十和田總本店

營業中

休息中

特別推薦在尖沙咀的這家，🥰真心覺得這裡太方便了，走完街後坐下來享用絕對是個好選擇。這裡的吞拿魚丼，新鮮且高質，讓人無法抗拒。吞拿魚蓉飯絕對是足料且飽滿，它的擺盤也相當美觀。🔥魚蓉的分量真的很多，而且根據不同口味，特意設置了蔥碎的層次，🥬帶來了不同的口感和香味。💖把吞拿魚蓉與飯拌在一起，會感受到它清香的口感。而如果你想嘗試多種壽司，🍣推薦一定要嘗試壽司拼盤。其中包含了我最喜歡的三文魚壽司，其燒表面的做法帶出了誘人的香氣。🍤還有蝦壽司，特別有輕輕燒過的芝士，非常符合我的口味。

間唔中會來食呢間野,因為位置方便,性價比唔錯。呢排多左D新既食物,有串燒,多左唔同類型既飯。我叫左一個穴子壽司,好長,味道較鰻魚淡,但都好好味。另外叫左八爪魚壽司,好厚好長,唔錯,中意有D咬口。主食叫左牛肉滑蛋飯,牛肉既量多,蛋好滑。吉列炸蠔鮮味,加左檸檬汁再點醬食真係一流。茶碗蒸有濃郁既海膽味,同平時食開既茶碗蒸唔同。裡面仲有好多配料,有蟹柳,mushrooms,係我中意食既野。中意呢度愈來愈多唔同類型既野食,多選擇,同朋友食飯時,大家都可以各自叫自己中意食既野。

之前去完東京，實在太掛住日本嘢啦🥺同男朋友出尖沙咀，佢特登搵咗間都幾多人推介嘅日本餐廳，見佢好多丼飯都好吸引🤤🤤晚市以為會好多人要排隊，結果walk in都食到！🤓唔太食魚生嘅我，依個丼飯就perfect啦🤓🤓丼飯勁足料呀~✨2/3個飯都鋪滿哂蟹肉絲，上面仲有三文魚籽，另外1/3就俾3塊帶子佔據咗😆帶子啖啖肉咁十分鮮甜，基本上食親每啖飯都充滿蟹肉，口感十足！加少少鼓油同撈埋三文魚籽食，已經夠晒鮮味🥹大推‼️另一款多人推薦嘅就係依個三色丼，一次過滿足哂三個願望😆其實分別有三個小丼飯：吞拿魚蓉、海膽、蟹肉蟹膏😋外觀精緻，打卡一流📸① 男朋友表示吞拿魚蓉唔腥，新鮮程度拍得住係日本食到嘅味道🤤② 海膽份量就少咗啲，不過口感creamy又夠哂鮮甜😚③蟹肉蟹膏係我其中最推薦嘅👍🏻，係因為個蟹膏呀❗️因為比較返松葉蟹丼，本身蟹肉唔算好濃味，成個丼飯要加豉油先至可以吊到味，但係多咗蟹膏，成個蟹味同香味都出哂黎，基本上豉油都可以慳返，味道即時更上一層樓🤤🤤

同屋企人行完街就黎到呢間人氣餐廳食飯餐廳坐位闊落 有酒吧位置可以看到廚師準備食物香蔥吞拿魚魚腩丼 $128一層厚厚的吞拿魚魚腩蓉上面有唔少蔥花魚腩蓉下面係啡色既飯 原來係用酒粕發酵而成的赤醋煮的壽司飯比起白醋飯多了淡淡的甜味 一啖赤醋飯加上又滑又香既魚腩蓉好正鰻魚飯 $118好大塊鰻魚覆蓋係白飯上面 加上香濃的鰻魚汁同芝麻 鰻魚厚身啖啖肉無肥肉仲要無骨 咬落好JUICY 熱辣辣食真係一流汁煮豬軟骨定食 (配湯, 蛋) $118個汁好香濃 豬軟骨炆得剛剛好 每塊都軟腍入味 碗白飯好快就食哂定食包左麵豉湯同蒸蛋 個蒸蛋入面好足料 好滑好鮮甜晚餐定食呢個價錢好

到尖沙咀食飯，想搵間日式餐廳試下，見到呢間餐廳有好多好評，所以就選左呢間試試，試過之後都覺得有驚喜，價格雖然唔叫平，但食物有質素的，所以性價比高，值得試試。今日見到佢有個二人餐，$8XX，有刺身、壽司、天婦羅同串燒等，非常適合眼闊肚窄既我，又好想試試呢間餐廳不同既食物，所以即刻點左呢個二人餐，份量足夠，食完成個餐後，兩個人都飽飽的。可惜的是個餐無甜品的，有點美中不足，若附設埋甜品，會更完美，期待下次會加送甜品😂日式蕃茄蕃茄加上和風汁，味道唔夠入味，如果是醃蕃茄，會更加出色。刺身拼盤各款刺身都好新鮮，亦有魚味，吞拿魚特別新鮮好味，讚串燒手羽皮脆香口，味道一流；牛舌厚厚的有口感，但絕不硬，好食大蝦天婦羅鮮蝦新鮮，天婦羅炸得脆脆的，好味壽司三款特別喜歡海膽壽司，海膽佔左成個壽司的一半，用料充足，食落好滿足。P.S壽司上檯後服務員細心提醒我地可先食軍艦，避免紫菜變得唔脆，相當細心，讚

今日去左睇跌打之後同朋友去尖沙咀行街，行到累累地，咁岩行到見到十和田無乜人等緊，可能未到食晚飯時段，既然有位，好隨意地我地就入左去啦～仲有吧枱坐☺️· - - · - - · - - · - - ·🔸火灸左口魚邊丼🔹油甘魚刺身🔸櫻花蝦牛油果三文魚卷🥑· - - · - - · - - · - - ·真係行到好累꜀( ꜆ᐢ. ̫.ᐢ)꜆隨意地叫左少少野食😋食左至愛既灸燒左口魚邊丼飯，油脂分布平均唔會好膩，原來仲有海膽架，個海膽好好食阿😌🐟 呢個飯勁好味🤤油甘魚刺身非常新鮮，好食到想encore tim櫻花蝦牛油果三文魚卷- 牛油果🥑點解可以咁match 到櫻花蝦同埋三文魚🍣整體真係好新鮮好食，今日係好彩稍微早一步食晚餐，所以唔洗點排隊💁🏻‍♀️一出餐廳就見到有人開始等位啦～

🇯🇵 十和田總本店 🍣自從食過十和田既丼飯我就次次出尖沙咀都心思思想食呀🤣因佢哋既赤醋飯係沿用左江戶前傳統壽司飯既做法赤醋 = 酒粕發酵既醋用赤醋黎整壽司飯會更健康更好食添呀🐟香蔥吞拿魚腩丼 $128吞拿魚腩蓉既份量好多簡直覆蓋左成個赤醋飯配埋蔥花、Wasabi、千本漬同白薑令到我望住個丼飯已經流晒口水吞拿魚魚腩既油脂加上香味 入口即融 每一啖赤醋飯撈埋大量吞拿魚腩蓉真係好幸福呀🤤🐟三文魚親子丼 $148滿滿既三文魚粒鋪滿左成個赤醋飯三文魚籽既份量都好多用一塊大葉舖墊住 令到個飯嘅畫面靚咗唔會全部橙色嘅嘢放埋一齊 (食慾 Up!)不愧係新鮮直送既三文魚 食落好新鮮呀而啲三文魚籽一咬落去就爆汁新鮮又帶點甜味真係好好食呀 （已經想再食多次啦🤤）

-十和田總本店-@尖沙咀.鋪面面積都好大，以木系為裝修主題，環境舒服。.火炙魚生飯($138)超豐富的火炙魚生飯，有三文魚、吞拿魚、左口魚邊、立貝、赤蝦等，每件都好厚切。.食材好新鮮，加上火炙過帶有馥郁焦香，拌以微甜的赤醋珍珠米，令魚生的鮮味更突出。.西京味噌燒銀鱈魚定食($168)定食會配上味噌湯和茶碗蒸。.銀鱈魚醃得好入味，加上白味噌的甜味，令油脂更香，完全唔需要沾沙律醬。銀雪魚油脂豐富，食落魚肉好滑。.另外仲想讚一下佢地用的米，飯香好重，越嚼越甘甜。.茶碗蒸好滑，加上蟹柳、鳴門卷和冬菇嘅香味。.手羽($32)雞皮燒到金黃香脆，雞肉醃得好入味，而且保持肉汁，肉質柔嫩。.牛舌 ($48)牛舌表面燒到稍為焦香，咬落肉質爽口結實，香味濃郁，用黑椒和鹽稍為提味已經好好食。.。

放咗工嗱嗱聲去食個晚飯， 6:30PM去到，可能仲早啦唔算太多人喎。日式裝修幾舒服，仲又有可以睇到師傅做料理嘅BAR枱。一睇MENU, 就俾個海鮮丼飯吸引住, 同行朋友就揀選京燒銀雪魚定食 (HK$168) 有包含飯、麵豉湯及茶碗蒸;海鮮丼(HK$218)內所有海鮮都好新鮮，以「江戶前」既製法用喺赤醋飯上, 酸度得宜會令人更開胃！呢種製作法比較少見。 丼飯有海膽、帆立貝、赤蝦、吞拿魚蓉、三文魚子、油甘魚及蟹柳, 每樣食材都新鮮高質, 吞拿魚蓉好CEAMY、赤蝦爽甜、海膽肥味、入口鮮甜, 加少少醬油馬上提鮮晒Yummy~~！西京燒銀鱈魚 燒得表面金黃，魚肉帶有淡淡白味噌的甘甜味，配白飯一流！茶碗蒸都用料十足, 有冬菇、蟹柳、白果， 蛋味香濃, ，又夠嫩滑， 讚！不輪丼飯或京燒雪魚鮮味十足，份量好多，男士們都都表示滿足。而且賣相吸引，赤醋比平時白飯好味得多。真係胃口大開!店名: 十和田總本店地點: 尖沙咀金馬倫道42號華懋金馬倫中心地舖位於金馬倫道MANNINGS過少少，門面夠大同非常容易搵，距離尖沙咀地鐵站都只係5分鐘步程！方便！@towada_sushi #towada_sushi

#Elsie帶你食｜🇭🇰｜十和田總本店📍尖沙咀金馬倫道42號華懋金馬倫中心地舖——————————————-好耐無食日本野 然後朋友就推薦左呢間日本餐廳比我 平時食開嘅日本野用嘅醋飯都係普普通通 但呢間用左赤醋飯 口感是比較黏稠 而且飯嘅顏色是比較紅 好特別🔖香蔥吞拿魚腩丼(配湯,蛋) HKD128非常豐盛，吞拿魚蓉多到蓋住成碗飯，另外灑有大量蔥花。蔥花好香，魚蓉魚味比較淡，亦不太鮮甜，質素一般。不過醋飯不錯，入口好香，而且有少少淡淡酸味，好開胃🔖火炙牛肉湯烏冬(配壽司) HKD88牛肉好嫩，而且肉味濃郁，亦燒得好香。湯底係鮮牛肉湯，帶有牛肉鮮味，加上烏冬嫩滑，體個烏冬質素幾好。另外配兩件三文魚壽司，不過不失，油脂都幾豐富🔖三文魚細卷 HKD38味道唔錯，醋飯正如上述幾香，另外有三文魚，相較青瓜/蛋/蟹柳等更鮮同有油香，作為小食都算唔錯

成日經過金馬倫道都想試呢間日本餐廳🍴今日終於有機會試喇🤍午市時間入去有午市套餐😌價錢合理👍🏻份量都幾大份😈🥩滑蛋牛小排丼（配湯,蛋）$118一上枱有好香嘅醬汁味👅牛肉有好多塊🥩亦都有好香牛味🐂唔會好似其他店舖咁完全冇味💯滑蛋都幾滑，最重要係有埋好腍嘅洋蔥🧅超入味🤣 今次我叫咗少飯都好多飯🍚所以大食嘅朋友就啱晒喇👍🏻🐟 鰻魚飯(配湯，蛋）$118鰻魚好長，而且好肥美，厚厚嘅肉真係好正呀🤍小心有骨就得喇😉跟餐有個日本黑椒，鍾意惹味嘅話都可以自己落🥄麵豉湯有驚喜👍🏻通常呢啲配湯都係飲完超級口渴，但係呢一間嘅湯又唔咸又唔口渴呀👅而且唔會飲到啲一粒粒嘅粉🍳蛋燉蛋滑捋捋，入面附有日式魚蛋、菇、蟹柳，太好味掛住食唔記得咗影低🤤冇時間去日本🇯🇵嚟過呢間日本feel嘅餐廳止下癮都唔錯🤩

食lunch想搵間日本野食下，呢間餐廳其實成日行過見到麵想食。趁難得出開尖沙咀就同朋友入去食個午飯。餐廳氣氛幾好，有居酒屋嘅氣氛，木調色既配色，幾溫暖。午市都多選擇，有平有貴。刺身拼鰻魚飯(配飯,蛋) $118 呢個套餐幾豐富，一碗鰻魚飯加埋刺身，刺身有三款每款有兩片，勁厚切又夠新鮮。 鰻魚飯唔算特別肥啖啖肉，所以食晒成個餐都唔會覺得太過油膩。個餐另外仲有蒸蛋同埋麵豉湯，非常抵食。火炙左口魚邊丼(配飯,蛋)$148呢個火炙左口魚望落都好食，因為唔止有火炙左口魚，仲有海膽。左口魚火炙過之後d油份出晒黎，入口有即溶既感覺。加埋d海膽，食落都幾鮮味，落左少少豉油已經覺得好好食。

今晚晚市都係叫返我地大愛性價比高既三文魚親子丼同雜錦魚生丼。唯一同午市唔同既，就係晚市呢2個丼飯係唔包湯同茶碗蒸嫁。每次黎食佢地呢2款既雜錦魚生丼都好滿足，今次睇到粒粒魚生都好大粒，份量好大份，雖然雜錦魚生唔算好多款，但樣樣都好鮮甜味美，最中意係三文魚同吞拿魚粒，啖啖口感都好豐富。不過如果魚生數量可以再多D / 款式再多D就更好了最平既丼飯百零蚊已經有一碗，舒服既環境同任飲既綠茶，可以慢慢坐係到食閒聊下。

今日同朋友去尖沙咀行街經過見到呢間十和田總店，諗起都有好多朋友推介過佢哋嘅丼飯，之前一直訂唔到位，今日見到walk-in有位就決定試下！環境都唔錯，座位寬躺，叫咗以下幾款菜式：牡丹蝦刺身$124 兩隻赤蝦刺身$76 兩隻刺身三點 $198日本刺身入邊我最鍾意就係食刺身蝦！所以試咗佢幾款嘅刺身蝦，全部都珍寶size！蝦肉鮮甜！而三點包括有吞拿魚、鯛魚、間八，每款都有三片。三文魚子壽司一件$64超鍾意食三文魚子，一嚟到就急住食所以冇影到相 haha 但係好食！紫菜都脆！三色丼 $188將呢個丼飯最啱我呢啲三心兩意嘅人，有唔同口味，三個迷你丼飯，海膽新鮮，吞拿魚蓉香，蟹膏加蟹肉又夠晒澎湃，推介！鯛魚湯$42食得多生冷嘢都會想飲兩啖湯，呢個湯有有驚喜，有魚味唔會腥。時令生蠔$128兩隻見到店員推介就叫咗兩隻試吓，味道就一般般。整體都唔錯，丼飯幾抵食嘅。

好耐都嚟依頭食嘢，成條街都多咗好多新舖，唯獨十和田都開左好耐仲咁好生意，所以同朋友入去試吓先我哋分別叫左 一個火炙海鮮丼同海鮮刺身丼佢嘅飯底係赤醋飯，唔同一般丼飯嘅飯底，幾開胃。特別一讚，佢嘅所有刺生都非常新鮮，油甘魚帶子蝦超鮮甜！佢每一款刺身都好厚好肥美，食到停唔到口。另外我哋再加左生鮑魚刺身，$29好爽甜！值得一提，鯛魚湯好好好味，雖然$42份量唔大碗，但真係feel有好多魚去煲，無味精好鮮味👍🏻