十六座車仔麵 (已結業)

Really impressed with the decor and the food is very good. It has a very old school taste just like those noodle parlours at a street corner but this has air con! Went a few times already, just can’t get enough. The variety of noodles and sides choices is quite impressive. Really recommend the knife cut flat noodles and the pigs blood cubes!

又去旺角濕平，博鬥完就煩醫肚，細妹話呢間車仔麵有D雞亦近似荃灣一家車仔麵味道，所以便試一試其真章好懷舊的設計當中插入不小的舊款屋邨元素，未吃味道已經感覺良好，因為有好多場景已經不復見，勾起左唔少嘅回憶叫餐就好環保，張紙過咗膠，可以循環再用，而食物就係一般車仔麵上有餸菜款，比較特別嘅係有流心蛋，而且除湯麵之外，亦可乾撈，而且現在有優惠，四餸送豆漿，有幾款嘢飲仲係自家制我叫咗乾撈米粉，中辣豬皮好入味，豬腸同八爪魚都好淋身，通菜夠青緑，中辣都幾辣，好辣者可挑戰，而且佢辣中帶甜，可以說是一點紅，不是死辣，辣得嚟又比D甜頭你嚐下朋友都係叫乾撈，分咗一D餸比我嚐鮮，雞亦甜甜地，冬菇夠入味，蘿蔔都比想像做得淋同入味，因為佢個外形好完整，估唔到會keep到外形之餘又入味同淋，不過魚蛋唔合格，值得一提係個麵，係紅菜頭麵嚟嫁~唔係度度食到炸豆腐好好食，做到外脆內軟仲好滑添，一定要趁熱食，咁先最好味，不過小心燙口～

平時出面食車仔麵麵底都比較少，但呢度份量好夠，本人覺得撈面好食過湯面。餸方面大部份都好入面（亦可以話比較濃味，但我好鐘意）,金沙青，蝴蝶腩，牛脷，全部都好林好入味！呢幾個餸我肯定會再試！

都係常客啦 不過冇想到行返到屋企唔到五分鐘 D野幹晒 撈麵冇汁 係唔係要我幹食？ 真系越來越失望 上次係烏冬淋晒 一夾即斷 雖然味道唔錯 我都知外賣同堂食味道口感都唔一樣 不過希望可以改進下

依一間懷舊式裝修車仔麵，望入去高朋滿座，懷舊裝修。屋村feel既欄呀，舊樓牆壁會印既仔之類，都幾得意。和車仔麵真的絶配！叫了 牛腩 咖哩魷魚 韮菜燕餃 紅菜頭麵 小辣。紅菜頭麵幾得意叫左嚟試下，估唔到小辣都想像中辣 dd... 好在撈埋腩汁都食到。牛腩都可以，肉質夠腍。韮菜燕餃，細細舊但係好食，不會好油既感覺，食落好順口。整個餐廳已80年代公屋的設計為藍圖，所以你會看到舊式大排檔的影子，還有模仿公屋的裝修設計。再加車仔麵真係冇得頂直得一來。

星期二晚上 在附近運動後 和朋友在旺角覓食 友人推介這餐廳的雞翼和豬紅 表示十分美味 值得一試 遂跟隨友人到此餐廳一試龍鳳八時許入座 不用等位 到餐廳樓上進餐 裝潢特別 餐牌上也見幾款特式飲品和小食朋友叫了 牛腩 咖哩魷魚 韮菜燕餃 紅菜頭麵 小辣我叫了 雞翼 豆腐 豬紅 幼麵 中辣味道中等 本人不見其過人之處唯獨店家於湯頭附贈死蟑螂一隻雖然蟑螂很小 基乎沒有小指指甲的一半 但已令我完全失去任何食慾告知店員後 店員只問我是否需要換一碗新的 但並無另外跟進服務 結帳時 店員亦毫無表示 我仍需為加料的死蟑螂麵付全費離開後 開始感到肚痛 以後一定不會再光顧

在旺角漫無目的搵食既時候，見到依一間懷舊式裝修車仔麵，望入去高朋滿座，正當猶疑究竟仲有冇位既時候，招呼我地既侍應哥哥叫我地上樓上坐，原來有樓上雅座，估佢唔到。一路行上去都見到啲舊式裝潢，屋村feel既欄呀，舊樓牆壁會印既仔之類，都幾得意。坐低望下個menu，要自己剔餸既。都有幾多選擇，有啲花多眼亂。抬起頭嚟望下，原來九因歌俾咗啲貼士，有啲咩推介美食XD剔好咗之後就坐定定等食。今個月優惠叫3餸送半價飲品，叫4餸送豆漿或送半價飲品。(即係如果唔飲豆漿的話係冇分別囉?!) 叫完3餸等緊既同時覺得自己蠢左，叫4餸飲豆漿咪等於送左個餸囉? = = 叫左枝石斛竹蔗茅根, 自家製。冰冰涼涼都幾好，唔太甜。(原價$12, 半價$6)我叫左 紅菜頭麵 + 滷水大腸 + 牛爽(牛舌芯) + 豬紅 + 小辣紅菜頭麵 - 如想像一樣，冇紅菜頭味，純粹貪得意叫嚟試下 滷水大腸 - 夠入味亦夠腍，好食 牛爽(牛舌芯) - 我鍾意食牛脷，所以叫依個嚟試下，比一般牛脷簿同爽，幾特別 豬紅 - 超入味！入味到我覺得有少少鹹，好少食到豬紅咁入味，連埋啲麵食就啱啱好$49埋單，唔算好平，但晚餐又食得好味食得飽，我覺得完全O

同朋友行街行到夜晚10點幾，因為好多鋪頭都閂左，我地又唔算好肚餓，行左個圈 決定試下呢間十六座車仔面呢間車仔面keep住有好多人入黎食 見佢有d特別d既麵 好似菠菜麵 泉水烏冬 等但我對個d麵 興趣不大，所以揀左普通既幼麵餸方面除左有傳統既豬腸 雞翼 魚旦 個d之外，都有d特色野 例如（豬）蝴蝶腩 燕餃 等因為指明要揀3個餸 我揀左 限量（豬）金沙青 蘿蔔 韮菜燕餃 加 幼麵 野飲有半價優惠 叫左鮮榨檸檬汁湯底揀左 腩汁 + 小辣因為唔知咩係金沙青 又寫住限量咁 所以叫黎試下 大約5分鐘後有野食啦 因為我朋友無叫到辣又想試下 所以我分左d辣醬比佢 但我都已經覺得幾辣下麵質正正常常常金沙青 似豬頸肉 一條條 有d爽口既肥肉蘿蔔入味 有4大舊 都幾甜 夠淋 可惜有2舊有渣韮菜燕餃 細細粒 得3粒 無特別個湯底 腩汁加辣 完全似咖哩味一d腩汁湯底都感受唔到檸檬水就酸酸甜甜咁 都幾開胃解膩朋友叫既牛腩 辣魚旦 豬腸 幼麵 飲可樂牛腩有3大舊 其中一舊韌到咬唔到 豬睇切得都好大一舊魚旦都有6粒 整體黎講 呢間車仔麵 無驚喜 水準一般 唔係特別平 份量正常如果唔係咁夜無野食 應該唔會揀佢

本人並唔係車仔麵愛好者 平時亦好少食車仔麵 但一次偶然既關係 試左呢間車仔麵 今次係第二次食 呢到有別於傳統車仔麵 有d一般車仔麵鋪食唔到既麵 例如菠菜麵 紅菜頭麵等等 我叫既係九洲刀麵麻辣乾撈 加左4個餸 分別係牛爽 蝴蝶腩 咖喱魷魚同鹵水糖芯蛋 牛爽係牛舌芯 除左呢到好似無係其他餐廳食過 口感同個名一樣 好爽口 蝴蝶腩好鬆軟 唔羶無筋 入口即化 抵讚 咖喱魷魚夠入味 糖芯蛋流心效果亦做得好 所有餸都令人滿意 反而覺得九洲刀麵麻麻地 太淋 無乜咬口 都係上次食既菠菜麵好食d

在旺角、尖沙咀、銅鑼灣等等的遊客熱點地區用餐，好處在於區內雲集了大量，不同種類，不同國家，不同菜系種類的餐廳，即使不幸遇上第一選擇的食店關門休息，起碼還有其他選擇的食店可以代替。今次我在旺角區裡面，都遇上這種情況，我本來是想光顧一間位於旺角的樓上茶店跟甜品店，可惜我忘記了做好事前搜集相關資料，結果恰巧我上門之日，即時遇上那樓上食店例休的日子。結果我被迫臨時轉換目標，找尋另一間旺角食店，結果我終於在「女人街」排得密密的中外食店裡面，找到我的第二選擇旺角食店，港式車仔麵餐廳「十六座車仔麵」。其實都不是很清楚了解，究竟「十六座車仔麵」這個店名的來龍去脈是怎樣，我就估計「十六座車仔麵」的淵源，可能是跟香港早期平民公共房屋徙置區有關。當時香港的第一座徙置區房屋，不會逐層樓宇另外改名，而是為每一座徙置區房屋，逐座按數字區分號碼，例如有「十四座」、「十五座」、「十六座」的稱號。恰巧「十六座車仔麵」餐廳裡面的裝修，正正就是走懷舊的路線，以及有濃厚本土徙置區的風格。「十六座車仔麵」樓面牆壁有很多徙置區的鐵閘，大門，還是徙置區旁的模擬冬菇亭大排檔擺設。「十六座車仔麵」的廚房跟大部分現代港式車仔麵店一樣，都

係旺角上完堂... 少少餓... 除左食壽司... 去食車仔麵份量有得預唔浪費～呢間夠懷舊裝修襯曬...入到去自已搵位座... 落單夠環保... 用紅筆劃好要咩又方便改...牛脷切到圓型 size 細厚切好夠淋... 個幼麵比較硬身... 估唔到小辣都想像中辣 dd... 好在撈埋腩汁都食到... 仲有支裝汽水飲... 雖然唔夠凍... 朋友話連佢支凍奶茶都唔夠凍只係個樽身滴曬水...車仔麵價錢都唔貴又可以預埋份量唔浪費... 下次附近上完堂都可以再幫襯～

夜晚十點都未食飯，見到車仔麵，鋪頭又好似可以坐得幾舒適（因為過左食飯時段，無咩人）就入去試啦. 佢嘅餸都好多款，最低消費係三餸. 其實係款款都想試下所以就諗左好耐. 最後揀左1. 紅菜頭麵 （但比錯左菠菜麵） 2. 蝴蝶腩 3. 滷水豆腐 4. 蘿蔔 我揀左豉油乾撈 菠菜麵最大嘅特式係d麵綠色，有咬口，唔會容易夾斷. 下次再試紅菜頭麵 蝴蝶腩（豬）其實肉嘅部份有少少un, 因為係無脂肪. 但軟骨個部份就好好咬啦. 都煮得入味. 滷水豆腐我鐘意唔係炸豆腐，黎種豆腐口感結實d. 佢應該係切左先浸所以有味👍🏻蘿蔔的確係好味，無根嫁，甜甜地又夠’淋‘. 豉油乾撈無咩特別. 咸咸地咁，不過食完過一陣就口渴啦佢頌有好多餸我都未試，可以下次再食過同紅菜頭麵😂. 其實店員有表示可以換，但係實在唔想浪費食物，所以先無換到.

晚餐路過呢間試下車仔麵先！ 今晚嗌左三送加牛腩汁&泉水烏東底 牛爽+豬大腸+通菜 牛爽同豬大腸都幾入味 、 決點係湯太咸 ， 食完會口渴 ⋯ 埋單$53 連飲品 ， 跟餐支裝飲品半價架 !

本來係去捐血但填填下表見到感冒係唔捐得，停藥後兩星期先捐得😢😢😢唯有等多幾日先～～跟住就行下旺角同行友人出名剩係約出街食咩行咩買咩都要我諗😭有時候都會好攰架嘛～～已經好熱好焗重要我去諗行過諗起睇過Youtuber 使徒介紹過依間車仔麵～～平時都食開文記就試下好過係街度諗食咩我平時夜晚都唔想食澱粉質所以就點左剩餸食～～見到有新鮮雞腸好驚喜即刻點黎食，好鮮味又唔臭我不嬲都鍾意食內臟但香港就比較小食店會有因為處理麻煩湯底我揀腩汁清甜唔多味精係如果坐二樓會好熱冷氣唔夠凍一路食一路出汗～～

旺角大把好野食，之不過一個人的午餐，來碗像樣的車仔麵是為上選是也。小人每次叫車仔麵，都一定要大量的餸料，今次有牛腩、豆卜、紅腸及通菜。例牌先呷口湯，淡嘅……要加辣醬豉油來吊味。牛腩都可以，肉質夠腍；然而細碎得差點夾不起。反為紅腸比較實在，至少不會一夾即散，況且紅腸很難做得差。說到麵條，粗靭有致，是小人愛吃的種類，軟得來有咬口，趁著餸料吃是極級的好味，絕對吃到車仔麵的神韻！烚菜雖然不多，倒是爽而醒胃，讚！是一碗大滿足的車仔麵。