十六座車仔麵 (已結業)

好耐冇食過車仔麵喇！😋🍜坊間既車仔麵店好多，但大部分都平平無奇，想突圍真係要比啲心思🤭尋日去旺角睇Avengers 3前，去左十六座車仔麵醫醫肚。呢度有多款自家製粉麵，令人眼前一亮🍲🥢我就選擇左紅菜頭味💓上菜時先知原來係粉紅色！配料選擇都幾多，我點左雞腸同白蘿蔔✨可能因為湯底較辣，食唔出啲麵係紅菜頭味😂但麵既口感係唔錯👍🏻另外，蘿蔔不過不失，而雞腸就好爽口彈牙🤤價錢係$32，旺角區黎講，呢個價一啲都唔貴啦🧐

星期六有嘢做要去旺角，想快快脆脆食個Lunch，就去咗先達隔離既通菜街入咗試下呢間懷舊裝修既車仔麵。嚟到都未夠十二點，成間餐廳十個人都無，自己好快揀咗個位坐低同揀嘢食。呢間既麵底有好多唔同選擇，連泡飯都有，我見仲有一個撈麵既選擇都幾得意，就叫咗個麻辣撈麵。第一次食就試下佢既招牌推介，就揀咗五香蝴蝶腩同豬大腸，另外就叫咗個豬紅。舖頭唔算好多人，但係都等咗要十分鐘左右嘢食先嚟到。嚟到因為怕太熱我就禁咗陣電話先食，點知就見到一隻小昆蟲係舊肉上面講返啲嘢食，蝴蝶腩有啲太靭，唔夠鬆軟，而豬大腸同豬好都唔錯，個麻辣撈麵都幾好食整體嚟講其實呢間餐廳都唔錯，職員都好有禮貌，係衛生方面就有待改善

車仔麵是不少香港人的情意結，但今時今日要吃到一碗很有風味的車仔麵不容易，沒有了那種嗱喳麵的感覺。原先為平民的美食，現在價錢也不再平民。這間車仔麵店的裝潢很有兒時回憶，麵款及配料選擇豐富，有很多是其他車仔麵店比較少見的，例如紅菜頭麵、芙蓉麵、刀麵等，甚至連湯飯也有供應。這次點了紅菜頭麵，配上牛爽、豬大腸、雞翼尖及蘿蔔，額外點了一客炸韮菜燕餃。紅菜頭麵並沒有什麼紅菜頭的味道，只是麵身帶點紅色，麵質像湯煮的貴刁。牛爽是牛舌心，肉質最嫩的部分，切成薄片，鹵得十分入味，雖然牛舌味不濃，但咬落嫩滑。豬大腸沒有過肥，鹵過很食落沒有很油膩。雞翼尖很夠淋，蘿蔔清甜無渣，配料都弄得不錯。炸韮菜燕肉餃則很一般，雖然是新鮮炸起，但餡料的味道比較淡，可能放湯會好一點。麵的份量不算多，配料的份量可以，味道是以前的好，有部份配料比較少見，值得一試，就是價錢有點少貴。

睇完戲已經 9 點，不想食太heavy 既野，經過呢間 16 座車仔麵裝修幾靚就入去try try。對於懷舊既風氣對於我黎講就真係有點點厭，但係車仔麵既配菜就當然無問題啦!! 由於encore 多左一次(都係點差不多既料)，就等我post 晒相再講分開寫食評吧!^ 2/F 雅座^枱面一角**紅菜頭麵 ($12@)：好味，個texture 岩岩好，不會太軟同時又唔會過份彈牙，份量一個麵餅正常女仔會夠食，但我第二次加底，亦唔會覺得太大負擔，所以都建議加底的^_^菠菜麵 ($12@)： 點過一次下次唔會再點，份量少得幾離譜，味道不太突出，可不考慮。**限量金沙青 ($11@)：真係好對唔住我唔知佢係咩部位，但係呢好食! 都係爽口，有點點特別既味道，好難形容，如果食開內臟既朋友都會接受到的。**懷舊牛腩 ($11@)：好食! 真係好味! 不會覺得好肥，換黎既係好入味，肉質唔會難咬，會食唔停口，大推大推~*牛爽/ 牛舌芯 ($11@)：好食，好爽口，細細塊不會咬到攰，同時同個湯底都好配合。*滷水豬大腸 ($11@)：唔臭，幾乾淨，有驚喜，我會encore的，因為滷水夠入味又唔會蓋左豬大腸既味道，

最愛港式車仔麵，出名又好食的車仔麵店不多，朋友知道我愛吃車仔麵，於是便介紹了這一間專買車仔麵的店舖—— 16座車仔麵給我。不知道他跟18座狗仔粉是否有關聯，但就好似跟牛頭角上下村有關係。餐廳用過了膠的點餐單，讓客人用紅色蠟筆在餐單上選取餸菜，設計簡單，但十分環保，不會製造過多廢紙，可以循環再用。其實觀看餐廳的設計，便知道老闆對餐廳有着不一樣的情結，整個餐廳已80年代公屋的設計為藍圖，所以你會看到舊式大排檔的影子，還有模仿公屋的裝修設計。今次我選了撈油麵，配上韭菜燕餃、滷水豆腐，以及滷水豬大腸。以油面加上干撈麵汁，有少許甜美，非常開胃。韭菜燕餃包得很細小，一口一粒，口感優良，但味道較為清淡，韭菜味不足。滷水豆腐味道很好，豆腐也非常滑口，一定要試。而滷水豬大腸非常爽口， 大廚把豬大腸清潔得很乾淨，沒有半點肥膏，味道很好。車仔麵的辣汁也非常到位，我只是點了中辣，已經有火熱的感覺，幸好三個餸可以半價選取飲品，於是我便選了他們的無冰凍咖啡，餐廳早已調配好咖啡放於雪櫃中製冷，所以飲到最後咖啡味也很濃郁。

旺角夜晚食乜好？大家應該有好多選擇，今晚我就同朋友十點幾黎食，都多人。有兩層。佢最少要叫三個餸，咁我就叫左豬紅、魷魚、生菜，米粉。我揀左腩汁，中辣。加一罐檸茶，咁就已經$50。講真，味道真係好普通。可以話係唔太好食，但收咁貴。真係唔多抵。個湯底冇咩味，個汁就淨係得辣味，而d餸又冇咩味。可以讚嘅，係呢到用環保餐牌咁叫餸，唔浪費紙張。而meun上見到，其實選擇種類都係多，而且環境都充滿住懷舊感覺。性價比太低，整體有d貴但唔好食。

收工趕住出去拎野俾女友拎完就一於喺旺角覓下食啦其實呢間野喺舊年同朋友喺花墟睇完波都有食過個金沙青的確好令我有深刻印象還掂宜家開左間分店一於黎食過返尋味先雖然九點幾入黎食但係依然都仲有唔少人旺場一坐底諗都唔洗諗即刻劃金沙青先之後再叫左牛腩,蘿蔔另加腩汁麵底就叫左九洲刀麵仲有叫埋腐乳通菜等左5分麵就上枱湯底本身標榜無味精雖然飲落唔夠豬骨味 (可能因能加左腩汁既關係)但起碼唔會愈食愈口渴九洲刀麵雖然薄身啲但落係有啲似蘭洲刀削麵既口感金沙青味道依然食落好滑好Q同埋有好香既肉味食完浸味仲會留喺個口一陣至於牛腩同蘿蔔本身係絕配而且個牛腩炆得夠林同入味腐乳通菜啲腐乳比起平時麵鋪啲腐竹淡味啲無咁濃相對易入口食完唔會口渴埋單60蚊度加左咁多野同埋食物質素絕對抵食

因為逐漸失去，所以想要留住。 近年愈來愈多餐廳走懷舊路線，重回昔日時光。上星期去了先達整我部 iPhone 個相機鏡頭，見對面有間「十六座車仔麵」，樓高兩層，店內裝潢重現香港人的屋邨年代，加入大家熟悉的元素，地方乾淨企理，把地踎風格玩得玩味十足，即管白撞食碗麵，邊食邊等電話修理好。 這一排過落座的吧枱，透明玻璃櫃中放了家庭常見的藍邊米通碗，阿婆必備的筷子筒，餐牌放入灰色傳統鐵信箱中，總有一款大家見過？！ 廁所門就是屋邨的經典門口，不忘以揮春門神裝飾，中間再放多個信箱。今次不怕入錯男女廁，反倒以為入錯別人家門口。 鐵閘前搭起一個個汽水箱，舊式佈置： 半開放式廚房，可以從吧櫃與牆身中間，看到師傅們在煮麵： 外面掛上的食物的牌子，似足以前篤牛雜的大牌檔： 九因歌不是真 • 九因歌，而是餐廳提供的九款食物： 餐廳最平的懷舊四品麵餐，$38 指定蘿蔔、魚蛋、豬紅、紅腸四餸。我吃車仔麵的心得，是一定不會點紅腸、午餐肉等食物，相反一定要吃由廚房煮的，才能吃到師傅實力。 我點了這個︰油麵底，配豬紅、蘿蔔、滷水大腸、雞翼尖，還有新嘗試的牛舌芯，五餸麵 $59 車仔麵拎到上枱，竟然

這裡裝修得像懷舊大排檔的樣子，賣的除一般車仔麵的食物外，也有一些自家製的食品，整體性價比屬中上之選。今次挑一些特別的東西說說～紅菜頭麵：一見「紅菜頭」３字我便不作他選了。吃下麵條比較淋身，亦沒什麼味道，可不用點＂豬＂限量金面青：做法略嫌過乾，豬的油脂香味未能完全發揮懷舊牛腩：亦是過份乾身，不吃也罷牛爽：很入味的鮮牛舌，厚薄適中，必吃之選新鮮雞腸：處理得很乾淨，沒有腥味，亦保留著一定的肥膏，推介鮮榨檸檬汁：清新解渴，配辣更佳

好耐冇食啦！專程來吃，又做優惠，點知：「其中一優惠就是四餸送豆漿一杯」咁計下數叫個四餸食50元送豆漿都ok呀！點知佢話至六點，但佢落完單六點零一分就話冇得送喎，態度極差，之後有另一個人過來收左個優惠牌，真的不服氣，之前好好食，現在加左價又貴又吾好食，個男服務員態度真的好差！😤😤😤不會再來吃

平時收工留意左呢間車仔麵好耐了，今晚終於約到朋友一齊去食一入到店裏面好細，環境有啲懷舊⋯有啲像電影裡面六七十年代既環境入到去坐滿客人以為冇位要等，店員叫我哋上二樓，原來上面仲有一層⋯我見到Menu上有好多菜名好特別，未聽過既⋯例如牛爽、蝴蝶腩我平時食得辣既，點左個刀面（好滑有啲像河粉）中辣（中辣原來係好辣）還可以接受，辣到冒汗味道唔錯⋯⋯環境就滿分

車仔麵的舖頭有很多，好味的卻很少，好多d味都好似自己屋企6熟甘。呢間都有返d車仔麵風味，雞翼入味，出面甜甜地，值得一試，辣魚蛋都唔錯，不過咖哩魷魚就比較普通。我都算食得辣，我選中辣已經很辣，不過佢淨係齋辣，差甘d辣既惹味。店員服務良好。

裝修六七十年代格局，一路食，有種置身其中，但食品、環境絶對衞生！洗手間蘿白、雞翼尖都非常入味豬紅都好多夠味顏色唔錯，辣度唔錯，但好硬格局特別三餸加一麵$40,價錢都合理，夠飽！略嫌招牌咖哩魷魚唔夠琳，好硬！

在旺角區一帶，食店也總算多選擇，不論是茶餐廳或車仔麵等..由於趕著上班，午餐時間，總會吃過簡簡單單，又快捷的午餐~。~今次到了新開業的車仔麵鋪，趁著人流不算太多。~。~幼麵，滷水雞腎，滷水豆腐，蔔白，湯底加埋滷水汁，比較上偏咸。

Late Dinner夜媽媽未諗到去邊度食，行過見到呢一間懷舊feel既車仔麵檔， 睇餐牌價錢唔算貴， 睇落有啲人氣,裝修都唔差,就拱左入去食啦。揀嗰麵底先， 紅菜頭麵、芙蓉麵即係咩麵？! 睇你老闆有落個心思喎 。我就叫咗個芙蓉面黎試下啦 ，再加豬大腸、咖哩魷魚、 蘿蔔加鹵水汁。個麵嚟到大小適中,檯面有辣椒醬， 打開睇原來係沙嗲醬嚟㗎,又幾特別喎,落幾滴好滋味, 我唔算食得辣，食食下都覺得幾辣呀！大埔米芝蓮嗌咗韭菜餃、蝴蝶腩同鹵水豆腐撈粗麵 ,上菜嘅時候佢個碗真係好大㗎。 韮菜餃雖然係自家製但係就細粒咗啲囉 ，蝴蝶腩都唔錯，果然係招牌推介， 再加碟腐乳通菜 ，雖然碗細細但擠得好滿。見到隔離枱嗌左杞子六花茶，睇落都幾吸引， 我下次都要試下先，去到最重要嘅一個環節就係埋單呀喇，埋單嗰度有一大盤白兔糖 ，我同米芝蓮都好貪心咁攞咗幾粒我地事前雖然冇講，但其實一齊俾盤白兔糖吸引左入去。