十十川滬料理 (已結業)

今日同朋友黎到旺角，大家都發現原來好耐冇黎朗豪坊食飯，就過黎搵下新野食。發現真係好多舖頭唔同左。其中一間就係呢間十十川滬料理，以前好似未見過，就梗係要試下新野。坐底覺得幾舒服。店員仲細心問我地食唔食辣，同我地介紹菜式。最後叫左幾個唔辣既清炒萵筍絲，入面仲有啲細菇，好鮮味，又嫩口，唔會太爽。而且夠大碟。呢個十十海鮮炒飯都幾驚喜，除左有一般既蝦，蟹柳粒，竟然仲有鮑魚同海哲。 而且炒得好明細，粒粒飯粒。好多餸，多料又好味。梗係要試下佢既老壇四川樟茶鴨。 冇諗到佢隻鴨都幾瘦，冇咩肥肉，亦唔會有鴨騷味，但出奇地稔身。食落係正既，唔覺唔覺會食晒。最後，個酥皮鳳梨奶黃窩餅係店員推介。睇落冇咩特別，但一食就真係好香菠蘿味，而奶黃個味都好舒中，唔太甜，真係好美味。呢餐真係食得好開心。

朗豪坊真係有好多唔同種類嘅餐廳🍴喺food Court隔離仲有得食川菜😯「十十川滬料理」好得意地除咗單點，仲有得90分鐘任食🤣我哋今次就試咗佢哋嘅晚市二人套餐👍🏻都幾豐富又有得揀～前菜係涼拌萵荀絲👌🏻多多麻小小辣，凍凍地好開胃😛而且切得好幼，似沙律🤣椒麻雞🐔好特別，一開始以為係口水雞d friend 🙈肉質鮮嫩👍🏻調味都好入味，識得出花咗時間和功夫去準備💪🏻不過對我嚟講有啲辣🌶🌶配搭返佢哋嘅蝦仁🍤炒飯就一流了❗️粒粒分明，啲飯唔會太硬又唔會太軟👌🏻主菜當中我最鍾意四川樟茶鴨🥰食落似豬手🤭好冧👍🏻有一陣茶既香味😋😋最後嘅甜品係酥皮鳳梨🍍奶黃窩餅😍😍真係有菠蘿喺入邊😚😚😋😋不會死甜❤️好吃！店舖嘅環境都好大，不過因為近food court，所以就嘈啲👌🏻👌🏻服務員數量都好足夠，好快可以照顧到我嘅需要👍🏻

本身同朋友book 左8點 到左佢同我地講火鍋未有位 叫我地轉單點 等左半個鐘 佢話有位啦 但係9點last order 叫我地轉單點 ，佢其實係咪吾想人地食放題呢 明明個場有好多吉枱

天氣一轉凍🥶就想食番d 川菜🌶暖吓身，喺朗豪坊food court 睇緊食乜嗰時行到最入見到原來有間十十川滬，門口好光猛入面好闊落坐得舒服🪸酸辣小木耳 $48好多蒜片醃得好夠入味，酸酸地甜甜地好開胃，好少辣，唔食得辣嘅朋友都會食到，小木耳好爽口🐔椒麻雞（例牌）$68朋友鍾意食雞，所以叫咗碟例牌，雞肉係無骨架，仲要有成隻脾位🤤好嫩滑，叫咗中辣🌶少少麻味辣辣地，雞肉上面鋪滿咗一啲咸菜好惹味😋🫑甜椒肉絲 $168係三色燈籠椒炒肉絲，甜椒絲本身清甜爽脆，啲豬肉絲好夠淋同入味，肥瘦適中唔會鞋，味道甜甜地好下飯🍤十十蝦仁蛋炒飯 $98炒飯粒粒分明一啲所唔會濕笠笠好乾身，蝦仁都幾多亦有蛋香，炒飯唔會油淋淋，兩個人份量岩岩好🍡 養生桃膠酒釀丸子 $48呢個天氣食碗熱辣辣嘅🍶酒釀丸子做甜品就最岩，糖水清甜而不溜，成碗都幾足料好杰，唔會有酒味，小朋友都食到😋另外佢仲有啲👩🏻‍🤝‍👩🏼二人餐同埋四人餐都幾抵食，人少少想食川菜嘅話可以嚟試吓

朗豪坊嘅四樓有好多嘢食，喺旺角呢個咁多好嘢食嘅地方，要喺度立足真係一啲都唔容易！偏偏呢度就開咗一間好特別嘅風格嘅餐廳，就係賣四川菜嘅！呢度個裝修真係好唔似傳統食四川嘢嘅地方，因為好多都有種污糟同大油煙嘅感覺，但呢一度就有種少女風情，係好乾淨好優雅嘅！呢度嘅餐牌都好易睇 好多嘢食都有晒圖片，知道係乜嘢黎嘅最快黎到嘅係燒椒皮蛋，個名都幾得意，佢上面有超多嘅燒椒粒粒，非常之香口，令到成個口都充滿四川嘅味道因為唔係食得好辣，所以叫咗個清炒土豆絲，佢雖然係清炒，但個味道一嘅都唔輸蝕，有好香嘅味道！之後係十十海鮮炒飯，個飯炒得好香口又唔油，面頭嘅蔥絲完全係畫龍點睛，令成個飯加添咗唔少香氣！上面仲真係好多好海鮮，唔係俾hea貨！見倒好多鮑魚粒粒！呢個素春卷真係好岩我，平時多出街食，都冇乜機會食菜，呢個春卷夠多菜，又滿足倒食香口嘢嘅慾望！呢個真係好特別，估唔倒小籠包入面可以裝酸菜魚！食落真係滿滿嘅驚喜，因為好似濃縮咗一煲酸菜魚入去個小籠包度，係味覺嘅震撼！最後當然要叫番個甜品，呢個鳳梨奶黃窩餅十分之令人滿足，酸酸甜甜而且餡料好多，食完真係有種暖暖嘅感覺~

今次喺openrice見到有呢個一人火鍋放題優惠，只需$131就可以購買到原價$146火鍋放題套餐，去到中午十二點左右，唔係好多客人，登記好再揀湯底，自己就揀左酸菜魚湯底，所有任食火鍋配料，麵點，飲品都係掃QR Code落單餐廳環境尚算舒適，每枱有磨砂簾隔住，個酸菜魚湯份量適中，魚味則正常，酸菜同芽菜份量算多，不過湯底可以再辣d, 另外再加肥牛，滑牛，黄喉，牛柏葉，津白同水晶粉等火鍋配料，牛肉味道都唔錯最大賣點係小籠包，擔擔麵任食，豆漿任飲，小籠包蒸好熱辣辣，肉餡同湯汁多，自己都食左4籠，擔擔麵質地適中，配料幾惹味，普通豆漿同黑糖豆漿唔太甜幾好飲職員服務態度幾好，主動幫客人加湯，埋單只需補番茶錢同加一，可以一次過品嚐川滬火鍋同任食麵點，相當值！

平時出旺角都好少去朗豪坊入面食野，始終周圍都有好多選擇，近期裡面有廸士尼期間限定店，所以順道入去行下，食個川菜當晚餐。揀左個價值$488晚市二人餐。先來開胃前菜涼拌萵筍絲，入口夠清爽，重有淡淡嘅花椒香。老壇酸菜魚因為第一次食，所以揀左小辣少麻，酸菜魚肉質嫰滑，吸盡精華嘅配料入口更惹味。香辣小籠包（紅毛），一籠有4件，皮薄得黎唔會一夾就爛，做得唔算錯，餡料裡面用上花椒粒，令入口多一份刺激。鮮肉生煎包（2個）比我想像中有驚喜，生煎唔會煎得太乾身，香脆得黎，裡面都保持軟熟。酥皮鳳梨奶黃窩餅另一個有驚喜就係佢，入口熱辣辣，外脆內軟，而且食到粒粒嘅鳳梨果肉，味道香濃，份外滋味。

難吃！超級難吃不知道所謂既餐廳整張單都要成十幾分鐘！入台都可以搞而十幾分鐘！重點係沒客人！真係好超難吃的嘢！上菜慢唔緊要！d嘢難食先重點！而且好難穩個餐廳位置！難吃

跟男友周末到朗豪坊行街 發現在food court 隔離有間食川菜的餐廳 ☺️👍鍾意辣既我決定不能錯過佢🥳我地食左以下菜式-首先係 涼拌菜 雞絲粉皮🤭把青瓜🥒+粉皮+雞絲+芝麻醬撈埋一齊😍 令我地更開胃 芝麻醬好香口 不過如果芝麻醬多啲就更加好了🥳除外 我地叫了 胡麻醬秋葵 秋葵好新鮮 幾乎每一口咬落先是爽脆感 然後把果實咬開後 黏感十足🤭加埋啲胡麻醬 更惹味 又唔會蓋了秋葵本來既清香感👍👍而主食方面 我地就食左 十十碎牛炒飯 唔好以為佢望落去唔辣呀 實情食落去辣勁都幾重😛對於鍾意辣既人嚟講實在係天堂☺️☺️ 個炒飯用了蛋碎 牛碎 同埋蔥加辣椒香油🌶️嚟炒 但又唔會覺得食落去好油膩咁樣 😍唔錯！另外 仲食埋 乾鍋椰菜花🥦 辣味不太出 反而椰菜花幾甜同埋香就幾吸引的👍👍餐廳把它炒到佢小小焦香咁 好快就成碟食哂😍至於甜品方面 我地食了 養生桃膠酒釀丸子熱騰騰咁食佢真係好暖胃🥰而且桃膠都幾大舊 丸子都好多粒😛好有咬口🥰清清甜甜地好正除了呢啲川菜單點外 我見到好多人都叫了熱騰騰既小鍋火鍋🍲🥘又好似幾正 下次嚟再試下☺️

川滬菜一直都係我其中一樣好鍾意嘅菜式😚 今日去咗朗豪坊試呢間人氣小店 喺門口等位嘅時候冇諗過原來入面咁大😮 入面有咁多座位都全場坐滿 果然犀利呀涼拌萵筍絲呢碟好fresh 有啲醋浸住爽口嘅萵筍絲 係個幾開胃嘅前菜😝 一絲絲好易入口醃篤鮮呢個係一個適合二至三人份量嘅湯 入邊嘅材料有豬腩肉 金華火腿 荀 特製腐皮結 味道唔會太鹹 適合秋涼天氣嘅時候 可以暖笠笠飲用🥰成都口水雞 中辣見到佢嘅口水雞就覺得好吸引😝 咁啱係雞胸肉同埋雞翼 真係啱晒我 可以啖啖肉得嚟 又可以感受到辣味嘅味道🌶️ 今日想刺激啲 所以嗌咗中辣 但唔會完全食唔到 因為底下有青瓜 中和返個辣味😚十十碎牛炒飯點餐嘅時候見唔到呢個飯係辣嘅 所以鍾意食辣嘅我都覺得幾有驚喜🙈 入面嘅材料有蛋同牛肉 炒飯粒粒分明 每一粒都俾蛋汁包裹住 辣辣地幾惹味養生桃膠酒釀丸子本來想試手工黑糖糍粑 可惜太好賣 已經賣晒喇🥲 下次要早啲嚟先得 所以嗌咗呢個甜品 小丸子煙煙韌韌 配埋個糖水一齊食 個甜度平衡得幾好 就咁飲個糖水會甜咗少少😝 仲有養生嘅桃膠係入面呢間餐廳仲有推出90分鐘 火鍋放題 好似都唔錯 下次會想嚟試吓😻💛

十十川滬料理，位於旺角朗豪坊四樓美食廣場的位置內，餐廳以上海及四川菜式為主，有辣有不辣，餐牌更有90分鐘鍋物放題，選擇確實多元化。成都口水雞$88小辣，尋於入門級辣度，口水雞肉嫩滑，口水汁味道多層次，鹹酸香辣。十十碎牛炒飯$108，調味剛剛好，飯粒分明，乾身不會過油。涼拌萵筍絲$58，酸酸辣辣，入口清爽有咬口。嫩雞煨麵$88，湯底極濃，雞肉嫩滑，麵身似上海麵有咬口彈牙。最後甜品桃膠酒釀丸子$48，酒味清香，小丸子煙靭好食。

去旺角朗豪坊商場shopping完後，行到攰攰哋，又係時候要搵嘢食，今晚去到商場四樓，本來打算喺food court睇下有咩食，點知發現foodcourt附近有間新派川滬菜嘅餐廳<十十川滬料理>，裝修環境設計走文青風格路線，食物選擇多，價格實惠，當然要試下新嘢啦！～<涼拌土豆絲>其實佢係將啲薯仔切成絲，再用上青椒、紅椒、同埋秘製辣味醬汁來調製，入口味道充滿層次感，帶有酸酸甜甜和微辣的味道，開胃又特別。<胡麻醬秋葵>秋葵入口非常新鮮爽脆，味道清甜，配上胡麻醬，感覺更加特別，不失為一個美味嘅前菜。餐廳亦供應玄米茶，感覺更為特別。<嫩雞煨麵>雞肉肉質非常嫩滑，而且上海麵嘅質地亦夠煙韌軟滑，份量都幾多，湯底清甜，非常好食。<豆苗沙白湯>豆苗非常新鮮翠綠，入口又嫩又清甜。廚師巧妙地用上非常新鮮鮮甜嘅沙白，來泡製呢個海鮮湯，而且湯底更用上非常特別嘅胡椒味道，惹味無比，呢道菜我比滿分！～<酥皮鳳梨奶黃酥餅>呢個酥餅入面嘅餡料非常特別，佢用上新鮮嘅鳳梨，再加上特別調製嘅奶黃醬一齊，做成餡料，甜度適中，非常好

今晚又同老婆出去撐枱腳😌，去了位於朗豪坊美食廣場旁邊的一間川滬料理，可以選擇打邊盧或叫餸食飯，最終揀了一個非常豐富的二人套餐😂，因為見到價錢都算幾抵食👍🏻。店內裝修簡潔，有點台灣小品feel。先來小食涼伴萵筍絲，胡麻醬秋葵（個味又幾夾👍🏻），花雕醉雞（雞幾滑+花雕夠香）。再來個靚湯-鮑魚醃篤鮮，嘩！湯個份量都幾大，而且好多料，有腩肉淆湯好夠味😋。再來黃金小籠包，不過不失。干煸四季豆一上枱就已經好香，好有鑊氣，真係超惹味👍🏻堅正，不過之後來的鮮奶賽螃蟹白雪雪，滑脫脫，就無咩調味，所以我將賽螃蟹撈埋四季豆一齊食，驚喜出來啦🤣，滑得黎惹味又有質感，絕配😋。再來還有松子糖醋骨，同樣份量也不少，但我兩已經飽飽地😅最後還有上海炒年糕🤣真係飽到上心口，二人餐絕對可以3-4個人食🤣，抱住個肚走😂

不嬲都超鐘意食上海菜，今次同細妹行完朗豪坊去4樓既food court搵野食，係food court 隔離見到一間小隱蔽既上海料理十十川，就入去試下😆餐廳座位闊落都幾好坐，menu好多野都好岩我地口味☺️點左兩份前菜-胡麻醬秋葵（$48）不過麻醬落得太多😂另一個涼拌土豆絲更得我心，食落爽脆酸辣，零舍開胃細妹鐘意食酸菜魚所以我地就要左份酸菜魚米線($98)酸菜魚份量足夠，魚肉嫩滑無骨，同米線原來都幾夾另一主食十十碎牛炒飯($108)明顯食得出有鑊氣，飯粒應該係用左珍珠米所以口感同平時食開既中式炒飯有分別🤔食落口感濕潤，感覺冇咁熱氣最後一定要讚下個甜品-養生桃膠酒釀小丸子，入口就品嘗到濃濃既桂花香味，而且感覺好暖胃，非常適合冬天享用

旺角新派川菜🍲酸菜魚 放工約咗朋友出旺角行街 行完去朗豪坊4樓 美食坊搵嘢食 見到呢間川菜 裝修簡潔 坐位寬躺舒服😌 就試吓佢啦😄 原來佢都好多選擇 可以打邊爐🍲 又有套餐 又有酸菜魚🐟 真係心大心細 樣樣都想食😎 最後我哋揀咗😉 涼拌土豆絲$48土豆絲好爽口 是首選的小食🥰 胡麻醬秋葵$48秋葵簡單點胡麻醬已經好好食 好快便清碟😋 豆苗沙白湯$88呢個湯 清清地 鮮甜可口 沙白肉質飽滿👍 老壇酸菜魚$198酸菜魚湯底調教得非常正 我哋揀咗小辣 佢都好多配料 有芽菜 萵筍 酸菜 辣椒 胡椒 好入味 仲有薯粉 魚片都好大塊及好多 新鮮嫩滑魚肉細緻 魚湯香濃😋 🎈十十料理 (旺角)旺角亞皆老街8號朗豪坊4樓7號舖kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie