十二味不只是烤魚 (已結業)

今日去天后上堂，經過興發街見到一幅七彩繽紛的牆，可愛的卡通貓叉住條魚，原來是新開的川辣菜舖。見未夠鐘上堂，不如先跟朋友食個速食晚餐。兩個人又不想打邊爐，加上時間不許可，叫了些少食試試。店內掛有大量的魚類裝飾，整齊光猛。坐下後送上水，有少許檸檬味，杯上刻字，非常有意境。餐牌上大多數都是川菜，少量不辣食品。主打烤魚，全都是單點，沒有套餐。新疆大盤雞特價$88辣味十足，雞件嫩滑，大部份都是雞肉，很少骨，雖然是特價貨，但絕無欺場，配以洋葱及薯仔做佐料，吸收了雞肉及辣味的精華，非常惹味。竹簽豬頸肉10串$68豬頸肉好細串，仲幼過我隻手指，價錢十分貴。味道方面，好香既然孜粉味，面頭淋上老干媽辣椒，十分惹味。炸鮮奶$48有8件，外脆內軟，點上煉奶，可以中和口中的辣感。隨便涼麵$48麵條幼細爽口，配以豆瓣醬等醬汁及青瓜絲花生撈埋一起，好適合夏天的開胃主食。總括而言，除了主打的烤魚外，以上的主菜小食都令人喜出望外，味道一流。但燒烤食品份量太少，價錢略貴。

一班中意食辣嘅友仔黎到銅鑼灣天后唔知食咩，又係打開OpenRice嘅時間😂😂，先發現呢邊原來都有正野～就係呢間「十二味不只是烤魚」啦！ 之前隊長食過紅磡店😎，覺得佢地個烤魚都唔錯，不過同伴唔食魚，但呢度話明不只是烤魚，緊係都有其他菜式可以揀嘅🤔！ 呢度裝修都幾得意，好多「魚」喺周邊🐠，最可愛的係佢地個杯「世間萬物唯美食與愛不能辜負」絕對講中隊長B心聲🙊！ ----------------------先來3罐加多寶同一份「泡椒牛肉」🐮～牛肉好滑唔算太辣，而且有好多好爽嘅萵筍喺底，整體係好好食嘅🙆🏻～ 再來一個「悶燉兒麻辣香鍋」🍲，香鍋有好多料，田雞、雞胗、魷魚、蝦、萵筍、土豆條同午餐肉🌝～整個香鍋雖然好多辣椒，但辣度還可以接受，仲食得到～而且好香口惹味！蝦經過油炸，連殻都可以一齊食，而且麻辣味好入味🦐～ 至於呢個「雞絲隨便涼麵」，個名都幾搞笑，唔知係咪隨便撈的意思呢哈哈😂～話就話隨便，但其實味道一啲都唔隨便，雖然雞絲唔多，但麵好滑醬料配得好好👍🏼，有啲花生醬有啲蒜蓉嘅味道，食落有少少似＄10三包撈撈，但當然係高級版啦😼～ 最後仲有「燒鵝腸」，＄55/十串，起初以為有好多😅，但原

天后一向多野食，飲完杯至愛茶湯會就周圍覓食。見到烤魚就心思思試下，畢竟我係烤魚迷🤤🤤得兩個人食唔多，零秒決定嗌烤魚同配菜，食依啲不嬲會揀素食，食個魚湯味。嗌左蒜香鯇魚，一上到黎都聞到香味，成條魚好豐盛，有好多配菜。魚肉少少多骨，但都可接受，夠嫩，蒜香唔算重口味，清清地唔會膩。嗌左響鈴、薯仔、豆皮，份糧適中，新鮮。魚湯配響鈴真係好索味，好香，豆皮同薯仔飽肚又健康。兩個人食完已經好飽，以烤魚黎講都幾抵食🤤🤤

踏入夏季, 又係開始Keep fit嘅時候。今天約左老友放工去天后集合, 食少少野再去游水。🏊經過清風街時我地被呢個咁有特色嘅門面同個店名吸引左過去。😃雖然我同老友都唔算好食得辣, 但對佢地推介 No.2 新疆大盤雞 同 No.3 烤羊肉串好有興趣, 所以決定入去醫醫肚再去游水。😋十二味不只是烤魚是一間川菜店, 但裝修完全唔似一般中菜館, 設計用魚做主題, 亦有用燈光營造效果。座位好寬敞舒適, 店入面通風效果好好, 雖然有唔少枱都食緊烤魚, 都唔覺有好大陣味。😙用魚佈置嘅牆。🐟水杯都好有特色。🍵由於我地唔太食得辣, 所以我地點左幾樣店員推介唔太辣嘅食物。其中見到推介 No.2 嘅新疆大盤雞做緊特價$88, 除此之外我地點埋 No.3 烤羊肉串, 炸鮮奶同巴蜀烤茄子。烤羊肉串一碟有3串, 羊肉肉質軟腍, 多汁又入味, 非常惹味之餘最緊要唔太辣。👍巴蜀烤茄子有驚喜, 調味調得好好, 烤得好香, 肉質好滑感覺有d似鮮魚肉, 茄子原隻上, 比想像中大隻。😋新疆大盤雞果然係推介嘅必食招牌, 雞肉好鮮嫩, 薯仔煮到好腍好夠味, 仲有我喜愛嘅青椒。$88咁大碟堅抵。👍原本冇諗住食咁飽, 不過大盤雞嘅

今日經過天后見到呢間外牆咁色彩繽紛既餐廳就行左入去試下，入到去既裝修都都好新潮。水杯反而係傳統既鐵杯，上面印左佢地既slogan，幾有特式，可以做下影相道具！聽個名都知呢間餐廳主打係烤魚，香港黎講，烤魚唔係度度都有得食，但同行嘅朋友唔食魚，所以今次就叫左其他食物。果然"不只是烤魚"，非烤魚既菜式都非常多選擇。今次揀左有特價既必食招牌新疆大盤雞，落單時候職員會問你地要小/中/大辣，我地已經揀左小辣，但見到碟入面有幾多辣椒就知道已經好辣！但辣既菜永遠係愈食愈開胃，而且香料味同獲氣十足，十分惹味！另外叫左個蟹黃豆腐，蟹粉味唔算太濃，反而鹹蛋黃味好香，入面有d假蟹柳粒，豆腐好滑，撈飯真係一流！叫左2個咁好撈飯既餸，當然要叫翻個飯啦！今次叫左金玉蛋黃炒飯，姐係粟米蝦仁蛋炒飯。炒飯好乾身，唔會油淋淋，粟米清甜可以balance翻上面2碟較濃味既菜式。總括黎講，呢度既食物大件夾抵食，下次一定會約鐘意食魚既朋友試埋佢地主打既烤魚！

之前曾經分別係灣仔及佐敦食過十二味xxx,個名太長啦，唔十分記得但我記得食物質素唔錯的，加上我又嗜辣最近知道屋企附近新開左間十二味不只是烤魚，相信都係同一集團，咁當然要去踩場啦，咁近餐具應該特別製的，而且店內有別於我之前去既十二味店，可能新開既關係，呢間感覺好闊落仲可提供免費充電添新疆大盤雞 $88首先係被價錢所吸引，黎到既時候更加喜出望外，真係好大碟而且味道有麻有辣超合口味，而且仲好入味添，連配菜都唔可以放過，煮得好淋好入味辣乾煸四季豆 $58亦可選擇唔辣，炒得好香，有少少鹹香味，不過就無辣味，但味道都好捧烤茄子 $38原本以為只得半條，點知原來係俾全條蒜蓉味直撲向我鼻孔令我急不及待要動筷烤得好入味最後黎個甜品炸鮮奶，放耐左外層都仲好脆不過我被安排最入果d位，每次叫人落單或加水都要叫幾次先有人過黎，我覺得果邊應該要安排一個staff服務顧客既需要

天后一向都是美食天堂，同朋友係中環放工，就決定去天后吃晚飯，今晚一於一試平時好少食的烤魚鍋！魚類我地揀左少骨的江團魚，配菜分別揀左黃金粗合（有金菇、芽菜、鮮豆皮、豆腐）、蓮藕片、萵荀同牛腱肉。原來佢係成條魚跟晒所有配菜咁上，湯底揀左香辣（小辣），條魚食落勁滑！同埋真係好少骨，就算有都係大大條果隻，怕魚骨既朋友極推介呢個江團魚！個烤魚味道亦十分香濃，因為我地唔係好食得辣，少辣已經夠啦！所有配菜亦都好新鮮飲品叫左個酸梅湯，諗住解解熱氣，杯飲品好濃味，不過對我黎講就甜左少少！

今日去到天后食辣魚2個人坐卡位，頗舒適我哋先試幾款小食: 烤羊肉串：羊肉味濃，烤得香口又唔膻烤茄子：淡淡的茄子加上辣椒粉口水鷄：見到佢，都已經覺得辣；鷄的肉質鮮嫩，辣度剛好我食到食完小食，就到主菜出場啦！江團魚（小辣）：送上枱時已經聞到陣陣的麻辣味，魚身上鋪滿辣椒（視覺上已經feel 到佢的辣）整體味道唔錯，魚的肉質細嫩，夠肥美外，味道又鮮，細骨又不多起初食的時候，真係唔覺得好辣。但越食D辣椒就越出味，辣到嘴唇都變双潤腸2個人都可以食哂咁大條魚，厲害

天后新開咗烤魚店，夠晒就腳。今晩八點左右就同嗰 friend 嚟試下，一入到去都差唔多滿座，好似都仲有張枱。門口推介嘅招牌菜Menu杯仔幾趣緻喎，寫住 「世間萬物唯美食與愛不能辜負」。首先試下碟新彊大盤雞，睇落去好似咁辣咁，紅卜卜又有大辣椒。但其實食落唔算太辣，雞肉夠嫩滑，小小辣好惹味。除咗雞仲有薯仔，青椒，洋葱同紅椒，份量兩個人食都 ok。因為太好撈飯食，就咁食雞已經食完一碗飯。兩個食肉獸梗係食完雞再食魚喇！嗌個吳郭魚貪佢少骨，大大條一定夠我哋食！個 friend 怕太辣，所以waiter就介紹咗金牌蒜香味，蒜重味真係幾重喎。魚肉夠厚又少骨，食落放心好過瘾，仲好鮮甜添！之後仲嗌咗個凍豆腐，豆腐索晒啲蒜蓉魚汁，超入味勁好食！最後我又食多咗碗飯。。。

終於由紅磡開到來天后了！星期四晚已差不多滿座，生意也不錯唷！座位十分舒服，以卡位為主。友善的侍應説國語，對普通話沒信心的我倆要嘗試説著半咸半淡的煲東瓜很困難，但幸好原來他們也頗能聽懂廣東話。何謂烤魚？烤肉魚三磅為一條，可惜沒有半條魚份量，起初也有點擔心和寶寶二人會吃不完，最後其實也能吃光，所以二人吃也不用擔心太大。我們要了一條吳郭魚，味道也有七種選擇。因寶寶不擅長吃辣，所以我們選了非辣的金牌蒜香味。魚肉多而骨少，魚骨大條所以很容易就能拿岀來。魚肉嫩滑啖啖肉，配蒜汁很惹味！因為太嚵吃的關係，我們還點了一串烤牛舌。寶寶説太辣但我就覺得不太辣，很有四州燒烤味道。牛舌有三片，十分爽口彈牙。那麼惹味又怎能沒飲品呢？桂花冰釀很有趣特别，好像在吃流質的桂花糕。桂花味很重，不太甜，還能吃到桂花，很有口感。解渴一流！門口的畫也很有趣

自从来理大读书，就知道红磡有家烤鱼，那也是我第一次吃十二味系列的店嘻嘻，之后几个星期总会想念烤鱼的香味，约上几个朋友大吃一顿。最近天后分店开张了，作为烤鱼的忠实粉丝，还是不远千里跑过去尝鲜。新店的烤鱼炉和红磡不一样，但鱼的味道还是那样鲜美，由于当天嘴角长泡了，所以点了蒜香味，真的太好吃了哈哈，浓烈的蒜香味，不辣，但是很好地还原了鱼的鲜美。天后店还有很多烧烤，还有超好吃的炸牛奶哈哈，看来以后不能局限于红磡店，要多跑去吃次烧烤了哈哈，五星好评

今日又同愛食魚的朋友黎到呢間天后新分店，非常期待呢~~~店內也很多客人呢, 坐位很寬敞, 空間感大~好岩三五知己聚合呢~EEEEEE, 手機無電, 好在有得免費借充電寶, 非常貼心之服務~慾望酸梅  $26/杯今天好熱呢, 先order 杯慾望酸梅, 超越正,  甜甜地, 酸梅味超濃得黎又唔會太酸~~醋溜青瓜   $38蒜味香，酸酸地好醒胃呢~巴蜀烤茄子    $38好喜愛吃燒茄子, 呢個烤茄子超大份, 烤茄子仲有, 濃厚的蒜香味配上特制的辣粉，非常惹味!燒牛舌$16薄切的又爽口!! 好好味清江魚   $278呢個就係今日的主打的清江魚啦!!!無咩骨, 容易夾, 肉質夠滑又有口感, 鮮味又唔腥, 我地要左老壇酸菜味(唔辣), 有我喜歡的酸菜, 好開胃，D 湯可以飲埋, 超級YUMMY!加埋爽口的萵荀同蓮藕片，更好味呢~牛腱肉  $68牛腱肉肉質有咬口, 唔會太韌又唔肥，頗有驚喜!!!仲有生菜呢~$18呢個寬粉$22 好爽口, 面身真係比較"寬"!!! 好有口感~熟左之後仲"晶瑩剔透"呢~新彊大盤雞  $88呢個大盤雞做大特價, 梗係試下啦~雞肉非常嫩滑, 配上乾辣椒及花椒, 非常香口,

呢間烤魚早已聽朋友介紹，終於係天后開了分店，當然要同朋友一齊嚟試試~~~一早book好位，完全唔使等位就可以有得坐!店舖空間感頗大，台台滿座，好受歡迎~一來當然要先食些前菜試試。醋溜青瓜   $38青瓜切到細細舊，非常爽脆，醋咪岩岩好，唔會太酸，超開胃，小編食到停唔到，而且份量算大，幾個人食好夠喉~清江魚   $278嚟得呢度，當然要食魚啦!!!!呢度有幾款唔同gei魚比大家揀，包括鯇魚、清江魚、吳郭魚、江團魚及龍躉.....唯一美中不足就係幾款魚，好快買完，我地最後只好選擇「清江魚」，老壇酸菜味(唔辣)~清江魚唔算多骨，小編怕食魚都食得到，而且仲要大啖大啖食都唔怕~魚肉結實爽滑， 非常有口感，加上酸菜開胃，湯亦有少少酸酸辣辣，十分惹味!配料方面我地叫左萵荀同蓮藕片，跟埋魚一齊，好好味~牛腱肉  $68另外，黎得當然會再叫多些配菜食~呢個牛腱肉，有彈性好有咬口，亦唔會太韌，頗有驚喜!!!油麥菜   $18另外當然唔可以少了叫菜啦~食落新鮮爽口，都算物有所值!巴蜀烤茄子    $38呢度仲有埋烤食可以叫，超開心~呢個巴蜀烤茄子絕對值得一讚，超大條，啖啖肉，少少微辣，非常惹味!新彊大盤雞

十二味不只是烤魚,朋友話見黃埔果間大排長龍，我較近天后，見到都有間新開去試吓，當然先叫烤魚，酸菜烤魚沙巴龍躉，成條上，帶點酸辣味，先煎後放入一盤滿載酸菜湯鍋中煮，湯味濃郁，惹味無窮，魚肉淋身，唔會韌，一啖湯一啖魚，太滋味了。見到牆上壁畫新潮，顏色鮮豔，令人增加食慾。除了烤魚火鍋料還有不同小吃，叫了酸辣土豆絲$58，帶點麻辣爽脆。另外涼伴三絲$42，有軟有硬，海帶絲清熱，中和辣感。開始感到條脷麻痺叫了杯解渴飲品，桂花冰釀$26 ，飲落桂花味香甜，還有酒釀酸酸甜甜的味道，好像食緊桂花丸子般，好怡神既飲品！另外點了火鍋配料，伴烤魚食，有萵筍$22，好清甜有如粗介蘭芯爽脆，另有炸響鈴$28、寬粉$22及黑毛豬肉，寬粉煮至透明色便熟。還叫了黃金組合，包括豆皮百頁，大豆芽，滑豆腐，每樣都豆味濃郁，大豆香味好出，還有金菇，全部都索盡酸菜湯味。而黑毛豬肉$68同加拿大肥牛$68的肉質很好，有點肥肉，滲上辣汁惹味。最後還叫了開胃涼菜，一系列既菜單名都甚有趣，叫了川式冷淡杯，裡面其實係鹵水併盤，有鹵牛𦟌，腎，鴨舌，雞腳，建議放湯食更佳，炆至淋身入味。餐廳內座位多還有卡位，大堆頭人聚會或三五知己都可。

炸鮮奶炸鮮奶炸鮮奶！好吃。還沒拍照，小夥伴已經夾沒了......暫時沒有找到別家有，比較特別。如果愛吃日式炸芝士炸年糕之類的朋友，應該會超級無敵愛這一道。主菜當然的烤魚。以前都吃香辣味，這次點了醬香味。魚比較容易入味。吃完又點了配菜，吃的非常飽足的一頓。還點了羊肉串！孜然味足。烤茄子也不錯。