十六座車仔麵 (已結業)

戒澱粉期間都可以食好味車仔麵😋😋😋一啲都唔嗱渣嘅嗱渣麵🍲🍜連洗手間都有兩個，而且仲要企理乾淨嘅，好難得🚽🚽👌🏼👌🏼最愛推介：金沙青（極推👍🏼爽脆肉味濃）新鮮雞腸（仲有少少肥膏，火喉剛好唔un）牛腩（新鮮貨，絕對唔係雪藏野！）豬腸（夠淋夠入味，絕對冇💩味）🤣😂🔥🔥🔥鐘意食辣一定要加辣汁，really yum 😋 yum 😋 yum 😋 ，唔夠可以問店員再成樽拎黎自己加，非常大方💁🏻‍♂️💁🏻之前食過佢哋嘅芝心丸，係cream狀芝士黎嘅，拉唔到絲，芝味亦欠奉，對於芝士怪嘅我，就滿足唔到喇😣我自己唔食牛嘅（牛評係黎自愛人💖），所以試佢哋嘅蝴蝶腩🐽，入味嘅，肉味亦good，但就略嫌硬身啲，鐘意食淋野嘅我就麻麻😒仲有啲特別野💡：食車仔麵通常都唔慌好服務，但呢度啲店員斯文有禮喎，處女座挑剔怪如我，感覺滿意😉😉😉

車仔麵也跟上時代變遷由擺街推車到入簡陋店舖，現在已變得有規模又整潔但自己還是喜歡那地道坐街風味這間新店其實也不錯，總有幾道撚手的魚蛋和雞翼是車仔麵必配的，如我所料做到入味，魚蛋夠曬辣只是那特色的沙青即是豬頸肉部位，未嚐到滋味在何處冬菇和蘿蔔也是車仔麵必備蘿蔔入味超級超級甜啊飲品方面應該是自家的，沒有人造加工糖份，而且少有地有雞骨草可以去濕哦麵類有波菜麵。紅菜頭麵。日式烏冬都有夠新穎的，可惜朋友投訴為何沒有最基本的河粉這畫筆令我想起童年的鬼畫符時光看得出這設計擺設都極用心啊

好失望。 當然見到裝修幾特別，所以入去懷舊下結果又貴又唔好味，份量又少每樣餸得幾粒，食唔飽人！佢最低消費30 蚊，但每碗麵最少要叫3個餸餸由10 蚊起跳除非叫佢set 好左果個套餐（紅腸、魚蛋，蘿蔔、豬皮、豬紅），如果唔係點叫都過30 蚊 最激氣係... 問佢要杯水佢話唔提供，一定要買礦泉水......咁唯有叫野飲.. （一杯豆漿都要10 蚊）其實，貴唔緊要但啲野食真係好普通，份量又少食完好空虛呀！ 唯一要讚的是，裝修係靚既（當食裝修囉....）

旺角太多好嘢食，冇諗過求其入咗呢間18座車仔麵會食到啲高質嘢（我覺得）。鋪頭出面有部電視播緊TVB飲食節目，唔通呢間上過電視？anyway極肚餓，一支箭入左去，點左個三餸車仔麵，蝦子麵、雞翼、雞翼尖、韮菜餃。下次會叫菠菜麵，因為有菜，好似仲正。或者試下咩芙蓉麵。個湯底稱不含味精，已經加左分，飲落去，真係幾清豬骨味，又好夠味，大愛！！！ ！因為味精車仔麵真係如同食垃圾。。。而且我叫左辣，佢嗰種辣係融入左個湯底，勁惹味。至於雞翼同埋雞翼尖，非常嫩滑，又非常之入味；韮菜餃細細粒又勁香，總之呢間一定會有下一次！！！

ㄧ般普通車仔面味道, 没有食過返尋味的欲念, 破壞了我的期望, 但新鮮雞腸掂裝修懷舊, 有樓上有樓下, 樓上好舒服, 好整潔, 而且重用㸃餸咭正! 好環保, 好唸頭。員工服務態度非常好, 有禮貌。

中午諗住這小店新開，應該會給大家有好的驚喜啦!!!! 點知真的有驚喜 ﹕『貴』﹑『份量少』每個餸要九蚊，算啦，我以為份量或味道取回分數。我點了三個餸﹕蘿白﹑辣魚蛋﹑咖哩都筋 再加涷奶茶蘿白  ﹕得果兩舊辣魚蛋 ﹕得5小粒咖哩都筋 ﹕得一舊剪開兩塊，自己街市買零售都不會甘少啦。奶茶 ﹕都不是單點啦，仲要18蚊一樽仔『咸』蘿白  ﹕超咸，而且浸到容容瀾瀾仲拿出來比客人食辣魚蛋 ﹕一D都不辣，食左都唔覺叫左咖哩都筋 ﹕這個就一般，買回來的但少囉得一舊。奶茶 ﹕買回來的，沒有水吧，但太多奶，完全唔掂，老板一定唔識飲奶茶的人。講明係車仔麵店啦，連辣油都沒有，完全沒有車仔都風味。 餐牌我用了5分鐘才明白在做甚麼，設計可以說令人費解。成張單$55.00食完好似無食過甘，回到公司就勁口渴，味精超重。希望份量﹑價錢﹑味道將來有改善，要不然沒有回頭客。另外，朋友叫了個$38.00 的餐，食完之後跟我反應完全相同，自己看相片啦。

真材實料的車仔麵，湯底夠味，有多種不同的粉、麵底可選。除了一般的粗、幼、油麵外，還有紅菜頭、菠菜、芙蓉、蝦子麵可選。我選了菠菜麵，很滑很香。最讚的是餸，味道一流，份量十足，點了經典的蘿蔔、豬紅、豬皮，再加新鮮雞腸！好好味！其實還有牛爽、金沙青等特色車仔麵餸，還有豬大腸、魚蛋、雞翼、翼尖等等經典選擇，可惜一次吃不了那麼多。小店的侍應很有禮貌，招呼很周到。點餸是在膠的餐牌上，不用紙，可以循環再用，環保得很。這次光顧十分滿意，一定會再來

之前曾經在太子見過這分店，本想都試試，不過那時候已經飲飽食醉。看見店舖有點熟悉，好像什麼傳媒介紹過似的，但又想不起來。昨日行街搵緊食什麼，點知見到旺角原來也有分店，所以走進去試試，反正我都很喜歡食車仔麵。這間店舖裝潢很有懷舊特色，環境也很舒適，服務態度也很好。擺設也很特別整齊美觀。去到我們都研究食什麼好，看見餐牌很多特別東西，樣樣都想試試，但胃就得一個，完全難以決擇。淨係揀麵都很苦惱，因店舖很多自家製麵條，（紅菜頭，波菜， 芙蓉，蝦籽麵）日本直送（泉水烏冬， 九州刀麵），比其它店舖多很多特別款式。看了一會，便徵詢服務員，什麼是芙蓉麵，原來是蛋白做的麵條，最終我也是決擇了波菜麵。之後又到點選車仔麵的餸，它們又有很多自家製食材，突然見到金沙青，我又好奇問問是什麼，原來是金沙骨上面條邊位比豬頸肉還好食。所以我終於點選了，金沙青，牛爽（ 牛舌芯），新鮮雞腸波菜麵（腩汁，大辣）。而另一碗，韮菜燕餃， 鹵水雞翼， 咖哩麵筋米粉（腩汁，少辣）後來發現想食咖哩尤魚，咖哩魚蛋，所以加單再加單。送到來份量都大碗，金沙青有點似豬頸肉， 牛爽雞腸超正不會太堅韌，韮菜餃不會皮太厚很難食。波菜面夠彈牙，湯底也好飲

今晚自己一個，行過先達，見到新開咗間車仔麵wor。咁就試下啦，我叫咗豬皮、生菜，鹵水豆腐、招牌咖喱魷魚，好口渴就叫咗杯豆漿。魷魚有d凍，豆漿不是自製，無豆味其他不過不失咁啦。

香港有好多地道文化既美食，而車仔麵就係香港經典既平民美食啦，通常係係d街頭巷尾，而佢既特式係可以比d食客自己揀麵底、湯汁同埋配料既。今晚我行過旺角先達附近，就見到呢間裝修懷舊有趣既車仔麵鋪。佢係係旺角通菜街，百老匯附近先達側門既對面。佢入面既裝修係以舊式公共屋邨做主題，無論係擺設，海報等等都有老香港既味道。佢除左地面呢層，仲有樓上雅座tim架。Menu呢度除左有成30幾款車仔餸比你揀之外，仲有d好特別既麵底，好似係紅菜頭麵，菠菜麵，芙蓉麵等等...呢度有樣野好值得一讚既係，佢地唔用用完即棄既點餐紙，而係用可以循環再用嘅點餐牌菜肉燕餃，金沙青，米糖鹵雞翼，芝心丸配紅菜頭麵 $54呢碗車仔麵份量足，金沙青係金沙骨既最表層，望落好似普通豬肉咁，不過食落好爽滑清甜。米糖鹵雞翼鹵得好入味，雞皮仲有dd蜜糖甜味tim。芝士丸就好似平時食開個d，咬開會爆芝士槳既。而個菜肉燕餃就的的式式，入面都包滿餡料，味道唔錯。至於個紅菜頭麵底，望落就有dd紅色，不過食落就冇咩特別味道，可能比一般油麵粗麵健康d既。成個車仔麵配埋個秘制辣汁，就更加滋味

今日 lunch time，一邊行一邊諗緊食乜，行行下見到一間八九十年代裝修，原來新開咗間車仔麵店， 裝修好特別，好懷舊，所以吸引咗我入去。好大個算盤，好懷舊。點餐紙過咗膠，客人可用蠟筆喺上面揀餸，循環再用，夠曬環保，真心超級讚~~麵嘅款式都好特別 : 紅菜頭麵、菠菜麵、芙蓉麵、蝦子麵、烏冬、刀削麵，當然都有傳統嘅粉麵可以揀。餸方面都有啲比較特別 : 金沙青、蝴蝶腩、牛爽、 日本流心蛋蝴蝶腩蘿蔔豬紅菠菜麵 $41 (最少要3餸起) 蝴蝶腩即係豬嘅橫隔膜連筋帶肉，囗感有小小似牛腩，但比牛腩腍。蘿蔔好入味，豬紅就比較一般。菠菜麵從來冇喺車仔麵店見過，麵質彈牙而爽。