千賀水產の鮮鍋道場 (已結業)

千賀水產我認為這是一個非常正的另類火鍋🍲自助餐。因為不單有海鮮。還有火銅食物及熟食甜點，一個價錢多種享受，真是十分划算。整個餐是包了一些比較貴價的海鮮和肉類，另外就是任飲任食的飲品及火鍋食物及熟食。雖然他不能說是應有盡有，但是真的有太多太多。海鮮算是不錯，但我最欣賞是他的牛任食而且好好味，肉質好、牛味重、湯料夠味（芫荽皮蛋）。墨魚🦑滑、鮮蝦、蔬菜🥬、熟食：雞、牛、魚🐟等等等都非常新鮮美味。

之前上網搵到呢間餐廳，見到價錢唔貴，又有海鮮，刺身，仲有得打邊爐，一次過滿足哂3個願望。決定Lunch試試佢！佢有5個套餐畀你選擇，$198就會有齊哂3款，火鍋既湯底有好多選擇，其中波士頓龍蝦鍋太吸引，先黎左個"五品海鮮拼盤"，有蝦、鮑魚、扇貝、蜆同魚，放埋落個龍蝦湯度好正！仲有個"四品海鮮盛品"，有蝦同三文魚，全部都好新鮮。最surprise我既係外面自助區，除左有打邊爐既丸類同蔬菜類，飲品區，竟然仲有多款既冷盤區，而熱盤區仲有炒蜆，高質到encore左幾轉。火鍋材料除左自助區，menu仲有一系列既野食可以無限添加，$198食到咁多野，抵食！

朋友見到Yahoo團購, 千賀水產之鮮鍋道場晚市6小時火鍋放題$188, 表示有興趣😎通常位於酒店嘅餐廳, 總感覺質素有保證, 所以一行4️⃣人去左試下😆-🚶🏻‍♀️位置方便, 位於Times Square後面, 智選假日酒店3樓~~-💲價錢方面, 雖然已經比左$188, 但細則有寫要比附加費, 晚市加$88, 星期五/六/日/公眾假期及其前夕再加$30我係星期二晚去, 所以總共係$276 一個人💁🏻‍♀️-6️⃣小時放題由5:30pm開始計, 無論幾點入座, 總之last order 11:00pm📢👬👭👫一大班人食飯的話, 唔洗等齊人先入座或入座就開始計時, 可以坐住入去等, 未齊人開爐都可以食住熟食先👍🏻-🍣刺身盛合不過不失♨️湯底揀左泰式椰子雞湯底, 依個湯底一定要叫全鍋, 唔可以鴛鴦鍋, 個湯底十分普通, 亦睇唔出足料, 只係一個普通用黎涮野食嘅湯加左d 椰子蕃茄菇🙄🦐海鮮盛合有鮑魚、蜆、大蚌、扇貝、蝦等等, 全部都夠新鮮, 海鮮款式多, 搭夠返個不足嘅湯底😂🥩極上手切安格斯牛頸脊如果厚切返d會有咬口d好味d~~🤩最驚喜最特別係有蟲草花, 加分🙌🏻🥤飲品選擇多, 啤酒都係任飲, 我見有唔少

黎到銅鑼灣食咩好.......先選擇湯底......有好多款......揀了人參雞......有一頁是無限添食的......不過出面也有好多野食.....醬料多多....看到傻眼了......這麼多款式....好期待喔.....！野飲款式也多......還有雪糕雪條.......肉類黎啦.....有雪花....唔錯唔錯！！仲有海鮮盤送添....鮑魚好大隻！仲有刺身........！食物多羅羅..食到嘴舐舐好值得再嚟！食物質素高環境又舒服！

補祝母親節，今日一家四口去左間一直想試的千賀水產。空間幾大，菜式都多選擇，幾乎都系坐無虛席，未開始食都覺得應該幾正😋😋媽媽發版揀左滋潤的花膠雞湯底，呢度系行半自助餐形式，部分食物系大廳自取，部分就系menu上嗌就得。最值得一讚既系佢個海鮮拼盤，鮑魚，貴妃蚌，大蜆，大蝦，扇貝等異常豐富，其實加埋份令仔肥牛就已經飽左7成。前菜又有日式刺身，泰式生蝦，沙律，完全滿足曬味蕾的享受，中日泰西式食物一應俱全。仲要有埋媽媽中意的好多有穫氣的食物，蒸魚，炒蜆，燘西蘭花，一定會再幫襯，可能爸爸爸節來多次😂

係銅鑼灣食海鮮有好多選擇聽朋友介紹依間餐廳好高質今晚專程黎試一試佢係一個放題我選擇左養顏花膠雞湯好正係勁多足料花膠雞肉都好嫩而且湯底都好好飲感覺好滋潤 冇味精佢會先送五色刺身新鮮海鮮拼盤極上安格斯牛小排韓式珍寶餃子醬爆手打薑汁貢丸個海鮮拼盤不得了兩隻蝦上檯時仲好生猛腳仔仲不停咁郁另有大扇貝 鮑魚咁既價錢有咁高質海鮮係好正好抵佢出面仲有自助餐有沙律有壽司有熟食仲有薑蔥炒蟹好多選擇菜竟然有秋葵好少見打邊爐有得供應值得一讚個花膠湯食完海鮮可以有無限追加既火鍋料食飽出面仲有個甜品櫃我見到有榴槤雪條好開心食落好正好香濃鐘意durian朋友必食！

今天相約舊同事吃飯，就來了這兒暢所欲言。位置非常好，在銅鑼灣以大約三百元的價錢暢飲暢食，實在是超值，本也抱著極大的期望，但事實卻並非如此。地點方面餐廳位於銅鑼灣地鐵站附近，十分方便，且餐廳位於酒店內，更添貴格。環境方面十分闊落，也設有卡位，方便一班朋友聚會。食物方面食物包羅萬有，有熱食有寒食，你想吃什麼也可以，任飲任食，絕對沒有稀場。此店最出名應是海鮮拼盤，很快侍應就立即遞上新鮮的海鮮，如下：所有海鮮皆十分新鮮，有著濃濃的海鮮味。但除了海鮮外，所有熱食皆不值一提，名牌上所標示的跟食物名稱不相乎，且質素不佳，不吃也罷。餐牌方面有不同選擇給客人，圖文並茂，十分出色！

看到某雜誌介紹可以坐6小時， 亦因為朋友想搵個地方聚腳坐足一晚，姑且一試，態度友善嘅接綫生介紹可以買團購，仲會平少少的優惠， 都幾窩心！ 雖然只相差$20不過都係慳得就慳！好唔好彩，有早到取位的朋友因手上沒有印好的團購列印本，服務員要討論咗好耐先至俾佢地入場坐低，呢個服務真係唔夠彈性靈活，最後真係交唔到團購列印本，你咪收返我正價，無謂難為人客！所有食品都能源源不絕供應，缺點是環境實在好嘈如果要傾密計，不值得去！ 今期是泰國嘅主題喜歡的話，真是由五點幾可以坐到夜晚10點幾！

最近天氣轉涼，當然去打邊爐啦，在銅鑼灣放工後，經過見到這間餐廳。店材料非常新鮮，種類很多，不但有日本料理，還有很多熟食，海鮮，甜品，林林總總，我們都吃得津津有味。日本刺身種類很多，有帶子，三文魚，玉子，鮮蝦等等。三文魚脂肪紋分配平均，肉質鮮甜，值回價錢。還有海鮮煲，鮑魚，扇貝都有得食。和牛和羊肉方面，也不會太多脂肪，鬆軟的肉質，令人感覺很開胃。我們選了一個芫荽皮蛋湯底，一開始火鍋配料有不少，有粟米，蘿蔔，西芹，紅蘿蔔，令湯底味較為香甜。火鍋湯底可自由選擇，其他火煱食品都令人滿意，份量合理。

28/4一行三口人到CWB千賀晚餐，吃了大約2個半小時，回家後友人即痾，29/4早上又痾，29/4早上想嘔，跟著起身肚痾，回公司後痾了2次，女兒29/4亦有痾;我看了醫生說我腸胃炎，食物不潔。28/4晚打邊爐的海鮮不新鮮很多沙石，所有貝殼類灼熟後味道有的腥，灼蝦蝦身肉霉，皇帝菜很老要手撕老的根部份才吃，響鈴很韌，剌身不新鮮，只吃第一輪牛肉沒有再番落order，全場泰國只得一樣泰式鳳爪可以滿意，雪糕只牛奶公司,不是Deryer雪糕，乘坐酒店1~3樓電梯內很臭，不會再光顧！

新一年 屋企人想食好啲 所以我就提議想去千賀水產食火鍋放題食團年飯。去到餐廳先要揀湯底先:湯底都成14款選擇，我地揀左昆布干貝湯底 餐廳會預設咗 4 款食物海鮮盤 刺身盤 安格斯牛小排 韓式餃子醬爆薑汁貢丸 海鮮拼盤有海蝦帶子鮑魚等等 全部都好新鮮！！再黎刺身三文魚厚切鮮甜，鮑片好味，甜蝦都不錯食完指定食物我就再去食啲熱食，炒蜆，東風螺，蔥酒雞等等跟住就係火鍋料自助區 大家火銅料唔夠可以再加最後食埋甜品就好滿足喇！！！

想打邊爐但又唔太喜歡限時，因為想慢慢食慢慢傾，朋友就介紹左呢間，於是就試一試。呢度係可以由5:30食到11:30，無話只限食2小時咁，加上佢有少少buffet bar選擇，満足哂我呢啲又鍾意buffet又鍾意打邊爐嘅人。個海鮮拼盤係包埋的，d海鲜都好新鮮，超大隻帆立貝，仲有鮑魚、蜆、桂花蚌、蝦，樣樣都好新鮮！出面buffet bar有熱食、甜品、打邊爐嘅丸類、蔬菜，蔬菜類有d都幾特別，而且d菜唔會好多爛晒！$298加一，呢個價錢絶對抵，服務好好，收碟都收得快，同埋buffet出面會經常refill, 座位都坐得好舒服👍🏻👍🏻 不過如果大班人的話會坐得迫少少。

以$298呢個價錢可以食幾個小時，喺CWB來說係好抵。食物水準不錯及多元化，無論男女老幼都可以搵到自己想食嘅嘢。讚！一坐下來就有一份海洋platter 加一客牛肉和一些sashimi. 樣樣都好新鮮，尤其啲abalone 和貝類海產。另外仲有好多熟食例如蝦和chilly crab, satay等。蔬菜類亦超過十幾種可以揀，仲有各式丸和飲料任飲。甜點差啲，不過有雪條和雪糕和雪米糍，好啱小朋友。個湯底好多選擇, 不過個麻辣火鍋就唔得，胡椒豬肚就好得！好滿意的一頓飯！

今日相約家人到銅鑼灣晚饍，涼涼地最啱食吓火鍋，選擇了千賀水產日式火鍋放題。這晚顧客甚多，氣氛熱鬧。熱盤選擇不少，炸薯餅，炸魚皮，壽司，炒蜆，蒸魚，羊腩煲等，還有水果，甜品，飲品和雪條，任君選擇。刺身拚盤有三文魚、象拔蚌，吞拿魚…等，新鮮可口，火鍋拚盤也很豐富，鮑魚，蟶子，大蝦等等，新鮮清甜，肥牛鮮嫩肥美，食完可再添加，還有原包出前一丁和烏冬，好有家庭feel，用濃厚海鮮湯煮又係另一番風味。食完熱鍋又可以食吓雪條，最窩心是有紅豆雪條和牛奶雪條，重拾年輕時温馨感覺。

近來落雨又轉凉，又係食吓火鍋放題嘅時間，今晚行完時代廣場，就到附近智選假日酒店3樓嘅千賀水產食火鍋放題。侍應安排了長卡位，夠晒闊落。趁湯底未滚，先來些熟食，如煎釀茄子，青椒，味道唔错。刺身盤上擺設整齊，鲍魚切片刺身清甜煙韌，甜蝦都幾新鲜。火鍋也是盤上，有花甲，大装蟶子，連殼鲜鮑魚.，鲜蝦等，海鲜很新鮮，火鍋佳品。另有肥牛很肥美，稍灼數秘已經很嫩滑，肉汁豐富。脆炸魚皮稍浸湯數下都幾好味，既香脆又有湯嘅鮮味，不知不覺地吃了數碟。另有新鲜蔬菜，多款飲品和雪條，給食客多元化選擇。