十十川滬料理 (已結業)

十十川滬料理， 是否十全十美的意思呢？ 咁就要試下先知， 兩個人點了個 九大簋二人套餐， 本以為每個菜都是份量少少， 結果就是份量不少， 質量更遠超預期 ，食到肚滿腸肥， 滿足而回。😋 九大簋套餐設計精細 ，選材認真， 葷素搭配 ，顏色鮮豔 有精緻的刀工， 巧妙的香料配搭 ，將川滬菜從傳統層次上升到雲端年代。花雕醉雞酒香四溢， 皮薄肉嫩， 清淡的調味令雞肉的香味在 糟鹵汁中慢慢滲出， 越食越好味。白玉菊花黃金雞湯 ，廚師高超的刀功將豆腐切成菊花狀， 在濃香的雞湯中綻放， 令人愛不釋手 ，但又垂延三尺。鮮奶賽螃蟹， 嫩滑的蛋白如玉 ，比蟹肉更加鮮美 ，加上奶香 ，倍加引人入勝。乾扁四季豆 ，新鮮翠綠的四季豆， 用花椒肉碎拌炒， 椒香微辣， 豆嫩甘甜， 吃不停口， 廚師的造詣在普通的菜式中突顯不凡。黃金小籠包 ，用鹹蛋黃豬肉做的餡料， 湯汁飽滿， 蛋香肉嫩， 蘸上薑絲香醋， 是小籠包中的極品。鮮湯美餚不能盡錄 ，但還是要讚👍一讚黑糖豆漿 ，濃香的豆味 ，加上清甜的黑糖 ，每飲一啖都是幸福的感覺 ，下次一定要再來延續這感覺。🥰

平時放假唔係飲茶, 就係食西餐, 今日嚟個川滬午餐.餐廳夠大, 坐得舒適.要了個二人餐熱黑糖豆漿, 好香嘅豆味同黑糖味, 唔會太甜 白玉菊花黃金雞湯, 綻放嘅菊花係用豆腐砌成, 絕對係大廚巧手之作, 個湯唔油膩, 夠健康.黃金小籠包, 皮薄肉汁多花雕醉雞, 雞肉鮮嫩, 雞肉同皮好有層次.汁燒牛柳粒, 牛柳粒夠多又夠淋, 青紅椒洋蔥配燒汁非常惹味.干煸四季豆, 本身應該係有少少辣, 今日喉嚨好乾確, 所以走辣. 四季豆好爽口.鮮奶賽螃蟹, 火喉控制得好好, 蛋白好滑.菜飯, 係加咗鹹肉嘅菜飯, 更香口, 但一 d 都唔鹹.桃膠小丸子, 大大碗, 煙靭嘅小丸子, 除了有桃膠, 仲加了桂花, 味道更清新 飽到食唔落, 埋單 $427, 抵食

早幾日係旺角行街行攰左咁聽朋友講有間幾好食既川菜咁就去左試下係咪真係咁好食啦好彩既係入到去冇乜客 唔洗等位咁就坐低咗喇 完全冇人埋枱招呼 亦都冇人上茶成個過程畀我哋嘅感覺係非常差咁我就舉手嗌唔該啦 一嗌三不應 本身以為經理會理下我哋點知佢只係望一望我哋 之後扮冇事發生其他樓面同事 望都冇望過最後終於肯行過嚟 但就黑口黑面 好似我得罪咗佢成個場冇人有表情 感覺並不親切建議可以畀多啲表情 感覺會親切和諧一點盡量主動了解客人的需求 總括而言，成個氛圍都非常差我會叫我身邊朋友不要去

朗豪坊一向美食多, 尤其係food court, 唔同既菜式都可以選擇, 今次就揀左呢間上海菜黎食下嗌左個午市2人套餐 $388, 由於係套餐關係, 茶芥唔收錢花雕醉雞: 好濃郁既酒味, 將雞肉浸埋D酒一齊食, 零舍開胃, 而雞肉亦都好嫩滑, 師傅選材亦都好嚴格!白玉菊花黃金雞湯: 白玉菊花其實姐係將豆腐切到一朵菊花咁散開, 呢個真係十分考師傅刀功呀! 而且個雞湯亦都好清甜, 唔會飲到有任何味精! 好出色!汁燒牛柳粒: 牛柳粒肉味好重, 師傅亦都將牛柳粒爆得好香口, 亦唔會煮到全熟, 食落去唔會覺得好鞋口鮮奶賽螃蟹: 將魚肉絲同蛋白一齊炒, 食落去有微微既奶香味, 再加埋黑醋一齊食, 達到提鮮作用!干煸四季豆: 嗌左小辣, 將肉碎同四季豆一齊炒, 再配上辣椒, 真係芬芳撲鼻, 撈埋菜飯一齊食零舍惹味!黃金小籠包4粒: 有小量鹹蛋黃, 一咬開有爆汁既效果, 皮薄餡靚, 肉汁慢慢咁散發晒成個口腔~菜飯: 每啖菜飯都散發出鹹肉粒既香味! 食到幾啖飯都唔怕肥, 因為落左菜可以中和返之前既飽膩感!芋圓冰粉: 芋圓非常煙韌, 而每條冰粉亦都冰涼透入心, 加上少少椰奶, 香味十足, 為呢餐飯畫上完美

話說約左朋友黎聚會一共5個人，有1個朋友遲黎，所以拎左5個位先，之後個朋友臨時黎唔到，賣單果時要收5人茶價？4個人飲要比5個人錢？ 公司規矩有增無減？都係第一次聽，報東西幫佢宣傳下

今次同朋友一齊去食飯見到朗豪坊有一間餐廳係食四川菜 價錢亦都唔貴 就去咗試食啦今次叫咗個酸菜魚米線套餐，入邊包括埋拍青瓜及木耳，仲有一杯豆漿😋😋酸菜魚嘅湯底都好好食😋又酸又辣，酸菜魚嘅份量都足夠，米線嘅質感亦都不錯👍🏻性價比都好高

超唔抵食！味道超普通！冇諗過咁垃圾冇影底相排骨菜飯$98啲飯凍嘅、菜得嗰幾粒啲排骨薄到五毫米都冇呢碟嘢嘅質素係$30干鍋魷魚鬚$128佢有個火喺底燒住嘅但得中間嗰啲料係熱熱地側邊面嗰啲都係凍嘅魷魚鬚啲炸皮甩晒出嚟又勁細條勁幼豪xx雞扒嘅魷魚鬚都好味過佢一大截最正常都係個酸菜魚小籠包不過唔特別都只係合格完全唔值埋單$340無下次食物質素完全係普通屋邨上海舖都唔及仲要收$12一個人茶錢都唔知點解會有咁多好評勁伏😤😤😤

我同朋友都好鍾意食川滬菜，見到位於朗豪坊既依間餐廳有得食麻辣香鍋同酸菜魚，又有得食小籠包，簡直啱哂我地口味呀🌶❤️┈✨麻辣雞乾鍋 $198- 一上菜我地全部都係🤩咁既樣，乾鍋大大份勁吸引！入面除咗有份量足既雞件外，我地仲加咗炸支竹同寬粉（配料各加$18）本身乾鍋都配有萵筍、蓮藕同薯條，平時啲乾鍋都係配薯仔片，估唔到原來配薯條係咁好食！！！果然炸物係配咩都咁出色😝辣度叫咗小辣，非常惹味！欣賞佢係用鍋上菜，鍋底下有小火熱住啲野食，就算食到最後都仲係熱辣辣，好正！😋✨酸菜魚湯小籠包 $58✨鮮肉小籠包 $48- 依到既小籠包口味夠哂創新，有酸菜魚湯小籠包同金黃流沙小籠包，我地就試咗酸菜魚口味，入面係龍躉魚肉餡，加上酸菜湯，又幾好味喎😋✨老壇酸菜魚 $198- 正常發揮，魚肉份量都唔少既，但配料方面冇乾鍋咁豐富，同一個價錢嚟講，都係推介大家食乾鍋，感覺上開心啲～(๑¯∀¯๑)

🚩 十十川滬料理 朋友就黎要去working holiday了，放工就同佢食返個farewell dinner😭〰️〰️〰️〰️〰️〰️〰️〰️〰️〰️〰️〰️〰️〰️〰️🌈香辣小籠包 $48呢度嘅小籠包味道都幾有特色，除咗一般嘅鮮肉小籠包，仲有酸菜魚味，鹹蛋黃味🤤今次就同朋友試咗香辣小籠包，的確係比一般嘅鮮肉小籠包惹味，不過就冇一種香辣嘅感覺🌈辣鍋肥腸 $98成個熱鍋咁上仲有火係下面Keep住熱，不過其實份量都幾少，而且剩係得肥腸，冇其他配菜🥲肥腸方便我就覺得略嫌太乾，好似食緊薯片咁，冇咗肥腸嘅油脂香味🌈酸菜魚 $198一上台真係比我想像中細碟好多😮‍💨出面可能200鬆啲，但出面嘅份量應該係依度嘅三倍🥲不過值得一讚嘅係佢嘅魚用料幾好幾滑，無骨！仲有芽菜，菇同埋薯粉，超級吸汁，佢嘅湯底都的確幾鮮甜，不過就真係太少份量啦🌈成都口水雞 $88口水雞叫小辣都幾辣下，用嘅位置都尚算多肉，不過不失🌈酥皮鳳梨奶黃窩餅 $58呢個甜品幾有特色同埋有驚喜，食到一粒粒嘅菠蘿肉得來，又有奶黃嘅香味，成餐飯最好食就係依個了😮‍💨#Kyla中菜 #Kyla旺角〰️〰️〰️〰️〰️〰️〰️〰️〰️〰️〰️〰️🥢地址：旺角亞皆老街8號朗豪坊4樓7號舖🌟推薦指數：6/

一間味道唔錯嘅新派川菜，服務員態度唔錯有反應 環境寬敞， 四個人坐好闊落 訂咗枱所以唔使等。試咗佢嘅小食拼盤有四款(裏面有：四喜烤麩 涼拌雞絲粉皮 皮蛋 海蜇。 味道都唔錯) 海鮮幹鍋 老婆重慶人都話唔錯 我試咗個中辣(都幾辣吓， 唔食得辣嘅考慮清楚。 裏面有蜆/蝦/小蟹， 不過最得意有薯條， 吸咗啲汁比較油膩 不過都幾好味。另外加錢加咗支竹)牛肉麵 阿女話一般， 不過佢食開台灣牛肉麵 係有啲要求嘅)神聖風沙雞翼 (唔辣/唔夠味， 睇到個菜式名本來好大期望 結果有啲失望)

行過見到寫住宮保雞丁，突然間好想食就入咗去。等咗一陣終於嚟到，宮保雞丁裏面竟然得三粒腰果，仲要係淋嘅，立即好失望，已經唔想再食落去，雖然係好多雞粒，買個味道都OK，宮保雞丁其中最重要元素係脆香嘅腰果。😢

位於旺角朗豪坊4樓十十川滬料理～今日經朋友介紹在openrice 購買一人任食火鍋及小籠包優惠都只係$131, 如果你喜愛小籠包揀呢間食店就冇錯～～店內環境燈光光猛丶 坐得舒服加上簡約嘅裝修去享受一下平日放假嘅午餐！一行三人可自選湯底：1）濃茄雜錦海鮮鍋蕃茄湯底都濃，鍋內有新鮮海鮮～例如：🦐丶魷魚及蜆令到🍅🍅湯味道更甜🤩2）滬式金湯雲吞雞清湯加入幾粒雲吞及兩件🐔🐔自己再加喜愛嘅食物入鍋內都不錯🥰3） 老壇酸菜牛肉酸菜傷夠濃配上小小麻辣味！令食物更入味！🤗以上鍋物更有很多配料任你選擇～～仲係任食！一定夠飽😉😂😉😂除了鍋物更有熟食可供選擇！本人對小籠包 情有獨鐘所以一叫叫三籠～～全部放在肚子內～～小龍包！皮薄餡靚！咬落去仲好多湯汁流出！ 吾駛沾其他醬料都好夠味！實行原汁原味吧！送一杯加入珍珠的凍豆漿～～欣賞飲品不太甜🥤🥤🥤我們仲order左熟食！上海粗炒及四川擔擔麵！本人喜愛擔擔麵多些！因為醬汁好有花生味！🥜🥜🥜加收茶位費$12/位及加一服務費！其實都算抵～因為店舖火鍋採用鮮牛肉！好滑好新鮮！午餐時段都多人光顧！🥰😍🤩😋

十十川滬料理 (旺角)📇地址：旺角亞皆老街8號朗豪坊4樓7號舖🕐營業時間：星期一至日 12:00 - 22:00💸人均消費：～$250/人(dinner)👏🏻抵讚位：環境幾適合打卡，門口有棵樹😂 入到去個環境都幾舒服，雖然開揚地對住food court，但唔會有food court嘅野食味飄入黎。就算4人枱劏開左兩個人兩個人有隔板咁坐，都唔焗促🍴Food QC：「燒椒皮蛋 $48」燒椒唔辣，皮蛋係溏心😍 加埋啲汁食好有四川風味「金黃流沙小籠包 4隻 $48」咸蛋黃加左落啲豬肉度，唔太咸，但食到咸蛋黃味，好夠湯汁「酸菜泡椒豚肉栥飯 $58」上枱熱辣辣，油炸鬼夠哂脆，栥飯本身無味，啲餡都有番咁上下嘅味，雖然有泡椒但係唔會好辣「熱鍋孜然牛肉 $148」叫左唔辣，香料味好重，牛肉嘅份量都多，肉都淋滑，唔會硬到咬唔開。同朋友一致認為叫少辣應該會惹味啲😂「上海排骨菜飯 $98」上海排骨好大塊，分到每人3-4舊。菜飯見到有少少金華火腿粒，呢個有少少欣賞「酥皮鳳梨奶黃窩餅 $58」食得出即叫即整，酥皮上到黎都仲好脆同埋超熱。雖然有奶皇又有菠蘿，但唔係好甜。個窩餅好煙韌👍🏻😯有待改善位：訂左8點枱，但要

环境：座得舒服，三五知己來吃飯是不錯的選擇。服务：服務員盡量都會回答你的問題，還細心地問你所點的辣菜是那一種辣道。食物老壇酸菜魚：湯汁很醒胃，酸辣剛好，魚肉新鮮，也很嫩滑，酸菜配上了芽菜，很美味。我們還特意叫了一碗白飯伴着吃，更是一絕。醉雞：花雕酒很香，醃製雞也有一段時間了，雞皮爽滑、雞肉很嫩，雞肉裏混著酒香，很好吃。辣鍋肥腸：這是我夢寐以求想吃很久的菜色，但是10分邪惡，一定要有朋友陪着吃。肥腸上來，被炸得脆脆的，裏面的肥膏大部份也清除了，比想像中健康。辣度也剛剛好，我很喜歡吃。

今次試下食呢間嘅酸菜魚火鍋，佢地仲有得任食小籠包！🤤入座後每枱可以揀一款茶飲，唔使額外加錢。火鍋總共有七款湯底揀，我地就揀咗酸菜魚同水煮魚湯底。水煮魚湯底唔算好辣，幾啱唔食得辣嘅人🤣。不過酸菜魚湯底就偏淡，酸味都唔係好濃。魚肉都幾嫩身，但份量就唔係好多。火鍋加48蚊有得任食30多款火鍋配料，原味小籠包，仲有黑糖珍珠豆漿🤤。火鍋配料正正常常，肥牛都係急凍個隻黎😂。可以自己叫寬薯粉放落鍋度煮，仲有得叫擔擔麵同上海粗炒。不過我最期待就係佢個任嗌嘅小籠包🤤。雖然佢細細隻，皮好薄身，但個餡好足料，爆多汁！上菜個時仲要係熱辣辣，有驚喜到！不過火鍋只係任食90分鐘，所以都有啲趕。個人建議火鍋配料唔使叫太多，留肚食小籠包都回到本🤣！埋單每人都只係$160，都幾抵食嘅👍🏻。