加勒比海餐廳 (已結業)

跟友人每次聚舊都愛來潮特附近一帶的cafe.去過DC cafe, 去過 Pom cafe, 去過 Panda House cafe這次, 轉到對面大廈, 來到了加勒比海.焦糖布丁朱古力奶 :布丁 ? 丁左去邊 ?一飲就話「好有戲院feel」唔知點解. 可能因為焦糖掛.不過正正因為有呢種感覺, 我好唔鐘意呢杯野.i dislike 戲院味.Mocha :還過得去吧.冇其他食評所講的淡到似水.但係難飲到同Pom cafe有得比.蛋糕 :一食就話「好有被騙的感覺」只係最普通的海綿蛋糕衰d講句, 惠康d $18的6吋蛋糕真係仲好食過佢= ="吉列炸蠔+吉列炸蝦出前一丁 :炸蠔d粉厚到唔覺得有蠔係入面 炸蝦脆弱到一吉就斷左 0.0"同樣都係食唔到蝦係邊唔知係咪食得太多好野我覺得呢度真係完全唔合格.最影響印象既係有d客人打機打到好嘈完全影響曬情緒 我第一次會去cafe去到想快d走.都係覺得DC cafe最好.

修都幾靚我地坐左陣先叫野食因為個到有電腦可以上網.又有雜誌,棋可以消磨時間我地都叫左芝士餅+野飲+熱9因為第1次黎.唔知叫咩都係等侍應推薦啦阿..睇個樣同平時出邊食既都冇乜分別但食落口.個種芝士味又真係比係出邊食既唔同芝士味比較濃.而且好似有好多款芝士餅可以選擇朋友都覺得唔錯.幾好食.而且每件都有獨立包裝,抵讚.野飲方面.我就點左薄荷朱古力聽個名都覺得幾新奇.因為出面好少朱古力既飲品飲左幾淡.真係好正.隻朱古力味好濃唔會好淡.不過尋日太凍啦.飲左幾淡就冇飲下次天氣凍都係叫杯熱飲最後埋單.每人都係幾十蚊真係幾抵,下次去完旺角睇戲都黎呢到坐下傾下計.飲杯野.

好耐無一班人去 Cafe 玩! 今次難得去一間可以俾我玩得盡興^^我地12個人黎到~ 其實d位唔係好夠闊落不過d chair 都算幾好坐! 我地每人點左1個set dinner 其實都算幾抵$78 有湯有蒜蓉包, 主菜 有野飲 仲有cheesecake, 不過湯同包就麻麻地~ 我就點左煙三文魚意粉~ 我幾鍾意食佢d意粉因為軟硬適中不過我令我最滿意既係杯朱古力因為我本身係一個好鍾意飲朱古力既人~ 但係好多地方既朱古力 甚至係starbucks 我都覺得唔夠朱古力味~甚至有d就太甜~ 有d淡到不在話人~ 但我點個瑞士朱古力 令我飲完一杯都想再飲^^" 到食cheesecake 食朱古力 Mousse~ 都係好有朱古力味! 我地坐左3個幾鐘~ 不過都係一個令我覺得好舒服既地方~ 而且呢間cafe 都算多野玩^^ 有好多棋類大富翁, Pictionary, 啤牌, 等等等等!都好耐未同朋友玩得咁舒服^^~ 我會再黎既^^

好耐未去過上樓CAFE，今晚見朋友從外國回來與她洗塵，揀了這間加勒比海餐廳。叫了凍三角朱古力奶，十分難喝，如前人所言，真的如水喉水般，完全沒有任何朱古力味。朋友的榛子朱古力奶也有類似情況。不明白餐廳侍應有沒有試過飲品，看看它的質素，因為若再沒有改善，一定會趕走不少顧客呢!!!

我本來已經甚少上樓上Cafe 因為即使法例全面禁煙, 但仍然有好多餐廳, Cafe 都仲係可以食煙-0-對我地呢d唔食煙既人黎講 十分厭惡! >.<難得有一間坐得舒服, 又唔食煙既cafe !! 支持!^^"而且我都幾鍾意呢度d野飲~ 我同朋友分別點左 2個CAKE SETBLUEBERRY CHEESECAKE 同埋 加勒比海 CHEESECAKE Yummy^^"仲有士多啤梨朱古力 同埋 薄荷小麥草^^"又真係幾好飲 XD 初初以為小麥草好難飲~但聽到WAITOR 的推薦就點左! 點知又真係幾好飲~ 2個人坐左2個鐘都係幾十蚊!! 抵!!~~

一行十人上左去食野、叫左個吞拿魚意粉、加$$叫左蛋糕、蛋糕款色超多環境都OK、大家不妨試一次~cafe阿姐好好傾、好nice我叫左杯凍朱古力、都幾好飲唔錯的一天

早陣子，一行三人，在旺角買完netbook，即刻想去café試吓。朋友話好耐冇去高氏加勒比海，話那兒的咖啡正宗，蛋糕比得上Page One 的coffee shop，更有wifi供客人使用。上到去，朋友話café裝潢了，比以前舒適。一心要飲咖啡的我要了涷cappuccino，朋友要了焦糖和椰子咖啡，當然還要試蛋糕啦！Cappuccino 是一杯意大利咖啡，經過陳豪介紹，全香港人都知cappuccino 應用有arabica的咖啡豆，有鮮奶和奶泡。這兒的cappuccino，沒crema，沒有foam，似用奶精做出來的，這兒的人還不懂什麼是奶泡，是但用搞伴機打空氣入咖啡和冰內，破壞了咖啡本質，扮一杯咖啡的資格也未有，甜到不得了。街邊的一杯台灣沙冰咖啡還好過佢。朋友們的也是只得個甜字，焦糖咖啡其實很多普通的coffee shop也可做得好，這兒的卻很難飲，可能用奶精的關係啦，又沒有咖啡味。去麥記冇咁嬲！蛋糕有很多款，很吸引！但味道像是中式蛋糕店整出來咁，尤其是個蛋糕底，有點中式蛋糕味道，不是cookie做的，很cheap。芝士蛋糕似用平價料或開粉出來，Tiramisu完全沒有mascarp

同另外兩個朋友小聚，想找個地方可以輕鬆點吹吹水、不用趕 / 被趕，所以想在 cafe 用餐，正正選了此 cafe，結果我們用餐後卻到了 星巴克...食物：一般有意粉、長通粉及天使麫為 main dish，我們叫了一個大蝦長通粉，兩個煙三文魚意粉，意粉不行，太硬，汁還好，煙三文魚應為成品，味道不錯，份量正常。跟餐的還有該餐廳DIY的 Chess cake，我選了 New York，味道不錯，但底餅較厚，而且可以再硬身小小。服務：重點，不行。其實我們開頭是點了兩個長通粉的(因為沒有天使麫)，但之後卻因為長通粉只夠一客而再改的；其實沒啥大問題，但當我朋友因沒有長通粉而想轉其他食物時，侍應說大蝦已經做了，不能轉，沒錯，是「不能」轉，態度雖不是特別的差，但已引起反感，朋友再道轉是因為貴店沒能提供她想要的長通粉，最後侍應再以「都售罄」為理由而拒絕。我們沒有再糾纏下去，只好轉了長通粉了事，但這個近似命令的回應很令人反感。環境：不行。因為那晚店裏的一個大房間(應說是半間店)被book了，只能坐在出面，但少少的百來尺地方卻放了五、六張枱，以 cafe 來說我認為太多，所以間接做成一個很吵耳的環境，根本不

一行八人晚飯加傾計，揀選了這家好耐以前幫趁開的樓上咖啡室 － 加勒比海…點了晚餐肉醬意粉及凍 MOCHA，肉醬意粉送到時心想…好似平時食開的波仔 － 份量當然無波仔咁多了。輪到飲品，間舖既然叫得做 CAFE，咖啡照計唔會差得去邊，好可惜呢個觀念係錯o既！望住店員送上的一杯奶白色的凍 MOCHA 已心中一沈，啜一啖，感覺好似飲緊一杯洗唔乾淨，仍殘留住上手飲完帶點淡淡咖啡味的冰凍洗杯水，唉…食物差勁，飲品又唔得，店員態度會唔會好少少？對唔住！唔會！朋友到櫃面揀 CUT CAKE 時笑笑口問店員：“呢隻好唔好食架？” 店員悔氣地回答：“洗唔洗比你試下？” O 晒咀…其實求其回覆一句：“幾好食架…” 係唔難架喎？點解硬係要揀唔好聽果句黎講？無樣好…咁衰極都仲叫有網上卦？誰知… WIFI 係攞唔到 IP o既…究竟點解以前好地地的一間 CAFE 會變成咁？

5月16日（星期六）下午，相約了女友在旺角等，由於晚上和網友一齊睇波，於是就和女友隨意地找間樓上cafe坐，打發時間。來到這裡，地方不大，祇有幾張檯，剛好有張二人檯，坐低看menu，選擇都算多，但我們覺得食物質素應該有限，我祇點了杯凍棒子咖啡，而女友就點了個Chesse cake Set，即係一件chessecake + 一杯飲品，女友要了杯熱棒子白朱古力。熱棒子白朱古力：口感香滑，帶有淡淡的棒子味；凍棒子咖啡：同樣有淡淡的棒子味，不過咖啡就比較苦澀；朱古力cheese cake：應該不是自家製，是買來的貨色，味道和口感都極像連鎖集團餅店的出品，很一般！這裡坐得還算舒適，而且大部份的坐位都可以望到電視，如果想找個地方hea的話，這裡算是一個不錯的選擇。原來這裡還有一間應該可以容納約二十多人的大房，不過當時好像有private party。

Farewell party的下場要找一個地方容納17人....cafe是最大路的選擇，朋友推介這裡好吃又抵吃，於是大家一舉而進餐牌沒有太多選擇，於是要了carbonara($48)，加$20有湯，多士，飲品和蛋糕，好似好抵當餐湯來的時候，朋友都埋怨只有半碗份量，對我來說多得有餘...只是溫溫吞吞的罐頭湯，不喝也罷蒜蓉多士也是令人怕怕，有兩三塊烘得過了火，有一塊更是特燶!噢...愈吃愈心寒了幾位朋友的肉醤意粉($48)先上，大家笑了笑碟上的伴菜，為什麼?原來餐廳用上中華沙律做伴菜...還是頭一次看見這新奇的配搭......不久我的"carbonara"來了，真的嚇著了...........那是白汁火腿雜豆天使麵.................攪笑的是白汁滿有芝士味，所以很咸，簡單的說就是難吃和奇怪.................之後三文魚天使麵($68)也來了，朋友覺得這個較抵吃，因為三文魚較多，但我十分興幸自己要了個$48元的"carbonanra"，可以蝕少一點..........飲品要了樂家杏仁糖咖啡，都是因為未見過而點，經過大家評頭品足，它還未算最差，只是杏仁味重了一點，但

據聞此店是各網民的聚腳熱點，週末更會有人包場打機，情況熱鬧。晚飯後與友共商「革命大業」，需要一個可容我們傾談甚久的地方，就選了加勒比海。加勒比海的燈光幽暗，店內主要為梳化位，雖有點擠，但總算坐得舒服。有玩物可玩，有雜誌可看，有兩個大電視可供觀賞，有一定的背景之聲，商談起來更見自在。傾得舒服，可那杯飲品卻嚇人。太公要的「薄荷小麥草」，奉上時色澤鮮綠，尤如電影院的「變形俠醫」皮膚之色，還以為是店主捉了個「變形俠醫」榨汁製成呢！喝下去，只感有濃烈的薄荷糖漿之味，但一點麥味也沒有；實在甜得過份，唯有等冰塊融化了，才能勉強入口。一杯簡單的飲品弄成這樣，實在不太敢試這裏的食物；來這裏，還是單純地為了有個地方坐坐，聚下腳吹下水就好 - 以同區樓上cafe來說，一杯飲品才三十元左右，算抵坐。

由佢開一直幫襯，直到轉左手，轉手初都ok，之後質素一直下降。昨晚的一役，我諗以後唔好攪我了latte、咖啡同cake都是加勒比海留住我的地方，結果昨晚我地一行6人，我點了set，催左3次才來意粉，差不多一個小時才來latte，亦聽到有人投訴個半小時都沒有到齊d野..最慘係latte，以前是可以自己放糖的，現在已經沒有，仲係好甜好甜，好似糖水一樣，完全不是一杯專業的咖啡，飲得好慘...而dinner set同cake都比以前多，不過都係唔好食的...而且人手不足...食物速度好慢佢改變左係多左野玩，引到人去，不過真正飲咖啡的人就流失了

成日去上樓咖啡店包場，最後都俾人屈錢，又話要清潔費，又話加錢先可加嘢食‧‧‧上兩星期去加勒比海攪P，雖然唔平，但勝在容易話為，真係玩得好開心。我地早咗一個鐘頭到，服務生話未清場，不過都搵張大枱俾我地坐，又幫我搬吓嘢。食物方面就梗係冇大酒店水準，不過啲煙三文魚好新鮮，有三大盤。另外啲嘢食有十幾款，仲有好多蛋糕仔。我食咗好多雞翼、沙律、意粉、餃子！啲嘢都食唔晒，個老闆娘仲問要唔要refill，其實waste咗好多嘢囉，應該食晒先refill囉。啲意粉最後放到乾晒，咩都食唔倒啦！人人兩杯嘢飲，梗係揀餐\牌上最貴嗰啲啦。服務生介紹了榛子朱古力咖啡，真係好好味。有隻紅紅地色嘅柚蜜，個名好怪好長，都好飲。其實我地都好小心架，不過都倒瀉嘢，又一地紙碎同垃圾。以前响第二度試過俾人屈五百蚊清潔費，但今次個老闆娘話俾得我玩就預咗要清潔，唔係太污糟就算。原本話咗遲交場要加錢，最後都俾我地玩多半個鐘冇收錢。最衰唔夠洗手間，得兩格，有個阿姐唔停咁抺，還算乾淨。

第一次到此cafe已經是幾年前的事, 因為禁煙, 環境舒服, 食物不錯而且價錢合理, 所以是平時朋友們眾會的地方, 常常客滿.一段日子沒來, 最近在平日的下午再到此, 一個客人也沒有, 坐下問侍應拿餐牌, 侍應回覆沒有供應下午茶餐, 要從餐牌散叫. 是何時開始的呢? 從前吃過很多這裡的下午茶餐呀... 散叫一杯凍檸茶, 結帳要$28. 明明記得餐牌上印著$20... 凍飲也只是加$2吧? 怎計也不是$28嘛? 帳單寫著"OT $28", 侍應說寫錯了, 很快便把錢退給我. 其實餐牌不同的咖啡也只是$18到$20多, 凍茶$28也不太合理吧. (而且不好喝...)究竟下午茶是真的沒有了, 還是抽起了呢? 究竟每天工作的侍應是否連簡單的飲品價錢也記錯? 還是我太小人之心了? 不老實的店, 我以後也不會再去了. 附近的cafe多的是.店的冷清也不無原因吧.