南亞餐廳1964 (已結業)

晚市早段, 人流未算多, 不用等位便能入座, 初次光顧, 沒有期望, 竟不錯餐的沙嗲串, 很難得不太乾身, 夠味, 沙嗲汁亦美味海南雞飯, 賣相OK, 雞滑不過偏淡味, 有改善空間, 油飯很好, 湯更是十分之驚喜地又清甜又美味炒貴刁都很夠鑊氣, 又香又大碟, 足料泡製, 意想不到甜品 Baked Alsaka, 可選兩款雪糕, 埋藏在一厚層類似雪芳蛋糕裡面, 外層有忌廉, 上枱時加冧西點火, 味道整體不錯服務都可以, 環境是不差的, 唯一是與外面不能完全分隔, 跟室外溫度無分別, 熱死人

呢啲熱辣辣的天氣，一坐低叫左杯野飲先，朋友就堅持傳統，飲港式凍檸茶，而我就會飲椰汁冰，甜甜地，又冰冰凍，而且椰汁都幾奶滑，加左碎冰都唔會變得水溜溜叫咗個芝麻雞沙律，沙律菜幾爽，芝麻醬好配，不過雞肉嫩啲會好點。本來想試吓佢個海南雞，不過朋友見到呢度有牛扒，就話要据下扒先開心！估唔到呢度啲牛扒又幾好味喎，咬落幾有口感幾有牛味，仲有啲薯條做伴菜。最正就係個黑椒汁，好濃郁又香甜，當然都要有夠晒強勁嘅黑椒味。試吓個馬拉盞炒飯，本來以為係辣辣地的，原來唔辣嘅，炒得幾香，加左啲魷魚碎做配料，幾有嚼感，最正就係有好多粒菠蘿，食食下食到甜甜的菠蘿都幾開心。

朋友們都擔心我會因為心情差而唔食野，所以頻頻約我去食飯，今晚朋友就話同我去食啲馬來風味既野.....1964....真係好有歷史！朋友話叫個馬來大餐HKd$188+10%俾我試，跟住再加多個海南雞飯HKd$85+10%就應該夠食但我突然好想飲羅宋湯HKd$40+10%(連餐包)呀，朋友仔見我咁想飲就滿足埋我，佢自己都另叫左一杯凍奶茶HKd$25+10%，佢話佢每次黎到都必飲呢個係馬來大餐既“牛肉阿參”，都幾特別wow,好似羅宋湯咁酸酸辣辣，入面有好多三色椒粒、菠蘿粒同牛肉碎！而我今晚好想飲既羅宋湯就不過不失啦，但可以飲到就叫滿足到自己跟餐既“蝦參巴”味道都係酸酸辣辣帶微甜，都幾開胃架但份量就偏少而跟餐串燒我地揀左雞，串燒一啲都唔乾，個沙嗲醬仲好香濃添！！！跟餐既咖哩飯就揀左牛腩，咖喱好香椰汁味，薯仔係亮點炆得勁淋勁入味，送飯一流！呢個海南雞飯都有啲驚喜，雞肉嫰滑，個油飯先係重點，米飯粒粒分明而富有油香，平日唔太食飯既我竟然食下食下食左大半碗！！！而飲品都唔差，朋友杯奶茶的確係又香又滑！呢一餐的確幾有特色，平均每人都唔洗二百蚊就食到飽一飽兼坐得好舒服，無人趕你走，可以邊食邊傾去感受下南亞

聽朋友介紹南亞餐廳的菜式正宗，是一間老字號，所以就和家人一起到來試試。青檸梳打絕對是消濟解膩之選，青檸的微酸配上梳打的清爽相當醒胃。炎炎夏日不能缺少的就是沙冰，這杯椰子冰帶給我清涼的感受。椰子味道清香，不會過甜；沙冰軟滑冰涼，大可一試。小食是我們必點的一環，青口肉軟有彈性，配上喇沙更有鮮味。喇沙帶有甜味，稠度適中。每隻青口都有好吃的青口肉，十分滿足。這份青口亦跟配了麵包，這次的麵包屬於軟身，配上軟麵包可吸取更多醬汁，盡享喇沙的味道。來到星馬餐廳不可以不點的是海南雞飯，南亞餐廳對海南雞的製作亦很有要求。雞肉質地嫩滑，只因南亞餐廳使用了冰水為雞肉冷卻，保持嫩滑口感。海南雞飯亦配有油飯和餐湯，亦算豐富。牛尾質感略嫌較硬，若果燘得更軟的話味道更好。咖喱味道較重，用料充足，牛尾配的是多士，烤得挺香脆，可以輕輕沾上咖喱汁再進食，更有風味。多士較硬和脆身，不會吸收太多醬料，適合沾咖喱食用又不怕過重口味。這次飯後甜點是雪糕紅豆冰，我們選了椰子和芒果味雪糕。紅豆軟身，椰汁感覺較淡，有點失望。

尖沙咀亞士厘道有著不同國家的特色餐廳，這次來到東亞餐廳一嚐東亞菜。東亞餐廳的門面有點酒吧的感覺，頗為有格調。而東亞餐廳的裡面燈光昏暗，播著音樂，環境很不錯呢！一進店內，店員馬上為我們送上兩杯凍茶，凍茶帶甘甜的味道，非常特別。細問之下，原來這杯凍茶是混合了5種茶葉來沖泡翻開餐牌細看，原來南亞餐廳早在1964年在港開業，數數手指，原來已有半個世紀的歷史了。店員先送上羅宋湯和阿參湯，2碗湯也帶有少許酸辣，味道濃郁。法國紅酒（$60/杯）蝦參巴和沙嗲雞串個人而言，很喜歡蝦參巴，味道酸酸辣辣，在這個悶熱的夏天吃參巴醬煮的菠蘿、青瓜和蝦等等，好不開胃，令人食指大動！蝦肉非常彈牙爽口，菠蘿和青瓜等等蔬菜味道清新，與參巴醬是很好的配搭雞串沾上沙嗲醬，好惹味，教人唾涎欲滴咖哩牛腩飯的咖喱汁是用新鮮椰汁所烹調，味道較為香滑，略嫌牛腩不夠腍，整體味道很不錯。馬來燒雞椰香飯很豐富，有椰漿飯、參巴蔬菜、燒雞、薯仔和蛋等等。椰漿飯散發著淡淡的椰香，口感不太粘立，吃完也不膩呢；燒雞的外皮燒得夠乾，內裡的肉質鮮嫩，味道很不錯。店員姨姨介紹我們下次可以用薄餅包著參巴蔬菜吃，是另一種風味南亞餐廳無論是環境還是食物都很吸引

肉骨茶配生菜及油飯肉骨茶經過特別調校，令到佢更符合中國人口味。D肉係幼嫩而又唔會乾，因為經過湯底浸泡。個湯較為清淡，好啱我口味。油飯唔算油，油度適中，唔會太膩。星洲炒米幼細嘅米粉，配以蛋，豆芽同紅椒，炒到金黃色，整體唔會太膩，而且份量充足。如果有更多鑊氣會更佳。串燒肉質唔會太乾，配以特製沙嗲醬。椰奶香蕉沙冰冰係幼細個種，唔會吸唔到。椰奶同香蕉嘅比例啱啱好，椰子同香蕉味都可以同時並存。Iced Latte奶味比較重，好啱D鐘意奶味嘅人。

雖然成日都去尖沙咀，不過好多時都會遺忘咗亞士厘道呢個地方因為好多時一行就已經去咗美麗華嗰邊，貪嗰邊集中又多嘢食嘛但其實亞士厘道呢邊都有唔少餐廳，今次就㨂咗那間又幾十年歷史嘅餐廳試吓。一入門口就見到啲舊香港嘅相，証明佢地真係有幾十年歷史餐廳主要食東南亞菜為主，款式都唔少。由於放工之後唔想諗嘢，見佢有個set 餐，啲嘢都啱食，所以就叫咗一個馬來大餐試吓啦。呢個湯叫牛肉阿參，咁大個女都係第一次食。唔講真係唔知，原來阿參對腸胃好好。有開胃、通便作用，自古印度就用呢個湯來治療腸胃不適，泰國人更相信佢可以清除血液中雜質。飲落味道酸酸甜甜，入面仲有好多牛肉，材料豐富。之後就到串燒，我地㨂咗豬同雞。肉質嫩滑，配埋旁邊嘅沙嗲醬一齊食，更惹味。呢個蝦參巴隻蝦大大隻，爽口彈牙，配埋翠玊瓜蕃茄等配料一齊炒，味道甜甜地又微微地，食落好過癮！跟餐最後仲有一個咖喱牛腩飯，牛腩炆到好腍，咖喱微微帶嫩，同白飯係最佳配搭。黎到食娘惹菜，點可以唔叫海南雞！好彩無令我地我望，雞肉滑嫩，同埋好有雞味，水準唔錯。其實香港地好少有咁正宗嘅娘惹菜，因為佢地味道偏辣，所以大多數餐廳都會為咗迎合香港人口味，改咗個配方，但咁就失去咗佢地應

今日和太太往尖沙咀南亞餐廳1964食晚飯, 我們點了雞肉串燒, 咖喱牛腩飯和海南雞喇沙, 雞肉串燒燒得黃金, 雞肉煎得甘香, 香料有少少胡椒味, 食落香口, 配上沙爹醬一同食,食落更加惹味；咖喱牛腩飯上桌時有濃香咖喱, 牛腩肉質好腍, 入口即熔, 咖喱辣度適中, 食落不太辣,適合不太食辣的朋友, 咖喱汁有濃香椰香味, 個汁好香好滑, 送飯一流；海南雞喇沙好大碗, 賣相吸引, 喇沙放上好香好厚的肉碎, 食落惹味可口, 而且湯底辣度適中, 面條好腍, 配上湯底食落口感豐富, 喇沙內豆腐卜好爽口,魚肉好彈牙美味、雞蛋食落好香, 整碗喇沙味道一流, 海南雞食落鮮甜, 肉質鮮嫩,咬落有少少jelly狀, 整碗海南雞喇沙份量十足,口感豐富, 值得一食。餐廳座位寬敞舒適, 食物美味, 食了一頓美味南亞菜。

記得以前行TST都會經過呢間餐廳，一直以為佢係間平平實實又幾高檔既泰國菜館。今日朋友話帶我食好野，我問佢咁係食咩菜？問佢日本野又唔係川菜又唔係。佢話，你估唔到架喇，間野叫南亞。呢度環境認真唔錯，地方好寬舒，卡位與卡位之間都好寬廓。客人們都有高度既私隱。 (起碼唔會聽到對面既人傾緊咩先) 燈光又暗暗地，非常舒服，對情人黎講都有情趣架。我地兩個人叫左一個SET。先係上左頭盤先，泰式牛油果沙律。酸酸辣辣咁，十分開胃醒神。店員介紹返其實呢個係佢地既泰國師傅特製既。(出面無架) 所以比較辣。口味絕對係獨一無異架。我自己就覺得呢個沙律味道好清新，泰國風味好濃，辣味係勁左d，不過有酸味抵制返。用料都好重手架，大大話話有成4-5隻生蝦。牛油果又夠新鮮爽口。之後當然有牛油配上餐包同波菜湯。淡淡香濃既忌廉加埋波菜煮成湯，好正呀而餐包又夠熱牛油唔洗一陣就溶晒。黎到主茱部分。呢個係藍青口配多士。用左白酒忌廉煮成。青口淡淡都係肉。白酒忌廉酒味唔重，忌廉開得好好，好滑。又一次證明左廚師係幾有料。另外仲叫左隻呢度既招牌燒spring chIcken。隻雞塊皮真係食到我食指大動。燒到金黃色咁既款。賣相很給力！最重要既

係TST LUNCH唔知食咩, (係上一兩個月食既, 但而家先寫食評) 其餘餐廳都無位, 於是誤打誤撞去左呢個餐廳睇個餐廳格局都知唔會平, 係門口睇左LUNCH餐牌, 見到有海南雞喎, 就俾個機會自己去試下啦坐低左之後再望真個餐牌, 原來係海南醬雞, 而唔係海南雞有另一個餐係海南雞, 不過係配喇沙, 無得改油飯睇返另一本散叫餐牌, 散叫個海南雞飯係$85, 同lunch價錢 差唔多, 就決定堅持要食海南雞飯侍應話海南雞有得揀雞背/胸/翼, 我揀左雞翼配上薑蓉和酸辣醬, 不過酸辣醬唔夠辣海南雞還可以, 不過肉質唔算嫩滑, 油飯唔夠香, 性價比較低套餐包一碗湯, 味道不過不失, 仲幾多湯渣最後個餐飲, 侍應話可以揀紅棗茶, 點知得幾片紅棗, 應該得半粒到啦, 成杯茶啖到不得了

今天到尖沙咀閒逛，於亞士厘道看到南亞餐廳的招牌，一問之下，原來此店由銅鑼灣遷至尖沙咀已接近3年，由於非常懷念此店的味道，二話不說便內進午膳。看見周末午餐精選，便點了南亞海南雞喇沙及招牌咖哩牛腩飯。侍應先送上羅宋湯，水準依舊，味道濃郁可口。接著送上南亞海南雞喇沙，鋪滿雞塊，一翻細香，只發現全是厚厚雞胸肉，心中已涼了一截，再喝了一啖湯，只有蝦膏味道，完全欠缺鮮美感覺，米粉亦嫌太生太硬，難以下咽。接著來過咖哩牛腩飯，先嚐芡汁，尚算香味十足，牛腩全是瘦肉，一件牛筋也沒有，確是充滿咬勁，不過卻似柴枝。這頓午飯使我對這間老字號深感失望，裝潢雖然已追上時代步伐，但菜式卻大大倒退，試問如何再能吸引人們前來光顧呢？

今晚既晚飯  係同朋友臨急臨忙約   所以事前冇做到任何資料搜集但係要話俾你知 驚喜往往就係由此來入到餐廳入面  環景唔錯呀  枱與枱之間有一家既距離  同朋友傾計把酒問青天簡直一流講返正題  睇下我地叫左咩先餐湯 一紅一白  想提一提羅宋湯  比其他食肆飲到既更野味   係一個充滿南亞風味既羅宋湯  少少辣 非常野味   中意食辣既我真係岩哂我口味泰式牛油果沙律 賣相一百分   有牛油果既沙律  健康一百分重點係   呢個係一個有點兒辣既沙律 (我最中意)  食完雖然覺得身體有D升溫  但係真係開哂胃呀香草烤乳豬乳豬平時去朋友結婚就食得多  係餐廳兩個人食就真係冇咩邊幾次先講個乳豬皮  脆仆仆 咬落去有聲嫁再講個醬   真係特別推介  你望落似係好重口味既黑椒汁  其實係一個調介得岩岩好既黑椒醬汁唔會因為點太多而蓋過乳豬同香草本身香味    每一舊記住都要點D醬呀秘制貴刁呢個係店員介紹俾我地嫁   就咁睇都知足料粒粒蝦都大大舊  味道控制得岩岩好   份量唔需要擔心我同我個大食朋友好努力咁食  先岩岩得得哂飲品方面  (椰汁冰 + 檸檬梳打)個人而言  比較鐘意檸檬梳打  天氣濕濕立

南亞餐廳已經歷了兩次結業，今次第三次重開，背負著歷史包袱開店從來都不是易事，甚至比開全新店更加困難，既不想有負上一代的名聲，又要想出新橋子吸客。除了泰菜外，東南亞食品亦對口胃，貪其簡便快捷，一個海南雞飯或一個喇沙就可攪掂一餐。夜晚喺亞士厘道想簡簡單單食完飯就返屋企，見到南亞餐廳，入去每人食碟飯就攪掂。南亞餐廳以海南雞飯馳名，就叫海南雞飯轉雞脾，雞肉嫩滑有雞味，有酸青瓜片墊底奉客。油飯淡黃濕潤而不爛，飯粒有光澤，做得不錯。摩囉雞飯有兩大件炸雞，我食果舊近翼位，熱辣嫩滑，另有辣醬配番茄青瓜、半隻蛋、炸花生小魚，食材豐富。再叫多一個小食藍青口配多士伴喇沙汁，配搭創新，藍青口嫩滑無渣，不過青口本身掛汁能力不高，如果唔連汁飲，食唔到喇沙汁味。多士冇再焗熱同落牛油，既不熱又不脆，點汁食有點韌，再焗熱會好食好多。

自從轉到尖沙咀上班後，此南亞餐廳1964便成為我午饍選擇中的其中一家餐廳，一般午饍時間到來也是吃喇沙/ 咖喱/ 海南雞等，今次近近地試一試晚餐。環境等等的廢話我不多說，食物方面，主為馬來西亞菜，價錢中等，屬市場水平，以尖沙咀區來說，算系甘啦。Moscato: 儘管吃此等菜式，但放工也想喝杯酒輕鬆一下。Moscato酒味偏香甜，富果香，易入口較為女生所喜愛。每件含螺肉兩粒，應塗上果蓉，微甜爽脆，作頭盤也算Okay。海南雞喇沙: 喇沙香濃惹味，因加入鮮椰汁，富椰香之餘，質感更是相當香滑。海南雞件非常幼嫩，雞脾部位亦當然嫩而雞味濃。南亞鮮椰汁鴛鴦飯: 左邊為椰汁忌廉大蝦焗飯，右邊為鮮茄雞肉飯。米飯混入雞蛋炒香，粒粒乾身分明，前者蝦肉爽甜，醬汁雖未具濃郁椰香，但幼滑且香甜; 後者鮮茄汁必然穩陣。兩者均無不妥。

女兒每逢星期二去尖沙咀學韓文，學校近亞士厘道，我和老公接她一起去食晚餐，經過九龍中心，見到一間南亞1964餐廳，地方都幾大，座位寬敞舒適，門口寫的多種菜式都岩我們口味，所以我們就入座了！椰汁冰：清甜可口！Stella Artois:老公最喜歡這款啤酒，佢話夠啤酒味！大蝦沙律：廚師很有心思，將材料砌成一隻龍蝦，材料有爽口的大蝦，新鮮沙律菜、薯蓉、蕃茄等，加埋沙拉醬，味道很好！咖哩牛尾配蒜蓉包：咖哩是馬來西亞式，不會有太大椰汁味，有少許辣，牛尾好入味又夠林，焗過的蒜蓉包，很香蒜味又脆,點埋咖哩汁一起食，惹味可口！法式焗田螺：田螺不硬，中間有薯蓉，加埋有蒜味脆脆的包，口感很好又美味！炒貴刁：夠穫氣，用料有蝦、芽菜、肉絲、蛋絲等，十分美味可口！香草烤乳豬：乳豬肉都好入味，乳豬皮沒有中式燒乳豬的脆度，可能是有香草的關係。雪糕紅豆冰：經典懷舊飲品，甜度適中，不會因多了雪糕而太甜，奶味濃郁，正👍