南小館 (青衣城2) (已結業)

星期六同女友家人去食，因已訂位關係好快有得入座 一行7人就坐低睇menu了不過見圖好似份量不多。。。所以都叫咗幾多吓上菜都算快！我地仲對正廚房，廚房仲係玻璃見到哂不過味道真係好一般什至唔好食。。。酸辣湯太酸。。唔辣！銀絲卷口感麻麻，唔好食！ 坦坦麵麵底一般。。湯一般。。。總之無一樣覺得好食甜品糕點都唔得。。。真係好勁！一間店鋪可以完全乜都唔好食真心無下次！！收費又唔算平。。。埋單1600下次食其他好過。。無謂要自己難受

今日同老公去佐青衣城行街，行完一期行二期. 二期同一期相差太多，食肆唔多又冇乜好行～ 唸住買杯天仁就走，走時見到有間南小館，冇食過。反正肚餓，見餐牌都好似幾好食咁😂 就走佐入去門口有人帶位，坐低就即刻有人斟茶，啱好係我鍾意既蕎麥茶😍兩個人 乜都想試，叫多佐冇食曬（亦都因為有d餸既味道唔係太好味）我覺得最好食係 串串香！老公就不嬲鍾意雞絲粉皮，但係個雞絲粉皮份量有d少囉～ 粗炒偏油，味道麻麻地，要配豆瓣醬先ok 其他嘢食都冇乜好講，上海菜來講，唔算係好食。服務算可以，期間冇茶都會自動來加，埋單走都會聽到有人啱‘多謝曬拜拜’（香港依家既服務態度都比較hea，南小館的服務唔係話去到幾好，中等）最後結論：不至於最後一次食，但食物味道須進步🥳

今日傍晚剛落機回到香港，肚子餓得很，所 以就到屋企樓下搵野食。 由於太耐冇食上海菜，所以就試下二樓既南小館。 好好彩，今晚夜晚唔算多人，所以我好快就有位。 炸豬扒：味道不錯，但略為太乾身，炸得太耐四小併：款式多樣，味道不錯，特別係口水雞雞肉夠滑，辣味夠開胃。粗炒：味道不過不失，有穫氣。最後係服務方面：態度服務幾好，員工親切有禮，勤力加茶。

又係同澄寶寶去玩嘅日子，今次喺車南小館食午餐， 又係因為俾佢嘅兒童餐吸引咗🤣 不過，意料之外係我地叫嘅 小龍包，水餃，黑松露炒飯都好好味，係個酸甜咕嚕肉比較乾同硬🙈 難得係兒童餐真係好啱兒童食！白飯，蝦仁炒蛋，蕃茄仔，豆漿，全部都比較健康 👍🏻👍🏻👍🏻 下次再去青衣城嘅話，媽媽都會再食。 2大1 細食咗 $370，貴咗少少，但我地都叫咗唔少野食，好飽😂

本來因為在青衣城附近，要找一個比較理想的餐廳，環境要比較寧靜，但是我們一向不算非常中愛西餐，於是便來了這間南小館。即使在星期天的中午，無論是我們來到，吃飯期間，定還是離開時近下午茶時段，都見到很多座位留空，就可以知道，現在的南小館，已經沒有以往那麼人氣（還記得以往南小館在九龍灣、葵芳、又或是旺角朗豪坊，嗰陣時新開的時候大排長龍，拿票等候的人數眾多），甚或至乎可以說是冷清。而其實，內裏環境還算挺乾淨清幽，看過去窗邊，還有點兒像西式餐廳的擺設，乾淨而且環境比較清幽。烤夫的味道還算正常，因為不會太算太鹹，雖然雪得不夠冷凍，但是味道酸酸的挺開胃。海蜇頭反而比較出色，大大碟，而且可能切得夠粗夠闊，味道微酸，質地爽口彈牙，反而比較出色。原來現在南小館的質素那麼差，看看這個花雕醉雞，色水都沒有，可以見到底下的醉雞汁，極之淡色，當然吃落去都沒有什麼特別味道，而且整碟醉雞，只見到有很多雞胸，以及底下有一隻雞翼算比較好，其餘的部份都是偏向瘦的雞肉。擔擔麵亦都不算特別出色，只見有色水，亦都有點辣味，但是火喉不足，吃起上來也不太過癮的。上海粗炒以及年糕，兩種醬汁的味道都差不多，可能因為用的醬汁都是同樣的汁醬，

同阿女去玩迪士尼樂園，去到青衣城食晚餐，唔係好肚餓但好攰，唔想等太耐位，見呢間南小館無人等位就去呢間。點了「南館四小拼」- 四喜烤麩 ～ 味道都唔錯！- 糖醋排骨 ～ 肉比較”un”，但味道好好，阿女喜歡d汁。- 花雕白雞 ～ 唔好味，d花雕係有苦味，但雞肉都算滑，阿女食左一啖已經唔再食！- 口水川雞 ～ 唔辣，又多骨碎。鮮肉小籠包 ～ 唔錯，皮薄多汁！陽春麵 ～ 正正常常一碗麵，無乜特別！為左駛等位去左呢間南小館，結果中伏了，下次唔會再黎了！

是日小妹生日，同事們提議不如到比較遠的青衣城吃午餐！本來想吃東南亞菜，但太遲到達，已經有很多人在等。剛巧看見旁邊的南小館還有一些位置，便決定吃南小館！他們的午餐有很多選擇。午市特價的一人套餐（$62）可選一個主菜、一個點心、一杯熱有機新鮮豆漿/五榖薏米水。午飯時間免收加一和免收茶水。我點了老重慶擔擔麵、紅油抄手（蝦肉）和加了$15點了一份椰汁香紅棗糕。起初我以為老重慶擔擔麵是有花生醬的湯麵，但吃下去的時候發現有點像麻辣麵！同事提醒有花生醬的應該是上海擔擔麵。不過麻辣也得合我胃口。紅油抄手有3隻，味道不錯！跟同事用一隻紅油抄手換了一隻鍋貼！感覺鍋貼更好吃！椰汁紅棗糕口感得好，上菜時微暖～如果紅棗味重一點及即蒸的話，會更好吃。最有驚喜是五榖薏米水！味道好和夠熱～還有一些薏米可以吃。

有時人真係要信命運，上次來過食唔到架野；就不要心思思再來，上天已比了一次機會你。有時食唔到反而更好，還有幻想；食得到，卻偏偏中伏！今期推介係特式松子魚，我的至愛。點知，這次是我食過最難食架一次，大廚唔識整，無心整就咪做。賣相絕對可以呃Like, 色相俱全。我也明白百物騰貴，松子當然少到數得出。先說汁，只有色無味，平常在其他地方食架也會有醒胃架感覺，今次好像食人工色素一般。廚師刀工不錯，正路應該好食，點知硬到好似翻炸燒豬皮，黐哂牙。我絕對可以肯定一位對食物無Heart架人，先會炸定條魚，係度風乾。有客叫才加汁上菜，當然難食到十級，難道特色松子魚其實是風乾咸魚走調味？最後一提這兒的服務也有點怪怪，客人好忙玩手機，服務員過來加茶，只說：手！

Many new restaurants opened at Tsing Yi recently but some are good while some are disappointing. Unfortunately, this one is the latter. It claims one of the signature dishes is 生煎包. But it is equally the biggest disappointment. There was very little soup and it is not crispy at all. All I could taste is the dough.The other dishes are average, but I will probably not visit again

第一次寫食評，不吐不快。 真係好差。入坐安排離譜，我地8個人去，一開始門口攞飛按8位，一直在門口等位，中間無任何更改人數要求，但入坐時只係安排6個位。係3張2人枱，一面有3張櫈，另一邊係貼牆長櫈，負責帶位個職員係想5個人都坐係長櫈個邊? 若然我地係7個人，好勉強都坐到，但8個人根本無可能坐到。明明攞位一直係攞8位，唔係攞6位之後要佢轉8位。個帶位可以覺得無問題。因為真係唔知可以點坐，只有再同帶位講。 只係為左正常每個人有個位坐，已經要多番爭取。等左咁耐位，轉食第二間又要再等，受氣都照食。之後當然後悔，食物、服務同樣覺得差。之前試過幾次食其他分店的南小館，入坐、食物、服務、全部都覺得正常。但今次真係好差，都有可能係因為入坐安排離譜，心情唔好，所以覺得食物唔好食。服務差都可能係因為待應太忙，佢地唔知係個帶位搞錯，淨係見到我地同個帶位理論，個帶位又表現得完全唔覺得自己有錯，待應誤會我地等位等得耐就大吵大鬧，所以對我地特別冷淡。但8個人俾6個位呢樣野真係無excuse，係完完全全個帶位職員有過失。重來無試過或者聽過咁離譜架事。我地作為食客，因為餐廳職員魯莽過失而受氣，我覺得對食客唔公平。

第一次去青衣城南小館，竟然不用排隊就有位。新式上海菜館，感覺上有點快餐式，沒有舊式那種鑊氣😅 點了招牌生煎包，夠熱但不夠汁，個底煎得夠脆；鮮肉小籠包，蒸到剛剛熟，包頂尖有些少未熟透，我個人不喜歡，但朋友們接受😢 話係人氣的蔥油開洋拌麵，並非想像中的好味，感覺比較油，不夠熱，反而上海粗炒比較好些，但又不像舊式那種味道；上海菜肉餛飩湯，亦較為清淡，湯似清水沒有味道😧 佢地杯茶我最喜歡，味道清香，店舖乾淨舒適，店員亦禮貌招呼，感覺舒服😊

久唔久又會想食下酸菜魚🤣黎緊太二開黎香港真係好😍未開到黎又想食？🐟🐟🐟南小館既家鄉酸菜魚都唔錯（$78）魚塊多！🍳櫻花蝦香蔥煎蛋（$68）鐘意食蛋既我覺得好好食！！好香🍚鹹肉炒菜飯（$58）普通炒菜飯，炒得乾身👌🏻🍤蝦多士（$48）好難唔好食🤣🥟上海蝦肉餛飩湯（$45）餛飩皮未食先散😲😲呢個唔推介🍡紅豆水晶糖不甩（$36）唔好食😲好似食緊膠咁

星期日放假同家人一齊行青衣城購物同食飯，家人提議到青衣城第二期新開的南小館食上海菜，因為沒有預先訂位，所以六點半前便食晚飯，可能時間尚早不需要等位，好快可以入座。食物種類很多員工好快遞上前菜，係海苔花生拼辣菜脯，花生沾上碎碎的海苔，餸酒一流。點菜不到十分鐘，餸菜已陸續送上，十分之快。唯一斟茶，時常要叫職員先懂得添加，有待改善。食上海嘢必叫小籠包，一籠有5個，皮簿多汁。金網生煎窩貼，窩貼煎得夠香脆冷盤有燻魚及糖醋排骨，燻魚太乾身而且無汁味道麻麻地。糖醋排骨，酸酸甜甜，好開胃，味道不錯。紅燒乳鴿，乳鴿太瘦，無肉食黑松露素鴨，完全無黑松露味五彩安格斯牛肉，係全個餐牌上最貴的食物$118，粒粒牛肉沾上有介辣味的沙律醬汁，好好味。招牌葱油開洋拌麵，一絲絲炸過的葱絲佈滿麵上，散發出葱的香味，麵條硬道適中，啱曬我。鹹肉菜炒飯，飯炒得夠乾身，不太鹹。還有甜品 椰汁紫米紅豆小丸子，都不錯

與家人慶祝父親節,老豆唔想行得遠,又要就其他屋企人放工時間,一於近近地幫襯青衣城二期呢間新開的南小館南小館作為連鎖的上海菜館,食物品質同服務水準一向都好有保證,餐廳的效率很高,點菜後十分鐘就開始有野食了首先叫咗個南小館四小拼,四款食物都不錯,醉雞尤其做得出色, 酒味好出鍋貼, 煎到金黃色, 又脆又香口,食得上海野當然要叫小籠包, 有肉汁, 好JUICY擔擔麵, 麵質幾爽唔會太林, 辣味夠野味炸銀絲卷, 不得了, 點煉奶食真係一流餐廳唔限時, 可以任坐, 父母都好滿意今餐的安排,

母親大人不在港，這星期加入無飯家庭行列，發現天天出街食也挺沈悶，還好青衣城新開的餐廳仍未試完，這天就來到二期吃上海菜。在不同的地方都吃過南小館，印象中不過不失，青衣分店裝潢與其他分店無異，光猛雪白，坐得舒服。 四小碟 $78每款份量迷你，但好在人少也可嚐到不同的前菜。秋葵木耳有蒜香，烤麩入味，醉雞酒味濃，海蜇頭爽脆但質感有點怪，整體不過不失。 鮮肉小籠包 $45小籠包皮薄多汁，惟肉餡鮮味不足，扣了點分數。 招牌生煎包 $45四隻生煎包溫度溫溫吞吞，皮有點黏口，底煎得脆身，帶肉汁。 上海風味春卷 $38春卷超脆，沒瀝過油份便上桌，味道正常。 蔥油開揚拌麵 $42油量拿捏得不準，放上半小時碗底仍有一大匙油未被麵條吸盡，吃數口便膩。 薺菜炒年糕 $68調味不足味偏淡，每一塊年糕都被滿滿的油包裹著，非常可怕。 明白上海菜多是濃油赤醬，味道好的話還好，現在吃了頓又油又難吃的，真是賠了夫人又折兵。三個人埋單近四百元，端上的是沒有熱誠的菜式，唯一值得一讚的是店員有禮勤加水，算是一點安慰。青衣城一期有質素較好的另外兩家滬菜，回頭機會極微。