十二味麻辣小當家 (已結業)

鍾意食辣野嘅我，見到個辣鍋就一定會衝入去。鋪頭喺奧海城出邊，都幾難搵，行左我好多個圈先搵到，入到餐廳好細間，得幾張枱，要用電話下單，都幾麻煩，又無人教。 兩個女仔總共嗌咗三樣嘢食味道我個人就覺得普普通通，唔算好食，深水埗麻麻辣辣既辣味出色好多，香好多！佢既辣鍋好油唔夠香口！同埋份量都好少好少，一樣送幾十蚊但得幾舊咋😓😓😓個黑糖糍粑就正常既味道，但我個人覺得太過林，口感唔夠煙韌，都係普通，叫唔叫都得。

依家野真係朋友唔帶我黎都唔會知道，因為佢喺奧海城嘅出邊，行行吓商場都唔會行出去。去到發現間野細到不堪，我記得好似六七張枱都俾多佢。order 要用 QR code，老人家點會識。。。酸菜魚我哋嗌咗完全唔辣，因為老人家喺度唔想佢哋咁重口味，啲魚肉有少量魚骨，酸菜好耐冇食過真係好惹味，份量都幾足，當然唔可以同深圳嗰啲餐廳比，個啲係啲魚肉食極都食唔完，但香港呢個價錢算係ok了。呢碟回鍋肉係令到我有啲失望，因為佢好辣，但唔緊要如果你整得好好食好惹味嘅話，就算辣我都會食到唔停口。可惜嘅係佢啲蔥定係青椒都太老，有啲係趙唔開架，有渣。回鍋肉當然就係好多肥肉啦，我係預咗，但係佢又炒到乾得滯，好硬咁。呢個蔥油拌麵真係好食又好抵！香口又有咬口，不錯。平凡如此一碟炒菜都不錯，有鑊氣，小小太鹹但係可以接受。我哋仲要嗌左個暗然銷魂炒飯，不過唔記得咗影相，個炒飯好有鑊氣，好多午餐肉，又不貴，好食。總括嚟講，小小重口味，唔係成日食都唔錯。

既然是麻辣香鍋就一定要點辣鍋底才能感受其美味。曾經由於朋友不能吃辣，嘗試了不辣的鍋底，完全無法比擬辣鍋。如果吃不了太辣，可以選擇最輕度小辣，加配飲料🥤，問題不大。二人至少點五個餸，來了兩三回嘗試過雞翼、午餐肉、蝦、萵筍、魚腐、雞軟骨、花菜都好吃，還會再繼續光臨。Plus，注意查單，服務員經常落錯單或者上錯菜。

我的農曆生日飯 (又老一年), 呀大肚婆要求食辣 (唔知點解佢突然間勁 like 食辣)! 我哋試左小龍蝦, 酸菜魚, 蔥油拌麵 (有人話生日要食麵架), 炒飯, 炒萵荀絲, 口水雞! 2杯特飲, 酸梅 & 桂花冰! 小龍蝦比起我喺廣州食既淡味, 不過大隻 d! 酸菜魚幾好, 魚滑身唔腥! 口水雞唔夠辣, 肉質嫩滑不過太肥! 蔥油拌麵最好味, 麵質彈牙, 醬料看著很咸實質剛剛好, 略嫌蔥太少! 唯有服務極需改善! 隻隻碟都超大隻, 張枱根本放唔落, 我主動建議佢將仲剩幾件既口水雞換細碟, 唔理我! 到小龍蝦嚟到根本放唔落都想夾硬放, 要我哋住碟餸食嗎? 最後有另外2個侍應幫手佢先處理到呢件事! 唉….

幫嚫咗幾年因為住得近，原本做麵，那時很OK, 後來改菜單，我忍。食物水平每況逾下，我都忍。要食川菜隨便一間都比佢平同好食，職员服務好一般，今日點了兩個菜外賣，水煮牛肉及土豆絲，足足等了一個小時，决定以後唔嚟，唔recommend 任何人去

十二味咗好多分店今次去大角咀分店試吓干鍋午餐都幾抵食一個午餐大概$60入面有薯仔，木耳，蓮藕，油麥菜同主菜今次嗌左一個雞翼干鍋同埋一個牛肉干鍋雞翼切開咗細細件，方便入口食落都幾惹味牛肉切片都幾大塊一碗入面有齊澱粉，蔬菜同肉都幾抵食同埋一坐低就有一碟涼拌木耳做前菜不過略嫌個木耳唔夠凍呢個價錢有咁多野食都幾抵同埋可以自己揀辣度叫咗一個唔辣一個微辣如果食得少少辣嘅話推薦大家食辣d因為加咗辣椒真係唔同好多又香又麻個種感覺好正

十二味餐廳系列包括了各式各樣的川辣餐廳。這次來到位於奧運的十二味麻辣小當家，位置有點難找，起初以為在奧海城那邊，後來發現原來搞錯了，是在the heritage那邊才對。餐廳設有室外及室內座位，由於下著毛毛雨的關係，我選擇了坐在裡面。點了一個麻辣干鍋及青瓜。干鍋配料有牛肉，五花腩，大腸，蓮藕，萵荀，薯仔，薯粉。五花腩完全不入味，不推介。蓮藕不爽口太薄身，不推介。薯粉好味，必點。溫馨提示: 由於店鋪面積很少，廚房炒菜的油煙味滿佈整間餐廳，建議情況許可的話選擇坐在室外避開油煙。

平日同事間說「去食酸菜魚囉」，這就是十二味麻辣小當家的代號，也意味著我們都吃了不少遍，最欣賞的就是酸菜魚🤫這裡的酸菜魚湯底奶白，但絕不是一般魚湯粉末開水所能比擬，酸菜精華盡融合於湯底之中；魚片厚薄適中，面積偏大很大氣，幾乎沒魚刺，私心覺得比外面的江團魚還出色；酸菜本身並非已成無味「湯渣」，反之略酸略鹹，是不錯的白飯伴侶。更貼心的是，食客可選「唔辣」酸菜魚，大概是少了乾椒泡椒，造福了我那些不吃辣的同事🤗除了酸菜魚，某些香鍋都有不辣的選項，這次叫了辣的田雞、牛肉香鍋，以及唔辣的雞翼香鍋。因為本身會吃辣，所以覺得田雞最惹味，田雞酥脆，配菜如薯條蓮藕爽脆入味。唔辣雞翼反而沒那麼乾身，比較像有「蠔油勾芡」，缺了香鍋的特色。上述都是各一人份量的午市套餐，$60幾包埋前菜（涼拌雲耳）、白飯、酸梅湯（可加錢選其他罐裝飲品），都幾經濟實惠～

今日lunch見到 朋友食麻辣 搞到我又好想食奧海城呢間十二味有室内同室外座位🙆🏻🙆🏻室外好似幾好feel不過去到已經full晒🥺一入門口已經聞到好濃嘅麻辣味🌶🌶淆底咗最後嗌咗個唔辣嘅鍋底🤓🤓招牌自選香鍋可以自選鍋底同埋唔同嘅配料😎🥘秘製醬香鍋 $38🦐鮮蝦 $48🐸田雞 $48💟豆皮 $25🍥年糕 $25🍄金針菇 $25🍚白飯 $12醬香鍋真係一啲都辣✌🏻 食落都幾香😋😋 食唔出係咩醬 🦐鮮蝦有5舊 幾新鮮 田雞同豆皮份量都幾多🆙 加碗白飯好正🤗10% Service Charge💰

餐廳細細 但環境都算OK 同兩個朋友好似叫多咗少少嘢食 一碟酸菜魚 炒萵筍 口水雞 因為其中一個唔食辣 就叫咗碟炒飯 同咕嚕肉. 口水雞都幾鹹同埋辣 . 炒萵筍我就覺得最好 酸菜魚都係鹹得滯同埋啲魚唔夠滑 .. 人頭二百幾一位. 都算抵食

7點幾Walk-in 差不多已滿座，好好彩室內岩岩有人走左可以比我地坐。我地叫左個乾鍋，鍋底揀左經典香辣鍋中辣而配菜就揀左萵荀、寬粉、滷水肥腸、牛餐肉、牛百葉同金菇。 個滷水肥腸太乾唔係太好食同個麻辣鍋都唔太襯。其他野都幾好特別係寬粉同䈑筍超夾。我地仲叫左個口水雞，唔太食得辣既人都岩食。唔知係天氣熱定係食左辣野的關系，坐Indoor又熱又局，而且座位都唔太舒服。可能坐室外會好少少掛。所以好快食完就閃左....

By far my worst restaurant experience ever -  Charlie's Chili Kitchen @ Olympian CityMade online table reservation for 10:00PM mid-day Feb 14 and traveled all the way from HK side to this restaurant.  Arrived spot on at 10:00PM and was told that they are not receiving patrons anymore, because its past cut off time for kitchen orders.I asked why they are accepting reservation til 10:30PM if that was the case?Hostess asked the chef (seemingly the boss) and was replied with by foul language which I

同幾個朋友係奧海城行行下街突然好想食辣，於是去左奧海城3期既12味麻辣小當家。當日去到中午時間，餐廳都有提供到午餐menu，價格大約$48-$68不等。餐廳入面座位唔算多，當日都坐滿晒人，侍應就叫我地坐露天座位。宜家天氣涼涼地都可以接受，但當夏天時就會好熱好辛苦。而食物方面，我同朋友就叫左酸菜魚同牛肉麻辣香鍋。上菜速度唔算快，可能即叫即整關係。侍應首先比左個酸酸地既木耳比我地做前菜，大約等左10幾分鐘就上左菜。食物都好熱辣辣，份量好足。朋友點的牛肉麻辣香鍋十分惹味，入面有蓮藕，海帶，薯條，牛肉，非常足料。而我點既酸菜魚都好夠酸辣味，魚質好結實，好好食。

辣嘢都幾令人開胃，悶悶地就到這家餐廳食午餐，知道這家店也蠻多選擇，平日中午坐室外也不算太多人也容易有座位！我們就叫了兩個餐一個是川香回鍋肉🌶另外一個是魚香茄子🍆還包一杯酸梅湯🥤味道方面中規中矩，也不算太大驚喜，但午餐這個價錢也很優惠！

今日同朋友嚟咗十二味食嘢，之前係紅磡食過一次，但都好耐冇再食，所以今日見到有就入咗去試下我哋四個人叫咗四樣嘢share佢每一個餸都會配一個飯，同埋佢啲飯係超滿，所以一定會飽肚 前菜係雲耳，每一個人都會送的。爽口的雲耳，都係一個幾開胃的前菜 炒四季豆，佢每碟餸應該都係即叫即炒，因為四季豆食飯佢係熱辣辣，同埋係食得出有鑊氣豆好香，挺爽口的。回鍋肉，好香唔韌，仲配有少少蓮藕，蓮藕好爽口。不過每碟餸都偏少少鹹