十勝牛和食料理 (已結業)

晚上10多時和朋友走到附近，所以來天耀試試這間的味道如何。平日經過十勝牛都看見門口排著隊，生意很不錯，終於有機會來嘗一下。我和朋友們分別要了3個飯，飯的份量也夠多，剛好夠吃飽！在上菜的時候，店員上錯了另一碟炒飯，不知道是不是下單時聽錯了，結果朋友等多了十幾分鐘才開吃。先來的是饅魚炒飯，照燒汁的味道不錯，不會太咸或太淡，而且饅魚飯是3個飯當中味道比較好。其中有芝士加在海鮮飯上，味道很特別，但是飯的味道比較淡而且好像有點"爛飯"，不過不太影響味道。

我十分愛去十勝牛,女兒成日笑我点解吃不厭這間,我光顧十勝牛接近10年,平均2星期去2次，我去十勝牛只叫3款,我覺得真的好好吃，早前又同友人和女兒去了十勝牛,今次叫咗海鮮碢,女兒知道我十分愛吃菜，海鮮碢好啱我食,十分健康美味，三文魚亦都好好吃，味道好鮮甜肥美,自從轉了店鋪位置，地方比以前細咗,這裡有人手不足影響咗服務，依然好吃食物味道海鮮鍋，湯十分清甜,有好多菜，十分健康，海鮮只佔小量三文魚,鮮甜肥美,好味帶子,好味,燒汁不會太咸服務我覺得就一般環境地方適中價錢這裡好平,平均60元一個番吃這是我最愛去餐廳，成日光顧

屋企人好喜歡去天耀十勝牛,十勝牛已經開了5年時間,今日係星期日,我又不用返工,本來想出街,最後無出到,最後同屋企人去吃Tea ,又是去十勝牛,我們光顧好耐,特別係我媽咪好喜歡來呢間,因它又平又抵食,今次叫特別D,就是叫豬朳包同魚柳包,屋企人就吃豬朳包,我就吃魚柳包,我覺得魚柳包一般啦,奶茶都OK,它的服務愈來愈差,好似叫店員拎沙律汁,要叫4-5次才拎給我們,可能因人手不足 其實,因屋企人喜歡吃呢間,我覺得十勝牛愈來愈唔得,十勝牛又是好多人來排隊,環境都OK味道:魚柳包就一般,屋企人話豬朳包好好味服務:我覺得比以前初開店係差咗環境:我覺得呢度OK價錢:下午茶好抵,屋企人叫2個就27,我叫個係24元,冇加一收費,算是咁啦番吃:因屋企人喜歡來,自己就麻麻地啦

十勝牛在天耀開了10年,它亦是阿媽最愛去日本料理，就算店鋪轉店鋪位置，新店去過幾次，服務不及以前咁好,可能人手不足,我去過幾次，全店只有5個員工，我們去親大致上只是叫平時吃開,它的三文魚刺身是必叫,刺身十分肥美呀，又好鮮味,刺身是阿媽最愛吃，甜蝦同玻璃蝦好好味,十分鮮甜，燒元貝都唔錯，新店的座位不太好坐,有些小迫感覺，地方比以前細咗,我覺得依然好味,我體諒人手不足令到服務有影響味道:整體依然好味服務:比以前差咗價錢:平均70元,都OK番吃:間中都會來

見十勝牛早餐都幾多選擇，於是就諗住買外賣返屋企試下。於是我10點17分埋去落單，之後就企埋一邊等。其實不嬲都知十勝牛就算外賣起碼都要等半個鐘，因為對上次佢地未搬新舖之前都試過等左七個字。但點知今次一等就等到11點，唯一既優點我諗係門口有得坐。因為過左早餐時間客人少左，有位侍應姐姐就過黎話幫我問廚房我張單得未。但得到既答覆竟然係差塊雞扒未得，叫我再等等。我當時心諗，乜塊雞扒要煎成粒鐘？但無辦法，又無理由走左去，唯有繼續等.... 等到11點11分，我果份外賣終於出黎啦。望下個鐘，都差唔多等左成粒鐘。其實係等緊既期間，都見到唔少堂食同外賣都有追單既情況。雖然侍應態度幾好，有請佢地耐心等待，但如果上一道菜都要等咁耐既話，我諗下次都未必會想再去食。炭燒雞扒配炒蛋，加茄汁焗豆。汁ok，係塊雞扒有啲靭。賣相既話我相信堂食會好好多既。加3蚊配左火腿通粉，略嫌味精重左。

難得約到幾位中學時的好友聚會，原定到屯門吃任食火爐，但最後大家都體諒我的腸胃不太好，改了在天耀商場的十勝牛共晉晚餐。原來十勝牛已搬了在同一商場的另一位置，天水圍的日本料理店選擇不多，去到時有頗多人等位，幸好同行好友已預先取了座位！我們坐在四人卡位，重新裝修後的十勝牛的設計以鮮亮的米色為主，跟以前暗色系的舊店有鮮明的對比。由於下午吃了一份熱氣的茶餐，所以我選了較清淡的芝麻汁和風雞絲手打烏冬。原對質素沒有期待，但來到時又意外地不錯，芝麻汁另外盛載在小碗裡。冷烏冬上有大量雞絲碎和蟹籽，烏冬質地滑溜，加上麻汁後不俗，清清淡淡。同行的好友也點了同款烏冬。好友提議吃一口芝士波，我們一行四人每人大概分到二至三粒，剛好可當小吃。雖然名為一口芝士波，但我還是要用兩口吃完。合格水準，咬下去很軟腍，芝士不會太漏。另外點了魷魚鬚串，共有兩串，燒得尚算入味，但魷魚鬚質地較實，不過不失。另外朋友還分別點了蒲燒鰻魚飯盒及燒石鍋鰻魚飯，上菜速度極快，而且熱辣辣。原本對十勝牛的食物質素不存有期望，但吃過後覺得在合格水準，加上價錢親民，相信在週末週日依然會人頭湧湧。

媽咪食日都話十勝牛好味，今日終於有時間陪佢食，佢一坐低就即刻叫左個蟹籽沙律，等左少少時間左右就見到侍應拎住一大碗過黎，30幾蚊咁大碗我當堂真係呆左，我諗兩個人先會食得哂份蟹籽沙律成碗都係青瓜絲，但又唔太幼，咬落去啖啖都好爽口同凍，配合佢果啲沙律醬真係第二度都搵唔到有咁好食，真心推介！！！不過雖然新裝修左，但啲侍應嘅態度都係有啲差，唔係話啲咩，只係佢miu嘴miu sit咁囉

經過見到十勝牛裝修完,就同朋友提議食壽司.職員告訴要等30-45分鍾,真係等左45分鐘,就安排入座,店入面既裝修比以前明亮左好多.唔使再陰陰暗暗我地點了三文魚壽司,甘蝦壽司,天婦羅蝦壽司,蟹籽沙律,牛肉湯烏冬,西瓜汁!三文魚壽司,蟹籽沙律...好正天婦羅蝦壽司...香脆可口甘蝦壽司...一般牛肉湯烏冬...成碗都係油,好似食緊油浸烏冬

我夜晚九點半同阿媽去食叫咗麻醬冷麵. 青瓜絲沙律.野菌炸物.海膽炒飯同西瓜汁第一樣來的是西瓜汁只要五分鐘就到(好飲)第二讓到的是青瓜絲沙律都好食但係要等四十分鐘至來。到第三道來又要多十分鐘第三讓係麻醬冷麵同市面超級市場買的麻醬一樣味。第四樣係海膽炒飯（好難食）啲炒飯一啲味都冇海膽就得兩隻尾指頭大配料有小。最後一道菜野菌炸物只係得炸粉啲野菌唔知去左邊（都係好難食）。

正當係天耀諗食咩既時候,突然轉角有間食市人頭踴踴!原來有間叫十勝牛既食市新開張,咁當然要去試一試喇!原以為要等好耐,點知約20分鐘就入得!入面既裝修都幾靚,座位尚算闊落!我和女友兩個人叫左雞絲烏冬,滑蛋吉烈豬扒飯....再加幾件壽司!第一樣黎既係三文魚腩壽司,望落都尚算許可!點知食落就出晒事!原來啲飯唔係珍珠米,仲要散既一夾落去就散晒!但係啲魚生就幾好,同個飯有強烈對比!最後個豬扒飯同烏冬都係一般,無咩特別!服務態度OK,仲有多餘既人手攞住個水壺不停為你加水添!

此十勝牛在天耀開業多年，我也惠顧無數次！之前的食物質素和服務水準也屬70分以上，不知為何領匯要她們搬遷到其他單位，令整個運作大翻身！再開業後，又看到蔡蘭先生提的字掛在牆壁上，代表有一定水準！每天看到人龍長長的，我心想，無必要也不幫襯，只可惜太太一聲令下，（排隊）罷了。由拿（飛）開始，等了五十分鐘 勁肚餓，肚餓請勿到此進食，否則肯定 鬧交收場！終於入到去，因有很多時間輪候，所以已揀定要的東西，價錢沒有太大的增幅， 尚可接受，柯打了温泉旦雞肉炒飯：稍稍失望，因賣相已扣分，太濕、味道一般炒飯味、温泉旦好肉酸 ，救命！蕃薯天婦羅：這個味道維持水準了！ 但果片蕃薯得1MM ，又扣分，因成本而減份量最為不智！金龍蝦皇反卷：這個跟之前真的分別不大，o.k. 韓式豚肉炒麵：失望之作 ，因感覺太濕，本人麻麻地罷了！最後是本人至愛！三文魚腩壽司： 大件事！走樣（鳥），薄！瘦！短！OMG ！等了50分鐘換來 .... 點點失望，十勝牛是天耀商場的代表，若果不立即改善，繼續食其老本，恐怕招牌不保！最後，懷念舊址的水準罷了！

等位等左勁耐 1點50分等到2點30先比入場 侍應們反應非常慢 叫左個餐同野飲 杯野飲吹左一次都未黎 過左15分鐘再吹多次 15分鐘後先送上 個餐都起碼等左20分鐘而個豬軟骨拉麵 味精有點重了 吃後有點口渴 拉麵非常之淋好難食 又唔入咪 豬軟骨係幾爽口既 不過個醬汁太味道過甜