因為話師傅整ｏ個陣ｄ味已經入哂落雞肉度。ｄ皮好脆呀，隻雞唔肥幾新鮮。至於其餘ｄ炒菜真係碟碟都臘臘拎，比較多油，但我婆婆就話好有獲氣喇。係幾香～但女仔見到可能會驚，哈哈。５個人都食左成千蚊～仲貴過美心。但服務好好，同埋ｄ賣相真係好靚好有特色，杏仁糖水出名好味。但就廿幾蚊一碗仔～略貴囉。