十二味貴陽牛肉粉 (已結業)

下班後想吃麵，經過看到這間餐廳別具特色，便入內嘗試。收銀處在門口旁，要先下單，MENU就在收銀處後面。我點了全家福牛肉粉，就是什麼餸也有點吧 如果不點這個，其實也可以點其他的粉再加選不同的配料。我們另外也點了它的小食，涼拌木耳。涼拌木耳很開胃，但對我來說有點微辣，但對可以吃辣的朋友便會覺得很口味呢！上菜速度很快，點了2-3分鐘後便上菜了。先吃一口粉，微硬的口感很特別及好味，於平時吃的粉很不同。枱上還貼著一些小提示，它指出配上豉油及醋更為好味，當然馬上試試吧，配上豉油及醋後真的特別好味呢！一整碗粉上滿滿是餸，有牛肚，牛肉丁，牛筋，蛋，豆乾，抵吃！整體來說，服務員態度友善，上菜速度快，粉麵大碗具特色，是在銅鑼灣不錯的選擇！

自己沒去過貴陽，在香港也沒有看到過專門吃貴州菜的餐廳，對這個地域的菜系不太熟悉，只是有種這邊的人都可以吃辣的感覺哈哈！得知銅鑼灣開了家吃貴陽粉的小店最近很人氣，中午碰巧在附近辦事便過來試試看。餐廳不算大，但是有別於很多麵店餐廳裡面非常乾淨企利，裝潢時尚簡潔，牆上還掛了幾個不一樣顏色裝飾用的紙做牛頭。這家餐廳主打的菜式只有一樣，就是貴陽粉，可以選擇材料，基本上全部都是與牛有關的。我懶得想，點了個清燉全家福（$98），就是全部材料都有放的米線，老闆娘是個大美女呢。全家福裡面有牛肉丁，牛肉片，牛筋，牛肚，豆乾，滷蛋和米線。湯底是牛肉湯底，喝一口湯頭麻而不辣，味道香濃，但是又不會太油膩，超級好喝！！很適合我們這種不能吃辣但又喜歡那種四川麻辣火鍋的感覺哈哈！米線是白色粗的那種，很滑。而裡面的各種牛都是軟硬適中，很有口感，不像香港那種煲得很淋的牛腩麵。我很建議吃這碗麵叫上一個凍豆漿($10)，這邊的都是新鮮製作，不會很甜，豆奶的味道和湯底的味道超級搭！！另外我還叫了一個冷菜小食木耳。木耳是健康食品，吃多點有益健康。這邊的木耳非常爽口，不過不能吃辣的朋友可能會覺得有點麻辣，但因為是木耳底下還放了酸菜

呢間麵店之前試過好味，今日特別帶家姐媽咪一齊食，店面門口放了新餐牌，我哋6人要等5分鐘先有位，入座前要落單，我哋叫幾碗麵分享！再攞汽水小食，然後耐心等待！全家福牛肉粉（$98）大雜燴，湯底香濃麻辣，加大量香菜，牛肉款式多，份量都多！加上一大件鹵水豆腐，比較老！米線彈牙！好味！銷魂涼麵（$42）因為新出所以試，比較失望，因為麵質好硬好粉，好像煮唔透嘅即食麵，所以就算啲汁鹹鹹香香麻辣都好，加上大量鹹脆花生，炸透豬肉脆米，同鹵水蛋一隻！都唔好食！紅燒牛肉粉（$56）牛肉粒好多，有啲大粒咗，淨牛肉嘅會硬，有肥嘅肉粒好味啲，有咬口又入味！湯底輕微麻辣，加大量芫茜香蔥，好惹味，米線比平時嘅粗身同彈牙，好味！加鹵蛋（$6）今次蛋白比較實，雖然入味但老咗，蛋黃依然好大，全熟所以好粉！一般！加牛筋（$18）炆得入味，粗身但唔彈牙！比較削！涼拌雲耳（$12）爽口彈牙，麻辣可以接受！酸酸哋嘅醬汁好味！粒粒椰青水（$16）雪櫃唔夠凍！要攞最入嘅先夠凍，記得上次來無呢款！所以試下，椰汁味好濃，難得唔會好甜，仲有啲椰肉粒，可以解啲麻辣！芬達（$10）正常食物就算無辣椒圖案都帶啲麻辣，所以唔啱我哋幾個小朋友！店員爽

三個月前喺另一半既介紹之下知道左呢間餐廳，佢話個湯底十分好味，今日佢卒之帶我黎試喇。餐廳位於謝菲道同鵝頸橋交界（灣仔嗰邊），都唔算好難搵姐。麻辣木耳喺櫃檯俾完錢就即開即食，香辣惹味，俾呢個前菜開哂胃啊。個全家福牛肉粉一黎嗰陣，嘩，勁足料，成個面頭都係餸，有牛肉丁，牛肉片，牛筋，牛肚，豆乾同鹵蛋，牛肉丁同牛肉片都係用牛展切成，兩樣都有好濃既鹵牛肉味，牛筋就炆得勁腍，鐘意佢牛肚既斜薄切，有時出面啲直切炆得唔夠腍就好似擦膠架喇，豆乾入哂味，個湯底本身都夠味，不過加埋嗰兩樽麻同辣真係不知得了，鐘意食辣既朋友真係不容錯過。另外加多左個酸菜，見到以前好似係用椰菜既，今次用左雪菜，我愛酸，如果整得再酸啲就好喇。絕味卷粉（辣）個辣油勁香，卷粉既口感比我想像中好，唔立糯，攞黎撈都唔會成 pat 野咁，個粉既口感令我諗起元朗既潮式腸粉，不過呢度個味道同配料起碼好食3.6倍。花生勁脆，而且沐浴喺喺辣油入面都唔會浸腍，唔係食開嗰啲雲南系列可比，加左個脆哨，其實即係豬油渣，炸得香脆而不油膩，同個撈卷粉好夾。食到尾聲個全家福牛肉粉可能自己重手左有啲太麻，廚藝精湛既另一半幫我落左兩羹糖，話會中和番個辣味喎，我原本都

做完瑜珈，想要簡簡單單吃個麵，找到了位於銅鑼灣後街位置的一間小店，吃的是黔菜。「黔」是貴州的簡稱，黔菜，一點也不出名，如果你在openrice上搜尋黔菜，只會得5個搜尋結果，真是少得可憐，而這次想介紹給大家的就是這5家裡的一家。店名已經寫得很清楚，這裡吃的是牛肉粉，招牌菜是「全家福牛肉粉」，顧名思義就是甚麼都有，不過我不想吃太多，所以沒有點這個，而是點了「清炖牛肉粉」跟「銷魂涼麵」。清炖牛肉粉 ($56)招牌菜全家福牛肉粉也是清炖的，所以如果想一試招牌湯底又不想吃太多的話我以跟我一樣點這個。很可惜我去吃的時間已經將近關店時間，粉都賣完了，只有麵，所以這天我吃的是牛肉麵，麵條不錯，軟硬適中，份量超多！大概是平常一碗麵的２倍！不要看這個碗不是很大，下面塞滿全是麵，我應該可以分3餐來吃！湯底十分濃郁，是正宗的中國味道！八角的味道在口中散開，牛肉也煮得十分柔軟，由於份量實在太多，所以吃到最後要打包帶走。銷魂涼麵 ($42)吃了一個湯麵，所以另外一個點了涼麵，我個人很愛吃拌麵，所以十分喜歡這一個銷魂涼麵。涼麵的肉類配料不多，不過麵的份量一樣驚人。可以選辣或不辣，我不太吃辣所以點了小辣，味道十分好

自己沒有機會到貴陽地區，不過都想試試這地區的食物如何。一碗牛肉粉，牛肉粒不少，份量不俗。不過可惜的是原來那些粉是米線，是自己較不喜歡的一種食。而知情的朋友說，貴陽好像是沒有牛肉粉這味食品的。這少不免有點被騙的感覺。食物的質素又怎樣呢？不說米線，牛肉粒的味道是不錯的，肉質嫩，易入口，牛味也濃。如果可以用一個較好的名字來命名會更好吧。

午飯時間，工作關係來到了銅記，忽想吃牛肉麵，便來吃這貴陽牛肉粉。貴陽出名吃辣，但我是不喜歡辣的，便問餐廳可否走辣，餐廳回覆是可選擇吃不辣的牛肉粉，那便好了，叫了碗清鈍經典牛肉粉。一送來便聞到香濃牛肉湯味，再飲啖湯，有少許麻的感覺，原來湯底徐了牛肉還有少量花椒八角，是我喜愛的麻而不辣的味道。餐廳照顧了我種口味，這種愛麻而不愛辣的味道，加上其餘香料如蔥，芫茜，和酸菜等豐富了整碗湯的味。而牛肉煮得夠淋，入晒味，仲有牛筋都正，除此外仲有少有的牛肉片，切到好薄，質感好爽，是碗頗豐富的牛肉粉。

第二次來十二味貴陽牛肉粉，水準依舊。同樣大大碗的全家福牛肉粉（$98），配料多又好味，有牛肉丁、牛肉片、牛筋、牛肚脆梢、豆乾、鹵蛋，清炖湯底夠曬鮮味健康。這個同樣是全家福牛肉粉，不過加了紅油，味道香濃。每天都會推出一款小食，今天是冰鎮木耳（$12）爽脆美味，d汁又香又惹味！🌶新推出的絕味卷粉（$42）乾撈食法，粉條好似腸粉咁，惹味可口👍🏻

同朋友收工就黎到十二味貴陽牛肉粉醫肚，一望之下發現每碗麵食好都好吸引我，一於黎食個究竟！順便補充成個晏晝失去既能量，haha!..............................- 紅燒牛肉麵，賣相非常吸引，一望落去就知真材實料，有牛筋 牛肚 鹵蛋 脆哨 豆亁等等，重點值係佢地獨有既湯底，絕對係人力親自熬製，飲啖湯落去就知同普通麵店差得多，非常濃郁和美味，牛肉麵份量都算多較飽肚，非常好味！.............................. - 紅油牛肉粉；有好多配料，牛肚，牛腩，豆乾等等，首先講下個湯底先，湯既牛肉好有鮮味，加上花椒，麻得黎又夾個牛肉湯底，超正！米線方面，唔會好軟身先，都幾滑，口感唔錯。牛腩部份，紅燒片非常入味，又無多餘脂肪，good!牛筋亦不輸掉，粉紅色既牛筋新鮮彈牙，配埋米線食非常夾。的確唔錯！..............................- 整體而言；不論份量，味道，賣相，香味我都非常滿意！相信未來都會再返黎食個滋味：D

朋友知我嗜牛，無牛不歡，就約了我去食十二味貴陽牛肉粉星期日瞓個大懶覺，就食個牛肉粉先去行街啦！在Openrice找到位置，銅鑼灣地鐵C出口行4-5分鐘就到。一入門口櫃檯先點餐收錢。對於有選擇困難症嘅我就有D唔慣，好在餐牌選擇唔多。 最後我要左全家福牛肉粉，一次過試哂全部配料，滿足我嗜牛的欲望！而朋友就要左辣銷魂凉麵加豆干、牛肚。另外我地再要多個小食：涼拌木耳。大大碗裡面有齊七樣配料，有牛肉丁、牛、牛肚、牛筋、豆乾、鹵蛋。其中牛肉丁原來是牛切丁，軟腍中又保持嚼勁。切得薄簿既牛肚吸收湯汁精華後仍爽彈唔韌鹵蛋好香，而豆乾超好食唔似一般豆乾實實咁，大大三角形厚厚鬆軟，吸收滿滿湯汁好豐富既味道～銷魂涼麵好大份，朋友一個人食唔晒。涼麵麻麻辣辣，夾雜著牛嘅味道，雖然唔係好濃，但兩者配合得剛剛好～麵身比較爽口，食落都好彈牙齒。本身已有滷蛋，大份又抵食隔離仲開左間食麻辣野嘅分店，仲有優惠！有機會會再去試下～

之前都聽朋友講過依間野，因為朋友特別好辣，所以佢非常有興趣，今次佢帶左我黎食，而且聽聞十二味仲有唔同分店食唔同野，主要都係重口味既野，但都可以試下既，所以就陪佢黎食～鋪位唔算好大，所以岩岩黎到要等一陣先入得去，企係出面已經聞到入面好大陣湯料味，好彩我係乜都食，所以都接受到。正常一碗牛肉粉加配料，但加下加下個價都幾貴，仲可以揀唔同湯底。另外都可以根據個人口味落調味料，有辣椒碎、花椒粉等等，不過要注意份量。清湯牛肉粉，另外加左豆乾、鹵蛋、牛肉片，牛肉片多數都係牛展部位，食落去幾有嚼口，牛味幾香濃，雖然係清湯，係味道層次都極多，香得黎夠麻，有陣陣香料味，食落去好特別，係刺激味覺果種feel，而個豆乾唔算太入味，但食落去脹卜卜，有口感，鹵蛋味道都唔錯朋友嗌左紅燒牛肉粉，另外加料配豆乾，脆哨同牛肚，牛肉份量適中，味道濃郁，脆哨幾特別，香脆可口，岩晒伴麵一齊食，增加口感，豆乾唔錯，牛肚用左濃湯熬制，非常入味。湯底亦都唔錯，麻麻辣辣好過癮。

每次經過都好想試下牛肉粉到底有咩特別。今日剛好lunch time 經過，見冇人排隊，決定一試貴陽風味。入面座位唔多，牆上貼滿客人的相片食評，頗有心思。枱上放有各式調味料。點餐係自助形式，先付款後入座。店員會先詢問要不要走蔥、走蒜及走芫茜。開胃泡菜 $12其實即係木耳，木耳細細塊，帶少少酸辣的味道，令人好開胃，仲可以撈埋d麵一齊食。牛肉粉主要分清炖、紅燒、紅油三個湯底。點了兩個清炖牛肉粉 $56另加了豆乾$6，牛筋$18，牛肚$18，鹵蛋$6牛肉粉的材料好豐富，入面有牛肉粒，牛𦟌，牛腩，脆哨。湯底清炖好濃郁，不過望落油份較多，入口則味道夠重，感覺到整碗充滿牛肉的精華，入面含有花椒八角，不小心咬到的話舌尖會全麻。豆乾好大件，不過個人不太喜愛。牛肉粒是較硬身的質地，幾爽口，而牛筋膠質感豐富，脆哨是脆身細細粒的，令牛肉粉多了一重咬口。牛肚亦夠薄切。 鹵蛋咬落好實在，而且入味。原來所謂的牛肉粉是米線，質感滑流，浸得耐亦沒有變脹，掛湯力亦很好。太豐富的牛肉粉，食極都仲有餸喺入面，成碗包羅萬有，不錯吃。原來外賣自取有9折優惠，咁就唔洗每次等位咁耐啦。

依間牛肉粉其實應該唔係開左好耐位置都唔係起大街 但估唔到又幾好味雖然我冇食過貴陽既牛肉粉係點 但依間既粉都幾惹味 清湯牛肉粉 $56雖然我果碗係清湯 但味道都幾濃 另外可以加錢再加多啲配料我就加左牛筋($18) 豆乾($6) 滷蛋($6)啲牛筋一啲都唔韌 而且所有野都非常入味米粉都唔會煮到林哂冇咬口而且份量好大 我覺得其實2個女仔SHARE食都會飽食完一碗我就飽到上心口了食果時我真係覺得好好味但食完濃味野會好口喝不過都推介 喜歡食米線同濃味野真係唔可以錯過

係灣仔和銅鑼灣交界的後街，平常的確是好少會行到的，今日經過傳來陣陣的川味呢！！雖然是貴陽牛肉粉的川式粉面，但門面簡潔得來又絕不老土，很吸引年青人注目喔！再看看，長型格局，還專誠設計到可以俾客人看看師父即叫即煮的功架！這幾隻牛頭好搞笑，是紙皮做的裝飾，環保得來又突顯出店家的主菜。行到最入，有個VIP房喔！！菜式：涼伴雲耳＄12酸酸辣辣好神胃，話說雲耳有通心血管之效既健康又爽口，吃多多也怕肥和濟！泡尖椒＄經靚女店長大力推介之下所選的，初見的確怕怕，樣子好像好辣喔！！店長話：試下的呢個呀！又涼爽又野味，吾辣架！！的確，是真的出呼意料之好，而且特別在於，睇佢油淋淋吃落卻是清甜，小小小辣。好大大個餐牌！菜色不算好多，但在於夠精呀麻！好得意，呢度係先點菜付款先的！全家福牛肉粉＄98靚女店長大大力推介喔！！講得上全家福，的確乜都有齊哂！首先最搶眼的是大大塊三角形的豆腐干，好香豆味；牛肉方丁，煮得林又夠牛肉香；也有牛肚薄片；牛展；牛根；牛腩……多成咁！不突止，老水旦，好入味；雪菜，令整個湯提升鮮味；當然重點是牛肉清湯，超級好野濃濃的牛肉味但又全冇油膩感！如加埋枱面的花椒粉食，又昇華到另一境界，又麻又香

十二味牛肉粉，近期幾HIT，麵質軟淋帶幾分似米線，係屬於軟淋版既米線，湯底有少少味精味，但都算濃郁。入面餡料分量不少，不過選擇唔多，唔似車仔麵譚仔咁多野簡，如果米線唔好咁糊會加分。呢到既價錢都合理，不過呢到睇餐牌要行出去睇再叫，有點怪怪地，可以改善一下成個customer service process會更加好，整體ok，經過銅鑼灣都可以一試。