十兄弟車仔麵 (已結業)

每逢午膳時間，想喺灣仔附近搵一間餐廳堂食真係有點難度，每次經過呢條春園街，見到呢間「十兄弟車仔麵」都係排長龍，今次就專程等過咗繁忙時間去食下先😋呢度係QR code落單，非常方便，想食啲咩，用手機落單就可以了😌「招牌八寶麵」見到呢個招牌八寶麵啲餸都係我鐘意既餸，有兩款仲要係皇牌必食推介，好快就決定到揀呢個😝麵底就揀咗油麵，個人認為車仔麵麵底既首選😍因為麻麻地粟米就無揀到😅🌟柱候牛坑腩(皇牌必食推介)🌟香辣豬紅🌟滷水豬大腸 (皇牌必食推介)🌟咖喱豬皮🌟香辣陳皮魚蛋🌟清甜蘿蔔🌟雲耳每一道餸都好食🤤如果諗唔到食咩，呢個八寶麵係不二之選👍🏻最後加埋枝冰凍既烏龍茶，就完美了🥰仲有要讚既係呢度既杯裝豆漿可以揀無糖，$6就飲到！唔係度度既麵店豆漿可以做到無糖的💯

自選車仔麵｜𝟯𝟮起除咗自選車仔麵 亦有提供預設配料車仔麵一般都會有幾款餸 好方便 諗都唔洗諗(๑•᎑•๑)配料多達50款 價錢由$9-28不等今次食咗 柱侯牛坑腩 滷水豬大腸 牛骨濃汁牛丸香辣玻璃魷魚 香辣陳皮魚蛋 香辣豬紅湯底可以揀腩汁 咖哩汁 滷水汁 秘製香辣汁除咗麵底亦可以揀菜底 米粉 河粉 烏冬 公仔麵等等都滿足到你( ´･ᴗ･` )⸝⸝⸝⸝炸雲吞 半份｜ 𝟮𝟬多款抵食小食可以加配韮菜豬紅蘿蔔 香炸墨魚丸 唐揚炸雞塊 麻辣蓮藕

📍#十兄弟車仔麵 人均消費: HKD79Bookmark咗好耐，終於走咗去試！有好多選擇，最終揀咗有推介嘅食神嗱喳麵！💯食神嗱喳麵 $69裡面有漿爆瀨尿牛丸，香辣豬紅，蘿蔔，鮑汁魚肚，香辣玻璃魷魚，麵就揀咗鮮製油麵！個湯加咗腩汁同小辣，好濃，個湯有層次，好香好好味！個麵好靚，食落煙煙韌韌又有口感！豬紅好爽好味！玻璃魷魚勁正，超級爽口又入味又夠辣！鮑汁魚肚個鮑汁唔算好突出，ok啦！瀨尿牛丸有餡，味道不俗！係蘿蔔唔入味爭少少啫真心覺得似細個食車仔麵嘅味道！唔止係湯底得，腩汁，辣汁都好得！而且食材都好味，難怪咁多人話好味！

🤍十兄弟車仔麵🤍自選車仔麵(麵底/食材續樣加錢形式）🌈鮮製油麵(湯轉腩汁)油麵質感似意大利粉但更加爽口 配搭食材作為車仔麵更好冇河粉咁索水 加埋轉咗做腩汁唔會搶味之餘仲保持到單純的麵香🌈蠔皇紅燒鮑魚(2隻)貨真價實 真係有兩隻鮑魚蠔皇汁+腩湯汁好夾鮑魚口感剛剛好 易咬但唔會過淋🌈清甜蘿蔔(3件）大大舊3件白蘿蔔 真係差D食唔晒冇喳之餘仲有淡淡嘅清甜味道加喺腩汁入面平衡返油感🌈墨魚腐皮卷(2件）係墨丸+魚腐+春卷嘅味道口感係魚蛋 配搭湯麵幾夾🍜🌈無糖豆漿真 無糖豆腐 健康D冇咁甜份量剛好配搭食一豌麵豆味幾夠香濃幼滑

有無諗過車仔麵都有得簡鮑魚做餸？有無諗過車仔麵都可以令你食過翻尋味？位於灣仔春園街既<<十兄弟車仔麵>>就做到喇，店家用既食物材料品質好好，份量又十足，配料選擇又多，了解食物製作過程後更看得出係間非常用心既特色車仔麵小店。今次我地就叫左兩碗自選車仔麵黎試吓。😋 𝓕𝓸𝓸𝓭 𝓓𝓮𝓽𝓪𝓲𝓵𝓼 :❥ 自選車仔麵 1 （柱侯牛坑腩，鮮蝦韮菜餃，三星蔥漿爆貢丸，咖哩魚蛋，粗麵，滷水汁）呢碗當中超級推介既係柱侯牛坑腩，真係超級煙韌，牛肉味濃郁👍🏻 聽講係因為店家采用左西餐常用既慢煮方法烹調牛腩，食起上黎就唔會因為烹調時間太長而令肉質變嚡，真係落足心機同工夫。 其次就係鮮蝦韮菜餃，皮薄之餘又大粒，鮮蝦大大隻，醬爆貢丸更係一咬就醬汁爆滿，口感一流🥰❥ 自選車仔麵 2(蠔皇紅燒鮑魚，牛骨濃汁牛丸，勁腍豬軟骨，鮮製油麵，咖哩汁） 到呢碗超級推介就緊係蠔皇紅燒鮑魚喇，唔好諗住車仔麵平均$14一隻鮑魚唔會好食得去邊，呢度既鮑魚就用左6頭大既罐頭鮑以原汁加上湯炆煮，食起黎隻隻帶有甜味仲煙韌又彈牙，絕對唔馬虎。另外好有驚喜既係佢地既鮮製油麵，麵身軟硬適中，食起黎有種食拉麵既感覺，同平

價錢公道，食品足料，食品質素高！講真，自小到大好難找到間會令我食後會掛住再想食的車仔麵，這兩年留於深水埗文記，但每况月下！我放棄了！好彩找到新血路，我胃有番樂趣

十兄弟最正係有啲 pre set 款，唔使次次都揀勁耐。今次叫咗食神嗱咋麵，一碗入面有豬血，玻璃魷魚，鮑汁魚肚，蘿蔔同醬爆瀨尿牛丸。餸嘅份量足料，蘿蔔大得有少少過分添😜佢哋個香辣汁唔錯，香得嚟唔會死鹹死辣。鮑汁魚肚好正喎，又厚又軟綿，係類似棉花雞嗰種好索汁質地醬爆丸大家應該都唔陌生，但呢粒真心好癲，全方位地爆汁仲要射到勁遠 💦💦💦 食嗰陣記住小心😂 如果唔係就好似我咁件衫又污糟晒，個電話又污糟埋 （佢係有兩款牛丸的，所以想要爆醬嘅就唔好揀錯啦 ）可以揀菜底，波菜麵呢啲少見option, good

滷水汁不是滷水汁，完全冇滷水味，清湯來既😾remark左啲麵要淋啲，啲麵好似冇煮過咁，硬到一個點，叫左分湯，啲湯係上面，麵係下面，啲汁倒瀉晒係檯面，未食已經要抹檯先，唔會再幫襯，如果冇折既話仲要成90蚊😡😡難食到呢⋯⋯叫佢俾餐具，匙更係爛既

前排行過灣仔春樹街，見到有間十兄弟車仔麵。本身純粹想食車仔麵，俾呢間店既麵名吸引，叫左個「呢碗唔嘢少」黎食。有哂我最鐘意既幾款餸，香辣玻璃魷魚、鮑汁魚肚、蠔皇紅燒飽魚、日本珍寶蟹棒。有揀餸恐懼症既朋友可以試下佢地幾款招牌車仔麵， 見到隔離碗碗都好大堆頭。散叫每款餸好似無咁低既，所以見到「呢碗唔嘢少」個名咁過癮，就試下咁啦。同埋好少可車仔麵轉烏冬唔洗加錢，咁又幾好丫。真心講，佢既自家辣醬真係辣既，陣辣味起條脷度歷久不散，所以佢地都已經好細心咁分開另上俾你。香辣玻璃魷魚既辣汁令到個湯底好惹味，玻璃魷魚焯得岩岩好，好爽脆。鮑魚同鮑汁魚肚做車仔麵餸當然比較少見，因為鮑魚仔好容易煮得過老，就會好易變得好un。十兄弟呢款剛剛好，想打卡好難唔叫呢款。日本珍寶蟹棒大大件入哂味，配埋個麵一齊食，都幾暖胃。呢間車仔麵仲有其他好多小食嫁，不停聽到好多外賣單，所以夜晚都真係幾旺埸，店面唔係好大，所以我入座無幾耐都Full House左。 

今日喺灣仔好想食車仔麵 所以揾左呢間食 佢嘅慢煮牛筋腩好出名 鍾意食牛筋腩嘅人一定要試 -🍜自選車仔麵 (幼麵) $66我揀咗柱侯牛坑腩 牛骨濃汁牛丸 醉雞卷 同埋香辣陳皮魚蛋 柱侯牛坑腩煮到勁淋 而且好入味 牛丸算彈牙 汁叫咗中辣加埋秘製香辣汁 香辣汁係佢哋自己調配 好辣好惹味-🍜自選車仔麵 (米線) $69呢碗要左勁腍牛孖筋 日本大蟹柳 鮮蝦韮菜餃同鮮蝦雲吞 牛孖筋淋到入口即溶咁 好好食鮮蝦韮菜餃同鮮蝦雲吞好大粒 個皮好薄 餡料好足腩汁湯底同樣好濃好食-📍十兄弟車仔麵灣仔春園街地下16號舖

利申：午膳時間外賣自取.服務0分：職員態度極惡劣，外賣拎出黎擺枱，又唔出聲，要d客自己睇，又網上order又openrice order，d號碼又咁相似(eg. openrice係T0001，佢個網上order係1001).好啦，終於有職員(應該係收銀)叫號碼，又唔講清楚，叫1號1號，搞到亂哂，又唔同d客對單，拎錯左返轉頭換，個職員仲怪個客冇睇清楚，叫個客睇清楚先拎，態度極為惡劣！！！😡😡😡.其次，明知午飯時間多人，做唔切仲要接咁多單，呢間餐廳認真厲害。.食物質素：食過幾次，湯底冇味，水咁樣，d餸都好一般，但價錢又唔係平，性價比好低！食完第一次已經覺得麻麻，只因為附近冇乜車仔麵選擇，先選擇再食🤦🏻‍♂️.其他：外賣盒係反智設計，第一次見，湯係上面，麵餸係下面，一打開個蓋d倒汗水滴哂落張枱度🙄未食已經要抹枱先，外賣仲要加2蚊👍🏼.總結：食返南記譚仔好過，比錢幫襯你仲要買難受，冇下次！

作為灣仔扮工嘅打工仔，令我一吃再吃而又唔貴嘅餐廳可以話好少，而十兄弟車仔麵係我嘅首選。幫襯過咁多次都未試過晒佢所有款餸。今天工作很累，比較懶唔知食乜好，選擇困難下叫咗個香脆豬元帥。已包有五個餸：🍜福建豬肉丸彈口，juicy，而且唔會有筋攝牙。🍜台式豬腩肉外皮香又爽，油脂位入口即溶，無豬臭味，飽肚之選。🍜香炸豬頸肉爽口，又香口，唔會炸得太朝，尚有唔少肉汁。🍜泰式炸豬皮分開一個碗另上的，食到尾依然脆卜卜，浸落湯頭啪啪聲，好治癒。🍜滷水豬大腸(皇牌必食推介)洗得好乾淨無屎臭味，滷水入味香濃，口感有咬口，果然係皇牌。總結，呢間車仔麵每次去試新嘢都無令我失望，灣仔工作嘅朋友CP值首選！

十兄弟車仔麵自從搵到一間有一級嘅中醫診所可以幫我針灸後，就去咗淘咗一板斜板幫我解決入診所嘅問題啦。於是今日針灸完就走去食一間bookmark咗好耐嘅車仔麵餐廳，佢哋喺灣仔春園街，一去到見到好多人排緊隊都無阻我繼續等，好多學生同打工仔喺門口等入座或等拎外賣，我都等咗差唔多20分鐘，相當有人氣！有人排隊一定好味，同埋呢間係有得叫鮑魚食嘅車仔麵餐廳，等幾耐都值得！呢間餐廳門口有一級，入面唔算好大，大約只可以坐25人，阿姐都好好人幫我搵近門口嘅位比我坐，點完餐大約10分鐘就送到面前！👍👍👍1. 招牌八寶河粉（勁辣）（多蔥）$55+$2秘製香辣汁（9/10）呢個招牌八寶入面d餸非常多，有柱侯牛坑腩、滷水豬大腸、香辣豬紅、咖哩豬皮、清甜蘿蔔、 香辣陳皮魚蛋、粟米同雲耳。呢碗叫咗勁辣加埋秘製香辣汁辣得好過癮，食得辣嘅朋友可以試下， 呢個香辣汁係佢哋自己調配！2.柱侯牛四寶鮮製油麵（中辣）（咖哩汁）$65+$2 自家辣菜脯（8/10）見到門口貼住「慢煮牛筋腩一小時賣出100碗嘅報導嘅關係，搞到急不及待就叫牛四寶試下，呢碗有五香金錢肚、牛骨濃汁牛丸、柱侯牛坑腩同勁腍牛孖筋。成碗麵食到濃郁嘅牛湯， 牛坑腩

見到好多附近返工嘅人排隊買外賣!!原來外賣自取有九折~中午時間去到都全場滿座!!餐廳舖位唔大，但都光亮乾淨企理!!餐牌有超多選擇!!睇到眼花撩亂~每樣都想食!!舖頭都好貼心整咗啲精選俾大家，例如食神嗱喳麵，招牌八寶麵，呢碗唔嘢少~啱晒選擇困難嘅大家!!因為想食自己鍾意嘅餸，所以我揀咗自選車仔麵(⁎⁍̴̛ᴗ⁍̴̛⁎)揀嘅餸都係皇牌必食推介•̀ᴗ• 腩汁湯底欣賞佢做得好清但味道十分濃郁!!選了小辣，特製魔鬼辣椒油味道不錯~而且可以揀多蔥，蔥都十分清甜!!就咁食都好好食☁️鮮製油麵 $14鮮油麵煮得好有韌性!!☁️勁腍牛孖筋 $15有三大舊，煮得好腍好腍!!!每啖都好易咬食得好舒服!!同埋都好重牛味~真係必食嘅餸☁️牛骨濃汁牛丸$15食嘅時候要小心熱，差啲炴親嘴˃̶͈ ˂̶͈好juicy!!好滑溜嘅牛丸~中間好重牛味!!有兩粒~☁️香辣玻璃魷魚$22好爽脆，有口感!!同埋會俾埋魷魚肚仲正՞• •՞☁️香炸魚蓉燒賣$10比較少見嘅炸燒賣，鍾意佢嘅口感外脆內軟~而且燒賣都唔係好細粒!!有三粒!!性價比都高!!

*💭十兄弟車仔麵再次到訪呢間車仔麵，位於灣仔區，係正利東街隔離，非常方便☺️有自選配菜同特選招牌麵揀，每款配菜由$9-$13不等，係灣仔區黎講算平民價😍我同朋友都揀左油麵底，金黃滑溜，都幾掛湯😋配菜就揀左夠哂彈牙既香辣玻璃魷魚同醬爆瀨尿牛丸，一咬就爆汁，好好食😍雞翼都好入味，但唔會過咸。另外值得一讚係佢地既秘製香辣汁，辣得黎有層次，有大中小辣可以揀，店員會放係匙羹上面上菜，可以自己再調節想要既辣度😋