十和田總本店

營業中

休息中

有日lunch同同事一齊去試下 晏晝黎講份量係超級多 而且仲好高欣質😚😚🐽午市壽司套餐 $108好有誠意 最抵食既壽司套餐🥹絕對唔係淨係比三文魚 玉子 青瓜手卷比你🫣呢set壽司total有10件 分別係吞拿魚 油甘魚 赤蝦 炙燒三文魚 炙燒粒貝 榮螺軍艦 蟹籽軍艦 香蔥吞拿魚蓉軍艦 同 吉列炸蝦卷三件🤤留意壽司set只係包麵豉湯唔包茶碗蒸架🥲壽司好有質素‼️吞拿魚食落有少少魚既油脂香味 口感唔會似擦子膠🙊油甘魚入口都好有鮮味 好厚身 特別鍾意件赤蝦🤤上面仲放左蟹膏架😍隻蝦好大隻 好爽口彈牙 好鮮甜😋三文魚都好肥美 用火炙燒迫左啲魚油出黎 好邪惡😈火炙粒貝 炙燒過既粒貝好爽脆又鮮甜 蟹籽軍艦食落滿口卜卜脆好過癮🤣香蔥吞拿魚蓉軍艦 入口即溶既感覺 最後有三件吉列炸蝦卷物有驚喜🤤個炸蝦仲係好脆好熱😚整體黎講呢10件都幾抵食 啲壽司飯都係用左赤醋飯 好特別😋🐽香蔥吞拿魚腩丼 $128超邪惡既香蔥吞拿魚腩丼😈份量超驚人 成塊吞拿魚腩扒咁 勁厚😛仲有兩塊酸蘿蔔開胃一下 吞拿魚腩好肥美 好有油脂香味😋口感偏向魚蓉嗰種 撈飯一流🤤另外仲有香蔥同芝麻做點綴 令到食落更加有層次感😚🐽北海道帆立貝松葉蟹丼

上網見呢間評價唔錯咁，所以就同朋友兩個人嚟試吓😋 呢間餐廳喺金馬倫道，都幾方便同幾易搵，平日13:00入去都算易搵位～🍣 壽司拼叉燒湯烏冬 $118呢個套餐超級豐富😋 有一碗叉燒湯烏冬、六件壽司、茶碗蒸同麵豉湯。叉燒湯烏冬嘅湯底甜甜哋，配合埋啲烏冬食晒成碗都唔覺得漏。一碗裏面有兩舊叉燒，叉燒肥瘦啱啱好，而且好入味👍🏻 啲壽司都好新鮮，最鍾意就係佢嚿三文魚壽司，三文魚好厚身🍣 茶碗蒸嘅配料都好豐富，而且個蛋好滑🤪🍳 滑蛋牛小扒丼 $118朋友就叫咗呢個滑蛋牛小排丼，同上面嗰個套餐一樣，都係跟茶碗蒸同麵豉湯😙 呢個整體醬汁偏甜，好開胃，如果鍾意甜啲嘅話就啱晒！啲牛都好入味，配埋滑蛋，整體口感配合得好好。裏面仲有啲菇，令味道冇咁單調👍🏻整體嚟講，呢間嘅午市套餐性價比幾高，小編同朋友兩個女仔嚟食，多到差啲食唔晒😂 而且食物質素都好好，餐廳環境都好乾淨同坐得好舒服👍🏻 -味道: 8/10服務: 9/10環境: 8.5/10回頭率: 8.5/10總評: 8.5/10

呢間應該係我食過性價比最高嘅日本餐廳，今晚喺附近趕住開會，但又唔想Hea食，個腦即刻就諗到呢度。傍晚五點幾，比較早嚟食，所以未見人流。呢間餐廳地點方便，內裏又夠光猛同寬敞，坐得好舒服。，而且餐廳仲好貼心咁每張凳下面都有個籃俾人擺袋。食物方面係用QR code落單，有食物相參考，而紙本就比較一目了然，個人覺得佢嘅午市套餐同丼飯都好抵食。我黎親都係食海鮮丼，$128有大概四款魚生，每款都肥美又大粒，重點係好難得刺身仲多個飯！朋友揀嘅火炙魚生飯，好香！哈刺身好大條，其他刺身都係厚切，好新鮮好滿足！

📍 十和田總本店 （TsT)性價比高既日本晚餐🥣簡簡單單又一餐，嗌個丼飯回味下先～環境係日本風，服務殷勤親切，重點係食材非常新鮮高質～爽盡日本風味～好耐冇食刺身啦😍！🔸三文魚親子丼漬三文魚籽偏大粒，鮮味足鹹味夠，肥美厚切三文魚細嫩爽滑，切成細細粒，好滿足😌配赤醋飯很可口呢，而且飯量十足。🔸 鰻魚飯香濃嘅鰻魚汁🐟配上厚身嘅鰻魚再燒至焦糖色每一啖都勁juicy！停唔到口呀😋口感層次一之棒😍

今天忽然下起毛毛雨，氣溫降到23度，感到有點涼意，特別令人感到肚餓。十和田總本店剛剛開店不久未有太多顧客，服務員很貼心的遞上雨傘套，方便客人張雨傘放於椅子下的藤籃中。 聞到好香的炙燒味道，原來是鄰坐客人叫的套餐，不用多想我也喜歡「火炙左口魚邊丼」。左口魚裙邊是左口魚背鰭和臀鰭之間的一條邊，相當肥美又軟滑，更因含大量魚油，經炙燒後釋放出魚油香食落更濃郁。飯量可以自己調節，如果怕太飽，下單時可選少飯以免浪費。這個丼是用赤醋飯，味道帶少少酸，配襯上肥美的左口魚邊又取得個平衡，還有新鮮肥美的海膽啊。味噌湯和茶碗蒸都很充料，一頓美味可口的午餐。

—-午市壽司套餐配湯—-多種壽司壽司好有特色，首先魚生同埋飯嘅比例係有計算過，好容易夾起同埋入口。魚生又厚又大，好新鮮。因為最近好多寄生蟲事件，我都好留意呢入面有冇蟲呀，入面係冇事㗎～另外。飯係有特別處理過，用嘅醋應該係佢特有嘅醬汁。——唐揚炸雞湯烏冬配壽司——午市套餐有三文魚壽司兩件炸雞好多料，佢嘅皮呢特別薄，唔會好多炸粉，雞肉堅實。烏冬啦湯底呢亦都好清幽。午市lunch set幾抵食，送壽司，星期六日要散叫

尖沙咀區食肆多不勝數，要找抵食質素好的午市套餐，日系十和田總本店係一個好選擇。餐廳以木系裝修為基礎配上綠色作點綴，給人清新平和的感覺。現在大多餐廳都以手機掃QR code 點餐，午市套裝選擇很多，最終決定來一客鰻魚飯配湯和蛋。鰻魚味道濃郁肥美好大件，差不多放滿整個盒子，外皮跟魚肉融為一體上面灑上芝麻，蒲燒汁再搭配晶瑩的白米飯，非常可口。茶碗蒸香滑的蛋中還有各菇、蟹柳、銀杏等，材料簡單味道一流，再配上暖笠笠的麵豉湯，完美的一個午餐。

今日同朋友去尖沙咀行街，因家大家都未食晏晝，所以決定揾日本野食下。我諗起十和田總本店的午市套餐幾抵食，位置又啱啱喺金馬倫道附近，好方便。可能啱啱過咗午飯時間，我哋去到都1:30，所以好容易就有位。午市套餐都有好多選擇，價錢大約$80多至$150左右。最多人揀應該就係午市壽司套餐。呢度嘅茶係自己用抹茶粉沖，所以口味自己調教。午市壽司套餐$108賣相非常吸引，總共有11件壽司。套餐配有味噌湯，一人份量啱啱好。壽司飯帶有醬油，所以本身都有些少調味。刺身新鮮，我見晚市的話一件都大約$20幾，所以午市呢個套餐真係好抵。火炙三文魚壽司，燒完所有魚油都出晒嚟，有溶化的感覺。蔥吞拿魚腩壽司香蔥味濃郁，吞拿魚腩軟滑，一啖入口好滿足。吉列炸蝦卷炸蝦十分香脆，外面裹上蟹籽，更增添鮮味。壽司拼叉燒烏冬$118整個套餐加一碗叉燒烏冬，仲有茶碗蒸，麵豉湯，所以都幾飽肚。壽司有6件，有帆立貝，三文魚，吞拿魚，墨魚，赤蝦同油甘魚。赤蝦壽司，爽脆，鮮甜。油甘魚壽司，魚味唔算濃郁，但質感唔錯。茶碗蒸蛋蒸得好香滑，裏面有蟹柳，菇菌等等，加上上湯，不錯。叉燒烏冬叉燒有兩大片，有少少焦香。烏冬係用咗日本凍烏冬，所以入口彈牙滑溜

之前係尖沙咀附近做完嘢，同媽咪想搵間舒服嘅舖頭坐底食個lunch，係金馬倫中心地舖旁見到十和田，見都乾淨同位置唔會太迫就入左去試下。入到去係木製嘅裝修有日式嘅感覺，都有bar枱位置。我地入去個陣12點都未洗排隊，但過左一陣12.30左右就開始多人。Oder左三文魚腩刺身，勁厚身，食落都好新鮮。仲有鰻魚壽司，櫻花蝦壽司呢啲。個櫻花蝦壽司好特別。食落好有層次感。叫左3個mini丼飯，好少舖頭有得咁叫，一次過食曬3款唔同嘅款式。總括嚟講食物性價比係唔錯，但當日上菜速度好慢，叫左半個鐘都未黎一樣野食，同埋員工服務態度有待改善。

好耐之前都食過呢間，今日就黎食個lunch set~坐低即刻開杯綠茶🍵飲下先👉🏼午市壽司套餐 $108套餐總共有11件壽司以及麵豉湯，壽司有唔同款式，熟食同刺身都有，壽司飯已經點好醬油。我最鍾意食既係啖啖肉既吞拿魚壽司同埋蟹醬蝦壽司😻。👉🏼汁燒雞扒定食 $108唔食生冷野既話，lunch set都有唔少選擇，我地叫左雞扒定食，定食包括麵豉湯、沙律菜🥗、茶碗蒸以及珍珠米飯。雞扒外皮煎得香脆👍🏻

去開尖沙咀購物，中間想搵個地方食lunch，搵左呢間十和田日本料理。午市套餐真係上班人士嘅恩物，用合理價錢食到高質素嘅食物，選擇又多。餐廳闊落，好多上班人士都會過嚟食，座位雖然唔大，不過每張椅子下邊都有一個籃可以放自己啲隨身物品，都好貼心。食物方面，好多午市套餐都有包麵豉湯或者蒸蛋，我為咗想食個蒸蛋，我就叫咗雞扒定食，雖然等得有啲耐，服務員解釋係因為佢個醬汁係即刻整，食入口有驚喜，因為除咗個汁好味之外，佢個雞扒個皮係真係好脆，整得非常好食。

約左個朋友黎尖沙咀行街當然要食下日本野之前食過十和田既左口魚邊丼好正所以要返黎encore首先緊係要叫個火灸左口魚邊丼 滿分！滿分！滿分！好正既左口魚邊，啲魚油味好香，入口即溶，完全有齒頰留香既感覺仲有好甜好大份既海膽🤤一流火炙牛肉湯烏冬火炙牛肉勁香，肉質好嫩，好多片牛肉，燒得岩岩好，烏冬好彈牙，啲湯每一啖都有好香既火炙牛肉味仲有唔小得我最愛油甘魚鮮味，好香既油甘魚油，都係入口即溶三文魚三味壽司朋友最愛，佢話個火炙三文魚好值得一試🙈

想吃高質壽司，又不想花費太多💰，來這裡就對了！店裡是簡約的木造原素日式裝飾，感覺很舒適，自在！三文魚親子丼：橙紅色三文魚口感柔嫩，富有彈性，味道鮮甜，搭配滿滿的新鮮魚子，一股鮮甜的氣息在口中蔓延，超級奢華的享受！海鮮丼：大大的海蝦刺身，帶子刺身，超愛的海膽，圓潤金黃的魚子等，味道鮮美，分量10足！招牌三色丼：這是必點的，三種口味都是超贊👍的，分別是，海膽丼，松葉蟹丼和吞拿魚茸丼，精心製作，外觀味道都是一流的！超特選壽司拼盤：每一塊壽司都獨具匠心，每一口都讓味覺感受到快感平成卷不只賣相讓我垂涎欲滴，味道都是一流的，另外吉列生蠔，炸雞也別具一番風味！性價比超高的一家壽司🍣專門店，希望大家會喜歡！🥰

相信嚟過尖沙咀嘅人都知道呢間日式餐廳，十和田總店，今次第二次嚟質素同樣高，餐廳座位都比較寬敞，而且佢呢個係有乜杘畀你自己沖可以唔使叫嘢飲都得，今次就比較特別見咗兩張相同嘅飯就係雜錦魚生飯雜錦魚生飯：9.5/10分。每次食呢個都覺得非常滿足的，今次喺總店度食都係有驚喜，首先份量都係比較多！而且魚生亦都比較新鮮，入邊有多種唔同嘅刺身有油甘魚魷魚三文魚蟹柳青瓜螺肉同埋魚子等等，一次就可以食到非常多款式嘅吳生非常推薦的

平日收左工緊係想搵個舒服既地方，休息下同同事食飯傾下計，休息下三文魚親子丼 同 雜錦魚生丼係我地大推大愛既丼飯，先講份量真係十足，魚生都夠哂新鮮，特別係個雜錦魚生丼，大量唔同款式既魚生集合埋一齊，仲有玉子，青瓜粒等配菜，真係唔係講笑，堆到成座山咁，每次黎到都必點之一。而個三文魚親子丼，最中意係佢地既魚子漲卜卜，一粒粒，粒粒都夠哂厚實同鮮甜味，唔會死咸~同埋佢地既綠茶粉都係我每次黎中意飲，真係好香有回甘!