利苑酒家 (已結業)

星期日，天晴。晚上需出席宴會，於是與筆者父母中午嘆茶。眾多「利苑」分店皆摘星，斯人猶憔悴，國金被摘星，是日幫襯嘅沙田分店更星都唔星。早幾天電話預留座位，分頭(十一點半至十二點九)、二輪(十二點九打後)。心想，頭輪雖然較早，但係唔駛等交枱，就算食過了時，也不會迫人客交枱啩，於是便留了頭輪四位。飽類首先試了蠔汁叉燒包($16)，小小打破傳統，以蠔油汁非蜜汁製叉燒。熱辣辣新鮮出籠，但味道頗鹹，是蠔油汁太重手了；雪頂餐包($22)外貌似墨西哥包，外表嘅酥皮焗得甘香鬆脆，餡料亦暖和香甜，是不錯嘅甜包點；香糯鹹水角($19)入口煙韌唔肥膩，包裹著幾款餡料，食落亦十分搶味。蜜汁叉燒腸($26)腸粉皮比較厚身，不是正宗的晶瑩剔透，普通貨色而已；炸兩($22)嘅質素被平凡嘅腸粉影響，油條亦非新鮮炸的。沙薑鳳爪($28)醃得幾入味，而且是撈了一點沙薑油，不需點任何醬料已經可口非常；芋絲脆春卷($19)亦是即叫即炸，春卷皮炸得香脆，沒有翻熱後那種油益味，餡料份量適中，不是一味追求大件夾抵食般不斷將餡料塞進春卷裡。煎蘿蔔糕($19)也是上茶樓必吃點心之一，真正好味嘅蘿蔔糕，最少要八份蘿蔔一份粉，可想而知要花幾

約左好耐終於可以同前老細一齊食飯，今次決定去秘書小姐個飯堂 ~ 利苑．利苑於沙田區嚟講，價錢算是中上，但食物一直都有質素，今晚三位女仕點了一些高脂肪高膽固醇的餸菜，但一年一次生日，所以決定食左先算，今晚的自我了斷菜單如下：　鴨舌：好夠味　黃金蝦：不是太大隻，小小的使鹹蛋更容易沾上蛋汁，非常脆口及沒有多餘油份　燉五花腩(嗰菜名唔記得左,可能係火方之類),好鬆化，好入味但好飽　麵醬唐生菜：老闆最愛菜式，好新鮮!!　特別推介甜品～龍皇松子凍（萬壽果配檸檬忌廉黑珍珠伴芒果汁)好清新，好適合夏天食!!

我成日去食午飯, 有時去食晚飯.但係真係比以差左好多.中午12時入座, 未夠1時收曬你d野迫你埋單. 你問佢重咩咁快收野, 佢地話好多人等位喎, 然後唔理你繼續收. 鄰檯埋單走, d服務員等人走左就大大聲話佢地食咁小野. 真係無禮貌. 好似好睇人唔起食咁少野.午飯時段又唔夠服務員, 加水都要自己加. d服務員見到你自己加水都唔理你.晚上又分兩輛時段食晚飯, 夠鐘又迫你走.成日訂位時就叫你好落定d湯, 小菜, 因為第二輛好多野會賣曬. 又真係喎, 應該係話未到第二輛已經有好多無啦.食物水準雖比以前退步. 但仍然可以接受.但係老實講, 佢d價錢一d都唔平, 咁既價錢, 重要成日比人趕埋單, 都離譜既!!! 今時今日咁既服務態度完全唔惦!!!!呢家差左咁多, 我係唔會再去. 除非同一大班同事去.

爸爸上周五正日生日，但我要返學，星期六晚才一起吃飯慶祝。到了爸爸一直想試的「利苑」，吃了很多菜，包括：1. 陳醋詹耳(即雲耳)2. 鴨舌3. 三層肉(即燒腩)--話係招牌，但都係雄發好食啲﹗4. 杏汁豬肺湯(預訂了一珵半)--好好飲﹗5. 燒味雙拼--叉燒太瘦，但味道不錯，不會太甜﹗6. 香煎龍躉扒--香口，但無魚味﹗7. 通菜8. 燒乳鴿--媽媽話都係萃華好味啲9. 黃金蝦--幾好味，幾乾身10. 小炒皇11. 芋茸梮布甸(預留了三份)--好正，不太「漏」，夠熱﹗雖然埋單唔平，但爸爸話好食過美心，仲食得好開心，呢樣先至係最緊要。最後，我們買了一個橙味為主的生日蛋糕，連一向不太愛吃蛋糕的爸爸都話好吃。

想搵間環境好的既餐廳食返餐晚飯，就來左都有的名氣既利苑...入到去環境唔錯，有時令餐牌同有一般餐牌~我地Order左10樣，就話有4樣賣晒，跟住說你食鮑參翅肚...我地再Order多2樣，就得一樣有(魚頭煲都冇O_o)...果時只係7:30pm，正正係晚餐時間~佢的食物好一般，茶餐廳水平，但係碟碟都起碼要$78 up...侍應雖然唔係多，但係個個都好落力...不過好冇引，唔會再去，去美心皇宮好過....

當初考慮選擇沙田市中心區哪家食肆時, 曾參考這網站的食評, 而總結當時已有的評語, 大致上是「食物好、價錢貴、服務差」。終於鼓起勇氣, 星期四下午預訂星期日晚 8:00 一圍。職員在電話中推介十位用雞煲翅套餐, $29xx 未計茶芥加一, 果然價錢不低。對方表示希望我預早擬定菜單, 以免到時部分菜色售罄, 我表示未能決定, 對方亦無追問。星期日下午, 酒家職員主動致電 confirm booking (可能有客人嫌煩, 但我個人覺得無所謂), 我反問可否入座前一小時擬單留菜, 對方表示歡迎 (大家方便)。擬單時, 由於知道出席人數比原定少, turn down 了$29xx 的十位套餐, 改為選了 $8xx 四位餐, 加大部分菜式份量, 另加兩款菜式, 預算到時按需要加菜, 估計不超過 $1800。眼見 budget 減一截, 酒家職員仍然恭謹有禮, 此為驚喜之一。由於預早擬單, 人齊後數分鐘即開始上菜, 之後所有菜色全依足菜單次序, 不徐不疾, 逐一上枱 (近年少見), 此為驚喜之二。結果, 菜沒有再加, 只另要數個白飯和飯後甜品, 埋單 $16xx。埋單後職員要求我填寫問卷, 提供

班朋友考試順利, 今日請食晏.成4圍呢.但因工作關係, 我勁遲, 去到已食燒雞了.就由呢度寫起啦.雞少許油啦, 唔乾, 夠雞肉味.蒸魚也不錯, 但有不少肉仍然黐骨.另鵝掌的獻汁太杰了.炒豆勁油, 冇人食咁滯, 後尾收左.湯飯次次都係我最愛的. 但今日冇俾"炸"一聲嚇親另都有少許甜品既, 糕點ok.期待豬豬女友快點考完, 下次請我呢!

屋企人生日黎左呢度慶祝﹐不過黎到後即刻覺得呢個決定係錯既爸爸想食雞煲翅﹐點知無﹐賣晒﹐話要訂﹐ok﹐無所謂﹐叫第二樣之後想食唔知咩(唔記得左)﹐又無﹐fine...之後想食乳豬﹐又話無! 有無搞錯? 一間酒樓無乳豬食﹐都真係要俾個叻你.要乜無乜﹐真係火都黎. 個侍應話無做乳豬好耐﹐0甘又唔0係餐牌刪左距?野食都唔係問題﹐最慘係咩興都俾距掃走晒﹐搞到爸爸勁唔開心整下整下都唔知叫咩好﹐只叫了簡單菜式﹕粉葛綾魚湯﹕唔錯﹐湯幾甜咕嚕肉﹕唔得﹐味道怪怪的﹐唔甜唔酸唔淡0甘龍蝦肉蛋白(唔係好記得個名)﹕龍蝦肉鮮甜﹐蛋白好滑﹐都幾好味青瓜粒唔知咩泡飯(唔記得名)﹕距有d炸米既野臨上菜先淋落去﹐都ok既幾好食﹐似食窩巴。但因為d炸米個湯飲落去有d油膩﹐青瓜既味道都綜和唔到家鄉藕餅﹕炸得好香﹐好食無可否認野食係唔錯的﹐但食得唔開心. 建議policy要改下﹐食物太多限量版﹐咩都無﹐令人反感!

仲記得個廣告, "今晚阿 sir請食飯．．．　你精我都精，　飲杯竹葉青．．．”今日呢, 唔係阿 sir請食飯, 而係老闆, 因公司業績好, 請食晏.就係咁, 所以都冇竹葉青o羅~我遲大到, 食了一半都有了.有西洋菜豬肉湯, 好正, 幾甜.炒菜略油.仲有幾粒乾 o左的點心, 唔知係咩味...炸雞反而幾好.皮脆又不油膩.上湯浸菜也好味, 菜靚.蒸魚不錯, 我都食多舊魚先~個貴妃飯 "炸" 一聲, 嚇親呢... 但又幾正, 不覺油播.我唔客氣了, 另叫了罐 cokeｚｅｒｏ　自己獨飲，　呵呵～多謝老闆~有竹葉青的話, 我實灌佢飲!!!!

Went there today in a group of 4, waited a long time for the waitress to take our order. The food arrived with good taste, portion are growing less and less each time. But that's nothing compared to the poor poor service - basically they avoid you, avoid eye contact, don't know what kind of management system they got. No wonder people have commented badly on their service, personally experienced today. Will never go again.

去寵物展前，想同老婆飲個下午茶，預先訂左位！ 例湯 - 侍應勁推介XX雞腳湯，一小煲共六小碗，清甜夠火候，不覺有味精既踪影 燒腩仔 - 皮脆而肉質鬆軟，層次分明，利苑既燒腩仔有品質保証。 鮑汁鳳爪 - 鳳爪入味，鮑汁濃稠，食落有少許漏，但味道實在是會令人想念的。

呢間野要訂枱先有位既就係人都知, 衰在佢訂枱都有分熟客同非熟客!熟客既優先入座, 等d熟客入哂喇, 先輪到非熟客, 所以我次次去親都要等上大約45分鐘以上! 仲要同個知客講, 吹佢快d啦, 佢又當你透明喎! 又時訂左位走去登記, 佢又冇Mark低你到左, 搞到你白等成個鐘! 見唔對路去同佢講啦, 佢又話Mark左喇~ 我又等呀等, 個幾鐘都未見有位! 於是我又去問佢, 佢又求其講d野打發我算, 咁我就睇下佢張訂枱表啦, 原來佢冇Mark!!!!!! 激死!!! 我都唔知訂枱有咩用既!!!佢d知客真係狗眼看人低! 你唔係熟客既話, 佢d態度會話你知, "你黎唔黎食我唔在乎! 你唔鍾意咪唔好黎食囉~ 我大把客人黎食" 個隻...... 唯一態度好d既時候, 就係農曆新年既時候! 點解? 唔洗講你都明啦~~~仲有佢d伙計都好唔掂! 成日走埋黎介紹你食呢樣食個樣, 介紹都唔係問題, 問題係講成幾廿次! 真係你唔煩佢都煩啦!!! 除左介紹呢招之外, 佢地仲有絕招, 就係見你差唔多應該食完喇, 就成日走過黎問你地d野黎齊未? 仲有冇野要叫? 跟住就收哂你d碗碗碟碟! 收野都唔係問題, 問題係成日問

我對利苑的評價一直都甚高，其灣仔分店、旺角分店、IFC店、甚至新加坡店我都去過，沒有一次令我失望的。就是沒去過沙田的分店，假日難得身處沙田，便去幫襯幫襯！叫幾款點心，分別是XO醬炒腸粉、茶果、鮑汁鳳爪、燒腩仔、魚卷等。燒腩仔仍然是皮脆而不硬，肉肥瘦適中，和那法式的芥辣，簡直是絕配；魚卷是用網皮包著裡面的魚肉，有另一種脆口的感覺，而且是剛炸起，溫度十足；茶果又是另一味高水準的點心，一碟三只，外面煙煙韌韌，內裡的餡料香口，很是不錯。友人對XO醬炒腸粉讚不絕口，其評價是腸粉滑，配爽口芹菜，煎得香口，XO醬辣度剛好。這點我也深表認同。不過，據講此味只是假日才有得吃的！鮑汁鳳爪，眼見好多檯都有叫，水準應不會太低。果然我是沒有估錯。鳳爪和花生都好淋好入味，應是煮了很長時間，吃咁有味道既鳳爪，坊間恐怕唔會有太多的選擇。友人俾錢埋單，Thank You!

11點幾諗住攞張飛等位喇，點知個知客小姐問我有無訂位，無就無位喇，連飛仔都唔比我，跟住三位知客就當我透明咁，無再理我，咩酒樓呀！

今天一家去飲茶食晏,叫了8碟點心.蝦餃30元一籠,塊皮厚個我塊面,燒肉尚可保持水準,是它的招牌菜叫了一碟鮑魚汁炒河,成碟油,見到都唔開胃,我樓下間普通酒樓的貨色都比它好.嘈到個街市咁,叫極都無人收碟,話晒係高級酒樓,太過份,我以後都唔會再去.