影片
港鐵太子站 B2 出口, 步行約3分鐘
繼續閱讀
開飯介紹
裝潢以中國古代的京城為靈感，如餐椅便選用仿古設計，環境別具特色。主打風味十足的東北菜餚，其中必試皮脆肉嫩的北京填鴨。
繼續閱讀
營業時間
星期一至日
11:00 - 15:00
17:30 - 23:00
以上資料只供參考, 請與餐廳確認詳情
話你知，今日我去咗一間可以話係傳統北京菜嘅地方食飯，老闆竟然親自迎接咗我哋！首先，個北京烤鴨真係揸得好正👍！啲皮焗得脆卜卜，啖啖肉又鬆軟，夾埋餅、青瓜同蔥一撈，嗰口感實在太正喇！一啖落肚，冇得輸！再講下啲小食，你話小食都小事？咁你就大錯特錯喇！呢度嘅青瓜條卷肥腩🥒，佢個脆嫩香辣，真係攞哂分！而啲麻油海蜇皮滑溜溜嘅，打得一隻巴掌都響，彈牙得嚟又夠晒咬勁。我講你，呢啲根本係小食嘅靈魂所在！至於另外啲招牌菜，我話你話隻松子黃魚嘅香酥脆，試過你就知！魚肉亦都彈牙香滑，真係食落好過癮。每樣菜式講真，都充滿咗驚喜。最後，要提一提服務生，佢哋服務態度超級好，絕對嘅心機美食👌，令人一試難忘。總括嚟講，味美價廉，呢間我會推介俾我啲勁揪嘅食友！
繼續閱讀
今日lunch去咗太子食，揀咗呢間食北京嘢。間舖響3樓，電梯今日壞咗要行樓梯上。餐廳室內昏暗，設計傳統中式，飯枱有一大塊透明玻璃，下面有一隻大碗裝咗啲細石做點綴，幾有特色。擺放枱面既餐具都幾靚，影咗少少相。 午餐有AB兩款Lunch Set，揀咗B既Lunch Set，擔擔麵配韭菜水餃3隻($60)。例湯係冬瓜豬骨濃湯，幾好飲，無味精。擔擔麵一大碗，麵質唔係出面食到白麵粉嗰隻，有少少似公仔麵既黃色麵，但唔係公仔麵麵質。湯睇上去有少少辣，但味道唔太辣，湯底有啲麻醬既味。韭菜餃皮有少少厚，點醋食味道都ok，醋應該係老陳醋，味道同平時食既唔同。壼茶係蕎麥茶，幾好味，飲咗好多，搞到成肚水。埋單既時候聽到待應話有糖水送，係紅豆沙，但要揀飯餐先有得送，我點麵餐無緣一試。
繼續閱讀
餐廳地方寬敞佈置又很中式適合一家大小家庭聚會🐦北京填鴨(一隻) $418是我最期待的菜式，可惜貌似不足一隻鴨，肉質很老，外皮不夠脆，而且配的夾膜雖然很薄，但沒有用紙隔開，令客人拿取非常不便，這是不應該的，很失望🐟水煮魚片 $148很明顯煮的時間不夠，連魚肉都還沒入味，到後期薯粉才把湯汁吸收到🤦🏻♀️薑汁翡翠 $78其實是萵筍條，以涼菜來說溫度是常溫不太合格，而且萵筍切得太粗，口感不太好只有醉雞($98)、蔥爆牛肉($98)、小籠包($78/6個)是正常水準，不過六道菜有三道菜都是感到失望，就不合格了😖
繼續閱讀
叫左冷盤萵荀、炸銀絲卷、地三鮮。萵荀用左鹽、蒜為主要味道，正常，但作為冷盤，唔夠凍，有點失敗。炸銀絲卷係失望，個皮炸到好深色，又好油，炸功欠佳，而且銀絲卷內裡麵團非呈一絲絲狀態。此銀絲卷的味道與口感皆欠理想。地三鮮，係超級油膩，本身茄子及薯仔經過走油（正常處理方法），加埋青尖椒落去炒，本身走油的食材，再加一個好多油的芡汁，食落口，真係一口都係油。
繼續閱讀
散叫，非套餐。嚟得食京菜，主角當然係隻北京填鴨。隻鴨上枱時經肢解咗，佢話有一隻，我點數都算唔出係一隻鴨，不過算。啲皮睇到係乾嘅，反轉見到啲肉，令我想起已經仙遊咗嫲嫲嗰雙乾燥嘅腳板底！同鴨一齊上枱仲有配菜青瓜同蔥絲，啲青瓜個外貌又係乾到都感受到舊青瓜喺三日前被去皮切條，然後遺忘喺冷宮（冷櫃先真）。是日仲叫咗酸辣湯、小籠包、魚皮冷盤、素鵝、上湯津白、薺菜炒年糕、拔絲蘋果、高力豆沙，以上除咗酸辣湯、小籠包、年糕同蘋果可以外，其他都嘩一聲咁失望。
繼續閱讀