勁回味

營業中

休息中

下午約五點半到達 勁回味，前面人數不多，但亦排隊約三十分鐘。手卷款式選擇眾多。馬糞海膽已經沒有供應，有點失望，取而代之，只好試加拿大海膽。加拿大海膽拼甜蝦手卷($50) , 海膽份量不吝嗇，但吃起上來有淡淡的腥味和海水味。不過相對很多其他店的海膽，這裏的已經算是不錯，甜蝦味道中規中矩，尚算鮮甜。整體感覺是有少少回味，但不至於勁回味！八月時，在日本食到的原隻海膽，才是真正的勁回味啊！若果每次都要大排長龍，我未必會再排了。不過將來有機會，會再來嘗嘗馬糞海膽。

落左堂後，我又心思思去尖沙咀最新蒲點 勁回味食番卷壽司黎慰藉番上堂既空虛未見其鋪，堅見其龍（我指係人龍呀）自從比各大媒體大肆報導之後，我就冇啖好食，不過佢真係好抵食啖啖海膽鮮味配上三文魚既肥美簡直係人間極品蔗渣價錢，燒鵝味道！

朋友生日的晚上，係尖東麼地道飲酒已是常識，無辦法，這裡一帶都是他們的鐵竇。飲到爛醉的晚上，我仍不忘懷在後面的勁回味。不只一次在這裡飲完酒想食這裡的大大手卷，但每次連零晨時間看到人龍也真是無哂胃口，今晚同朋友講開，我地決定點都要一試。你以為零晨三點不用排隊了吧，錯啦，呢一刻，竟然排左十個人都有，唔講人地以為呢班人好耐冇食壽司，熱愛到零晨要排隊滿足其對日本的愛，或者你以為佢地愛日本到會係釣魚台話呢個係日本領土。大概排了二十五分鐘，終於排到了，當晚我們要了四條手卷。講下呢度嘅手卷選擇，多到不行。蟹籽，魷魚，赤貝，劍魚，油甘魚，三文魚，帶子，呑拿魚，甜蝦，乜腩乜腩位，你想叫的應有盡有，全都是廿幾蚊。最重要係呢嘅主角，加拿大海膽，佢可以同三文魚腩，帶子，黃金魷魚等搭上，呢個手卷之前係電話電腦見到好多人黎到勁回味的朝聖物。我地叫了四個手卷。大約用了十分鐘到包上。加拿大海膽黃金魷魚，是今晚零晨三點的選擇。其實我沒有寄望過佢好好食，因為有朋友話好普通，不過冇期望就冇失望，呢個手卷絕對不錯，四十八蚊，紫菜鬆脆，一攞上手同口接觸的感覺都好新鮮，海膽有半板，滿滿的塞滿手卷中，加上黃金魷魚的配搭好鮮甜，我食完

聽過好多次尖東有間賣手卷, 刺身既小店, 話抵食夾大件! 但好多時都時間問題無機會試...今次終於可以試啦!!! 條隊唔算超長, 其實主要原因是做得太慢, 店舖好細, 有三個員工, 但做一兩個手卷都要最少10分鐘....黃金魷魚手卷芥辣八爪魚手卷其實份量比我想像中少, 但食落覺得幾好食, $1X / 件幾抵食, 行過口痕可以試下 

每每經過新文華中心商場地舖的「勁回味」，總是大排長龍，其中，以年輕男女居多。既然好評如潮，嘴饞小妹又豈能不試呢？苦候了約二十五分鐘，海膽黃金魷魚手卷$28終於到手了﹗只見手卷內，有一大撮金油潤的海膽，以及晶瑩剔透的魷魚條。咬下去，海膽既嫩滑金甘香又鮮甜味美，黃金魷魚爽彈富咬口，且鮮美十足。只是，紫菜稱不上香脆可口也，反而帶點韌口之感。壽司飯，食味和口感，也僅屬一般之作。

好味！係附近食左個Kiliney之後行行下就見到成堆人排隊，鋪面好細，行埋去八卦先知係手卷好奇心催使下（加上Kiliney好似未夠滿足）決定整番件試下聽到前面好多人叫海膽xxx，就知佢既海膽出名啦，一邊排隊一邊諗食邊隻好，時間就過得好快架啦（原諒我唔識轉張圖）海膽味濃，零腥味；魚籽不膩，好甜～ 兩啖KO左想再試多個，但奈何荷包所淨無幾...抵食就唔係特別抵，不過話晒係尖東又開通宵又咁好食就幾抵啦～下次經過再食

由讀大學已經知道這店嘅存在，當時只覺得食手卷壽司應該去大店食，至少衞生有保證一點。誰不知原來係禾稈com珍珠，半板嘅海膽手卷及其他平價嘅手卷成為每日任何時間門口都排晒長龍嘅原因。當日6點10去前面已經排咗10個未落柯打另加5個等食嘅客人。大約半小時後先到自己有得食。是日叫咗半板馬糞海膽（$45）同蟹籽（$15）。佢提供嘅wasabi係好啃嘅，落咗少少都辣到死，同會搶咗海膽嘅味。建議只係嚟少少鼓油就夠。講正題，海膽量多夠creamy,冇腥味，但略嫌少了一點甘香味，但睇埋價錢，就值門票價。蟹籽唔係頹野，粒粒都通透，大大粒，超市淨蟹籽買都唔只呢個價！讚！

已經好耐無食呢間，因為自從唔知咩雜誌facebook推介左之後，日日大排長龍，排第二三都要等成半粒鐘(因為有好多已經唔係買一兩件係買幾盒)。以往，午飯時間買下便當、手卷幾盒當晚飯係家常事，宜家搞到午市唔開，等手卷又等幾個字。不過確實係抵食又好味，超推介手卷。海膽手卷-加拿大海膽/馬冀(大/小 $45/$28）加洲三文魚腩-有青瓜蟹柳甜蛋三文魚腩配沙律醬 $25鵝肝-必須要即場趁熱食 厚醇 煎得啱啱好 $40辣味三文魚-好強嘅wasabi味配上辣味沙律汁 $14以上幾款係必食 其他都好好味 不過個人試過晒都係覺得以上幾款係每次去都無可能唔叫小食方面，皇帝菜爽脆可口。希望小店可以一直經營又怕有太多人要排隊，真係好矛盾。

是日與女友閒遊尖沙咀，想起這聞名已久的手卷小店，便前來一試。當天星期六，我們5點左右來到店外，從遠處已看見長長的人龍在等候，與附近冷清的餐廳形成強烈的對比。到我們排隊時，前面約有15人左右，但因為這小店只有一位老闆娘和一位師傅在工作，分別負責落單和製作手卷，我們結果等了近半個小時才有得吃。三文魚帶子手卷：材料新鮮而豐富，算是有水準的作品，但沒有太大的驚喜。半板馬糞海膽手卷：海膽味道鮮甜，而且有足足半板的份量，讓我們每一口都吃得到海膽，滿足了我們對海膽的慾望！ $45雖然不算便宜，但以其質素與其他日式餐廳相比而言，絕對是超值之選！唯一美中不足的，是手卷送到我們手上的時候，紫菜已經變淋，沒有了手卷應有的脆卜卜的口感。這小店的手卷算是用心之作，價值平民化而合理，但材料絕不兒戲，值得大家排隊試一次！ 但記得要預多一點時間來排隊，否則真的可能會等到發瘋喔！

話說之前有博客話香港無宵夜，但其實香港宵夜多到數唔哂！飲完酒，凌晨兩點半行經尖東，見到勁回味得2-3個人排隊，當然衝過去排隊，點了大馬糞海膽三文魚腩手卷($60)，由排隊至取手卷，共等了15分鐘，排我之後又有十多人了，真是人滿之患。店員會問加芥辣與否，而豉油由自己落的，色澤橙橙的海膽，稱有半板之多，沒有考究，但眼見也不少的，海膽滑滑的，也沒有過腥，算正常的味道，三文魚腩食到是肥美的，但味道不算特出，可能被海膽味蓋過了，紫菜也夠脆，一口咬落去感覺真的不錯，以$60而言，無得輸！

今日睇完演唱會，跳跳唱唱一輪後又肚餓了。由紅館慢慢行到尖東，見到一條長長嘅人龍！原來係想試多時嘅人氣手卷。小店內一人收銀一人製作，慢就慢啲但都值得一試，因為真係好足料。半板馬糞海膽手卷，一睇顏色就知好新鮮，店家會細心地問唔要內加芥辣，一啖咬落去海膽、海水、芥辣味道同時湧入，就係呢一啖已經值回票價，抵我排咗咁耐！另外三文魚腩都好好味，好少手卷食到底都仲有魚生架。不過冇耐性嘅真係唔好排，分分鐘排到你發老黎。

每日收工都見這間手卷店排長龍，今日條人龍比短，就試下這間手卷因為即叫即做關係，都要等成十多分鐘點了一個辣味三文魚手卷及海胆手卷。起初以為手卷三文魚只得上面果幾粒，原來裡面都還有。。。嘩都幾足料海胆都幾新鮮好鮮甜，下次要再試加拿大那種不過有一點少少可惜，就是紫菜有點淋

夜晚十點幾 條隊仲係好長，起碼等咗二十分鐘都有，不過真係又抵又有質素！舖頭面積真係好細，得兩個人 一個負責落單收錢 一個負責包手卷，所以都要體諒一下。三文魚帶子手卷$20 叫咗個最人熱嘅手卷，算係幾新鮮，食到尾尾都仲有三文魚碎，起碼冇偷工減料！紫菜正常，飯都包得幾多，女仔細食的話可能一個手卷都飽飽地。

最近聽聞呢間賣手卷嘅小店好紅，今日趁平日放假特登過嚟試下，聽講如果weekend嚟可能要排成個鍾架!嗰日三點去到仲未開門，明明門口寫住開兩點。不過一場嚟到點都要試！唯有同朋友去隔離商場嘆住冷氣等。大嘅三點九我地落去睇下開咗未嘅時候，就見到已經出現咗一條大概10個人嘅隊！我地梗係即刻沖過去啦！由於成間鋪都係得一個姨姨，所以野食出得比較慢。我同朋友都係試大馬糞海膽手卷$45。無我地想像中咁多海膽但以呢個價錢份量已經算非常唔錯！紫菜微脆，食落海膽幾新鮮但當然唔可以同高級日本料理嗰種鮮味比較。不過以$45嚟講性價比的確幾高！另外，鋪頭貼住話海膽已經就嚟到唔當造嘅季節，可能嗰段期間會無海膽供應，所以想食嘅朋友就要快啲去喇！不過見到其他手卷例如三文魚腩生蝦手卷望落都唔錯，而且只係定價$28，下次有機會都想再嚟試！

同女友行過尖東見到呢間門面細細但就好多人排隊的鋪頭即刻湊下熱鬧 排隊啦見到人人都叫海膽手卷 緊係唔錯過 一人一個！手卷細細 但海膽滿清 食到最尾 都有海膽係口而且海膽係一舊舊好分明而唔係一PATPAT漿 是新鮮的證明食落亦一啲腥味到冇 係香港 俾幾十蚊就食到咁既質素 真係好難得!