十人十色 (已結業)

西環愈來愈多日本料理店舖開張，今次便試有眾多好評既十人十色。地方大，成間店無一半滿座。卡位full咗，要坐迴轉壽司檯，不過都無所謂。我哋俾$128/二人dinner set所吸引住，有好多嘢食，而且份量又唔少，有：燒鱈魚片- 薄薄哋既燒鱈魚片，食落既口感有點似食緊薯片咁，但燒得過燶，扣咗d分。三文魚刺身- 有五片，味道不過不失什錦燒物- 有雞肉串、冬菇、雞軟骨及鹽燒雞翼，雞肉略嚡，其他也只是一般南瓜拼蕃薯天婦羅- 炸得不夠香口，好普通芥末醬燒生蠔- 芥末醬配上檸檬汁，其實幾夾，但不是用新鮮生蠔，有點失望雞扒鍋- 湯汁是用sukiyaki的湯底，太甜嘞，雞扒有些少嚡三文魚茶漬飯- 淡如白開水既茶漬飯，認真麻麻甜品- 凍綠茶麻糬，有新鮮感，但雪得太凍，所以比較硬另外仲點咗「招牌菜」蟹膏芝士山芋餅($38)，山芋餅夾著芝士及少許蟹膏，這個招牌菜本人就不太欣賞嘞，可能是個人口味啦。以這個價錢來說，食物質素雖然普通，但份量多絕對沒有偷工減料之嫌，所以絕對會再嚟幫襯。P.S.:六時後加一服務費

had a filling lunch with a friend. tried out grilled ox tongue.had the udong sushi set with tofu. not bad compared with other restaurants in the area.

有次約一個EXCHANGE朋友食飯，隔離三上太多人，就同佢黎呢度之前有聽過朋友對呢間野既Comment壽司睇邊d，三文魚手卷同壽司唔係太新鮮同西環三上比用料唔用多(兩間咁近難免比較)定食食左個牛肉飯，乾得滯，無汁，麻麻朋友叫了個雞扒鍋類的定食，唔錯，定食有蒸蛋送，唔錯迴轉壽司款式嫌不夠多平日如果想吃日本料理這個價錢的話只會吃定食壽司就不會吃了

Haven't had such a bad beef sukiyaki before, the beef & mushroom has just no taste & the soup is just "sweet"Roasted chicken bone is not roasted. It's deep fried!Nor the chicken fillet is okay only with not much taste.The only good dish is the roasted salmon belly, which is pretty good except it's a bit oily.The roasted "autumn knife fish" is bad either, no taste of wasabi at all.The table is eceptionally small.However, service is okay.

先唔好講用料新唔新鮮，全部壽司居然一夾即散，最基本o野都做唔好，經已扣晒分。我同朋友一共試o左達十五款壽司，冇一款特別有印象，表現平平，個別更不達水平。至於熟食﹑串燒更加一般，雪藏味濃，仲要唔夠熱，失敗! 我地由六點九坐到九點，居然只得十多台客，以夜市來說，死得! 若然食物質素高的話，定必留到客人，相反......

12月30日, 黎食開咗一段時間既十人十色…見食評咁好, 好過隔離間三上,心諗應該唔錯, 門口見d環境幾好同幾乾淨, 不過食完真係覺得唔值有咁多笑面……我地每次食壽司都會先食三文魚壽司, 一睇碟野都會大慨知道其他魚生新唔新鮮, 壽司大唔大件, 壽司師父有冇心思…咁就攞三文魚壽司先啦~ 魚生好薄, 唔係好新鮮, 仲有d細件…再攞其他一d啦, 有芝士魚子, 北寄貝沙律等等……d料多數只係得雪藏味, 我地都係中午多人食飯時間食, 應該d野要解凍先啦~ 越食越唔對路, 叫個定食飽肚算~ 叫咗滑蛋豬扒飯, 只可以講: 飯冇汁好乾, 豬扒都好乾, 蒸蛋好淡好少料…同隔離三上比, 壽司質素差唔多, 滑蛋豬扒飯一定三上好好多, 蒸蛋我會揀過多少少既濤. 服務就唔講,係西環食野唔會食到服務, 街坊生意最緊要都係味道…

隔左幾個星期, 上星期三來完, 星期六又同另外一班朋友幫趁.今次想介紹一下燒雞扒拼鰻魚, 雞扒燒到好金香好好味, 鰻魚好多汁, 本人平時對雞扒提不起興趣. 但係今次既汁燒雞扒令我對雞扒完全改觀. 燒三文魚腩和炸生蠔都幾好, 但係滑蛋豬扒既豬扒太亁, 否則就很完美啦, 前幾次同這班朋友吃日本野都唔係好滿意, 眼見大胃王就要拆招牌, 最後好彩十人十色不負所託, 最後搵到間令這班朋友滿意既日本食店.大胃王上

和朋友晚上來, 叫了刺身壽司定食（cant remember exactly), 只是hk$58.　包括有：都幾大碟既蟹子沙律，什錦壽司６件，三文魚刺身４件．　好抵食！仲散叫麵豉湯hk$10, 蒸蛋hk$15, 大大隻牡丹蝦壽司hk$58,　露荀鵝肝手卷hk$40.本來朋友叫了蟹粥，但等o左好耐先話無．我覺得全部都ok, 除了露荀鵝肝手卷．可以再來～

十人十色，去過4次。頭2次是因為食過覺得好味，特別，抵食才再去。跟住再係個到搞左一個Birthday Party平均每人200蚊落樓。都算不錯。昨晚又約朋友去食，點知今次的食後感覺係差左好多….由第一次去食到現在，前後只是3個月。分別差左好多!這店出名是壽司、魚生類。因為他們提供的魚生都好新鮮。-其招牌菜十人十色壽司，我就是因為覺得它樣子美觀、新鮮、平價($78一碟)才多次回來食。但昨晚食完後發覺，十人十色壽司不再平了, 要$98一碟。雖然說店舖出了名，加價都從應該，但係一加就加$20(成20幾%加幅)都好狼死。-環境方面比之前差，感覺上整間舖油膩感很重，地板有些滑要小心(油滑的感覺)。-男廁污穢(才星期四，人不多都咁污穢)。-服務差左，Waitress無晒笑容(個個都面黑唔知係唔係準備搞工潮^0^”)，仲成日落漏單…..。-今次有叫甜品食(第一次係到叫甜品)，發現原來呢間日本餐廳係無綠茶雪糕、草餅等和式甜品叫的，只有3種雪糕(Belgium比利時朱古力雪糕，Rum浪姆酒雪糕，另一種唔記得)。要成$22一杯(一球仔, 2口食完).今次食完覺得下次唔會再去了，因為都幾失望。

既然那麼多人都話ok小弟今晚就同家人去食食果然不錯三文魚腩都幾好, 滑得來又幾好其他,都唔錯叫左個手卷海膽帶子, 都幾好食但好可惜服務實在唔系太得但總括而言可以再去去

我係第二次去食嘢,d炸物真係唔得,唔好食,拉麵都ok,义燒拉麵同雞扒拉麵.好好食,不過第一次去食覺得味噌湯就好甜,第二次就覺得好鹹,一定要留意下,希望下次有改善啦,芥末燒生蠔, 燒雞扒定食都唔錯.侍應的服務相當好，很有禮貌，值得一讚。

見那麼多食評人讚賞，我決定要去試一試，那天夜晚7:30和女朋友去到，冇乜人，我地決定坐迴轉枱。環境也不錯。未知是否太少人迴轉帶上的壽司看來已放咗好耐，好乾，我地只好另外點壽司，但我見師傅在迴轉帶上拿下給我們，我地要求可否重新弄一碟，因為好乾，佢地在極之不情願的情況下做過比我地，但都唔係幾新鮮。(見到咁我地都冇乜心機食落去，所以都唔係叫咗好多嘢食。之後我地去過第二到食。)另外我地仲點咗芝士蟹膏山芋餅同稻庭烏冬，個山芋餅我只係食得到芝士味其他一d味都冇，個烏冬一d都滑，都唔知係咪真係稻庭烏冬。我諗我都唔會再去第二次架啦！

三人晚膳點了一客二人套餐($168)，計有：毛豆、鱈魚片、海鮮天婦羅、三文魚(四大片)帶子(兩隻)刺身、三文魚手卷(兩客)、豆腐雜菜牛肉鍋、青芥茉鹽燒秋刀魚、三文魚漬飯、甜品(芒果雪米糍)。另加十人十色壽司($78)、稻庭($45)、火炙鰻魚壽司($15)、金菇和牛定食($32)、酒水等。本人曾於午市光顧，想不到此等優恵套餐仍於晚市照價供應。吃薄脆鱈魚片時，緊記醮少許日式沙律醬加強口感。此處除炸物之外，三文魚實屬水準以上，肥美而不膩口，帶子大而帶鮮鹹味。鹽燒秋刀魚極之惹味，鹹得嚟又夠香口，如果你不怕多骨絲的話值得一試。招牌菜十色壽司賣相甚佳，以如此相宜價錢可一次試足十款口味確吸引，但某些用料如龍蝦、螺肉卻嫌醃味過濃，一入口全蓋了飯團之酸醋味。牛肉鍋份量夠而湯味香濃，燒香了的洋葱比肥牛肉更可取!稻庭烏冬並不便宜(一客冷烏冬定食也比它平)，可惜韌得嚟唔夠爽口，比較失望。以上套餐及定食均屬超值之作，絕對抵食!貼士：人多的話切勿一次過落單，因上菜的速度超快(十分鐘內已到齊，只欠漬飯)。我們坐的卡位根本容不下一碟又一碟，唯有加快食量騰出空間。結賬步出店外僅見三數人在輪候，與隔鄰另一日式餐廳人頭湧

今次係我第二次去食,我覺得有好有唔好既野,發現果個义燒拉麵幾好食,同大蔥雞串都幾好食,汁又香,但係有d野就唔係咁好,d炸野真係唔得.希望下次有改善啦

開初見到呢度長長迴轉, 仲以為呢間係一間新開迴轉壽司, 落order時發覺, 壽司menu好少款, 反而有好多小食, set lunch, 而且d set都幾抵tim wo. 相信似日本料理加迴轉壽司.壽司有平有貴, 三文魚$10, 不過幾新鮮, 味道唔錯. 本來想食卷物, 見碟碟都係六件, 四十幾蚊, 今日只有我和朋友兩個, 六件太多啦, 無叫到. 再試海鰻, 墨魚, 一般啦.蟹膏芝士山芋餅$38, 其實唔係好知咩, 見d料鍾意食就叫試下, 皮係山芋餅, 好淋好軟, 無咩味道, 中間夾住一塊芝士加d蟹膏, 蟹膏味道唔濃, 唔係好食得出味, 芝士味就反而太重啦.豬軟骨拉麵$36, 豬軟骨都幾好, 夠淋. 拉麵都ok.環境衛生服務, 感覺都係一般.