北京樓 (德福廣場1期)

營業中

休息中

沒有上菜前小點；前菜沒上就上熱菜；湯羹最後才上；廚房出菜非常慢，不同的侍應問我們同一個問題，問哪些菜沒有上，自己不去廚房查一下。非常差的服務態度，這個價錢不應該是這麼差的服務。不會有下次。

每次去北京樓都係晚飯時間過嚟食北京填鴨，未試過下午時間嚟飲茶，今日有時間就過嚟試吓。環境寬敞舒適，服務友善，總體，每碟點心都做得好精緻好靚，但茶具碗碟幾隻都有崩裂，點心籠有甩爛同有黑斑，扣緊啲分。🫖香煎墨魚餅 $50墨魚餅薄片，外層煎到金黃色，質地彈牙，充滿墨魚香甜味，配埋甜酸醬，好惹味～鐘意食🥰🫖點心拼盤 $148點心有燒賣，蝦餃，鮮蝦菜苗餃及黑松露素餃，共10件。黑松露素餸，顏色鮮艷，外形脹卜卜，餡料瓜類蘿蔔及淮山，清新爽脆，面藤鋪上黑松露，幾特別！蝦餃新鮮爽口，幾好燒賣普通，略咸菜苗餃嘅皮太厚，但餡料飽滿，都好食🫖三鮮蒸餃 $90有六隻，餃子皮太厚啦，餡料雖然唔算多，但咬開都好有肉汁，似食緊厚皮嘅小籠包🫖百花釀魚肚 $49蟹籽蝦肉都好爽口，魚肚都好滑好大隻，吸晒好多肉汁，相對其他茶樓嚟講，唔算好油同唔鹹🫖黑豚叉燒蒸腸粉 $44腸粉透薄粗身，充滿米香，黑豚叉燒碎上，有芫荽，餡料滿滿，每一啖都有蜜汁味。📍九龍灣德福廣場1期1樓F20號舖

服務非常差，職員見到你搖手都當睇唔到，好辛苦叫到個職員來倒茶，完全無回事，同個着灰色經理衫的經理反映我地無人理，連個經理都好似覺得無嘢咁，好貴的價錢，好差的態度。食物偏油，北京填鴨普通，其他就是普通茶樓質素，但高檔茶樓價錢。我其他北京樓都有去，就只有九龍灣北京樓這間最差。叫個花胶等了1個鍾都未到，還要無人理。唯一好的地方是位置夠寛敞，及可無限期佔位，因點的菜無限期唔到，其他真喺有待改善，服務為劣。

職員工作態度極Hea，服務奇差。知客愛理不理的態度令人反感。餸菜質素普通，部份更加放到凍（唔係暖，係凍）才送上，不可接受。招牌片皮鴨，放喺路邊超過10分鐘先有人送上，啲staff行過當睇唔到，放到啲鴨肉都凍曬。不會再幫襯，差，badddddddddddddddddddddddddddddd

平時嚟親北京樓都係食北京填鴨，食得多都厭啦。所以今次就試下佢其他菜式，賣相味道同樣都係咁高質👍🏻🍽️ 翡翠龍鳳羮職員會親自行到枱前將白同綠既羹倒到一個太極圖案，只係佢唔係白黑配啫😂 味道偏淡但都算係清甜既🍽️和菓子草莓蝦其實我覺得佢似荔枝多過和菓子😂😂 多面炸得好脆，入面既蝦肉食落都幾嫩滑，一碟有7-8粒都唔算少🍽️雲腿糟蒸黃魚呢道菜印象最深刻既反而係雲腿，因為係塗咗蜜汁既，食落好甜。條黃魚相對黎講比較遜色，蒸得略嫌太耐，魚肉好老又乾，而又浸住好多油，不太推介

星期五晚餐約咗朋友gathering😻想揀圓枱方便吹水，所以揀咗食中菜🥰得德福商場方便就腳，就揀北京樓啦😺🦆🫔北京樓必食片皮鴨，皮脆，但係切片嘅刀工可以好少少，有啲片到勁大塊，感覺係有啲求其嘅😛薄餅皮還可以，厚薄都算適中，但係海鮮醬太鹹，唔夠香！如果真係主打片皮鴨嘅話，覺得比起其他店就只算一般、還可以！🐟松子黃花魚，呢個炸得幾好👍🏻👍🏻，魚肉仍然嫩滑，冇乾晒，汁嘅味道都唔錯，不過配料可以再多啲😅🐔🍲砂鍋雲吞雞，湯都幾鮮😁🫛🐷乾煸四季豆，味濃，惹味，肉碎都多😄🦆煙燻素鵝，係我必食嘅小食，煙燻味好香👍🏻👍🏻🥣上海炒年糕，年糕幾煙靭，惹味👍🏻但份量太細碟🍌甜品叫咗高力豆沙香蕉，問咗職員只有香蕉嘅款，比起其他店舖比較細隻同埋實，亦都好少豆沙餡，呢個真係麻麻哋😕中途會有個師傅喺大廳度表演拉麵，我哋坐得太遠啦，就冇特別影相，當師傅拉完之後都有觀眾食客比掌聲，氣氛幾好😀

今日同好友食北京樓，估唔到德福嘅北京樓比尖沙咀嘅北京樓裝修更豪華😆招呼亦較尖沙咀店更佳。今日食咗恒生信用卡嘅套餐，好多嘢食，好好味呀！🔸晚膳四人套餐(💰1180 另加茶位費、前菜費及加一服務費)▫️北京樓兩小碟: 芳香素腐方/香糟醉雞(7.5/10)▫️風沙黃金蝦球(8.5/10)蝦球好大隻亦好爽口🍤黃金鹹蛋味道啱啱好😋▫️雞茸燴燕窩(8/10)燕窩好濃稠，唔會好稀。▫️烤北京填鴨（半隻）（8/10）睇住佢一隻隻鴨燒出黎，就知道呢度嘅北京填鴨質素有保證！果然鴨皮脆，鴨肉又処的嫩。我最鐘意佢每一塊都切到有肉又有皮，又唔會有肥膏。加埋青瓜，大蔥，蘿蔔，甜醬，真係一塊又一塊不停食🤭▫️金銀蒜粉絲蒸元貝（4隻）(8/10)超大隻啖啖肉，好滿足！▫️椒鹽軟殼蟹（糖醋汁）(7.5/10)👌🏻▫️花膠瑤柱浸時蔬(7.5/10)👌🏻▫️灌湯小籠包(7.5/10)皮薄多汁👏🏻▫️生磨合桃露(7/10)成個套餐最普通嘅菜式😂唔夠濃。Overall評分：8/10👏🏻

我哋一家6口於4月11日訂枱8pm，大家向職員點菜，見到有推廣用yuu積分以優惠價加餸，我哋問職員有關用yuu積分加餸細節，她說想點什麼即管去平台order先，其他小菜她可以幫我哋落單。我哋用yuu積分在平台付款點了五個優惠價加餸，再點了其他正價4個正價小菜，包括北京填鴨和雲吞雞！其後叫職員scan QR code confirm我哋yuu付了費的加餸，職員竟回答只可以scan一個QR code，其餘四個要我哋分別四日再回來食，優惠期到5月1日，試問我哋如何在兩星期內再光顧四次？而且係職員俾錯誤訊息我哋，而且我哋亦付了費，經理亦不情願協助，糾纏了10分鐘，才勉為其難為我們入單！過了10分鐘，職員回來反問我們剛才落單係唔係繼續？我們非常意外，原來根本沒有幫我哋落單？！晚飯尾聲，準備埋單，經理竟然話我哋嘅白金AE card有discount今次不能用，因為我哋已經用咗yuu優惠！簡直無理取鬧，AE和yuu係兩個唔同嘅平台，我哋落單前已經同職員confirm咗我哋係用AE card埋單，到頭來經理竟然反口話絕對不可能兩個優惠同時做給我哋，只能承認職員嘅溝通有問題，而且還口硬，職員嘅問題和政策

佢推出咗個四人北京填鴨餐同屋企人去食環境好靚d staff 好好禮貌不過個廚房上餐，後尾越上越慢仲上咗個甜品先上菜啲職員都好好禮貌係咁話唔好意思個餐1180,加埋其他雜費一共1500

試左個$1180四人套餐（要有恆生信用卡先有優惠）餐廳裝修得好有古風味，而且燈光唔會太殘眼，餐枱算大坐落舒服，服務有禮，不過唔知係咪岩岩開業人手不足，舉左手一段時間先有人到9道菜正常發揮，各有特色，唯獨北京填鴨既鴨膻味有點重，個人不太喜歡鴨膻味，所以感覺有點可惜食到一半既時候突然播音樂、有師傅表演拉麵，在場大家都好驚喜同開心、幾有氣氛既最後賣單$1380，原來1180未計茶位費、小食前菜，$1380就感覺唔太抵，建議大家體驗一次食個環境同氣氛就算

同屋企人一齊食飯，環境OK，上菜速度都快，食物不過不失。嚟到北京樓都係想食片皮鴨，記得尖沙咀店會喺你枱旁邊片鴨，但呢度就冇，不過都ok嘅。價錢偏貴，不過出街食飯都預咗。

有幾個月沒去德福廣場 原來2樓的翠園變了北京樓（同集團的店）裝修和服務 維持正常水準 2個人要了午市行政套餐 粟米羹蟹肉頗多2款點心 燒賣比較好糖醋小黃魚 我不大喜歡那醬汁填鴨很出色 肥瘦適中 肉又嫩又香總括來説是滿意 個人認為比尖沙咀店好

片皮鴨味道尚可炒飯材料有異味香腸和火腿、青豆，簡直令人有驚無喜😝😝，望見都不想試😒😒湯麪也是平凡之作，等了很久才入座，真的令人失望😖餐具精美，但座位都是十分逼，格局像較高級的茶餐廳🤨😆

這間北京樓位於德福廣場，前身是翠園，是最近才轉為北京樓！由於是新裝修，所以環境算是算是新淨帶一點豪華。不過可能是30/12, 比較多人訂枱，所以迫了少少。來這兒當然是為了食片皮鴨！ 一隻$410，半份$210！ 自己點了半！ 整體而言，質素算是唔錯，食物夠熱，鴨片算是有點脆，不過應該可以再好一點！咕嚕肉$168，食得出用料唔錯，肉味香，不過唔夠脆！ 上面的炸芋絲淋了，唔太好食，比較可惜。火腿津白$148，火腿鹹香適中，津白過上湯泡過後夠淋和入味！小籠包，皮薄多汁，不過皮比較容易穿，比較可惜。至於鍋貼和炸銀絲卷都是不錯之作！茶位$15一位，茶的質素與價錢對比算是合理！最後點多2個白飯和2枝汽水，連同小費，比了1000個大洋！至於環境，由於是新裝修，加上北京樓一向都是走高級路線，所以環境唔差。值得一提的是服務算是唔錯，值得一讚。

北京樓是一家值得推薦的餐廳。他們的菜單包含了許多美味的菜品，其中一些值得一試。首先，北京填鴨是他們的招牌菜之一，鴨肉皮烤至金黃酥脆，肉質鮮嫩多汁。風沙雞是另一款經典菜品，外皮酥脆，內部多汁美味。小籠包和蟹粉小籠包都是必點之選，皮薄多汁，內餡鮮美。松子黃花魚是一道煎至金黃的美味魚菜，口感豐富。蔥油海蜇頭則是涼拌菜，清爽可口。茶樹菇上湯小豆苗是一道營養豐富的菜品，口感鮮嫩。蝦乾干煸四季豆是一道下酒菜，四季豆酥脆，蝦乾鮮味十足。醬肉炒飯是一道經典的炒飯菜品，肉香味濃郁。蒸銀絲卷是一道綿軟滑嫩的點心，搭配蛋皮非常美味。高力豆沙香蕉是一道甜點，口感豐富，楊枝甘露和焗西米布丁也是不錯的選擇。總的來說，北京樓的菜品豐富多樣，口味出色，值得一試。