半島漁港/阿翁火鍋館

營業中

休息中

今日與朋友在荃灣千色匯的📍半島漁港吃晚飯。💢揀了今期特價三選一的一蚊四份一隻燒鵝，燒鵝味道和賣相都保持著一貫水準，熱辣辣下面用小蠟燭點著來保温，夠窩心。👍💢胡椒豬肚雞煲，滿滿的一煲絕無欺場，豬肚分量足夠多；相對顯得雞塊就較少一些。胡椒湯味夠濃且非常熱，連帶作為配料的枝竹都夠入味。😋💢鮮蝦荷葉飯亦是份量十足，內裏的蝦、肉粒等很豐富，飯底夠腍又不會太爛感覺，而且帶有淡淡的荷葉清香。😊🔷️因為近期有特價菜式做推廣，所以今餐變得十分之經濟抵食。🤗

同事一早訂了枱，今日同同事一齊去半島食圍菜。病了7:00 ，但我5:30到茶樓，職員一早已經預備了枱給我們，服務態度比想像中好。今日的菜式是精彩飲宴的菜式，細乳豬是脆皮，龍蝦伊麵，伊麵十足，個個都食到一大碗。但龍蝦是波士頓龍蝦，沒有肉食。而其他菜式都有水準，值得一試。整體來說三千多數的圍菜來的為說是性價比高。

📍半島漁港/阿翁火鍋館 (荃灣)荃灣眾安街68號荃灣千色匯I期6樓今日又黎荃灣搵食👀試左呢間酒樓，雖然入到去望落都幾大，不過見d枱擺得都幾埋😂⋯⋯如分開小小就方便傾計d😆叫左排骨飯、海皇餃、牛雜、釀魚肚，豬腳薑等等等既點心，不過不失，牛雜有勁多豬肺，中意食既朋友可以點😋但個釀魚肚我就覺得太鹹，可以改善一下🫶🏻

♾️時任食火鍋，18:00 上到去都好多人入座，包盧森堡啤酒。先選豬骨鍋或雞鍋，然後職員會送上每人一份蠔蝗鮑魚扣玉掌或雞蓉燴燕窩，接著就送上一份刺身拼盆、一碟極級牛頸脊、每人一粒水餃皇及一份6-8款海鮮拼盆，今日有海蝦、元貝、龍躉片、螺、龍蝦及蟶子，以上不切添食。其餘也是一般火鍋材料，位位$328+10%，生日優惠：- 三至四位惠顧（一位生日者）生日者可獲半價優惠；- 五位或以上惠顧（一位生日者）生日者可獲免費優惠；- 五位或以上惠顧（多於一位生日者)，生日者可獲半價優惠。

服務態度差，荃湾分店食品及整潔！比不上烏溪沙分店好多，令人失望，座位擺枱太迫，给人壓迫感很重！外出櫃抬派票的侍应及部長太霸惡，喜欢和客爭論，不贏不罷休，不顧道理及事实！！！

話說 婆婆生日黎尼間野食飯早幾日就卜左兩圍枱 留埋壽包然後 我地食到大概9:15-9:30左右 同佢講個壽包可以起埋我地等左半個幾鐘 之後個m字額 剷哂青既灰色格仔西裝男人（應該係經理）走過黎同我地講 ‘壽包賣哂’！我地同佢講 我地留枱既時候 講左留壽包嫁喎！然後 佢居然同我地講 ’無哂都無辦法嫁！ 下次先黎食啦！’然後我地想繼續問佢野既時候 佢勁快咁走左去！咩料？我想知 壽包點樣下次食？？然後！你無既話 就應該即刻講啦 我地仲要呆坐左半個幾鐘 先黎同我地講‘無’！野又唔係好食 勁咸 勁油 唔夠熱！出錯左連道歉都無 仲要講句咁無常識既說話！垃圾酒樓！！

2月1日光顧了下午茶,當時已經見成班女待應同D熟客好似玩咁, 但沒諗過可以見證住以下咁離譜既經過.3:40pm左右有一名著西裝既女待應(可能係大家姐) 係114台前用粗口大叫" 叫144唔好X食, 係到慢慢畫畫畫. 收晒工邊個整俾佢食? 收銀都收晒啦, 叫佢飲杯茶就走." 其實114同144只相隔2張4人枱, 佢完全係勁大聲.直到144個枱客人交點心紙俾另一個待應.個待應姐姐有想幫客人嘗試落單,  她再上前話個枱客:  “幫唔到你,叫你快D啦,宜家無人整俾你食,你飲杯茶就走.”  其實落場趕收工無問題. 但係咪應該態度好d??? 對熟客嬉皮笑臉, 但對其他客可以咁無禮貌仲可以當眾咁罵客?? 大聲到附近既食客都望住當事既個枱客?如果真係要趕落場, 門口知客係咪應該唔好再接? 或是再禮貌小小同個客講再唔落單無得食了,  而唔係咁樣去罵個客囉.  本來想向佢地寫字樓投訴, 但係佢地個網填電話個到唔知係咪有bug, 點填都話出錯囉. 其實呢間間中都有黎, 但經過呢次之後, 真係唔會再去, 廢事要俾錢受氣.

年二九同🤴🏻+佢一班同事共11人一齊食飯，部長大力推薦食 ‘新春團年宴 ‘ 仲主動減 $500☺️☺️，我哋睇過都ok就接受咗😁😁～～～鴻運乳豬全體～～～乳豬偏細隻，冇乜肉，脆皮唔夠脆😀😀～～～芝士焗大花蝦伊麵～～～多汁味濃，花蝦大隻蝦味一般😃😃～～～翡翠珊瑚日本元貝～～～元貝大大粒好香元貝味，其他食材都好新鮮😄😄～～～百花炸釀蟹鉗～～～正常蟹鉗，雞蛋咁大粒😁😁～～～紅燒花膠海皇翅～～～花膠切片份量都幾多，但翅就搵唔到一條😅😅味道ok😗😗～～～清蒸大海金尾斑～～～都幾大條，魚肉有彈性唔會過老😙😙～～～發財好市扣八頭鮑魚～～～鮑魚有彈性，芡汁濃味😊😊～～～至尊脆皮燒鵝皇～～～一睇顏色好靚，可惜冇咩肉之餘肉質好硬😞😞～～～臘味糯米飯～～～非常夠味，味道可口，糯米飯軟硬適中😘😘～～～紅棗糕～～～有少少薑味嘅紅棗糕，勝在唔太甜味🙂🙂之後我碌卡各人夾返現金比我，有位女侍應見我跌咗張$20就提我：跌咗$20係咪俾我做貼士㗎。😑😑我講咗唔該就冇理佢，佢等左陣見我冇反應再講左句：$20都唔俾，就走左啦！😡😡之後再問佢野都黑口黑面👩🏿‍🦱，乜而家啲侍應興直接問人攞貼㗎咩？🥶🥶

好抵食的，整體係好味的，但首先要唔怕污糟….星期一至四晚市火鍋$298任食仲每位送刺身海鮮鮑魚。海鮮有龍蝦、海蝦、帶子，都新鮮。送一大碟牛頸脊，水餃皇，都好好味。啲櫈痴立立的，開始食無耐就有曱甴仔喺枱爬出黎，諗住咁細隻自己㩒死佢就算，點知又有，前後有成6隻，我地㩒死咗4隻，有兩隻爬走咗。啲唐生菜每塊之間有好多泥，有隻細蟲仔，無乜洗過咁….好味還好味，就算幾抵食，但太污糟，應該唔會再黎幫襯，無下次了。差差差

今日天氣轉冷，一行八人去到荃灣千色匯一期6樓半島漁港的阿翁火鍋館打邊爐，因為今天是星期日又加上天氣轉冷，所以來到已見到人頭湧湧，幸好來得尚早能夠坐得一個近窗邊的較佳位置。這裏的火鍋是任食的，而且亦不限時。首先有三個鍋可以選擇，分別是羊腩鍋和豬骨鍋，而雞鍋還可以無限加添。我們揀了羊腩和豬骨鍋，食材分量足和新鮮而且醬汁味道還不錯。跟著環球海鮮盤上枱時，真的可用壯觀來形容。 一大盤插在冰上的海鮮：海蝦、元貝、花膠、龍躉片、藍青口、 魷魚、鱔片、龍蝦尾每樣都有三件。 另外還有一個刺身拼盤：有三文魚、日本魷魚、帶子、北寄貝等。因為我們有八人所以有兩份特級牛頸脊肉，肉質新鮮。另有水餃皇、鮑魚、和鵝掌各人都有一隻，還有雞茸燴燕窩亦每人一碗。至於其他火鍋的食材亦很多，例如海產類、肉類、餃子類和蔬菜類等就是無限量供應 ，而且啤酒汽水亦是任飲；不過種類就不是很多。總括今次的火鍋經驗：真是可以用吃到捧著肚子走來形容，因為不只分量足，而且食材都很新鮮，吃來味道不錯。食物種類繁多更重要的是沒有限時，可以讓我們盡情的大吃一頓，下次吃火煱一定會再來這裏光顧。

食咗個鮮蝦腐皮卷，炸兩下微波爐訂熱，外皮唔脆，簡直猶如食臘。椒鹽魷魚須，完全咬唔斷，牙唔好嘅唔建議食。旋風金沙包，甜到食唔到。唯一唔錯嘅，馬拉糕幾松下，都幾好。姜蔥牛百葉，又系咬唔斷，蘿卜唔刨皮，全部都系筋。叉燒酥都幾正常嘅，可能我係星期日過來食，太過忙？所以啲野失咗水準？再講下服務，兩張單一齊俾果個女服務員，盡系有一個落咗單，另外一個等咗半個鐘出聲先有！再講一次可能系星期日，但系我唔會再有下次。

話說屋企人早幾日帶我去食任食火鍋，星期一至四晚每位$298，20:30後入座仲有8折優惠！抱住不懷期待的心去試，估唔到又有驚喜喎⸜(*ˊᗜˋ*)⸝♡ᐝ/任食套餐每枱有指定菜式一份，共有五款：(1)海鮮盆龍蝦：份量比想像中多，啖啖肉之餘彈牙而且都有甜味，估唔到喎！蟶子：爽甜彈牙，唔怕有沙龍躉肉：啖啖肉又彈牙熟帶子、鮮蝦：兩者都有甜味，爽甜👍🏻田螺：我不吃/(2)蠔皇鮑魚、炆鴨掌鮑魚：非常軟腍入味，廢胃的我食完都唔怕胃痛，又唔洗慢慢細嚼鴨掌：我不吃，不過聽聞軟腍度一半半/(3)牛頸脊肉質相當腍滑，亦都有牛味，唔錯唔錯！可惜每枱只有一份免費，再叫要加錢/(4)刺身拼盆有：三文魚、帶子、北寄貝和赤貝，質素正常，和普通放題差不多/(5)至尊水餃王鮮蝦水餃爆大粒，皮薄又滑，蝦肉滿滿又爽，美中不足高鈉左少少../其他任食的火鍋料都比得好闊綽，絕對唔係比細細碟對番人頭就算！我最鍾意食既白鱔片和鯇魚片一碟都有成十塊八塊，彈牙有魚味，係鱔片稍有泥味，不過愛吃魚的我可接受！墨魚滑、蝦滑都彈牙同好好食😋豬潤、鵝腸都沖洗乾淨；老公話魚腐同午餐肉都唔錯👌🏻/當然，質素同精緻火鍋冇得比，我食既都係好清既芫茜皮蛋湯！

同班friend一起食呢間中餐館，首先講下菜式，一般既中菜茶樓都有，例如烤鴨，炒飯，粥粉面飯基本都會有。環境算一般，但如果係靠窗邊既位置有風景食得都會開心D，臺與臺之間距離比較近，睇落去冇乜問題，衛生唔係幾好，好油。海鮮會按人頭數比相應數量（每人一隻），份量睇落唔算少，每個人每樣海鮮都可以食到，推薦帶子龍蝦同青口，味道OK。湯底冇乜特別，得鹹味，落左味精同鹽既味道，好普通。鮑魚好大隻，味道中規中矩，但係可以試下。而雞煲份量都算多，但唔夠入味，得表面有味道，不過有落香菜調味係咁上下。總體黎講其實就普通茶樓feel。

星期日就是母親節, 今晚提早同媽媽慶祝食飯, 我們家從不喜歡正日慶祝, 一來酒家會設計了套餐、二來太多人上菜不夠熱, 大家認同嗎😜今晚點了燒鵝雙拼選擇了叉燒, 這間酒家燒味水準高, 絕對是必食推介, 叉燒肥瘦適中, 有明火炭燒香氣, 蜜汁味濃, 可以配上幾碗白飯, 燒鵝皮脆肉嫩、啖啖油香, 酸梅醬有梅的香氣、甜酸適中蒜蓉粉絲蒸元貝新鮮熱辣, 蒜蓉味重、元貝蒸得剛剛好, 粉絲十分入味野生大花蝦乾煎魚露大蝦, 啖啖肉、略嫌味道較淡、魚露味不夠出西蘭花炒帶子西蘭花炒得爽口, 帶子大大粒, 份量很多, 鮮甜彈牙, 必點小菜推介鮑汁竹笙山水豆腐豆腐先炸再用鮑汁炆腍, 又香又入味, 每口都有濃濃醬汁, 很適合拌白飯的一道菜色飲品可樂 + 啤酒糖水酒家送的甜品, 紅豆沙正常水準服務不錯, 全部新鮮熱辣、上菜快又主動換碟, 坐位寬躺舒適這間酒家除了晚市小菜外, 還有無限時任食火鍋

今天外出辦事，又到12點午飯時間，所以就近近地到千色的半島漁港吃。可能已經到了午市時間，所以都要等了廿多分鐘。進入後見半島漁港裝修和之前一樣，保持光猛整潔，但疫情關係所以擺枱距離更加狹窄了點！因為今天一個人吃所以點只點了一個套餐就算，海蜇拼雞肉和一個海皇炒米粉。先上的海蜇拼雞肉雖然是冷盤，雞肉的口感和肉味一般，欠缺了入口實肉的感覺;另外海蜇皮就覺得更加霖了一些，不像平時吃的有那種爽口彈牙的感覺，可能是冷藏放得過久了。到海皇炒米粉上枱，返倒有些驚喜，先見到有大蝦、魷魚、蚌片， 全部入口都覺得爽口和彈牙，都各有著該有的鮮味。再配上洋蔥絲、芽菜絲、黄黄的蛋絲來炒，紅紅的辣椒來配搭，令色澤和外觀賣相當吸引。而且米粉炒得十分乾身，不會有那種滿嘴油油的感覺，而且每條米粉都有咬口，但個人覺得米粉如果用較粗的那種來炒，相對會有更好的咬口感。因為今天叫的是套餐，因此價錢相對經濟;餐的分量也就不多，一個人吃就剛剛好，總的來說今餐算是不錯的選擇。