十六座車仔麵 (已結業)

同朋友在旺中附近唔知食咩好，偶然見到呢間小店，我同朋友都鍾意食車仔麵，一於入去試下啦。今次我叫左紅菜頭麵，朋友就叫左米線。老實說，雖然麵係紅色，但我就唔係好食得出麵有紅菜頭味。不過，麵的質素係唔錯，唔會過淋。至於車仔餸，就令我地覺得幾驚喜，因為食物質素非常高，睇得出係認真製作的。豬紅唔會’散’、雞翼好入味。重點係咖喱魷魚蘿蔔 － 蘿蔔大大舊、冇渣、好甜；咖喱魷魚的咖喱汁好正，魷魚好爽。由於覺得呢間小店食物質素好，所以同朋友再叫一個小食share。揀左脆炸黃金豆腐。果然呢個小食都係相當高質，黎到嘅時候仲係熱的，似係新鮮炸起。粉漿薄，外脆內軟，一尐油膩感都冇。仲要每舊豆腐都切到細細粒，方便’夾’同食。雖然呢間小店的價錢比同類鋪頭貴些少，但佢地食物質素好，份量多、環境乾淨企理、店員好禮貌，所以我地會再來幫襯的！

十六座車仔麵 (旺角)「車仔麵」呢樣野都係我經常食嘅野，價錢平又可以揀餸，不過每次嘅餸黎黎去去都係揀嗰啲😂😂，好似雞翼，蘿蔔，豬腸一定係膽。最近去過旺角都會食呢間車仔麵，我都覺得值得去食，車仔麵通常係湯麵，呢間可以揀撈面，我就揀左麻辣乾撈🔥唔太辣！五香蝴蝶腩牛腩大大舊，好入味，食幾次都一定嗌唔似平時嗰啲細舊又碎嬸嬸🤷🏻‍♀️牛爽(牛舌芯)都幾多塊，切到好薄，口感好爽！但就冇乜味蘿蔔蘿蔔淋又冇渣，夠入味，蘿蔔煮變曬色，食到入面仲帶有甜味，唔錯蠔油冬菇冬菇基本野，夠味不酸，可試可不試，早知食雞翼😋😋😋⭐️之前已經食過米糖滷雞翼，慢煮滷水牛脷。呢兩都要食，滷得好好食。樽仔奶茶（嗌夠四餸，野飲半價）茶味濃，飲完茶味仲係口入面蕩漾🤙🏻甜味適中。我覺得太細樽，奶茶精表示唔夠喉🤤味道:🤤🤤🤤🤤價錢:💰💰💰環境:👍🏻👍🏻👍🏻👍🏻（擺設係有用心設計過）地點: 十六座車仔麵 (旺角)旺角通菜街103號地舖#hkfood #hkfoodie #旺角美食 #十六座車仔麵 #hkblogger #hkfoodblogger #eatkids123

咁多間最中意依間的車仔麵，可以揀我最中意食的烏冬。羅白好入味。糖心蛋原隻，中間我流心又做得好好的。豬沙青的感覺有d似豬頸肉的感覺，但每隻豬豬沙青的位置唔多，所以有時會賣晒。另外個炸豆腐都好好食，雖然入面食得出係百福豆腐，但個炸粉做得好好，就算凍左都係脆的，值得一試。

宵夜好去處今日有朋友接放工，難得見面短聚，可惜時間唔多，想輕食，快飯，又要方便搭車返屋企，我地揀出旺角。呢間車仔面，系外面睇冇乜特別，但入到去上2樓，我又覺得幾有心思，上到樓見到佢有塊黑板，畫得好靚，好有心機。同埋都有小小懷舊既感覺。睇咗一陣，我决定食豬紅，魷魚，蠔油冬菇加半熟蛋水泉烏冬高(牛腩汁，中辣)。 飲石斛竹蔗茅根。等左大约5分鐘，就上枱啦，先講個湯，我自己就十分滿意，腩汁味夠濃，個辣度又唔會搶左個味。豬紅好滑，唔腥，魷魚，爽口，入味，蠔油冬菇，甜甜地，隻半熟蛋d滷水汁都好味，最鐘意個烏冬，好滑，好彈牙。個石斛竹蔗茅根,都好清甜。整體都幾好，但因為好多人，所以會有需要搭枱。。。

今天和朋友行完街，食個Tea, 我朋友係大食仔😂，佢話要食碗麵先夠飽！佢今日帶咗我來十六座車仔麵，我都係第一次來，店舖以懷舊裝修做主題。食食食波菜麵底，蝴蝶腩，牛腩，滷水豆腐加腩汁個麵底除咗係綠色之外，食唔出有菠菜味，豆腐好入味，蝴蝶腩同牛腩都炆得好淋。紅菜頭麵底，有魚蛋，腸仔，豬大腸，撈麵。個麵唔覺有紅菜頭味，麵質煮得唔夠淋，有啲硬。豬大腸炆得幾淋，魚蛋都幾入味。如果對食要求唔高嘅人來講，呢間車仔麵種算係不過不失。

好耐之前，記得佢啱啱開既時候同朋友經過試過一次嚟食，當時佢既招牌蝴蝶腩真係好好食。今次咁啱嚟呢頭搵食，就醒起佢。本身打算叫3餸但4餸送豆漿，見價錢差唔多就叫多個餸。叫左蘿蔔，雞翼尖，蝴蝶腩同埋雞腎。全部都比得好多好大方由其雞翼尖，冇諗過食到尾都仲有，有成7，8隻，認真抵食。最普通既蘿蔔令人驚艷，好淋好入味仲要冇渣，真係冇牙都食到。反而蝴蝶腩就好似同記憶中既味道有小小出入，但就覺得普通不過都好食。雞腎唔知係咪太多人叫所以唔算好入味。但係湯底好好味，叫左佢加鹵水汁真係唔錯，蘿蔔又吸哂啲湯汁咁。不過豆漿就有啲失望，唔算好飲，冇乜豆味咁。不過整體嚟講會再番去食，旺區嚟講都算幾平又抵食。

去完街同朋友想食宵夜，佢話呢間車仔麵唔錯，去到門口睇下有咩食，已經有個阿叔走出黎好chur問幾位仲俾埋點餐紙我地，呢刻覺得太chur好扣分。不過朋友話好食就試下～最低人頭消費$30上層都好多位，呢個鐵皮屋裝修幾得意舊式鐵信箱裝住號係點餐紙4餸麵就有飲品半價，因為我同朋友share野飲，所以我只叫左3餸。如果一個人飲就叫4餸抵啲，變相送左個餸俾你。羅白牛腩紅腸幼麵（牛腩汁）湯底麵算香濃，牛腩入味，羅白三大件幾入味冇渣，麵底略為淋左少少同冇麵香。另外雞翼尖（$9）好抵叫，見到朋友果碗起碼有7隻，仲好入味其實係屈人飲野，野飲都十幾蚊三餸麵$39朋友4餸加野飲$57

凌晨時分經過旺角，先達廣場附近有不少宵夜食店，今晚想吃一碗熱辣辣的車仔麵，所以試吓呢一間餐廳。內部的設計都很特別，有一點懷舊屋村的風味，坐得都幾舒服。十六座最低消費要三餸一麵（大概要$40 一碗），個麵底有傳統及比較創新的麵，例如紅菜頭麵、菠菜麵等等，當然也有傳統的粗幼麵、米粉、油麵 ($10-$15)。配料選擇豐富（$9-11）及有不同的汁可選。我叫了牛腩菜肉餃芝心丸油麵，牛腩份量不錯，而且入味，芝心丸是流心芝士，都好食，比較失望的是菜肉餃，細粒而且個餡一般般。油麵軟硬適中，但份量不多，湯汁味道不算太濃，食完唔會覺得太口乾。

又來到搵宵夜嘅時間，夜晚11點幾要搵深夜食堂都唔易，今次就試下呢間門面幾有港式風味嘅十六座車仔麵。餐牌上面嘅選擇非常多，眼花繚亂呢！首先第一碗叫左刀麵，鹵味雞翼，豬皮，韮菜水餃，湯底叫左腩汁同少辣。可能因為咁夜客人數目唔多，上菜速度很快。刀麵即係闊河粉，無平時河粉咁易碎，掛湯能力亦更高，幾特別。韮菜餃薄皮多餡，真材實料，有驚喜！另一碗叫左菠菜麵，魚皮餃同食車仔麵必叫嘅蘿蔔。湯底係腩汁。配料普通，但菠菜麵幾特別，係健康之選！另外叫左一個咖哩魷魚，醬汁望落濃郁，份量夠。食落彈牙，亦入味，醬汁十分惹味，推介鐘意食魷魚嘅朋友！整體水準正常，但偏貴，經過可以試下嘅，算坐得舒服。特別推介咖哩魷魚同韮菜餃！

今日行過旺角做野， 好想食米線，見到十六座車仔麵是環境比較好的米線店😂先入左去食。———————其實距附近的米線店好多，而且好多門口便以$20元一碗麵做招徠，但十六座最少要叫三餸一麵。最後我叫左四餸一米線，加支可樂。$54飲品可享有半價優惠，如果你叫左四餸一麵。————————在旺角算是較貴的米線店（相比起隔離鋪頭個d) 但小辣好辣😂而且碗麵好多油咁。食完覺得想坐得舒服啲啲可以來呢間，其他就沒有特別優勝之處。

熙來攘往既通菜街，一向都係香港交通集散地，各路紅van，巴士聚集，去邊度都咁方便。各式各樣食店亦林立，如果要話香港係不夜天，呢度就最能夠代表。🌃一個人無聊閒逛信和，潮特，緬懷舊日既少年時代。來哥都係日本偶像迷，哥時無話毒唔毒撚，鍾意就鍾意，唔會有咁多標籤🏷️行完一輪，預備搭車返歸前搵食，就見到呢一間舖，裝潢幾得意，個feel好懷舊，原來係太子我試過既同名車仔麵，黎左旺角，相信係佢哋分店，於是就試一試。設計都係好有舊日香港屋邨風格，對於屋邨長大既來哥真係親切感一流。今次試左菠菜麵，比較看似健康d既選擇，畢竟人大左都要注意一下，配以較邪惡既豬紅豬皮，加埋牛爽，牛爽據報係牛舌中間位置，比較少有，爽脆既口感，唔錯，豬皮亦好有咬口。可能係沉醉左係舊時香港環境入面，就算係一個人，簡單食碗麵，都唔覺得孤獨，仲有少少浪漫feel順帶一提，呢邊鋪面比較大，亦有上下層，等候時間亦相對短d。

話説呢間嘢已經唔糸第一次光顧。新開將張嘅時候，我已經糸一位常客，是關十六座就在先達小巴站旁，放工會食埋個dinner先返屋企。不過已經隔了一段時間沒去了，所以今天下班決定再去回味一下。老公點了個牛爽牛脷牛腩白飯我就點了個牛爽金沙青蝴蝶腩紅菜頭乾撈麵不過今餐令我好失望。首先，牛爽，爽口是爽口，不過食到好強烈嘅醃料味，好像是梳打粉味，有D嗱口。金沙青，即係豬頸肉，好韌，已經無以前咁爽口，無豬味。招牌嘅蝴蝶腩，又系好韌，而且有肉絲黐牙，應該糸肉質問題，五香味又唔夠，以前炆得好淋，好似老火牛腩咁，今日超失準。個麵底，淋到呢，完全無咬感。至於老公個飯，普普通通，沒什麼特別，不過牛脷反而炆得好淋，好入味。豆漿未開就已經見到柸內有污糟嘢，立即叫人換過。至於環境，地下個層有陣陣厠所味。試過今次之後真糸扣晒分！

黎16座食車仔麵，覺得平定貴？因為料足好味，40幾蚊碗都算合理﹗平時係屋村攤檔食，的確係冇咁貴，不過呢到夠光猛，位子多，又有上下兩層，無論幾多人黎食都冇間題，1個人亦有bar位坐，唔洗望住對面「臉阻阻」。今次我揀完餸先發現，全部都滷水，但呢到係出名而且滷水好好味﹗首先雞翼如圖片睇，唔會好瘦好奀，肉質嫰，滷水入味。而流心雞蛋緊加唔洗講，次次食都好有水準，流心之餘滲透淡淡滷水甜味，食落令人超幸福。而豆腐都俾得幾多舊，物有所值，最啱中意多汁索湯既朋友仔，吸湯力超強﹗唯一就係最低消費要揀三餸，相對細食既人就可能麻煩少少。

星期三嘅夜晚嚟咗16座車仔麵食晚餐，我嚟到嘅時間已經係大約九點鐘，依然好熱鬧，但係都好快搵到位。我叫咗個粗麵，餸就揀咗蘿蔔、芝心丸、芝士腸再加咗個小小辣，另外再加多左支六花茶。 啲湯沈晒落個蘿蔔度，成個蘿蔔都好夠味。 芝士腸、芝心丸都好好食（平時我最怕啲人整芝心丸，入面唔夠熱，然後中間凍冰冰），但呢度嘅就唔會。整體來講都算幾唔錯。 但注意我覺得呢度嘅小小辣，都已經算幾辣。員工嘅服務態度都好好，環境方面都坐得好舒服，都唔會坐得太迫。 價錢又適中。

聲稱是無添加的湯底，當然要一試，看看餐牌，麵底也有特別的選擇。我同友人分別點了波菜麵配豬骨腩汁湯底並且小辣，豬骨湯烏冬。瑞士雞翼同咖哩魷魚都好入味，出色！冬菇就普通，波菜麵有點兒太幼，但份量足夠，唔知道係咪咖哩又小辣ge關係搞到碗麵好辣，下次可以唔要辣之後再自己加，湯底夠濃，但因為太辣無辦法試清楚。而友人ge清湯，有好香豬骨味，味道簡單但亦好味，忍不住偷佢兩啖清清喉嚨。