勤記潮州食家

營業中

休息中

<屯天元米豬連食店勤記>屯天元區已開始有既定既黃色經濟圈 呢間勤記 食潮州野係其中一間 冇落味精既潮州菜 價錢相宜 有飯餐有小菜 味道十分唔錯👍🏻 🍴椰子雪耳蓮子百合豬骨湯🐷晚餐加10 蚊就會有湯 飲品 飯。 我想講呢個例湯勁好飲 估唔到係甘正 椰子味香落足料 豬骨味香 又有蓮子既甜味 好潤好好味👍🏻 🍴花鵰醉雞 例 44 蚊🐤醉雞既酒味偏濃 雞肉凍食夠嫩滑入味 雞皮香滑 雞肉軟林 好正🍴香茅雞扒肉燥飯52 蚊🐤飯同雞扒分開上 唔驚炸雞扒會淋 雞扒 炸得幾香脆 香茅味唔算濃🐤 幾厚肉 同嫩滑 點 d甜酸汁都正， 而肉燥飯 既肉碎幾夠豬肉味 醬汁甜咸味適中 🐷飯淋左 d . 但可接受 整體唔錯🍴薑汁芥蘭炒臘腸 47 蚊 🐷好抵食 勁多芥蘭夠新鮮爽口🌿 臘腸唔係超肥嗰 d . 係比較爽彈 味道比較香甜 juicy 用薑汁炒要黎撈飯十分唔錯🍚 🍴芒果海石花凍 🥭 加12蚊呢個甜品好正 椰汁味香 凍度適中 ❄🥥 個花凍有 d似爽口既大菜糕 芒果夠新鮮🥭 十分清新 正Score 平均分 <7.2/10>Taste 味道：👍🏻👍🏻👍🏻Present 外觀：👍🏻👍

勤記潮州食家 (元朗)🔹間唔中都會黎食下 ，貪呢度夠新鮮即叫即整 真材實料 🔹近日見到勤記捐錢比星火 確認係黃店 特意前來支持一下🔺花雕醉雞肉操飯 $47 (有湯 同菊花茶)😋指數: 🌕🌕🌕🌕 🌘◻️以前都成日幫襯佢地嘅花雕醉雞 到而家仲keep到水準 👍🏻 個花雕汁 超級無敵香😚 正到 每食一啖雞 都要沾一下個汁😳🍵個湯🍹同菊花茶 都係自家製 好足料 跟餐 但絕不馬虎🔺潮式蠔仔粥 $40 @1碗😋指數: 🌕🌕🌕🌕🌑◻️蠔仔粒粒都好飽滿 蠔味十足🤣🔺南薑炸雞全翼 $25 @3😋指數: 🌕🌕🌕🌕🌕◻️💥💥必點💥💥 幾飽都要試！😈香脆 好味 大大隻 好滿足🥳🥳🥳📍 勤記潮州食家 (元朗) 34890108元朗教育路88號寶城大廈地下5A號舖12pm to 10 pm(mon) day off

唔洗返屋食飯，我都食咗個無味精住家飯。4x蚊，有湯、有飯餸、有飲品，仲要無味精（sorry , 重點要講三次）far beyond 不過不失，絕對係水準之上的超班馬。冬瓜薏米湯。大大嚿湯料話你知真材實料煲，所以湯水夠清，下火又夠味西蘭花炒牛柳配白飯。驚見隔離有一盤飯。呢個已經係少飯版本，一樣係食得飽有突。西蘭花份量絕對無呃秤，熱辣感受到鑊氣。加上茨汁墊底。隨餐跟自家製菊花茶。亦可以加錢轉其他飲品。一般呢類型餐廳嘅檸茶都會似餿水。但呢個真係唔似。都係一定正常嘅檸茶。最後，其實姐姐態度都幾好。有問有答，感覺幾開朗

以前番工都成日喺度幫襯，食親都係午餐，平時lunch set幾抵，四十幾蚊，包湯包野飲，菊花茶最正。當中食過咁多次，最好食都係呢個腐皮卷飯，因為係潮州野，有獨有嘅包法同配料，出面係食唔到呢隻味嘅。食果陣加埋d甜酸汁，非常醒胃。但呢隻餸唔係成日會做特價，想食平野嘅朋友可能要等佢一星期其中一日。佢最好係會喺facebook每日update菜單，你想食嘅嗌外賣都得，雖然佢廚房較細，所以成日都要等好一段時間先有野食。

一行三人想幫襯一下附近小店，見勤記都係食家常小菜，諗住試下佢。鋪面唔算好大，十張枱度，我地入左都仲有兩張枱剩。餐牌就小小地，有六個晚餐同幾個海鮮。其實我地都細食，驚食唔哂，於是揀左兩個餸，想要條菜，打算落單嘅時候問問有冇菜食下。老闆娘正全神貫注睇緊倚天屠龍記，我地舉手，老闆娘一開頭都視而不見，之後見其他伙計出緊菜，唯有走埋黎落單。老闆娘一開始已經面露不悅：「講啦！」我：「我想要，呢個，同呢個，另外想問問有冇菜呀？」娘：「黑板」其實黑板冇菜我：「會唔會有其他.....」其實未講完......娘：「黑板，自己睇啦，冇架啦！」其實都已經嬲嬲地，我是但要左個。我唔係咩恩客，你亦都唔係收我咩大錢，我仲要阻住你睇倚天屠龍記最精彩嘅六大派圍攻光明頂，但都係想阻你兩分鐘我就靜靜地食飯架啦，你唔駛咁樣比面色同比氣我受嘅......😰其實如果你睇唔起年青人或者學生，大可以唔做佢地生意，何必要打開門做生意仲要難受，又或者你係倚天屠龍記嘅粉絲，唔睇唔得，你大可以同我講等陣先幫我落單，我唔介意，因為我都知好好睇，又或者你可以上網睇，我食遲幾廿分鐘唔會死架。公道講句： 佢嘅食物唔差嘅，真係好似屋企飯咁，仲有碗湯水

有時候呀，上班時間長了，中午就不知道吃什麼。不是燒味飯就是茶餐廳快餐，都是飯多菜少汁也少的東西！吃完簡直一點勁都是不出來😂飽了也不知道吃了什麼～1人餐單參考（飽足程度：★★★★★）：馬拉盞炒通菜 x1白飯 x1老火湯 x1自家製菊花茶 x1一共HK$34👆馬拉盞炒通菜 $34（推薦指數：★★★★☆）能進這間店，已經不是好吃不好吃的問題，是健康跟家的味道，這種清淡簡單樸素的味道遠超那重口味的快餐！就連例湯都是天天改變，清甜的很

真係唔明白點解呢間 勤記潮州食肆 會有咁多好評， 我哋住在元朗區附近，一年內去過兩三次 試咗幾樣菜式 ，都係味道一般， 服務就非常惡劣 完全係一副趕客態度， 最令人匪夷所思是 記憶中前後見過三四個侍應， 都是保持令人反感的 超惡劣待客態度， 但其實他們又不是因為工作忙碌繁重以致脾氣暴躁， 見過這裏多數夥記 每個動作都是慢條斯理的 ，不同於澳洲牛奶公司等餐廳的高速醒目但態度高傲， 勤記餐廳所有夥記反應慢態度又差， 另外次次都出菜超慢， 無論是套餐 晚餐 或是散叫普通菜式 都最少要等半小時甚至成個鐘 ，我哋試過醉蝦味道怪怪的， 蠔仔粥 醉雞也水準一般， 價錢也不是特別平 ，可能元朗區比較缺乏 類似的家庭式 小菜館， 所以經常也不乏捧場客。

勤記出名無味精，例湯足料🍵🍵🍵🍵🍵，款式日日唔同🥒🍠🥔🌽🥕，你以為蕃茄薯仔湯🍅🍅🥔🥔就咁落呢兩味主菜，你太天真！老闆娘煲蕃茄薯仔湯，總會落舊蕃薯🍠🍠，味道即時昇華！😊😊😊次次飲都會研究老闆娘會加咩湯料，次次都有驚喜，難怪唔需要味精，都可以飲到別出心裁的靚湯！😋😋😋平日已經甚少返屋企食飯，飲湯更少，難得有一個地方可以飲到老火湯，故此勤記已經成為我的至愛！🥰🥰講完湯，一定要讚下個餐，今次食原條蒸紅立魚，只需$41，非常抵食！

🐷胃食豬記錄🐷元朗勤記，住家飯的味道。連一碗湯都不馬虎，絕沒味精，落足料去煲，重點，係不會鹹。不會隔夜！就算連送的菊花茶，都係店員自己每天新鮮沖調的，不會甜，所以放心飲用都可，有滋潤和下火的作用。午餐的B餐，西芹的比例比肉片多，西芹又新鮮。最適合健康又正在減肥的人士食用。絕對係元朗人午餐的好選擇。只需$35，就可以享用到一碗冇味精，又有菜有肉的午餐，再配上一杯下火的菊花茶，絕對抵食。健康又有益👍🏻

今時今日要搵一間有住家味道的餐廳是一件很困難的事，元朗竟然發現了一間叫勤記的餐廳，所有餸菜都不含味精，就算連一碗湯都有媽咪煲的味道 。今天我便見了一個菜心苗炒肉片飯才午餐， 只需$35，包一碗例湯及送菊花茶。例湯是豬骨雞腳湯，完全沒有味精，也不會過鹹，又不會很油膩。材料也十分足料。是師傅每天新鮮烹調的，所以可以放心飲用，絕不隔夜。菊花茶也不會很甜，也是自家製的，真的是每天自己沖制的，有滋潤和下火的作用。至於菜心苗炒肉片飯 ，菜心苗十分多， 又新鮮又嫩滑，再配上肉片去炒，都不會吃得出有油膩的感覺，適合小吃菜或者是不愛吃蔬菜的客人食用，這一餐完全感覺十分健康，也不會怕變肥了。

近期聽到囝囝講(佢仲未試到)，勤記既土魷蒸肉餅好得，於是上Facebook 睇到今天中午有土魷蒸肉餅午餐供應，雖然外面落住幾大既雨，我都專程搭車去元朗一試，餐廳沒有什麼特別裝修，令人感覺好平實，坐位一般舒適但都ok，叫左土魷蒸肉餅午餐，有一碗例湯，味道還可以，肉餅用鐵碟蒸，看似平凡，但一試感覺超好味，肉不太肥膩，還有很多土魷絲，土魷香又野味，肉質彈牙絕對唔(鞋)很有水準，已故家母最拿手的土魷蒸肉餅完全番晒黎，非常正

必試、必試、必試重要的要講三次，以前成日都會幫襯，之後隔左一段時間無去食，今日屋企人再提起依間潮州野，初時完全諗唔起係邊間，以為係間新餐廳，點知越行得近就記起依間鋪頭啦😋成日同屋企人講'去寶城隔離果間食啦'，以前唔會留意個名，只係會咁樣叫，但反而今次就特別留意鋪名，可能因為想寫個食評，就更加留意鋪名，等多d人識下小店入到去，個姨姨已經認得出我地啦，仲問做咩咁耐唔黎喔，依d就係連鎖店、快餐店無ge人情味掛🤔跟住，我地就叫左三樣野食必叫亦係我最愛-蠔仔肉碎煎蛋、跟住就睇晚餐牌叫左個西蘭花鮮菇小元貝同豉汁蒸黑倉食得出每碟菜式都係廚師用心整因為食得出係新鮮有鑊氣，唔係人地預先整好左俾你，成日覺得想食好野，就需要耐心等候其實，依間鋪頭食過不下十次啦，有好多不同款式，打邊爐、小菜、小食、豆花甜品最常食都係小菜，因為真係煮得出色，每次晚飯時間都係坐無虛席所以絕對推介你地一試

家姐不斷介紹呢間小店外表無咩特別，又唔起眼原來已經係元朗好多年！！家姐鳯爪醉蝦係必食嘅！噤我當然要試下！鳯爪夠爽又夠味同平時食到軟棯棯果啲好唔同醉蝦真係好正！！！我好中意食蝦，但不愛剝殼呢個蝦確實令我想愈食愈多蝦好鮮，酒味超濃唔係普通酒！係荔枝酒！夏天熱辣辣入去食個醉蝦真係透心涼！必食丫！！價錢仲好抵！！真係元朗人的福利😆😆

之前上討論區有人介紹過呢間食打冷嘅小店. 今日我哋一家三口就專誠入元朗試下. 我哋三個路盲嘅屯門人踩入元朗搵食, 又要唔熟路, 只識傻傻地喺教育路前前後後咁直行, 當然係搵唔到啦! 原來呢間小店要轉彎先見到嘅, 哈哈! 蠔仔粥一鍋 $59.00--好大鍋啊! 蠔仔大粒又肥美, 湯頭略嫌咸了少許, 但可接受. 蠔仔肉碎煎蛋 $40.00--由於係蠔仔煎蛋, 而唔係蠔仔餅般用大量油去炸, 相比起就少了油膩感, 且充滿蛋香. 滷水雜拼 $50.00--有滷水蛋, 豆腐, 豬脷, 五花肉, 豬耳. 味道唔錯. 如果有多點選擇會更好...沒有我鐘情嘅大腸及墨魚, 有點可惜. 醉蝦 $10.00 (惠顧套餐+$10.00有三隻)--酒味剛好, 雖然係$10.00三隻, 但蝦嘅size對版, 鮮甜爽口. 菊花茶$5.00--飲得出係自家製, 好有屋企煲嘅feel, 唔係溝糖水. 埋單 $164.00

秘制既醬汁令炒菜十分好味，午餐由$30-33,十分大份好食。粉面都係$15起，加底都係$3,冇得輸。獨家推介泡飯，冬瓜與魷魚十分配合，湯底鮮甜之餘，味精味不重，再加送足料的即日靚湯及菊花茶，真係你的必然之選