南亞餐廳1964 (已結業)

如此這般有悠久歷史的1964南亚餐廳👏，位於尖沙嘴的亚士厘道29一39號九龍中心A舖，此為旺中帶靜的位置，內街還有許多食肆，可供遊人選擇的呵！此餐廳，以星加坡及東南亞菜式為主打！👏👍👏由餐廳內的圖片中可看到，昔日，紅遍東南亞的台灣歌手一一鄧小姐及曾是東方之珠的名人一一陳方安生也曾光顧過的餐廳，👏😜羅宋湯及忌廉湯前湯是酸甜美味的，稍微清淡可又可口的！後湯是有濃濃的忌廉湯味道，玉米粒超多的！👏小食拼盤內有蝦春卷、咖哩角、蝦餅同德國腸，配咖哩汁同泰國酸辣醬，炸物都是香脆可口的呀！👏😁👍沙嗲牛串及雞串同是燒得極滑嫩滑嫩的，燒烤得也不咋上火的呀！😜配上幾块清甜兼爽口青瓜及番茄，更為好開胃呀！😁👍👍海南雞腿嗽沙特是雞肉嫩嫩夠滑，混粘上喇沙汁，惹味非常的！牛尾煲配蒜包看那份量極之大大份的牛尾褒，味道同是👏👍😁伴上洋蔥及些少辣椒的，不辣的同時，給我是那樣地有美的享受，真為恰到好處啊！👍😁👏馬拉盞通菜青翠鮮綠的通菜，炒得脆脆的，太好太棒了👍👍👍附送的蒜蓉包極為香脆可口的蒜蓉包，真的無得頂，👍👍👍Gado Gado牙露牙露配上此喇沙汁，不像西式的沙律那樣，牙露是熟的蔬菜岀品，同是別有風味的呀！👍

而家南亞餐廳開左係尖沙咀，今晚想食下懷舊野就近近地黎開餐！係門口就見到好多年前餐廳舊址創辦GE相，轉眼就數十年歷史，咁多年來都儲左唔少熟客仔捧場。餐廳座位好闊落，仲有室外BAR位可以傾計飲下野，而入到去裡面裝修都幾有情調舊式餐廳必備的暖笠笠鬆軟餐包配餐湯，加D香滑牛油更滋味羅宋湯 + 軟熟甜餐包同樣絕配前菜嗌左個小食拼盤，咩都有D可以試下個蝦餅好好食，炸到色澤金黃，外層香脆到不得了！蝦餅十分爽口彈牙食到咁上下當然就要嗌杯啤酒盡興一回！揀左Orion啤酒，飲落冰涼暢快果然係招牌燒春雞，烤色平均，完美GE色澤令人食指大動！燒春雞皮脆肉嫩，外皮酥脆無比，雞肉柔嫩腴美又多汁，非常好食叫左個PARATHA 薄餅配咖哩汁，個汁有濃郁椰奶香，柔軟酥香GE薄餅配沾咖哩汁食很是惹味最後叫左個星州炒米，因為朋友唔太食辣，廚師好好人幫我地調低辣度，食落依然滋味星州炒米炒得好乾身爽彈，口感一流，而且好足料！

南亞餐廳1964星期五放咗工梗係要約下朋友食飯，今日咁啱響尖沙咀附近收工，朋友又突然好想食東南亞野食，好啦就試下哩間！餐廳前段有半露天既座位，夏天約班朋友飲野chill下真係啱晒，不過今日凍凍地都係坐返入面算啦，哈哈。首先上枱既係友人最愛炸野，有即叫即炸既咖喱角同薯仔角，熱辣辣又卜卜脆，真係好吸引。連我平時唔係好食炸野，都覺得依兩樣唔錯。餐廳仲提供咖哩汁同甜酸醬比客人自己揀，夠晒周到。雖然我地淨係嗌左半份海南雞，但你都唔好睇少佢個分量，真係好足料架。本來都驚出街食雞會比冰鮮雞我地，點知食落口雞脾肉質非常滑，加上餐廳秘製嘅汁，真係完美既配搭。不得不提既係哩個咖哩牛腩，醬汁香濃之餘肉都煮得好軟熟，果種香味和口感實在令人食指大動。哩道咖哩牛腩以椰汁作為佐料，減低左咖哩既辣味，好適合唔食辣既朋友架。最後當然唔少得甜品啦！雪糕有士多啤梨、椰子、朱古力、芒果等等比我地揀，我就揀左椰子雪糕。入面紅豆分量唔少，配埋椰子味同雪糕，真係好有細個果陣既回憶。

  1964開業南亞餐廳，五十年歲月裹，經過搬遷重開不是容易的事，地點變了、形象變了，但食物味道堅不變。䇄立半世紀『南亞餐廳1964 』，全靠『堅持』餐廳才能延續  餐廳裝修摩登東南亞風味，門外甚有東南亞風味露台設計開掦舒適  簿餅配咖哩汁咖哩汁用新鮮椰汁令咖哩汁更香，簿餅配上香濃黃咖哩汁，非常配合  小食拼盤拼盤有炸蝦餅、咖哩角、炸春卷和德國腸。特別喜歡咖哩角點咖哩醬，充滿咖哩香味  馬拉盞椰菜蝦醬味濃郁，這馬拉盞炒得十分惹味  招牌燒春雞 春雞外脆內嫩多汁香口，烤得雞胸都嫩滑，而且脂肪少，味道不錯 廣島蠔喇沙喇沙湯味道濃郁，椰香味重，十分惹味! 配上廣島蠔竟味道鮮甜，水準極高青檸梳打.Menu

同老豆去了尖沙咀的南亞餐廳食飯，這間餐廳老豆由細細個已經幫襯，由尖沙咀搬了過港島，之後又搬返過尼，廚房的老師傅至今亦是長駐餐廳，所以食物質素多年不變，仍然保持當年的水準。餐廳地方闊落，適合一大班人聚會。餐湯是忌廉湯，稀杰程度適中，有些粟米及火腿粒，另外配埋餐包。我們叫了半打沙嗲雞及沙嗲牛，串燒有濃郁的香料味，雞肉比牛肉嫩腍，但牛肉都不差，不會過鞋，加上沙爹醬，有淡淡的椰香及花生香味。之後再叫了個咖喱牛尾煲配蒜蓉包，蒜蓉包超級香，烘得很鬆脆，牛尾煲的咖喱是用新鮮椰汁煮成，所以椰香十足，但又唔會太甜，點蒜蓉包超夾。最後食埋個馬拉盞炒通菜，平時在外面食馬拉盞通常都係咸到入唔到口，這裏的馬拉盞咸味適中，而且不會太油膩，合乎現代人健康指標。最後飲埋杯熱檸茶消下滯，非常滿足的一餐。

朋友帶了我去這間歷史悠久的南亞餐廳，此餐廳始於1964年，餐廳的餐碟都印有該年份，這裏見證了香港的歷史變遷。我們二人點了一個沙律，二個小食及一個主菜，另外可以轉餐，每位加$30，送埋餐湯，餐包及飲品。羅宋湯味道濃郁，有很香的牛尾味道。配上帶暖的餐包。牙露牙露很特別的名稱，其實就是沙律，有些椰菜、紅蘿蔔、芽菜、蝦球及雞蛋等，再加上椰香喇沙汁，所以帶有甜味，非常清新。泰式炸魚餅魚餅新鮮炸起，上枱時還冒煙，魚餅煙韌有咬口，中間有些香料及豆角粒混合在內，香口又有香料香味。香草烤乳豬乳豬份量十足，足二至三人用，乳豬外皮燒得略嫌未夠脆口，但亦充滿肉汁。喇沙汁藍青口配法包藍青口鮮甜肉嫩，但重點卻是喇沙汁，濃郁的味道，用來點法包簡直一流。食物質素中上，而且價錢合理，歷史小店，買少見少，值得支持。

要應付一整天的任務，活動的地區在尖沙咀，趁在未會合之前先吃個早餐。小人沒吃普通的麵包，改為奶醬多。麵包烘得非常的乾，雖則有奶醬的滋潤，仍是彌補不了多少水份，這個時候如果牛奶和果醬多些就好了。吉列魚柳炸得香脆，魚有魚味，調味也對味，惟亦是很乾。另一邊廂的碎蛋卻沒有落味似的，小人唯有把碎蛋混進他他醬，竟然增加醬汁的口感狀態，與魚塊共食，有更豐厚的層次，更為實在。素知這家餐廳是吃星馬菜的，但未知是否早餐的關係，這份早餐跟一般港式茶記的相差不大，只覺得價錢更高。

香滑奶茶 $$25應該係我飲過最好嘅奶茶因為我嘅奶味超級香同埋個茶味都好特別而且咁落去唔會因為多咗冰以覺得淡而且有獨特嘅南亞而且有獨特嘅南亞風味羅宋湯 $20有少少辣辣地但係湯麵都幾足料同埋有好多菜同埋紅蘿蔔同埋味道好龍好好味 一早就焗熱左嘅餐包就唔會食落去覺得凍牛沙嗲半打（98）佢嘅醬汁係自己條仔會比較杰身同埋多肉碎所以咬落去就增加左個口感藍青口配法包 （$65）同頭先個串燒同一個醬汁配埋個廳後就覺得更加特別嘢味同埋青口都好大粒呢個係我最鍾意食嘅90後焗豬扒飯 （$85）因為特別之處個豬扒係吉列豬扒以前我哋都係會食嗰啲焗左嘅豬扒以前我哋都係會食嗰啲焗左嘅豬扒但呢一個飯豬扒同埋飯係分開製作製作所以會食得出飯嘅特色豬排都脆嘅特色同埋豬扒都係好大片同好厚再加上有濃濃嘅蕃茄醬汁味食幾次都唔會覺得厭你有南亞餐廳必食嘅就係海南雞飯半隻（＄180）我都未食過咁大碟海南雞飯平時最多用一碗仔裝唔係唔會有咁多配料今次就可以食到滿足為止今次就可以食都滿足為止同埋海南雞嘅雞真係好滑身好香同埋所加嘅油飯都整得好好味最後最叫左個清清地嘅馬拉盞炒椰菜 $35相對比上面嘅餸到比較淡

尖沙咀多野就大家都知 ，同朋友行到攰攰地 ，想搵個好啲地方落腳， 友人話好介紹呢間餐廳，就揀左呢到食飯。 入面仲好靚，好有情調，比個舒服既環境比我，其實現場比相更暗 好relax同可以暢左欲言 呢到既包仲烘到暖暖熱熱先拎出黎，好貼心 我地叫左個三串雞牛配沙嗲汁 烤得岩岩好夠晒香 而且唔會太燶同硬 仲啖啖肉食 肉汁夠晒fresh 我仲搶左fd嗰啲黎食 哈哈 美食又點少得配美酒 我叫左杯white wine黎飲 味道甜美配上烤肉一流 藍青口配法包 呢有少少辣但唔算太強烈 青口唔會腥 仲有好有鮮味同唔會有沙 佢既汁要配面包一齊食 青口既鮮味加埋辣味岩岩好用黎開胃 咖喱牛尾煲 佢既牛好夠料 而且肉汁好鮮 辣度都適中 咖喱味好香 而且啲牛都足料好大舊好抵食 呢到到海南雞飯好出名 啲雞又嫩又滑 仲可以揀配油飯或者白飯食 個人就覺得油飯好啲 呢個海南雞真係必嗌 紅豆冰雪糕都足料 甜品都一啲唔馬虎 啖啖甜滋滋既紅豆 最後以紅豆冰雪糕作為今次吹水台既點綴 為我地行程畫上句點

食新年飯，4人一枱過個星馬年！環境好配合新年，紅色調。音樂好輕鬆，暗暗燈火幾舒服，有懷舊玫瑰歌。飲個微辣羅宋湯同忌廉湯暖下胃先，有d返風。依度既湯好多真材實湯料。微辣羅宋湯係有小辣椒在內，足味過有d西餐店，有兩大塊蕃茄肉，好味開胃。忌廉湯多肉粟米，點餐包是一流過羅宋湯，餐包又軟又有微奶味。小食拼盤內有蝦春卷、咖哩角、蝦餅同德國腸，配咖哩汁同泰國酸辣醬。春卷點酸辣醬就開胃同脆口d，食到蔬菜味。春卷點咖哩汁就添香濃有椰汁味既咖哩，重味d同脆感少d。咖哩角唔點都好味，保留自我味。蝦餅小小一口過，酸辣汁is a must，鬆軟。Gado gado牙露配喇沙汁首先我要講我好鐘意食喇沙，所以有兩道菜係呀。牙露沙律有4大件蝦片，先嚟食下脆脆先，卡卡聲，彩色過節。沙律蛋凍似果凍，都應該有兩隻度。荳牙 椰菜 紅蘿蔔同白蘿蔔。紅蘿蔔淡甜，白蘿蔔就爽甜。椰菜混在喇沙汁，包圍得好好，少少辣帶微甜。仲有處理好蝦腸既蝦，微彈咋，可能掛左好多喇沙汁同凍影響左。沙嗲牛串同雞串沙嗲好甜好正，牛肉串好蘇軟，唔係好熱辣既感覺。雞肉就嫩滑多d，始終白肉比較嫩，有少少肥肉。海南雞腿嗽沙非常好味，勁多湯汁。湯汁辣口，但好野味，飲

今晚老友聚餐，約到尖沙咀食東南亞菜。L5直行到尾就係，幾方便。餐湯羅宋湯同周打魚蜆湯，紅湯味濃料足，小小辣。白湯稍微淡味些，唔太creamy。餐包脆脆地，好鬆軟。成班都係咖喱肉串迷，梗走唔甩啦。咖喱醬唔辣，但係好香呢，肉質都好軟熟，完全唔鞋。我老友喜歡叫雞，哈哈~叫左半隻海南雞配薑黃飯。雞件都幾滑，點埋姜蓉醬幾好食，但係個飯可以再軟熟D就好啦~個飯略顯乾身~再來份熱辣辣炒貴刁先，好多蝦球，同肉粒。不過有些鹹~還有個熱辣辣廣島蠔喇沙，米粉底索曬個湯汁味，蠔夠新鮮，都OK肥美。最後加個，馬拉盞炒菜。好強勁魚露味，唔喜歡魚露既朋友仔就唔好考慮下啦~最後加左兩個雪糕紅豆冰，椰子味稍微淡口，唔夠椰香。但係個士多啤里又幾好食，啦。凍天食雪糕冰都幾冷下~

難得今晚姐妹齊人，今晚到尖沙咀南亞1964食喜歡既東南亞菜式。一開始飲下熱湯先，我地叫食羅宋湯，味濃料足，但係稍微鹹左小小。不過配埋餐包點來食又中和到。呢度咖喱好食呀，我地叫左咖喱肉串同薄餅。肉質鬆軟，唔會乾身，點埋咖喱醬。唔錯唔錯…再有熱辣辣喇沙，勁多蠔呢，大大粒又夠鮮味。同喇沙湯底好夾~不過湯底都係稍微偏鹹左小小。來到海南雞喇，半隻一大碟，肉質夠曬滑，不過可能天氣問題，稍微凍左少許。配埋碟醃酸蘿蔔乾青瓜比你咬下，幾過癮。還有個熱辣辣炒貴刁~馬拉盞炒菜。不過個炒菜實在太濃魚露味，我地唔係好喜歡。無點食到~至於嘢飲方面，個fruit punch賣相好靚，但係好藥水味~唔多好！整體來講都okay，坐位舒適，侍應姐姐招呼甚周到，好有禮貌呢。

這陣子很想吃星馬菜，亦試過港島三間星馬餐廳，質素只屬一般，仍未感滿足我滿足我胃口。突然想起，為什麼我不去尖沙咀有名的南亞餐廳1964呢！？餐廳原來已經新裝修，室外通爽開揚，但天氣凍我還是坐室內吧～點了《羅宋湯 $40》和《周打魚湯 $45》兩款湯，本身沒有期望，但反而換來驚喜！羅宋湯味帶小辣開胃，周打魚湯香濃，兩碗的湯都用料十足。湯已經不錯，普通的餐包亦夠誠意。焗至微熱，新鮮軟熟，塗上牛油更香。《薄餅配咖喱汁 $45》薄餅酥脆，咖喱汁好重椰汁味，好對胃口，而且夠濃稠，薄餅蘸得輕易，入口味道更佳。《海南雞 半隻$180 （一隻$360）》海南雞十分嫩滑，鮮感十足，再配酸菜青瓜、薑蓉和酸辣汁，令有提味作用而且醒胃。吃海南雞怎少得《油飯 $22》。油飯有咬口，陣陣雞油香。《雞沙爹、牛肉 (半打) $80》燒得火喉適中，調味不錯，又不失本身的肉味。沙爹醬花生味香濃實在惹味，跟串燒是絕配！《廣島蠔喇沙 $128》"喇沙x廣島蠔"很新鮮的配搭。喇沙湯底香濃，微度剛好，麵很掛湯，入口一流；廣島蠔很肥美鮮甜，中和喇沙的濃味。《秘製貴刁 $75》點了小辣。炒得很有鑊氣，河粉完全沒有黏成一起，片片分明，

對上一次來已經是十多年前的事，那時候是因為看了由金城武和梁詠琪主演的《心動》，男主角把介指掉進玻璃杯向女主角求婚那幕仍然深刻。畢竟事隔多年，餐廳都翻新了，外邊多了一個開放式的高枱用餐，多了一份現代感；而室內需翻新過但就仍然保持了那份舊有情懷，心動依然。天氣冷，一坐下先點杯《熱檸檬茶 $22》暖暖手，再等朋友到齊。人齊後即點菜：《羅宋湯 $40》足料而且有牛香，湯中的牛肉十分軟腍，味道帶微辣很開胃。《周打魚湯 $45》湯夠濃稠，而且湯料足，有不少周打魚肉碎和洋蔥碎，入味且有口感。湯配有餐包，餐包有熱度，外微脆內鬆軟。微溫令牛油溶化，倍感美味。《薄餅配咖喱汁 $45》薄餅十分香口酥脆，放涼了仍然能保持脆口。咖喱汁椰香味濃，質感夠杰令薄餅十分掛汁，酥香配椰辣，讚！《海南雞 半隻$180 （一隻$360）》隨海南雞附上有香蔥薑蓉及酸辣醬汁，另上有酸菜青瓜一碟。海南雞外層有油光，眼看已經十分吸引。雞肉亦十分嫩滑，蘸上薑蓉及酸辣醬很提味而又不失雞肉香。酸菜青瓜很開胃，有減膩感之用。《油飯 $22》雞油飯是海南雞的絕配。雞油飯香口粒粒分明，但天氣凍還是要襯熱吃，否則會乾身。《雞沙爹、牛沙爹 (半打

南亞餐廳1964今日同朋友一齊去尖沙咀，亞士厘道有好多特色餐廳，我哋首先放工就去咗happy hour，跟住朋友提議食星馬菜，因為朋友想食海南雞飯呢。，一般星馬餐廳一定有呢道菜呢。餐廳門口嘅半露天地方都好吸引，好適合飲嘢，可惜我哋已經happy hour。星洲炒米的質素比起一般茶餐廳較佳，用料豐富，有size都幾大既鮮蝦仁，而且已經去掉蝦腸，味道惹味！咖喱角即叫即炸，上枱時熱辣辣，用叉一吉落去既時候，外皮即刻裂開同彈出黎，入面係充滿豬咖喱薯蓉嘅餡料，在點上熱辣辣嘅咖哩汁，超好味！半隻嘅海南雞，分量真係大得誇張，嫩滑的雞肉蘸些特製的辣椒醬拌著吃，真係好好味啊。古法係用冰水浸雞法，令皮滑肉嫩。不過而家已經好少餐廳會用呢個方法啦。另一個重點係個油飯，每一粒飯粒粒發光，非常吸引。傳統係用雞湯泡製的，不過一般嘅餐廳售賣的海南雞飯，只是油鹽飯而已，毫無雞味可言，如果可以係屋企自己做，就一定落足材料。話雖如此，呢度嘅油飯都算唔錯。