勝利小廚 (已結業)

三日前, 特登去勝利小廚食海南雞飯, 但係, 居然唔多人客, 以前就算下午茶都好大機會要等位, 真係今非昔比了海南雞飯好像同之前好大分別了, 飯粒很硬, 色係鮮黃色的, 好像咖哩飯一般的, 有點怪, 雞油飯都仲有香味, 但係已經無以前咁香..雞肉係起骨的, 份量一般啦, 有六件, 肉質不算太滑, 點雞的醬汁都只係得個辣字, 很失望..服務都很差, 落單的阿叔有點悔氣, 又無得罪, 都唔知點解.. 天氣熱都唔使咁呢以後, 少了一個去食海南雞飯的地方, 可惜 不如去泰妃雞好過了..

懷念 n 年前食過的海南雞飯星期日七點幾, 炎炎夏日要等位, 為左食雞, 都等啦半個鐘頭有位, 佢就叫我坐一張二人檯, 一分鐘後就喝我們搭檯........但轉頭又係兩個人坐冷氣唔夠, 叫d阿姐較郁d風扇, 佢就話唔郁會涼d...." 吓 ??!!"叫左半隻海南雞 + 油飯, 蛋角, 腐亂通菜蛋角 - so so.......做到肉碎菜圃蛋, 不及格腐乳通菜 - d 腐乳一pat pat 漿油飯 - d好黃, 飯好硬, 無雞油香, 椰香........完全過份食到大汗搭細汗, 海南雞終於黎回憶幻滅......冰鮮雞, 肉有點梅, d皮好厚肥膏, 無肉味追杯凍檸茶, 追左3個人, 最後果個staff 好似審犯問我們係咪未order.....要等咁耐, 服務態度咁差, 食物又唔得, 真係貼錢買難受

好耐無食勝利小廚了, 今次再食, 食客的人數大幅減少了以前好鍾意食海南雞飯的, 佢地個海南雞飯係全港首屈一指, 不過今次食過之後, 有點意料不及, 飯粒好像比以前乾了很多, 口感沒有以往的好, 油飯係鮮黃色的, 味道雖然對板, 依然有香濃的雞油香, 不過份量都少了...雞肉ok滑, 起了骨的, 份量都夠, 只係覺得飯粒因為乾而變硬了, 無以7咁好食lu餐跟一罐可樂, 碟頭很少, 令我只夠七成飽

7月12日晴,被天文台老點下驟雨,結果是又一日的酷熱天氣,中午12點多由旺角火車站利去勝利道真係利到伸晒脷,尤其是太座大人更是吃不消這種天氣,不過任誰也會感覺到熱氣迫人,講回食物, 我們叫了海南雞飯套餐, 泰式湯米線雙併生牛肉同墨丸,另加了一個馬拉盞炒A菜, 先講海南雞飯套餐, 雞肉OK雞皮不脆,雞油飯雖然分量較小但以現代人的分量及40元來說已經是合格了,但醬油只是普通的甜醬油而不是黑油,另一個辣醬就真的有辣味,同時間泰式湯米線亦到了,只見牛肉其實是全熟了,可能是安全起見吧, 最後來的馬拉盞炒A菜味道是可以的但吃了兩/三條菜後,發現有條類似頭髮但不是頭髮的淺黃色硬身線狀物體, 我只是拿走它心想一條講都嘥氣,點知再撥開些少菜看的時候,竟然看到三/四條同一物體,這樣真的無法忍受,叫老闆娘自己看看,他的另一個男待應行過來說: 幫你取消這碟菜好不好?這個當然啦,幾分鐘後,那個男待應行再過來解釋說那些物體是廚師炒完餸洗獲時用的擦的擦毛,他還好像想說那並不是什麼不潔之物那個表情,真的是,即使每次洗獲都只是用水沖洗,那也不應該丟落在餸菜上,還要不只一條?講到服務就真是一絕,我亦明白外面有人排隊等入來

第一次黎依度食。。依度ｄ位幾迫。。服務員態度麻麻。。我同BF2人去食。。我地叫左一碟海南雞飯..同一碟卤水鴨飯..各$40包熱飲..凍飲加$2..之後仲點多一個泰式魚肚羮$45.。。我ｂｆ想杯野飲後叫。。佢都話唔得。。好似想迫你快ｄ食完就走咁。。間舖有方台同圓台。。方台坐４個人（合理）圓台都唔係好大張。。坐成７－８個人。。如果你同隔離ｏ個個人唔相識都唔想坐咁埋左。。（如果左手夾野。。仲死）不過好在我地係坐方台。。講返野食。。我覺得卤水鴨飯好味d..好香好有鴨味..個汁仲好醒胃..而海南雞飯d雞油飯都好正..不過有d部份少少鞋。。不過都幾好味..個泰式魚肚羮有d似碗仔翅。。不過材料就有d唔同。。有豬紅。。同筍等等。。都ok wow..食物方面我都幾滿意。。如果唔係同朋友GATHERING。。只係食飯。。依度係值得推介。。

一班朋友傾完野後,諗住去醫肚,有個朋友就建議去"勝利小廚 "食小菜,佢話d小菜都ok既,咁咪去囉,之前去過食海南雞飯架喇,喺我印象中,果度d位好迫,又多人,食完就要即走,不過,竟然朋友建議到,咁咪再去吓囉!我地一行8人去到時因為無大桌,所以大家都等左幾個字,我地入到去,開始點餸,但係好多野都無囉,唔知係好生意吖,定係佢地唔係強頂係做小菜呢?鴨無;鳥頭又無;桂花魚都無;小白菜又無.....唉!!!! 最終都可以點到其他餸~~~海南雞- 總共叫左隻半,唔係話好食,而係隻雞好細,大家夾左兩至三件就無哂,其他餸又細酵喎~~~~豆腐斑腩煲- 一般.....小棠菜鍋貼- 幾好食,好似蝦餅咁豬比- 都幾好竹笙蝦仁炒蛋白- 完全唔掂,一d味都無,蛋白又唔滑,又無竹笙,放d蟹子喺面...超鬼炒大蜆- d蜆真係好大隻,但唔係好鮮味西蘭花炒鮮魷-一開始就叫,我地食哂所有野都未黎,叫左呀姐去追一追,呀姐就話做緊架喇,你唔見我地頭先好多人咩?一下子邊出到咁餸呀? 咁既服務態度點得架!? 我地都忍佢,但過多2個字都仲未黎,好唔對路,我地再追一次,又係果個四眼呀姐,佢幫我地問廚房,廚房話無單,再睇吓我地張單,又

同事揸車, 游到旺角午膳, 泊好車, 行到勝利, 門口滿是海南雞的旗海!坐下後, 當然係叫雞.....飯啦! 店員粗聲粗氣接單後, 很快便送上一碟碟飯來, 淡淡的油飯唔夠熱兼一舊舊的 去了骨的雞也是過淡, 嫩就嫩, 但無乜雞味... 同事們則叫咗鹵水鴨飯, 鴨皮及鹵水汁味道ok, 但鴨肉略嫌未夠入味! 看來只是啅頭而已... 唉.... 整體是失望的!心想, 海南雞飯全港多的是, 這裏也不是獨市, 味道也不見突出, 為何店員的態度可以咁差? 本來還想下次試吓青咖哩雞, 但想起店員的嘴臉.... 免了!

兩個人去食，係我朋友細個去嘅地方。叫咗$40招牌海南雞飯，同埋賣哂廣告話老闆專程去泰國學番黎嘅$40滷水鴨飯，一碟$68嘅豉椒蒸帶子，再加一碟$35蒜蓉A菜。海南雞飯好少雞肉，骨多，個油飯OK香。同白切雞唔係太大分別。滷水鴨飯就相對黎講好多餸，冇骨，不過唔係油飯。個汁算唔錯。碟帶子蒸到過哂龍，一啲都唔好味。碟A菜求其OK啦。環境：普通勁迫嘅搭檯茶餐廳。服務：啲侍仔都唔知邊碟俾邊檯，行過黎嗌，靠人客自己認頭。呢間嘢出面排大長龍，人頭湧湧，但係真係唔明點解咁受歡迎。好普通啫。

曾幾何時, 都幾鍾意去食, 因為之前真係好好食, 但係一日不見, 如今好似入錯另一間店...以前海南雞飯真係好好食, 因為雞肉滑, 仲係黃油得嚟啖啖肉, 可是今次再去, 雞都係深黃色, 但係多左好多肥膏, 只係一般, 因為肉少, 變成食得唔過癮了..油飯都算幾香口, 同以前一樣, 都好有雞油味, 點雞既醬汁今次辣左少少, 見原來openrice 劣評如潮, 莫非真的退步了?

想食海南雞飯, 特登由太子行過去, 好多人等, 好迫 6個人坐一張3尺x2尺ge 枱, 迫埋一齊。連待應要比野你食,都要勞煩客人伸手law 上枱. 冇咩服務可言. 以海南雞飯而言, hk$40 連野飯, 味道 一般, d 飯妳好黃色,但係唔覺有雞油味, 得d 色, 個人覺得 "粥皇湯后美食城" 好食好好多, 可惜已結業. 佢地d 雞真係做的好嫩滑, 好新鮮, d 醬汁仲好正宗泰式。

成日都好想嚟試吓海南雞飯，啲人話好好味，但我覺得嘛嘛哋,,,,,,啲雞冇雞味，淋pat pat，份量又小，真係冇特別lor......另外，叫咗個咖哩斑腩飯，反而有啲驚喜。啲汁好好味，唔錯！喱度地方細，人又多。侍應勁冇禮貌，明明係佢撞埋嚟，佢仲啤著我，点搞架？

每個星期的星期一都忙得像打仗一樣，下班後本來心情沒有很好，有點想空著肚子又捱過一夜，但想起有人叫我要好好調養身子，否則去到台灣只能眼光光的看著美食，沒有吃的份。慢步走到勝利道，雖算是何文田區，但在旺角火車站走過去也不遠。最初打算吃一家隱世粥店，養養身子，但好像這陣子吃了很多破店。經過勝利小廚時，想起除了海南雞，還有豬髀(豬蹄)飯可以介紹呀！這個豬髀好好吃。經過長時間的滷制後，豬髀超入味，每一口都充滿著滷水香。肥油和滷水香超搭，而且經過滷制，一點都不會油膩。滷水味道很夠，有陳舊的味道，這裏跟西打最愛的同心滷水豬髀質素不相上下！這些醃菜跟豬髀的味道超搭，令整道菜的味道提昇了不少。這種醃菜的味道是咸甜酸混在一起，還帶著一點點滷水香味。配上一點點醃菜的米飯，更好吃。就像蔥油配飯一樣，味道很複雜，但真的好好吃，西打差不多沒吃過豬髀便吃光了整盤飯。以滷水來說，潮洲菜當然是一個很好的選擇，但如果要吃又香又滑又充滿滷水香的豬髀(豬蹄)，西打會二話不說挑泰式豬髀。西打沒有去過泰國，不知道真正的地道泰式豬髀味道會怎樣，有機會一定要親自去泰國吃一次！更多圖片:http://blog.yam.com/ywjo

超好食既海南雞飯位於呢間何文田勝利道既勝利小廚 Victory Kitchen，我已經幫襯左六七年！佢既海南雞飯可特別選去皮去骨，特別係雞脾飯可算是一流，加埋佢地既特別黑色Soya sause同油飯，可以話好食到不得了!一個海南雞飯一人餐都係$45有雞(例牌)連飯再加$2凍飲，都唔算好貴！個人認為價錢合理！如果有時想食好少少既，不妨去試下啦~

住在附近，平日經常經過，但總沒興趣幫襯，主因是以前給我的經驗頗差所致。早幾天一個人要填肚，見到不用等位，於是就入去再試。(已經有年半沒幫襯了。)海南雞繼續做得非常嫩滑，但肉味就比以前的淡了很多，幾近沒雞味，是否因來貨而做成呢？脂肪仍是像以往的多。我沒有蘸黑油，因為會破壞了原味，也蓋過了那淡淡的雞味。黃油飯仍不是這兒的強項，有油但不香，這方面”好時”做得很出色。招呼仍是那麼不濟，正確點說是很差，職員很技巧地令顧客不覺得被呼喝，但他們的服務態度實不能為我接受。這類食肆是否被一班良善的食客寵壞了呢？

09-02-01海南雞飯$40咕嚕班球$48白灼白菜$35知道呢間嘢好耐嘞，蘇絲黃喺做商台嗰時已經介紹過 海南雞飯冇油香，雞肉冇肉味，肉質’鞋’反而咕嚕班球就几好，鮮味就冇，炸到好酥，食到尾嗰舊炸魚都仲脆，酸甜度剛好，都有几多舊炸魚，配料啲青紅椒菠蘿洋蔥都多，份量足白灼白菜，冇乜油夠清爽二個人食完，要再搵嘢食結論唔嚟冇損失，即係食海南雞飯，唔駛嚟呢度