北京水餃店 (已易手) 新餐廳

上週日看到飲食節目介紹這裡的水餃。給太太提醒了一下，想起已有好一段時間沒有吃過了。興之所至，隔天晚上就已身處當店大吃一輪水餃....不知是否因為電視節目效應關係，時間只是平日的六時多而已，但從離遠已看到一條小人龍在店外不會那麼誇張吧 ?....幸好那條只是一條等候外賣的人龍，店子內的位置還是找得到的。但當坐低不久之後，門外就真的湧出一批等候就座的食客了。傳媒的威力，確實是不能被小看....不用多講，一來便是兩客水餃，分別在於太座只是淨吃水餃加雪菜，小弟就貪心一些，要了排骨水餃雙併麵，最後還要再加多份葱油餅加蛋才過足癮....習慣上吃麵及配料之先喝一口湯底，感到只是得一股鹹味，沒啥看頭。再吃一撮麵條，有些韌勁，算是有些水準。嘗一口招牌的北京水餃，皮不是十分的厚，懷內的韭菜豬肉餡是塞得滿滿的。將水餃放入口一咬，登時肉汁四濺口內，肉本身是醃得相當的入味，而且韭菜粒亦落得重手，美味；排骨是鎮江風味的，不論在甜酸抑或是肉的入味程度方面都沒有從前厚福街唯一的弄得那麼好，再者肉質是既嚡口又韌身，比起唯一做的入口即溶化的口感自然是差天共地了....好吃的葱油餅最重要的條件當然是要"多葱"。這裡的是"有

今天來tea, 我叫了1. 餡餅 - 九菜及肉的比例剛剛好. 幾油啦.不過可能食開唯一既餡餅啦, 我覺得黎個餅只是ok. 沒有肉汁, 及都幾油.2. 豆漿 - 無咩豆味,不過好在唔係好甜.p.s. 辣油及牆都唔辣架.

陪好友試婚紗,差不多6點才完成,還要到佐敦看其他東西,隨便找些小吃.在遠處已看到門外的餡餅,煎餃,十分吸引,不假思索便走了進來.正宗北京水餃($24) - 韮菜,豬肉碎用醬油調味過,十分濃味.韮菜較多,口腔良久仍有很重的韮菜味,但水準的確很高.北京餡餅($6) - 即叫即煎,熱辣辣的,皮很薄,內裡的韮菜,豬肉碎比例剛好,蘸豆板醬吃一流.(最好即食,否則會很油)蔥油餅煎蛋 - 沾上蛋漿而煎的蔥油餅,厚厚的煎蛋包著蔥油餅,有點吃年糕的感覺,但略為油膩.豆漿($6) - 整個下午都沒有喝水,一坐下便點了凍豆漿,豆味重又不太甜,咕咕的喝了幾口,冰冰涼涼的,十分解渴.臨走時才發現店裡有很多名人明星的相片,原來是有名小店,"執到寶"

昨天吃了一碗不得了的「菜飯」，今天來到「北京水餃」，發現有菜飯供應，心癮一起馬上決定「食飯唔食餃」，點了一客「鎮江骨菜飯」($28.00)，再加杯「豆漿」($6.00)。先來跟餐的「紫菜湯」及「豆漿」，湯的味道沒啥特別，不過不失。豆漿甜度適中，可是豆味不重，估計不是用黃豆即磨而成。鎮江骨與菜飯放在同一碟內，菜飯份量多，應該超過一碗飯的份量，菜與飯混得均勻，只是味道上跟「南京好味」的菜飯有一段距離，沒帶略略炒過的油香。鎮江骨的醋及糖份量控制得不錯，甜酸並存，老抽下得不多，令色水淡淡的，但無損味道。排骨的軟骨位多，對喜歡吃軟骨的我來說實在「啱晒嘴形」。肉腍而不乾，如果再肥多一點會更好，始終油香味略慊不夠。由於吃飯後吃不了餃，唯有下次才來個「食餃唔食飯」吧。

好耐之前已想食那個蕃薯豆沙餅,但那時經過怕左佢朕油煙味,同埋門面不討好,便閣置了。最近睇番舊雜誌,得知原來此店老闆&老闆娘都係地道北京人,所以簡單的裝潢不足為奇。買走回家吃。我的選擇就跟左雜誌既介紹─牛腩菜飯、北京餡餅,同埋原本志願,蕃薯豆沙餅。牛腩菜飯簡直係食第一啖已停唔到口!白菜新鮮清脆,飯粒粒分明,不油膩。完全唔似出面食,腍而無菜味的爛飯。再講那些牛腩,果然肥瘦均勻,軟腍如煲過湯的豬展肉,件件都食得!加埋兩大件牛筋,份量足夠餸整碟飯!強力推介。北京餡餅雖然皮微脆,但太厚,搞到好似餡唔夠,再者餡唔見得juicy。蕃薯豆沙餅,油係油d,不過彈吓彈吓,凍左依然好軟熟煙韌!只不過,餡內係無蕃薯既,蕃薯係搓左o係皮度。咁都食得出,咪就係因為足料law~所以一定有下次。下次要食餃子─茴香豬肉餃、京芹豬肉餃~

喝過酒後，是時候醫肚子。不知為何，每逢冬天和春天，整日都心思思食餃。反正在尖沙咀，再次光顧柯士甸小路那間北京水餃。要了無錫排骨麵、陽春麵和 8 隻煎餃加豆漿。期間不小心翻倒了那杯豆漿，阿姐十分好人幫忙抹乾淨，還奉上另一杯斟滿的豆漿。無錫排骨麵醋味不夠，但排骨肉質入口酥軟，麵質亦有勁；煎餃仍是甚有水準，皮煎得夠脆，底帶微濃，略嫌今次餃皮過厚，有點未夠透的情況。

睇完飲飲男女之後, 特登走來一試的以地鐵站來講, 佐敦站D出口最近店仔細細, 大約只能坐20人左右, 來得食預左逼人等左大約十分鐘就有得入但寫單的阿姐可能太忙/聽力有問題, 又寫錯單, 又寫漏單東坡肉雲吞麵, 東坡肉好肥 (肥膏佔六成以上), 雲吞好食, 餡料好新鮮 (菜肉各一半)仲有少少雪菜肉絲送添上海粗炒, 味道唔錯, 但好鬼油酸辣湯麵湯底OK, 但無乜料餡餅, 皮偏厚, 餡料係"九"菜豬肉, 唔會過咸, 唔錯豆沙餅, 可能知道我地趕時間, 未煎夠就拎左俾我地, 個餅剪到好樣衰, D豆沙漏晒出來, 環境 : 麻麻, 逼唔在講, 地下又比較滑招呼: 唔錯, 雖然忙, 但女店主會不時講, 唔好意思. 而且又會問食物是否到齊..有待改善 : 負責淥麵的男人, 居然係廚房內食煙, 還好就係只食一口就放返支煙落煙灰缸, 而唔係一邊煮一邊食煙另一個問題, 女店主, 收錢又係佢, 整餅又係佢, 見佢一邊整餅一邊收錢, 認真唔多衛生

鎮江骨:夠冧,肉汁豐富,雖然顏色稍遜一點,但配合菜飯, 一流菜飯:多菜,是新鮮的菜,尤其出色...菜飯本是普通,但做得好的不多, 粗糙之流會做至菜黃飯爛,稍好的也會少菜多飯,但這裏的菜飯, 很認真, 若能再熱一點會更好最後忍不住多叫一個蔥油餅加蛋, 熱烘烘, 蛋香濃郁...但或會太飽,若已有主菜, 只作小吃, 不加蛋也很好味...因為個餅質地很好還有它的份量很適中這是今天的BIG LUNCH , 所以要了飯外,還叫了個煎餃...蔥油餅是外賣...個多小時後吃,仍然好味

以前當我仲係讀理工時又做緊student helper很喜歡午餐來這裡吃一個麵 味道不算很好 但十分飽今日和女朋友 又巧妙地經過 便入來試試曾和她試過唯一 今天也可以作過比較 因為我覺得這裡是比較好的地方仍舊是迫 但風格是如此 不能接受的便過主吧兩個人叫了鎮江骨菜飯水餃麵蔥油餅加蛋先來菜飯 份量不算多 但鎮江骨的味道沒有變 仍是如此吸引醒胃酸酸甜甜的排骨把簡單的菜飯變得不平凡汁仍然是十分對味的再來的是蔥油餅似乎沒有理由不加數塊錢去加蛋蛋香撲上來的感覺 香味 和口感 是值得的很好味但要注意一下衛生 吃了幾塊也有一兩條毛髮雖未至於反胃 但最好不要有*這些絕對是可為的後上的水餃麵因為已半飽 但和以往一樣 覺得是很飽肚 但至於很好味可能曾去南京吃過那邊的水餃 水準是有距離的和女友也覺得 再來的是來個蔥油餅外賣

對這家店，小滯滯其實是垂涎已久；先前還猶豫了很久到底食哪樣好，但是……走到他家門口的一瞬間，一路以來的熟悉感終于得到了解釋——早在兩年前，咱就已經來過！不過那時“漏滯”二人組還未誕生。不管過去這里給我留下的印象怎樣，兩年的時間都足夠一家餐廳做出比較大的改變。抱著這樣的想法坐下，打量四周，這里似乎重新裝修過，感覺空間要比先前寬敞些許，光線也要明亮一些。只是，菜單的內容讓小滯滯有點失望，因為上面的食物與兩年錢似乎完全相同。考慮片刻，選了擔擔水餃面。小漏漏又加了一碟涼拌青瓜，期待。此時店里客人還很少，面和青瓜都很快便端了上來。青瓜口感很清爽，麻醬香而不膩，難得的是沒有落得過多而遮去了其它味道。大概是從小食的習慣，蒜、醋和醬油都是涼拌青瓜中不可缺少的調味品，至于麻醬，其實是不常加的。而擔擔水餃面——第一眼看到是“還是老樣子”，水餃依舊大大只，皮不算薄卻汁多味美，算得上出色；而擔擔面，似乎并不比自賣的四川擔擔醬拌自煮的面強到哪里去，麻麻。對于店名帶有“北京”二字的店，小滯滯一向的要求非常嚴格，應該是“戀鄉情結”在作祟的緣故，這家店也很不幸地沒有逃過被嚴審的命運。審查結果：可以及格。食物都還算有北

偶然路過,又唔知食乜好?見到有人在門前煎緊餅,都幾香,所選了在這兒買外賣番公司食.叫了個粗炒加多個豆沙鍋餅,合共35元,價錢一般啦.粗炒味道一般,而且份量少,我一個女兒身都覺不夠.相反豆沙鍋餅,好好味,個皮OK,豆沙唔太甜.盛惠$7元,都可接受.下次有機會會試下水餃先!

後補之作，o個日(29/9)要到尖咀一趟，所以趁機再嚟。上次試咗水餃雲吞，今次安歌水餃，放棄咗雲吞。反而叫咗豬扒拼水餃麵，太太冇乜食慾，剩係要水餃麵，加埋兩杯熱豆漿。飲品先到，見佢o地用煲番熱o的豆漿，但最終都只係暖暖地…無所謂，反正佢嘅豆漿都唔係咁出色。水餃依舊好味，但豬扒竟然咁好食!唔單止肥瘦厚薄適中，最緊要係雖然經過油炸，仍然保持一股肉香同肉汁，高水準之作是也!不過如果能夠分碟上就更好喇!環境都仲係麻麻地，服務都好似冇咁熱切，不過食物水準持續高企！

早前發現呢間鋪頭, 因為約左人食松屋,所以放左o係waiting list.今日終於大派用場. 朋友今朝要見工,所以出黎搵我食lunch.唔想食得太貴,就決定食水餃.入到鋪頭, 典型家庭式小食店, 問都唔洗問, 一定無乜service. 所以自己睇, 自己叫, 不過都唔好期望阿姐會聽得晒你既說話. 你要既野, 佢有可能只係聽一半.今日lunch 餐單1. 水餃担担麵2. 牛腩水餃麵3. 北京煎餃4. 豆漿評語.1. 担担醬太咸, 令原本己經唔係淡味既水餃變得太咸, 食一半己經唔太想食.2. 好味, 牛腩牛根炆得好淋, 麵亦好有口感, 唔會煮得太耐,淋晒. 3. 北京煎餃,其實係水餃, 只係經水煮後略煎, 比較油. 如果己叫水餃, 可以唔叫呢個.4. 豆漿無乜豆味, 比較甜.o係尖沙咀, 唔洗 $40 可以食到lunch. 都非常ok

某天同事話帶我同另一位去食水餃然後就約了第二日食LUNCH呢個位置其實都幾遠去到仲要等位阿姐就叫我地落定單先因為好熱見到有冷麵就點了我同事又跟我另一個就要左酸辣牛肉麵跟住望下又見到紅油抄手又點了然後又望到有鎮江骨 (小菜)又好興奮咁加單大約10分鐘左右可以坐低然後阿姐話冷麵無左平時果款問我地轉上海麵是否OK反正未試過所以轉唔轉都無乜關係不過因為又想試埋水餃所以就只要了一個冷麵又叫多碗水餃最先來是紅油抄手少少辣我還OK但佢既包法似廣東雲吞跟住係鎮江骨炆得好林... 骨頭又好咬... 少少酸好開胃值得一試冷麵的辣也還好同事好欣賞佢既口感話下次一定再試我個人覺得也不錯不過沒她那麼雀躍就是了水餃不過不失唔知點解... 香港很多賣水餃既都係湯上既呢.....整體味不錯不過我估應該有唔少味精下午時覺得好口渴呢...

之前都非常之鐘意這店嘅食物, 由其係水餃及蔥油餅, 但無論食物幾好味, 都唔會再去幫襯, 因為老板娘服務態度太差.今天LUNCH經過, 諗住買外賣返公司慢慢嘆. 等外賣時間都ok耐耐地啦, 不過可以接受啦, 話晒都即叫即做. 到最後, 有個女子幫我包好外賣, 但我剛諗起想要D"豆瓣醬同黑醋"來點水餃, 於是問那位幫我包外賣嘅女子, "可唔可以比D豆瓣醬同黑醋我呀?" 講完之後, 老闆娘响隔離就大大聲用唔太禮貌嘅語氣話:"又唔早D講? 早D講咪唔洗再包過囉!! 我地早D預備呀嗎.. " 個包外賣嘅女子之後先攞D密實袋袋咗兩包醬比我, 我仲自己放返入外賣袋, (又無叫佢重新包).心諗, "洗唔洗咁惡呀? 咩叫又唔早D講啫, 我剛剛諗起想要咋嗎, 講遲D都比人鬧, 我又唔係多多要求, 又無叫你重新包過, 更何況包醬嘅係另外位女子? 你唔想比咪算囉! 點知你無預備定幾包响度架咩... "我係消費者, 來你鋪頭光顧都係欣賞貴店的食物, 做咩要光顧你但係要受氣. 食物幾好食都係假, 服務態度唔改善都唔洗指意我會再來幫襯!!