南翔饅頭店 (已結業)

識我既人都知我對京川滬菜情有獨鐘，所以個frd都好識做，今晚同我食飯都話去南翔食。兩個人六點左右就去到，由於時間尚早，仲有好多位。我個朋友一向都係大豪客，每次同佢食飯都係要抱住個肚走個隻。今次亦唔例外，兩條友叫好多好多餸，有小籠包、滇江肴肉、糯米燒賣、百葉唐菜、炸蟮和上海粗炒。個侍應見我們叫咁多野，都再問一問我係唔係真係兩位。滇江肴肉好正，炸蟮酸酸甜甜又脆口也不會遜色。糯米燒賣煙煙韌韌，都唔錯。小籠包係招牌菜，當然亦唔會失禮。百葉唐菜我之前未食過，覺得幾新鮮。但上海粗炒太硬，有點古怪。食物可以，侍應幾殷勤，卻不專業，環境唔錯，可以再來。

味道唔錯．．但係小籠包一般咋～上海野，不嬲都唔係太大碟，我覺得都ok 抵食～

相比其他類似既餐廳(如翡翠、金滿庭)，價錢差唔多，不過份量就少好多!!!絕對唔適合多去(好似預左所有野都係table for two)，菜式選擇少；招牌既小籠包ok，有好幾款選擇。甜品選擇又係少，無乜特別，都係略嫌貴。服務ok幾好。

好多人對名氣店有偏愛, 因此我朋友硬拉我來食一次, 本身在上海食過不少店之小籠包, 孰優孰劣食了便知. 一人叫了一客小籠包及蟹黃湯包, 小籠包跟上海城隍廟的差不多, 在上海不是最好食在香港亦然, 始終皮厚, 肉汁尚可. 蟹黃湯包湯水ok, 噱頭嘢, 但各位緊記包身不是供食用的, 勿做大鄉里俾人笑.　

前後食過兩次一次過評第一次食是開咗兩三個月左右但次前上過來三四次因為人太多而卻腳呢個第一次都係我同呢個朋友生日一班friend一齊決定的星期五晚都要等個幾鐘八人大檯係好難等當時叫咗都好多野唔記得太仔細但係啲野食瓷器(骨瓷)都好精緻賣相都很好可能佢名氣大對佢期望太高食落就覺得不外如是普普通通唔值得等咁耐來食招牌小籠包都係名大過實皮唔夠霸王山莊的薄唔夠多汁第二次同男友食等位時叫一定要吸煙區另外有六個都係等緊食煙區不過最後都係放棄要返非吸煙區算但我就係唔信邪結果等咗個半鐘終於等到個吸煙區只得10個位唔怪得...仲要隔離檯坐咗一班共8人當中只得1個食煙因係冇陰公再望返出面竟然冇人等!!吹漲好唔滿意侍應係唔係都hard sell貴價蟹粉小籠包(多款)食物就一般啦咁嘅素質係翡翠都食到仲要平啲好食過佢添

近日趕時間, 食飯都唔知邊度快靘正. 見仲有位. 即刻入去. 搵到個吸煙區. 吸煙區唔太大, 不過絕對影響唔到人. 可以唔使就住就住.2個人. 晚上7:00未夠. 食又唔多. 先每人叫杯中國名茶飲下啦. 每杯成惠$8, 叫了一杯貴花烏龍, 以為同我屋企飲開果D相約...可惜...色澤以鐵宮音, 但沒有口感.貴花後加. 唔係同烏龍一起炒. 不果$8, 當茶介..比佢\\\.最另眼相看是佢\\\既小籠飽, 留意美文MENU係用MASUTAKE(日文). 中文係...咩菌小籠飽(唔記得左) MASUTAKE 係雲南特產, 早年靚既. 唔靚既大都去晒日本, 靚既AA級好多年前要成20幾美金一KG. 有幸見到. 一定要食, 同一般菌味道絕對不一樣. 每個飽有兩小片, 味道已經很濃...正.

間野開咗咁耐，我都無衝動去試吓，因為睇到好多食評話唔得，點知媽咪話要去le 度食lunch，咪順下佢意囉!一去到都要等十分鐘至有位，我哋三人叫咗鮮肉小籠包、蘿白絲酥餅、蝦仁雞火炒飯、雪菜肉絲炒年糕，高力豆沙！小籠包&蘿白絲酥餅真係唔及利苑酒家喇！小籠包係有湯汁不過Ｄ皮略厚，蘿白絲酥餅個皮直情唔得啦！反而個炒年糕幾好味喎！個炒飯&高力豆沙都ok!不過個高力豆沙我哋等咗半個鐘至有囉!

之前想食好耐, 終於的起心肝排隊等位叫左蟹肉小籠飽, 賽傍蟹, 燻蛋, 同抄年糕蟹肉小籠飽都唔錯, 有成半湯匙的汁流出來燻蛋都好特別, 好好味其他兩樣就普通到...又細碟到死...唔會再去

前鬼咁多人,咁就貢去銅鑼灣一期試下新野鬼整揀左南翔饅頭店幾句講哂:我呢世食過最難食既蘿蔔絲酥餅最鯹既蟹黃小籠包最鯹既蟹粉炸蝦丸成餐得個酸辣湯係oko既

之前去過上海間總店, 所以響香港開左之後特登試下(雖然要排至少30分鐘隊). 小籠飽食番原味的鮮肉小籠飽, 其實d侍應都不斷叫人客趁熱食, 其實趁熱食d皮就唔會硬的. 個皮厚道適中, 唔會一篤就穿. 飽的size亦適中, 唔會太大, 可以一口食一個, 咁就唔驚會爆汁.另外必試的係蟹粉炸蝦丸, 去上海時食過回味無窮, 香港製的亦唔差, 個外皮好脆, 不過$48三粒好似貴左d. 燻蛋都唔錯, 同寧波同鄉會的水準差唔多.甜品叫左薑茶湯丸, 薑茶味道夠, 但係d水唔夠熱(幾次都係咁), 希望將來有改善.其實午巿去幾好, 平日有得訂枱, d服務都唔錯. 但係到左夜巿就好唔夠人手, 要等好耐先有人理.

七點半左右到, 等一陣就有位..相比其它食店, 唔算太多人...環境裝修都幾好, 望街的卡位都幾舒服..食物方面, 點了兩款小籠包, 松茸小籠包怪怪的, 肉小籠包都幾好, 另外其實鱔糊同菜旁蟹都幾好, 不過真係好細碟...這間店叫饅頭店, 當然要試下他們的饅頭...普通包一個..不特別...其他炒飯和甜品都是普普通通的..總括來說...都是ok la..

因為知道會多人....又無得訂枱...所以5點半左右去到...等左一陣到佢正式開門入去....點左<鱔糊粗炒>,<野菜小籠>,<蟹皇湯包>同<桂花拉糕>...-粗炒==味道唔錯...不過油過多...食完之後個碟底一灘豉油...-小籠==還可...料都幾多...填滿晒個包...係皮厚左D...-湯包==幾得意...有支飲管同埋有個牌仔話小心熱...湯就夠味...係料就無乜...-甜品==幾得喎...唔痴牙...甜度恰到好處...唔錯...食物上都唔錯...不過服務方面就人手唔太夠...見佢地上菜方面有D困難...可能係女仔關係...成日聽到佢地話好熱好重...仲叫個拍檔快D....幾好笑...

環境: 都唔錯,地方幾寬敞,卡位好鬆動.四個人坐埋去仲有位放隨身物品.味道: 同上海總店一樣,一樣咁渣!! 真係麻麻地.小籠飽皮厚,飽入面肉汁完全無味.其他嘢普普通通.總體印象不佳.服務: 一般. 要叫D侍應先識得加水.抵食: 成百二蚊食呢D次一級嘅食物,唔抵!!清潔: 洗手間位於店舖外,唔關間店舖事.我諗都OK.

14/1(六) 1:30pm今日放半晝,忙左5日暫且作個小休,預先叫男友黎等位,佢大概等左20分鐘左右.環境方面有點似翡翠/王家沙,傳統中式裝潢加陰暗燈光,枱椅以黑色木為主,枱與枱之間有一定空間,亦有大卡位,可坐6-8人.我地要左小籠包$28,蟹黃湯包$28,三鮮湯年糕$38,寧波湯丸$18.小籠包---一籠6隻,水準以下,包皮吾夠薄,個"頂"偏硬,肉汁及肉餃尚算鮮甜!但吾夠熱!反而欣賞佢淡黃色既醋,淡淡酸味吾會搶去小籠包味道!蟹黃湯包---一大個上,玩gimmick!上面插左枝佑既飲管,仲插住個"小心燙口"既牌仔!湯汁確實頗鮮,但蟹黃份量不太多,偏碎.外皮亦過厚!$28一次就夠!三鮮湯年糕---推介!雞湯鮮甜夠濃!年糕煙韌而且極之滑!蝦仁,火腿,白菜味道都吾錯!寧波湯丸---味道一般!感覺上糖水店會好食過佢!加埋一$125,個人認為吾抵食!服務亦未達水準!

真係不去也罷...碟頭細,service 又唔好,想搵個人叫0下野食都要等好耐,d waiter成日都好唔耐煩,成間野我諗最好食都係得饅頭,d魚塊全部都係急凍,我地5個人食左成4百幾蚊但係一d覺得飽肚既感覺都冇囉...之後仲要去茶餐廳多轉先飽,仲要我地幾個都已經唔係太食架喇...唉~下次請都唔去食!又冇得訂位,真係差勁囉..