十勝牛和食料理 (已結業)

今天下午茶去食了 十勝牛，下午茶的價錢中等，並且有很多的選擇。點了 燒汁雞柳炒烏冬 和 豬頸肉炒拉麵。先說燒汁雞柳炒烏冬，雞柳只有兩三條，十分之少。 燒汁味很濃，比較鹹，吃完會很口渴。烏冬炒得不錯，不會太冧或太乾，剛剛好!配料上，幸好蘿蔔和椰菜也算多! 不然就會有點太 寡的感覺~而豬頸肉炒拉麵，它的豬頸肉大約有十多條，俾雞柳的多。 而所謂的拉麵，其實是公仔麵。下午茶送熱飲，我點了熱菊花蜜。 十分晶瑩很吸引 雖然它比較甜，但是也十分好喝! 很有蜜味!環境上也不錯，燈光效果適中，讓人舒服的。

從一開始只吃過這餐廳的晚市，感覺也不俗。但卻沒想到這次的下午茶時段卻大失所望。下午茶時段的特價餐選擇是蠻多的。最終我與友人選了個地獄湯餃子拉麵 及 雞翼配七味薯角 加豬骨湯餃子米線。落單時間為4:10-15分。 但卻不巧地好像撞正了下午茶的last order。餃子拉麵等了半個小時有多才出現。味道還可以，炸餃子卻全浸在湯裡變得不'炸' 。 相反，有驚喜的是 它的薯角跟雞翼，不錯吃。可是，米線卻令人大跌眼鏡，不知道是否last order 的關係，米線是還沒有變軟的，放進口裡是半軟硬的質感。賣單時一共$66元，是便宜的。不得不提的是，十勝牛在5:00pm開始便沒東西吃，直至5:30pm才開始晚市。然而，它像是下午茶時段要埋一次數，便走過來向我們先收取費用，我們皆沒有零錢，付信用卡。但是，服務員卻回頭跟我們說：「麻煩到收銀處簽名。」而且一臉不屑，而當時期的我們正在用餐，我為此感到非常不理解。為什麼客人正在用餐時卻要客人走出收銀台簽名，而非服務員拿收據到客人面前要求簽名？可能 下次不要在接近last order 的時候才光顧吧。

臨近tea time，仲有午餐，就同媽子去食，唔使等就有位，好感度開始上昇，點知落完order就等左接近30mins，本來sunday繁忙時段要等是正常的，但是旁邊張枱“遲來先上岸”開始食緊，我張枱仲是兩杯水，連餐飲都未有，是香港人都火滾喇。然後衰開就有條路，追完單仲要問返我叫左乜？家陣我是樓面定你是樓面，不如我問你份人工包你做乜好冇…卒之再等幾分鐘終於都來喇，但是飯身是實的，涼的，最重要是個set錯的…………又等…………最後是對的，不過飯仍然是涼的，麵鼓湯同坐低放在枱面杯水的溫度一樣，飯的汁又稀又淡，唔睇menu仲以為食緊湯飯。結尾是平淡收場，唔好問點解冇相睇，又話咩冇圖冇真相，又圖都未必是真相我話你知，總之信不信就由你，相知真相就親自來驗證，要比錢架，係咁，收線。

收工等埋女朋友其實都夜，返到天水圍真係唔知食乜，經過呢間見營業時間到十二點又有好多人就入去試下。價錢便到嚇左一跳，d野食唔差，天水圍黎講真係算唔錯啦。以後要多d黎

十勝牛一直都係我食日本餐好愛的餐廳，好抵食同食物新鮮壽司平均每6-10蚊一件，啲三文魚都好大塊，個口感都好，唔會有好多渣，甜蝦好鮮甜！蟹子沙律嗌左個細的，但好足料，2個人都食唔曬，啲青瓜好幼，食落啖啖青瓜同蟹子，沙津醬又夠味！餃子同照燒牛扒都好夠味，多到完全食唔曬，所以真係好抵食！加洲卷一直都係我最愛！一份有5件！一啖食落口岩岩好，啲蟹子多到成隻碟都係！好滿意的食物質素，不過人比較多，有時叫職員要比較耐

記得有一次食早餐，舉手叫侍應寫野，個男仔頭嘅女仔，可能係經理，佢講咗句，見唔見到我後面好多杯未洗，態度差到爆，其實成間舖嘅人態度都差，特別係個男經理。上次催野食，佢個態度完全就係野食遲嚟理所當然。如果態度好翻小小其實就夠。

開張時食過一次 食物麻麻地 但可以接受~轉咗舖後 食第二次 叫咗四樣嘢《燴三文魚芝士意大利麵》呢個還可以。《 蟹子芝士焗豆腐》 味道分明 芝士有芝士味 豆腐有豆腐味 但味道唔夾《炸豬扒拉麵 》啲豬扒凍嘅 拉麵湯底冇味 麵質又淋 ㄧD口感都冇《 芝士鳳尾蝦餃子》 裏面所謂嗰隻鳳尾蝦 好似人哋攞嚟釣魚用嘅南極蝦咁細隻 仲要好似比野咬過咁 冇左一忽忽

天水圍食肆有十勝牛？仲想像會好好食！但係！超失望！下午茶好多人排隊！幸好我一早就去等位！我就叫咗鰻魚壽司配日式烏冬～個鰻魚壽司賣相可以！鰻魚味道有80分！但紫菜就不乾身！不脆啦！而烏冬既湯係無乜味！烏冬又不彈牙！仲係很腍

其實間野好耐就聽過 有識朋友做過(太辛苦已辭職) 諗住提早母親節去食餐飯 點知自己屋企煮仲好過6點幾去到見唔算多人 諗住拎張飛都應該等唔耐就入得 搵極都冇人幫手寫飛 逼住入去對住個收銀問先有人走去幫手寫飛(唔止我一個等拎飛) 叫4個人飛 佢寫左3個人就極速走左 我叫住佢都唔理我 到我見到2個侍應諗住叫改飛 但個2個人掛住傾計完成無視我依個客 個陣就覺個間野服務態勢唔掂 諗住提早慶母親節唔鬼理佢 點個等等下到下一張飛到個陣 個企枱態勢就愈見愈差 明明見執好枱又唔叫飛 有人拎飛又唔理 總之走黎走去又唔睬班客仔 等到成10分鐘 我媽都唔耐煩開始同個企枱姐仔理論 嘈左幾句 我講到要投訴先肯放人入去 入到枱仲要同我地嘈話咩自己好忙好忙 要執枱 又有咩規矩咁 本來如果佢好好態度我都算 但佢講到起哂鋼 好似我地屈佢咁 我就冇可能唔寫返篇食評講哂出黎啦好 講完個姐仔 其實間野都幾一般 係個芝士蠔ok 有一隻手掌大 幾香 岩影相 但芝士味唔夠濃 但相對40蚊有3隻都算抵食 其他都一般般啦 食到成肚火 冇影到太多相不過如果去到 見到下面個姐仔 就盡量唔好搵佢拎飛 態度差到極點 (冇名牌 唔知叫咩)p.s

是日家庭聚會，難得見到十勝牛不用排隊，而且今晚有時間等 ( 此店的效率及服務已非常出名 ) ，於是就決定在這裡進行家庭聚會。一如以往，侍應都是在門口指點顧客坐那一張枱，坐下後就無人理會顧客何時點餐。需要點餐時就舉手，侍應等有時間就會行過來替你點餐，想快就可以直接行去收銀處落單。點餐後等15~30分鐘左右就會陸續出菜。雖然菜色的選擇不多，不過價錢及味道都合理，一個飯或者麵平均$3x ~ $4x ; 出桌時除了石頭飯外，其他都不要指望熱辣辣了。總括而言，此店以大眾化的價格取勝，菜色的味道及分量一般，服務水準視乎侍應的忙碌情況而定 (不過午市及晚市的服務水準一定比早市為佳，起碼不用自己取餐具及茶水，侍應亦不會將餐點飛落枱) ，光顧要有耐心等待的準備。

非常倘大的餐廳，一張桌坐四人，一排六張，五至六排，即可以同時容納百多人進食。芝麻照燒雞扒定食 日本米飯一粒粒，細緻分明，又圓又肥，爽口美味，可惜沒有其他汁醬，點豉油汁又太咸。雞扒質素普通，是普通煎雞扒。雖然雞扒不致乾涸，但亦沒甚麼肉汁，煎一煎隨便加點照燒醬，再灑上少許芝麻便上碟。微咸而沒甚麼特別味道，感覺只像是雪雞扒。只是薄薄如紙張的雞扒，小小一塊，切成五六件，加一大碗飯，隨便吃飽客人便可索價$42，還須加一服務費。碗飯是夠大碗，但又乾又沒汁可伴飯，加壽司豉油又太咸，只好醮雞扒附近的照燒汁才勉強可吃完大碗飯。以日式餐廳而言，這兒的凍奶茶味道相當不錯，微甜帶茶香，茶香而不澀。現場看到其他食客的牛扒或鰻魚定食，似乎較這個雞扒定食吸引，算吧，下次還是不會來的。

今日又好夜自放工，就去左天耀呢間日本野食少少野。 佢有宵夜時段既食物架！今次影左d 餐牌俾你地睇，幾抵架，但係味道就麻麻。今次男朋友叫左個三文魚炒飯，而我就叫左個什錦壽司拼盆。個三文魚炒飯一黎到既時候我第一個反應係：「嘩，咁似楊州炒飯既！」哈哈！之後男朋友就話：「咩呀？有d 三文魚架！」哈哈哈！因為佢真係唔係好多三文魚。 個味道都真係幾似楊州炒飯，又唔係話佢唔好食既，不過就無咩日本既味道。什錦壽司拼盆有五件壽司，全部都普通唔會話好好味咁。想講下佢個wasabi，好似泥膠咁架，不過味係wasabi 味既，但就唔係好辣咁，哈哈！因為天水圍真係比較少日本食店，所以如果夜左又想食日本野既話，就只好揀呢間。如果對味道唔講究既，呢間野算係幾抵。

係天水圍都有三四間十勝牛算係係天水圍吾錯既一間日式餐廳又抵食～不過待應就好似少左d每次黎一定會叫既三文魚腩 吾係成日有貨呢個三文魚腩抵食又新鮮蟹子沙律 大大碗！青瓜切到一條條 食落好清新~~加埋呢個天炸蝦卷 兩個人岩岩好經濟實惠~~

難得同朋友gathering,諗住食好d,希望愈大失望更大食個鰻魚炒飯,睇落油都算,試一啖后真係吐都吐唔切,因為有鑊燶味,炒飯都可以整到咁!!!我估起勇氣同侍應講,佢未應就拎左我碟野入廚房,擾攘完一輪,同我講係鰻魚汁味,心諗你食比我睇下,燶到吞唔落,同我講係咁!即係著晒°

何以說港式日本餐廳其實是因為平日下午茶時段, 為了吸引附近街坊所以會提供不少的下午茶的食品, 如西多士, 米粉等等其實也不失為一個好渠道吸引客人今天來吃, 不是吃下午茶是吃晚飯, 所以也點了一些日本菜..先點了4件壽司..還記得深水埗有一家日本餐廳, 數年前去過那邊的八爪魚壽司十分鮮甜好吃 但已經忘了是哪一家這裡的壽司還OK清酒煮蜆, 個人很愛海鮮這一道超好吃, 外面很多都是只有十隻左右, 然後味道也滲不進去蜆裡面這邊蜆又大又多, 有一點清香的酒香, 又不搶海鮮的鮮甜味道, 很不錯, 每一次去也會點燒魷魚, 這一道就有時候OK有時候不OK因為這一家十勝牛已經吃了很多次, 有時候會太焦太硬, 這一次吃的剛好, 醬汁甜度也OK鐵板海鮮炒烏冬, 個人覺得有點太油了其他的就沒有太特別, 因為跟外面的日本餐廳也差不多..大概就是這樣,不過價格相宜, 所以我還是會一直去光顧畢竟天耀商場也沒其他特色一點的餐廳了....= =