十人十色 (已結業)

前幾天中午，我到西環公幹，偶然見到十人十色壽司店，在好奇之下入店內進食，覺得食物幾好，我叫1客客飯食，唔錯。價錢公道，有飲品，有湯，埋單3拾幾啫，好抵。過幾天晚上約８時許，我同幾個朋友再到十人十色壽司店品嘗壽司及刺生，我最喜歡三文魚壽司，刺生，什錦沙律，蟹籽壽司，蝦天婦羅，味道都幾好，再試吓熱食，麵豉湯，雞軟骨，烏冬及湯都好好味，食物好多欵，不能盡錄，唔錯，我同朋友食咗好多碟‧埋單每人消費約＄１１５，好抵食，價錢唔貴，我會再去‧

今晚同朋友一行4人去這間新日本菜,因為$20半磅三文魚吸引;但每枱只可order一次,我們同經理要多一碟說4人不夠食,他話特價只可一次,因要賠本的;我們唯有要正價半磅$40,但計落一磅都只是$60算平。本來想食壽司,但見有牛肉火鍋大家便叫了一客;牛肉好味好嫩,鍋底料好多...正!另叫了特價$38珍寶牡丹蝦併三文魚及$18海胆,蝦真比一般的大,而且還可以每人order一份...超正!服務算ok!因我們多次要求特價品可不可以order多份,他們都有耐性地解釋可以或不可以。一句講哂!...抵!...超好食!

八點幾去到, 本身俾$18 海膽吸引黎, 入到去先知無.. 算... 食其他野啦男朋友叫左鰻魚飯定食, d 汁超咸, 鰻魚都唔係咁好食, 麵豉湯一樣係好咸, 蒸蛋叫做正常d拿了一碟三文魚壽司, 都唔好味既, 食落去都唔覺得肥美, 北海道活壽司平d 好味d想叫豬軟骨拉麵, 竟然無拉麵, 烏冬又要加$5 先有, 好唔開心囉... 唯有叫個雞扒鍋定食, 又係超咸囉, 雞肉又鞋, 好似食緊雞肉乾咁, 真係好難食, 求其食左幾淡就算, 怕食多啖食頂親個胃服務態度都好唔得, 叫人叫幾次先有人理; 男朋友個餐黎時, 阿姐講左個野, 男朋友聽唔清楚問佢講甚麼, 佢好悔氣咁話無野就走開; 到我個餐黎個陣, 男朋友己經食緊野, 但個餐都係擺佢個邊.... 個位好窄, 個盤好大, 唔係好夠位...雖然唔係貴, 但又難食, 服務又差, 一定唔會再黎..

我住响西環又係日本菜發燒友，所以9月頭開張呢間壽司店就第一時間去試吓。裝修好靚，所以比人感覺好似好貴，但又唔係喎！第一次去就試回轉壽司，覺得魚生好新鮮好好味。推介火炙左口魚邊，好爽好味！第二次去就試廚房熱食，又好好食好有水準喎！（一般回轉店的熱食好難食)每人100元左右。第三次去試午餐\，Wa!大件夾低食仲要好好味添。推介58元刺身壽司定食，有6件壽司、4片三文魚刺身、一大碟蟹籽沙律及一碗烏冬，大食如我都飽到想嘔。到10月中再同女友去食晚飯，發現有套餐\食就叫咗個168元2人套餐\，初初以為套餐\份量不會大，就加了數碟壽司，但上枱時大份到2個人都食唔哂。(唔加壽司就啱啱好la!)無加一，埋單都係200元，有咁ga水準，咁ga價錢，真係好低。我一定會成日去食。食物夠水準，價錢合理，環境又靚又新，西環少有，值得推介！(好過隔離間三上多多聲la!都唔明點解仲有人去食同咁多人排隊)