千樂燒味餐室 (已結業)

燒味餐廳新開張，家姐喜歡食燒味，當然帶她試下啦套餐好豐富叉燒薄薄不硬，超香，貴妃雞肉質夠滑夠香菜不夠軟身，飯加入燒味汁好棒燒鵝脾，超大隻啊，好吃好香開在銅鑼灣和灣仔之間超方便

星期日去開灣仔買野，天氣又焗又熱，咁啱又行到肚餓，周圍望下有咩食啦。經過見到有間燒味餐廳之前未見過嘅，估應該係新開，又熱又餓就入去抖下兼醫下肚啦。揀咗燒腩仔飯，鹹香的肉又唔算過肥，食晒都唔會太膩。燒肉皮夠脆，香口鬆化，合格有餘，相信係招牌燒味之一。白飯口感不錯，一粒粒，不會太腍亦不會過硬，沒黏做一團。加上一碟蔥油，成碟飯食晒。燒腩仔飯近$50一碟，以在港島旺區計，價位算係好相宜。地方環境又唔錯，好乾淨。下次有機會路過，會再試下其他燒味，隔離枱食叉鵝飯好似都不錯。

聽谷友講，千樂燒味好食，所以專登去到灣你試菜，在門口的侍應已笑容滿面歡迎我們，禮貌十分好，舖裡也很整潔，聽侍應講，這間餐廳剛開了不久，我們叫左燒朒仔和加20元燒鴨肶，燒朒仔皮好脆，燒鴨肉也很滑，套餐更有2碗紅蘿白，湯好清甜，還有2碗白飯及雞絲伴海蜇，但雞絲海蜇加幾滴麻油味會更香，拍青瓜我最愛吃，真不錯👍👍👍

我見MENU嘅一半排版都比咗個樂脆燒鵝叉燒飯套餐，我又懶得揀，於是就揀咗個SET。配明火靚湯一碗，熱飲一杯，同一份涼拌蒜香青瓜，都幾豐富下。佢都可以單點，不過我覺得單係食燒味飯稍微有D單調，有碗湯，又有D涼拌青瓜，可以稍微中和下燒味嘅乾身和熱氣。配搭得幾好。個set一上枱我見分量都幾多。好多人都係中意食厚切同燶邊嘅叉燒，我都不外如是。呢度嘅叉燒切得幾厚，肉質細嫩鬆軟，邊緣位置唔會燒得太燶，但又不失香脆的口感，更符合我呢D注重健康嘅人士，食落都唔錯。燒鵝脾嘅皮都幾香脆，香脆之中又不乏油香，加上肉質都唔會干柴，配上冰梅醬，更加突出肉質的Juicy，酸酸甜甜好送飯。值得注意的是，由於個飯同燒味係分開上，整個飯係無燒味汁嘅，但平時食燒味飯，通常師傅都會慣常淋d汁係飯到，我個人就真係唔多喜歡有汁嘅飯，所以我都幾中意呢一點。個湯都幾清淡，唔會重味精味。涼拌青瓜幾清新，搭配特色的醬汁，有d甜辣味，同青瓜好夾，好適合夏天食嘅涼菜！餐廳環境都OK，地方都坐得都幾舒服。就食物質素而言，都高於普通嘅燒味，食得滿足，價錢公道實惠。服務方面，店員都幾NICE，幾親切下。以後行開呢頭會想再試！食完燒味仲可以去附近

燒味飯同茶餐廳一樣，當你唔知食咩既時候就會諗起佢，香港人都燒味飯都係會有一份情感。或者有時出完trip 返黎，食左成個星期包同意粉，真係會諗起燒味飯，始終都係香港嘅味道。好又一餐唔好又一餐，放工都係想快Ｄ食飽飽返屋企訓覺，唔好搞咁多野。呢間燒味店，係正屋企附近，因為佢開到夜晚成10點半，好幾次咁夜唔知食乜都係買燒味飯返屋企食，今次就第一次坐低食。小店式經營，到夜晚都係得返我呢Ｄ單身一支公食飯。環境乾淨企理。1人餐至4人餐都有。。對燒味飯，我係好專一既，我每次食燒味飯都會嗌叉雞飯。貴妃雞加上蔥油，啖啖肉之餘，加上味覺既滿足！今次要了套餐，叉雞飯+明火靚湯+飲品。老火湯係青紅蘿蔔湯，唔會太咸同太油，算唔錯。雙併飯份量都幾多，呢個價錢相當抵食。平時食燒味既地方最多係有油菜，未試燒味配手拍青瓜，所以另外散叫左。涼拌青瓜個汁唔錯，唔會太辣，食落幾開胃。青瓜配上燒味，減輕油膩感。除左燒味，呢度仲有手撕雞﹑鹵水拼盆﹑口水雞等等，就算當呢度係飯堂，都唔怕會無選擇。

第一次試呢間燒味店，好光猛，感覺唔錯。中午時段有啲多人，好在都算早嚟到唔需要等位。食咗個寫住「必試」嘅燒鵝叉燒飯套餐，套餐有湯、飲品、小食。不得不提個涼拌青瓜，味道調校得啱啱好，超多蒜香汁，帶少少辣但仍然保持到青瓜嘅清新味，我好似有啲錯重點...不過係好食嘅！講返呢個必食嘅燒鵝叉燒先！坊間好多時都係比燒鴨，但呢度係食燒鵝，燒鵝肉質彈牙，皮乾身脆口，配埋個酸梅醬，忍唔住好快就食晒，不過係有少少肥～唔知係次次都鵝脾定咁啱今次係呢～是日例湯係節瓜豬肉湯，好有住家湯嘅味道，攞出黎個時仲要出曬煙，好天然嘅味道呀！

呢間燒味舖相信係新開，喺灣仔銅鑼灣中間嘅地舖，比起平時食嘅燒味飯盒係貴咗啲，不過有驚喜！從來都唔知道燒味舖原來有乳豬食，見咁耐冇去飲宴無得食乳豬，於是決定叫個乳豬飯～乳豬唔會太鹹但有味，最重要係塊皮超級脆，又唔會成舊都係肥膏！完全就係fit曬我呢啲怕肥又要食嘅人～～舖頭仲可以比客人預訂乳豬，係舖頭師傅係裏面即刻燒嫁！食唔曬全隻買四分一都無問題！下次大時大節搵乳豬可以試下呢道。至於環境，比起一般嘅茶餐廳或者燒臘舖真係乾淨好多，絕對可以安心食用。

早前睇過某平台介紹深水埗有間燒味餐廳做緊燒味放題，個賣點仲係有乳豬任食添一直都好想搵朋友一齊去試試，但大家都咁忙一直都約唔到收工之時個肚又開始擊鼓，唔知點解又突然間好想食乳豬上網搵下餐廳就俾我搵到千樂燒味啦不過燒味餐廳都未必一定有乳豬食，因為呢類貴價食材好大可能唔做碟頭飯咁散賣出去嘅好彩係Openrice有餐牌提供，係餐牌上面見到佢哋有乳豬飯提供！唔洗再諗，即刻執齊嘢收工去食乳豬飯先！餐廳環境都算幾好，冷氣夠，座位都算舒適企理，唔會好似其他燒味餐廳咁座位痴笠笠我就叫咗個$83一人套餐，有一份乳豬油雞雙拼、蒜泥拍青瓜、白飯、例湯同一杯飲品呢個價錢堅係抵！有哂前菜主食仲有湯同飲品坐係度玩一陣手機啲嘢食就到齊啦~急不及待立即起筷✨蒜泥拍青瓜 - 青瓜係切咗丁粒，大小啱啱好，太細粒會無口感，太大粒又會好難咬。蒜泥有經過調味，份量亦落得夠多，係一款好重口味嘅前菜✨例湯 - 是日例湯係合掌瓜煲豬展。正如樓面姐姐所講，啲例湯無落味精，係真材實料煲出黎，飲完唔會口渴！✨乳豬油雞雙拼 - 乳豬居然俾七件！我其實預計得四至五件架咋...真係估唔到！乳豬皮燒得香脆，咬落咔咔聲，唔會凍哂同死實實肉質鬆軟，肥瘦

收工約咗男友食飯，咁啱我哋經過千樂燒味望落都幾乾淨企理，同印象中感覺痴笠笠嘅燒味餐廳好唔同，見到入面嘅食客碟叉燒又幾靚，價錢又唔貴，即刻拉男友入去坐低先!餐牌入面有一人餐 / 二人餐 / 四人餐，當然另外仲有散叫啦$238二人餐就有一份燒味雙拼、海蜇雞絲(凍食)、滷水豬腳仔、蒜泥青瓜、例湯或飲品同埋兩碗白飯燒味方面我哋揀咗叉燒拼燒鵝🤤落完單好快就送上小食👍🏻滷水豬腳仔浸得幾入味，皮脆爽滑！蒜泥青瓜係將青瓜切丁粒，更加有咬口👍🏻蒜泥配合清新嘅青瓜一齊食真係好夾，根本無得輸🤤海蜇雞絲混合咗紅蘿蔔絲、青瓜絲同埋芝麻粒。份量都好多，完全唔似餐前小食嘅份量🤤海蜇屬於粗身個種，食海蜇如果唔夠凍嘅話會變得好怪，呢碟就夠哂凍! 一送上枱就瞬間被消失咗😆是日例湯就係合掌瓜煲豬展。合掌瓜同豬展都唔錯，煲到好淋，飲完唔會頸渴，證明真係無落味精喎! 👍🏻開完胃就食燒味啦 🤤燒鵝皮脆肉嫩，超好食！配上冰梅醬一齊食簡直係錦上添花！食得出燒鵝唔係隔夜貨翻熱，仲要份量幾足，重點仲要係俾咗燒鵝脾我食呀! 勁開心!叉燒就肥瘦適中，肉質好軟好鬆化，仲要暖暖地，麥芽糖亦上得剛剛好，仲要有少少燶邊，有少少甘香味，真係好耐無食過

义燒軟稔，燒鵝皮脆肉香，油雞肉滑好食過好多自称燒鵝王叉燒王，仲見做埋派飯比老人家，值得支持。餐廳環境光猛，冇話好迫，見員工對老人家食客都好細心，笑容滿面，會再食。

相信應該有番咁上下功力先有夠膽響呢區開主力以燒味為主嘅食店, 今次我就試咗佢哋嘅•••叉燒燒腩仔飯•••叉燒帶甜唔會太肥夠淋, 燒腩仔有驚喜, 皮脆鬆化味道適中, 肉質細嫰👍🏻👍🏻👍🏻 相信會再幫襯試其他燒味

下午茶時間，剛好經過呢間新開張既燒味餐廳，見到冇乜人，便走入去試下，呢間裝修風格同茶餐廳差不多，感覺同附近2間人氣燒鵝餐廳完全不同。雖然有下午茶，但都是一般茶記的下午茶餐，公仔麵之類，唔係好啱食。結果我揀左碟雙併飯，叉燒併燒鴨，仲送例湯，今日例湯係青紅蘿蔔，例湯味道OK，冇乜味精。雙併飯份量頗多，叉燒好瘦，麻麻地!:燒鴨皮脆有肉汁，好味!加埋冰梅醬，味道一流:但可惜個飯一D汁都冇，要乾啃和加冰梅醬先可以食得完。