十一冰室 (已結業)

呢間新店開左某幾耐，但系聽講出品唔錯。今日就過來飲個下午茶，呢度店面唔算大，但系精緻、安靜，好適合忙左大半日噶人過來飲個下午茶。要左份溏心蛋同熱奶茶。溏心蛋熱度岩岩好，口感好，又香又滑。熱奶茶系熱辣辣噶，未飲就先聞到香味了，飲落去香醇、絲滑，一掃大半日噶疲勞，真系好好。

早幾日去咗灣仔行街嗰陣，諗住搵啲嘢食下啦就上左OpenRice搵啦，就見到呢間十一冰室就係呢附近，咁我哋就決定就去試下la。見佢鋪頭同埋啲嘢食都幾吸引，咁其實佢舖頭好易搵，入到去啲侍應都好好招呼咁，安排左我哋坐咗對街嘅兩個位度。咁我哋一個就揀咗個牛柳粒意粉嘅午餐，一個就叫一個炸脾薯角嘅下午茶。另外加左一個三條ge腐皮卷，飲品就揀左凍朱古力咖啡同佢新出嘅秋天特飲雪梨水。佢啲嘢都係新鮮整，所以都等左一陣咁，但係呢都見佢出嗰啲嘢食好新鮮熱辣，同埋好有誠意。最令人驚訝係牛柳粒意粉啲意粉係有炒過仲有啲菜添！啲牛柳粒份量都好充足，食得好滿足。而個炸脾好大份，食落脆卜卜。咁最尾嗰兩杯飲品都好唔錯，雪梨水真係好滋潤，又足料，而個朱古力咖啡都好香好有朱古力味。我覺得係灣仔食到呢個質素嘅餐廳都真係唔多，所以有機會可以去試吓㗎！

灣仔午飯時間，人頭湧湧，出名搵食艱難，有時要捐窿捐罅才有運行。今日喺麥加力歌街發現有間全新食肆，叫十一冰室，藍色店面，白色招牌，外觀十分搶眼。自從囍帖街重建後，灣仔近廈門街、汕頭街、大王東街、麥加力歌街一帶變化很大，街頭變得又乾淨又企理又闊落，煥然一新。十一冰室在麥加力歌街巷尾，周邊環境清靜，帶點歐陸風情。十一冰室面積不算大，佈置簡潔，環境舒適。店內有一些掛牆老照片，還有一些懷舊擺設如西瓜波、波子棋和舊收音機等，連餐牌背面也是九因歌乘數表，大家可以懷緬一下昔日情懷。午市有9款套餐選擇，另有特餐和數款追加小食。坐下叫了午市套餐香煎蔥油豬扒炒滑蛋飯，跟凍奶茶。另外叫了特餐雞扒餐肉出前一丁公仔麵，追加小食溏心滷蛋和轉特飲紅豆冰。香煎蔥油豬扒炒滑蛋飯，唔算好大碗，份量剛剛好。豬扒煎得香口，肉質鬆軟，炒蛋夠香滑，飯粒晶瑩乾身，再配惹味蔥油，水準不錯。至於雞扒餐肉出前一丁公仔麵，雞扒煎得微焦香滑，餐肉就一般，公仔麵煮製時間恰好，麵身爽口，帶點煙韌，口感不錯。追加糖心滷蛋，蛋黃夠流心，蛋白滲透滷水味道，製作認真。跟餐奶茶，茶味夠香濃，至於紅豆冰甜度調較適中，稍嫌紅豆不夠軟冧。原來星期一至五，1 點4

呢間係一間位於灣仔街市附近的餐廳，佢棲息於一個寧靜的角落仔。裝修主要以藍白色做主題，兩邊梯間放咗綠色的植物，好大自然feel. 港島區來講，食物價錢非常之親民，如果下午茶黎食，價錢竟然由10幾蚊去到30幾蚊，好抵食。台式鹽酥雞扒糖心蛋肉燥飯特別想要提就係，雞扒非常之大塊，雖然係炸雞扒，但咬落去一啲都唔油膩，香脆得來係有一種覺得佢唔熱氣嘅感覺。所以我都食曬成塊扒😂😂😂凍柚子茶今日下午喺呢度靜靜地享受左我嘅下午茶，心情舒暢😌😌😌

路過一試@十一冰室 網址: 地址: 灣仔麥加力歌街1-19號加達樓地舖 電話: 21440911 平凡的日子，身邊朋友假日都要拍拖陪家人，單身bee 假日只好自已解決，一個人搵地方食飯。一個人時，茶餐廳會是感覺無咁慘的地方，快快趣趣 藍色門口，店雖不大但卻感覺乾淨常餐/tea $38 炸雞脾， 跟飲品 ，炸至啡黃色架雞皮，脆身卜卜聲，跟埋薯條。唔夠食仲可以單點小食 $20 3隻香酥雞翼夏天必備一定係iced lemon tea 啦 怕肥我仲一定走甜添，懶健康架我。原來佢唔做晚市架，主要係附近返工架office 客，下次lunch 再來食先

今日去搵新餐廳食，見到依間係玩具街再入既新冰室，見幾得意就去食下。餐單都好特別，用之前既小學生作文簿做封面，餐廳淨係做早市到下午茶，同灣仔一般食肆一樣。我嗌左鹽酥炸雞肉燥飯，換左個滑蛋食，再加左一份小食腐皮炸魚肉。炸雞熱辣辣，真係外脆內嫩，份量都唔少，肉燥唔會好稠，唔使驚好多啲汁，飯量都唔少，滑蛋都幾出色。腐皮炸魚肉好彈牙，配上泰式甜辣醬，外面都係脆卜卜。食到停唔到口🤤最後我點埋個柚子梳打，消暑解渴。

今日同朋友出開灣仔，途經依間叫十一冰室的食店。見到依間冰室好特別。而且店名也十分易記。藍色小屋的裝修也十分有特色。於是入內進食。坐位也很舒服，店內冷氣也很充足。店員也很有禮貌。看完餐牌，午市套餐價錢也很合理。叫咗個台式鹽酥雞扒糖心蛋。朋友就叫咗個香煎蔥油豬扒炒滑蛋飯。首先講糖心蛋，好滑好新鮮，味道好香，很難忘。台式鹽酥雞扒份量也很多，而且是即炸的，口感一流，味道也很好味。至於香煎蔥油豬扒，好香好入味道。豬扒也份量十足，而且好新鲜，肉質鲜美。口感也非常好。炒滑蛋也整得好香，而且十分好食。個人認為這套餐是必食的食物。飲品方面，叫咗凍奶茶。奶茶味好濃，而且又夠冰凍。综合各方面，下次必定再來光顧。個人認為是物超所值的一餐。

#餓豬去灣仔香煎蔥油豬扒炒滑蛋飯 $68煎香左嘅豬扒口感鬆軟，但滑蛋就略嫌唔夠滑溜同未夠蛋香，似係屬於偏乾嘅炒蛋🍳雖然個飯比較乾，但加左蔥油之後嘅飯的確香左好多，將啲蛋平均混合係飯之間加上蔥油真係好夾😚========================法蘭西多士 $24 下午茶又點少得西多士🍞呢間茶記嘅西多較薄，而且煎得較脆身，但切開中間發現花生醬嘅份量搽得未完全均勻同可以🤪=======================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻👧🏻========================📍 十一冰室 (灣仔)灣仔麥加力歌街1-19號加達樓地舖========================#hk #hkig #hkigfood #hkfood #food #couple #hkeat #eat #hkfood #hkfoodblogger #hkfoodporn #hkfoodie #hkfood #美食 #十一冰室 #冰室 #西多士 #法蘭西多士 #french

聽朋友介紹灣仔新開左間茶餐廳，環境好吸引。今日黎到見到藍白小屋裝修設計，非常興奮。餐牌design好有心思，用上練習簿既設計，內裡設計好有心思。我叫左lunch menu既香煎蔥油豬排炒滑蛋飯。豬排肉嫩彈牙，中間有肉汁好香口，入口唔會乾身。豬肉醃得入味，蔥油好香好岩送飯！煎蛋好有蛋香，蔥油配煎蛋又有另一番風味。旁邊仲有蔬菜。唔會太單調！下次黎到想試下tea menu，都好吸引唔！走之前見到好多人叫肉燥飯！

立秋已過天氣仍然高溫悶熱, 從太平山頂沿路下山, 說說停停不經不覺來到了繁忙的灣仔區, 在胡中大廈斜對面的一條小巷找到一間小店「十一冰室」歇腳, 順便解決午餐。小店坐落單程路旁, 人流不多格外清幽寧靜, 一街之隔難得的天與地。坐下左望望右望望, 參考其他食客吃什麼, 最後決定來份台式鹽酥雞扒糖沁蛋肉燥飯及香煎蔥油雞扒煎蛋飯, 剛端上來賣相已給力, 味道更是有讚無彈。首先食物夠熱騰騰夠鑊氣, 鹽酥雞扒外皮鬆脆, 雞扒肉質嫩滑有雞油香, 肉燥味道適中, 不太乾硬又不會水汪汪。最後不得不提冰凍紅荳奶茶，大大粒起沙紅荳，有排水消腫功效，喝完一杯馬上透心涼！👍

今日下午, 去完灣仔太原街, 睇完玩具之後, 就直入咗去 一間新開嘅冰室, 佢係以白色為主調, 外面再加霓虹燈光管, 吸引我入去食咗個午餐, 大概七十幾蚊, 一個雜扒意粉, 配咗黑椒汁 最令我欣賞嘅, 就係除咗肉類之外, 仲有蔬菜添, 佢既西蘭花翠綠得黎, 非常之爽脆至於佢嘅意粉q彈得呢, 仲入曬醬汁味道, 令我好快就將佢清空吶食完意粉后, 我就等到最後先食佢扒, 煎得幾好, 不油膩之餘, 以健康為主 肉質就非常之juicy, 有記豬扒就唔會靭, 又保持得到咬口

🚏餐廳係條小巷入面，霓虹燈招牌加埋藍色外牆夠哂搶眼👀行到入去餐廳唔大，裝修新穎，但擺設就非常懷舊，有西瓜波、波子棋同一啲懷舊小食等📻兩點幾既時間，估唔到都差不多坐滿哂😯由於午餐供應到三點，下午茶兩點半就有，所以我去個陣可以同時揀到午餐同下午茶menu🤩.🥢香酥雞翼糖心蛋肉燥飯 $68雞翼新鮮炸起🤤🤤🤤外皮非常香脆，內裡肉質嫩滑😋又夠哂熱辣辣，好好味🤩三隻都唔夠喉呀😎飯粒沾上肉燥既油份同香味，肉燥既份量都幾多，用黎撈飯都好夠👍🏻糖心蛋中間有微微流心既效果，唔錯🥰.凍柚子茶 +$3 餐飲我叫左凍柚子茶，食有油份既野飲呢個就啱哂！夠哂清新涼快，個底仲好多柚子，正😻.就係咁，我坐係近門口既一張高枱，邊聽住柔和既音樂，邊望住出面既街境，慢慢歎我既午餐，夠哂寫意💕灣仔附近返工既朋友又有口福啦😎

是日返夜開工前黎灣仔幫朋友買啲野🙈搞掂正值放飯時間🍴還掂要早餐都未食一於黎食下茶餐醫下肚先🤪位於灣仔麥加力歌街既十一冰室☕️雖然距離灣仔站比較遠🙈但趁空閒散下心散下步☺️由A3出口直行經莊士敦道同春園街行過黎都算方便😆呢度充滿文青氣息既水藍色外觀設計☺️內裡卻充滿著老香港既舊日風情☺️🇭🇰牆身木架放滿著一系列既懷舊飾品☺️以及一幅幅懷舊香港照片☺️🇭🇰亦盡顯香港地道傳統特式😆呢度高質抵食既午市套餐🤤🍴吸引到唔少上班一族及學生哥放飯黎幫襯😆但適逢Lunch Time空間會較為逼比較多人🙇🏻‍♂️要黎食既朋友們記得預早少少時間等位啦🙇🏻‍♂️Lunch Set台式鹽酥雞扒溏心蛋肉燥飯肉燥飯係小肥由細到大既最愛🍚😚🙇🏻‍♂️🐷經慢火細熬富鹹香既魯肉汁☺️🐷魯肉汁中既肉燥肥肪比例均勻🤪🐷淋上飯中每一口都回味在心☺️🍚而雞扒沾上份量剛好既炸粉炸香🐔🔥食落唔會太厚粉之餘😋😆炸得剛剛好唔會太過燶乾哂身☺️食落肉質都算滑嫩Juicy的😋🐔更於嫩滑蛋香濃郁既溏心蛋☺️🥚溏心蛋更煮出100分既絕佳流心效果🤩🥚值得再Encore的呢☺️😋😆餐飲就叫左凍咖啡😋☕️雖然奶味較重但走左甜亦帶出濃郁咖啡香☺️為面對現實既上班夜做充電準備🔋🥺

行過見倒新開冰室，所以入去試下冰室入面有好多懷舊擺設，都幾有時代感下午茶大概係20-40蚊左右隻炸脾真係超級邪惡！個皮炸到勁脆，咬落啖啖肉而且仲有啲雞油流出黎！真係超級正 啲肉仲好嫩嫁！啲薯角就超大件 好重薯仔味，好似食左人成個薯仔咁雙拼公仔麵，加左錢轉出前一丁，啲沙嗲牛肉都幾多入，啲牛肉好林而且好入味！奶油豬！個奶油豬烘到好脆，啲醬岩岩好，唔會太多唔會太小仲加左個魚肉腐皮卷，面頭嘅腐皮炸到好脆，而入面嘅魚肉就好林 外脆內林 有雙重嘅口感

其實係香港初期時，冰室已經開到周街都係，呢個名既來源係由於冰室只係賣凍飲同埋小食而黎，但隨住社會既變遷，加入左好多飲食元素，而變成茶餐廳。但想像唔到，潮流又再次鼓起左一股風氣令冰室再次重生，而家基本上好多新派茶餐廳都會變左平民冰室，價錢貼地，但裝潢就比舊式更加有特色，而且衛生情況比以往大大進步！今次黎到灣仔新開呢間「十一冰室」，地方唔算好大，但勝在坐得夠舒服，擺設精緻好適合打卡用tim！👇📌鹽燒黃芥末牛脷飯 - $70👉新派冰室一般都會包辨埋主食，包括一系列茶餐廳飯類，今次揀左呢個特色招牌飯，以牛脷做主角，牛脷肉質厚身大塊，表面上有海鹽燒過，香脆得黎又爽口彈牙，配埋黃芥末提升整個層次感，加埋仲有薯角做配菜，相當抵食！📌美式什扒飯 - $70👉食得什扒既一定係食肉獸黎，最典型既一定走唔甩雞扒、豬扒、腸仔、火腿，要大讚既係，雖然聽落就好似好普通既男人頹飯，但賣相都落左唔少心機，最有驚喜係豬扒係相當軟腍，又夠香脆，絕對唔係一般茶餐廳hea交貨，係物有所值既！