3
0
0
(E2出口近泉章居)
繼續閱讀
電話號碼
9809 5095
開飯介紹
江蘇太湖大閘蟹,送所有配料(紫蘇葉、醋、薑、即冲薑茶、紅糖,以及烹調指引)購買10只以上兼送到府上,亦可代客蒸蟹外賣。
繼續閱讀
營業時間
星期一至日
11:30 - 23:30
以上資料只供參考, 請與餐廳確認詳情
招牌菜
第一次寫食評, 當然要寫我的至愛 - 大閘蟹, 由於當造時間短, 一有機會我就會買黎食.舊年食過既勝記喺旺角火車站染布房街開左間舖, 都幾就腳.我好懶,為免麻煩, 先打電話叫店主幫我煮好, 價錢選擇都幾多,我揀左兩隻80蚊嘅公(店主奉送一支醋, 即沖薑茶,剪刀,挑蟹肉棒)以80蚊嘅講算大隻, 其實膏係最緊要, size係次要. D膏好正, 都未開蟹蓋,D膏已經流哂出黎, 膏黃好似漿糊咁軟綿綿, 好香滑,真係食極都唔夠! 食完即刻沖番杯薑茶,一樂也!!(p.s.記住要挑出蟹心, 蟹心好寒涼, 蟹心喺蟹的中央, 呈六角形)由於太美味,食左幾隻腳先記得影相!
繼續閱讀
心血來潮走去買蟹食, 山長水遠由旺角攞返屯門, 咁長車程蟹仔都冇被焗親, 返到屋企仲好生猛. 離遠响對面馬路見到勝記, 好開心, 招牌算搶眼易搵. 再望下雪櫃內大閘蟹的價錢, 原來蟹乸比蟹公貴, 即使係同一重量, 老闆話乸會爆膏 d, 可能呢個就係原因囉... 價格幅度方面, $65 - $150. 送蟹醋, 紫蘇葉, 即沖薑茶. 蟹剪和蟹挑, 係講價講番嚟的, 多謝老闆~蟹公膏又香又滑, 好好啜, 蟹乸膏較硬身, 多吃會漏, 原理就好似食雞蛋一樣, 半熟蛋黃當然比全熟嘅好食好多 ! 公乸嘅膏除左有軟硬之分外, 最大不同係, 啜清蟹膏後, 公還有白色嘅軟膏吃, 很甘香, 這是蟹乸沒有的喔... 所以, 公確係抵食, 只係下次要買大隻 d, 因為細隻好難剥瞉...前面尖嘅係公, 後面2隻圓嘅係乸, 好易認 !洗乾淨之後, 可以蒸得喇 ! 反轉佢, 蟹汁會留番响蟹蓋度, 放紫蘇葉一齊蒸, 差不多熟嘅時候就會聞到陣陣蟹+紫蘇葉香味.食嘅時候一定要點蟹醋, 蟹肉明顯鮮甜好多.除左肚肚唔同, 我仲有個未經證實嘅有趣發現, 蟹乸嘅鉗比蟹公細隻, 係咪因為自然定律關係, 公要大隻 d 方便出去搵食呢?!由於蟹膏凍左冇咁好食, 我分開3次蒸, 首先食乸, 大火蒸20分鐘, 敝家伙, 過火左, 腳仔肉有 d 痴彀. 打開蓋見到不算好爆膏, 唯有寄望一下隻...轉中火蒸15分鐘, 明顯有改善, 肉滑左, 爆膏情況亦有起色. 此外, 有樣野要提提大家, 蟹心超級寒涼 (打開蟹蓋後, 隱藏在蟹身中央果堆蟹膏內, 淺灰色, 類似五角形), 千祈唔好食呀 !最後食蟹公, 佢嘅膏係最香最滑, 確實有咸蛋黃 feel, 無可擋的感覺, 只欠古越龍山~~~~~~~~
繼續閱讀
蟹乸,相對蟹公細隻一點(同價計),蟹膏顏色呈橙,非常吸引。味道方面,感覺上蟹乸的膏比較實淨,入口很香有如蛋王一樣,輕輕一塊放入口中咀嚼取其香味濃郁,再灌以少量太鵰﹗個感覺真係天人合一呢﹗
繼續閱讀