十二味 (和富)

營業中

休息中

上次食過十二味啲酸菜魚覺得幾好食，今次就帶個鍾意食辣嘅朋友嚟試吓。呢間個湯比較濃，感覺比較油少少，但係酸度同辣到好平均，所以個湯都幾好飲。因為呢個朋友無辣不歡，而且仲好鍾意食薯粉，所以我哋今次個酸菜魚就加咗薯粉。佢啲薯粉係好闊，好煙煙韌韌，透明嗰一種，朋友話完完全全係大陸食到嗰一種。另外我哋仲嗌咗一個毛血旺，我自己就最主要想食佢個鴨血。啲鴨血厚薄剛好，索晒啲汁，好正。另外佢入邊仲有牛柏葉，啱啱好，夠爽脆。仲有午餐肉，啲午餐肉比較林，可能因為咁會索湯啲。然後仲有豬大腸，豬大腸都洗得乾淨，無異味，亦都炆到好林。最正就係啲豬皮，索曬啲汁，同鴨血一樣咁正。食完啲辣野當然要嗌過冰粉嚟解下辣啦，呢度嘅冰粉係桂花糖冰粉，加咗少少葡萄乾，啲冰粉到煙煙韌韌大大嚿，雪到涼浸浸，解辣之餘更加透心涼。

午市套餐比晚市更抵食👍🏻😋用QR code落單，不過如果點錯左要改就比較麻煩🧐會有餐前小食酸菜魚一向都係我地最愛❤️有得揀不同辣度👍🏻今次揀左少辣，辣得黎帶一點麻，辣得過癮！魚肉有少少鬆散，唔夠滑。配料除咗有酸菜之外，仲有萵筍同埋菇片😋另外，點左口水雞🐔個人比較鍾意口水雞嘅辣! 用來送飯一流🙈雞既分量好多，唔鞋～小食就點左燒椒皮蛋🔥皮蛋同平時食開嘅唔同，呢一個係金黃色嘅，第一次見！蛋黃好似糖心蛋咁半熟😲配埋中間嘅辣椒仔食好惹味🥰

今日同朋友黎到北角既十二味，聽朋友話e到既酸菜魚好出色，所以就黎試一試佢。 黎到食川菜梗係要食辣啦，但係朋友又唔係太食得辣，所以我地揀左小辣既酸菜魚同埋燒椒皮蛋。（唔食得辣既朋友仲可以揀走辣，一樣咁好味。） 燒椒皮蛋同我地平時食到既皮蛋有d唔同，佢既蛋白係好彈牙，口感非常特別，加上麻麻地既紅油，非常開胃。 酸菜魚湯底用左豬骨同魚煲成，再加上指天椒，花椒，酸菜等等，酸酸辣辣超好味。鱸魚肉非常嫩滑兼且冇骨，可以大啖大啖咁食，另外原本會跟一份粉條，但係我地想食刀削麵，店員都好好咁同我地轉左，份量十足！ 最後嗌左一杯熱情果梳打，酸酸味味，解辣一流！

呢排突然好想食辣野，剛好在北角搵到呢間川菜。餐廳環境很闊落，食客都坐得好舒適。餐廳採用電子落單，只要scan枱上嘅qr code 便可以查閱餐牌及落單；或者可以問職員攞tablet 落單，非常方便。餐牌上的選擇非常多！我哋諗左好耐最後決定叫口水雞、蔥油拌麵和水煮牛肉。口水雞-非常惹味，口水醬汁調得很好，又香又帶辣；雞肉很嫩滑，而且份量多！建議配飯一齊食，可以撈埋d汁😋蔥油拌麵- 麵很彈牙帶點甜咪，又不太油膩水煮牛肉-內有鮮牛肉、油麥菜、青瓜及紅薯寬粉。叫左小辣，又麻又香。我唔算寬粉煮得剛好，好q彈而且可以中和辣味。

去完旅行之後真係隔左好耐好耐都冇食四川菜，今晚就去試下因為聽人講幾出名。餐廳有因應武漢肺炎配合政府預防措施，每張枱都有隔一點五米。我地點左馳名酸菜魚配搭刀削麵，職員好好地比我地由寬粉轉左刀削麵，酸菜魚超級大碗非常足料，魚肉片滑溜啖啖肉，雞湯底超級香，刀削麵份量都好多，中意麵條食落去有實感，連埋酸辣湯底一啖咬真係好好食，配料仲有菇，鹹酸菜，辣椒等調味，第二樣係燒椒皮蛋，麻麻辣辣既味道配合皮蛋種質感都幾正，飲品就係驚喜好大杯夠2個人飲，可能係預客人食辣，推介熱情果梳打，甜度剛剛好而且夠凍鎮，食住辣嘢飲真係爽！

十二味 (北角)北角和富道21-53號和富地下G20-21號舖-❤️川辣味癮起，唯有約埋知己一起spicy👀！🔸川香回鍋肉 $98食川菜必點回鍋肉，係送飯食嘅不二之選！大青椒炒回鍋肉片，不會死辣，份量也夠足~肉片肥瘦均勻，加上青椒香辣juicy，值得一試！👍🏼🔸酸菜魚(醒粉條) $256酸菜魚又係另一必點之選吧😂湯底酸酸辣辣，叫咗少辣都已經幾有感覺了！酸菜份量都ok，鍾意佢啲魚片係冇骨嘅，食嗰時啖啖肉，方便好多！加咗粉條更入味啊！🔸紅糖糍粑 $48煙銀口感！最愛川菜甜品之！配上紅糖汁，甜度適中，好正！💯

十二味不知不覺變成一間連鎖川菜代表既餐廳，想食川菜就會諗起十二味，今次已經係第2次食，味道依然! 以為因為肺炎會少左人外出食飯，但估唔到都幾多人堂食lunch...仲見到接不停既外賣單~所以今次等上菜時候係耐左dd!今次叫左2個set lunch + 1份甜品牛肉麻辣香鍋~今次選擇左小辣加麻，小辣都已經幾辣下，牛肉份量有幾大片，除左主角牛肉出色之外，配菜既薯仔片、連藕片、芽菜全部都炒得好入味，成個熱鍋都好岩餸飯!酸菜魚~同樣叫左小辣，酸菜魚反而不太辣，可能因為酸菜份量多，魚片份量都幾合理，另外再加左d菇，增加左口感! 午餐set會跟一個白飯，愈食愈開胃紅糖糍粑~甜品係冰粉同糍粑2者之間不斷爭札，最後都係要encore 返紅糖糍粑，糍粑本身無味，經大廚烤過之後，舖上黃豆粉，再沾上紅糖醬，就會變成1個好滿足既飯後甜品!* 跟餐附送酸梅湯，亦都可以分別加$5 or $8轉汽水或者其他飲品*lunch set 係無加一服務費

之前在這邊吃過晚餐，這次午飯過來吃。午飯套餐價錢很划算，包括一小碟前菜、主食及白飯一碗，飲品會附送酸梅湯。份量當然比晚餐細份，一人份剛好。前菜是酸辣土豆絲，酸甜清爽，作為開胃前菜。主角酸菜魚，配以酸菜、大蒜、薑片、蔥花、芝麻、辣椒、泡椒烹煮而成。湯㡳味道濃厚不膩，酸菜之酸味很出眾，令整碗湯頭酸酸辣辣帶麻。而且酸菜酸辣爽口，很有口感。魚片連皮滑溜，魚塊雖然是薄薄一片；但跟酸菜份量挺多，拌飯吃停不了。飲品附送冰凍的酸梅湯，解辣的飲料。另外也可加錢轉其他飲品。

好耐都無食過四川麻辣菜，其實我好鍾意四川菜嘅麻辣，但係又唔食得太辣！所以又愛又恨！今日中午嚟到呢間四川菜就可以滿足左我呢個又鍾意麻辣又唔會太辣嘅願望😬入到去裝修很有傳統中國特色，但燈飾昏暗營造型格嘅氣氛，是傳統與及現代化的cross over!而且點菜十分先進不經人手，只要用電話掃上枱上面的QR code, 點菜單已經在你手機上面看到！午餐方面有相當抵食嘅套餐！$42至$68一個餐已經包括前菜、主菜、白飯以及飲品！真係抵到爛！我哋點左「水煮牛肉」$58，及「川式口水雞」$48📍水煮牛肉每個餐都有一個前菜，以及飲品，我選擇在一罐椰汁都只需要另加$8！水煮牛肉一上枱，我已經「嘩！」一聲，估唔到咁嘅價錢都非常足料！個碗非常之大個，裏面鋪滿辣椒與及調味料，碗上面紅色的辣椒油，已經令到我流晒口水！怎料裏面牛肉份量都非常多，塊塊牛肉都好大塊，而且食落十分滑身，味道相當麻辣惹味！要來送飯一流！雖然係一人份量，牛肉真係食極都有，難怪我見到隔離枱兩個女仔食一個就夠啦！📍川式口水雞至於川式口水雞亦都不甘示弱，雞本身非常軟滑新鮮！加上川式麻辣，濃濃嘅雞味加上麻辣真是絕配！呢個雞嘅質素真係媲美貴價嘅川菜酒樓呢

我同啊妹都係好鐘意食辣嘅人😍🌶今日收工就約左佢嚟北角嘅十二味到食正宗川菜😎✌🏻一行入餐廳 就聞到川菜獨特嘅麻辣香味唔係講笑 一聞到依陣咁有層次嘅花椒辣椒味就知道依到幾咁正宗👍🏻👍🏻餐廳嘅座位都幾闊落係社交平台打卡仲有汽水送添!!😍依到係scan qr code落單嘅真係好方便👍🏻👍🏻第一次嚟就叫左招牌嘅人見人愛酸菜魚加粉條💕再加個甜品紅糖糍粑🍬酸菜魚應該係即叫即整嘅等左一陣陣先有得食~一嚟到 我同啊妹都呆左真心勁大碗！！！我覺得4-5個人都夠食我哋叫咗中辣🌶🌶魚上面舖滿泡椒青花椒乾辣椒令我哋兩個辣椒控食欲大開識食酸菜魚第一啖一定係飲湯先😎佢湯頭唔會好油 辣度剛剛好飲落有酸菜嘅開胃酸味同時有魚骨湯嘅鮮甜味可以睇得出鱸魚片嘅份量係巨多🐟魚肉實正 味道鮮甜 毫無腥味薄薄一片絕對無魚骨酸菜嘅份量都係非一般嘅多葉同莖都有 食落酸中帶甜佢哋大大咁提升左魚嘅鮮味魚下面係有超級多粉條🍜我哋專登等到最尾先食佢等佢吸收曬湯底嘅精華先粉條煮得煙韌入味我敢講十二味係係香港食過最好食嘅酸菜魚😋由於份量真係太多 我哋食唔曬打包帶走咗啲😝紅糖糍粑可以叫後上的食完酸菜魚先叫店員上菜😗好似所有四川餐廳都有依個甜品咁~一

一向都喜歡吃酸菜魚，尤其是辣辣的，更加過癮。這天和住附近的朋友想不到吃什麼，大家都喜歡吃辣，就去了吃正宗四川菜。難得和朋友都愛吃辣，就點多一個辣辣小食吧！點了這個燒椒皮蛋，一向都很喜歡吃皮蛋，還非常有口感，而且吃進去很香辣椒味我們還點了口水雞，同樣有驚喜的好吃，喜歡吃川菜的可以連調味料一起吃和送飯，雞肉肉質亦很好，$48就有滿滿的辣辣雞肉，很滿足！每次吃十二味都不能少得是酸菜魚，很欣賞酸和辣剛剛好的味道，個人比較喜歡辣多過酸，而這裡做得恰巧。魚很嫩滑，將湯+魚送一口飯，會忍不住吃很多飯。雖然之前吃過數次酸菜魚，但還是第一次吃紅糖糍粑，想不到挺好吃的。脆脆的外皮加上甜度剛剛好的糯米，減肥中的我忍不住吃了很多地點也很方便，在北角和富，吃飽後還可到附近逛逛數間運動品outlet！

十二味位於北角和富商場內的十二味，有吾少分店，以酸菜魚為主打菜式！今日黎到，由於疫情影響，都無咩人，大部份客人選擇外賣自取，有8折，仲抵食左！見裡面無咩人！我同男朋友選擇左堂食，裡面環境都幾大，座位闊落，坐得舒服。佢係用電子形式落單慳番時間唔使嗌待應另外只要讚好佢專頁，就有汽水飲我地叫左麻辣香鍋，材料至少要揀五款，每款價錢都不同，逐份收！十二味嘅麻辣香鍋用咗12種香料製成材料我哋叫咗兩份寬粉丶香滑牛肉丶 蓮藕片同金針菇。麻辣鍋一嚟到滿滿香氣， 由於係炒，所以比較乾身，寬粉都更煙韌， 要咀嚼得比較耐先食到， 但就非常香口。 而金針菇丶蓮藕片 非常掛汁，辣到好過癮。估佢唔到嘅係份量都畀得幾多下兩份寬粉 完全食唔曬最後食淨野仲好飽滯最後埋單222蚊。十二味北角和富道21-53號和富地下G20-21號舖

好耐無出街食飯， 特別是辣野因為係屋企煮唔到就更加想食和富翻新了商場開左十二味十二味雖然多分店但真係未食過想食香鍋但又想食濕濕地wo 毛血旺又唔貴 又有我最愛的鴨血毛血旺：中辣正常麻有得揀多麻既但好彩無已經夠晒麻中辣夠辣夠香但唔會好油而料好多好多， 食㥛都仲有有大腸 豬皮 鴨血 青瓜 牛柏葉 魷魚 芽菜最好食係大腸、鴨血同埋青瓜乾扁四季豆： 份量多 四季豆唔算油仲好爽脆 2個人食勁飽 依家堂食仲有8 折 我見外賣自取都好多人睇黎大家都好想食辣

好耐冇食辣嘢， 特別係川菜， 每當踏入四月， 川菜嘅味道種係令人回味。在北角， 原來都有呢一間連鎖式 川菜食肆。 之前都去過紅磡同埋銅鑼灣分店， 不過今次去別有意義， 因為政府已經實施咗 食肆人流管制。店員安排座位非常妥當， 目測絕對有1.5位以上距離。 亦有附上 臨時的口罩裝置， 供食客於上餐時暫存口罩。點了這個水煮牛肉， 以前的我比較喜歡水煮魚， 但原來牛肉和水煮 辣醬也一樣合拍。 辣度 也頗適合香港人， 因為實在不辣。 分量上大大碗非常充足， 裏面亦有包含一些薯粉， 配上水煮汁絕對是美味之極。 最重要是 他整體的感覺 非常正宗， 食完絕對有返咗重慶嘅感覺。

真係好鐘意食 ＃酸菜魚一個人都照食因為鍾意食魚又鐘意d酸酸地辣辣地同埋d香料味好正😍十二味中午有酸菜魚午餐，之前已經去過幾間分店試過好好食。Lunch 有酸梅湯同青瓜小食送😉 抵食✔️都係$68魚肉香滑無骨又新鮮，而且大份又足料❤️哇，啖啖肉自己另外再叫左碟青瓜，淨係蒜蓉已經夠香口$38💕餐廳選用QR code自助落單，方便又快捷✔️全部可以自己選擇辣定唔辣，仲有不同程度的辣度可供選擇😉十二味有多間不同分店，呢間位於和富新分店，非常方便😚推介😘#十二味#酸菜魚#hkig#hkfoodie#northpoint