南記粉麵 (興業商業中心)

營業中

休息中

南記間唔時都會食，間唔時都會掛住佢個小窩米線同腩肉，今日幾過上環附近，又掛住南記小窩米線咁就入左去食嘢啦，佢哋嘅下午茶餐真係好抵食，酸辣春卷魚片小窩米線，41蚊咋，仲包杯豆漿，有兩條春卷， 4塊魚片，我另外加左$9要左個腩肉，同埋加$3要左杯凍檸茶，唔錯嘅下午茶選擇😋

芫茜控朋友可以試下湯底味道同平時食開打邊爐嘅湯底，芫荽皮蛋味道一樣都幾豐富給足料，皮蛋一粒切兩邊，入口即溶的皮蛋心💗芫荽肉丸都幾好食喎，咬落彈牙，有陣陣芫荽嘅味道，味道都ok芫荽可樂，唔敢試🤣🤣🤣下次再試😃

午市套餐C   配凍飲 $65原本想叫了一個二餸麵加凍飲,之後收銀姐姐話唔抵食, 就推薦左呢個C餐大大棵生菜,食完都覺得好健康  不過太大份, 食唔曬.........

今日買左一碗四寶紫菜河返屋企食，第一啖夾起紫菜放落口，唔知點解感覺有一啲好硬嘅嘢咬唔爛，吐出嚟一睇有條好長好粗身的魚絲潛在入面，立即冇曬胃口食唔落，希望大家食紫菜時要留意

魚肉春卷係南記招牌，我覺好好食，次次去都幾乎係食魚肉春卷米線，餸既份量係多，反而米線少，可以多返啲，我中意食佢既酸辣米線，佢既酸辣程度係岩岩好，唔會太酸，再配埋酸菜，好開胃，另外再叫一份芥蘭，係勁大碗架，性價比都幾高👍🏻

呢排都冇乜點自己煮嘢，晏晝都係買外賣為主，今日想食少少濕濕地嘅，買咗個南記米線。上環南記，面積唔大，外賣會比較好，堂食好逼夾，好多人等緊外賣好嘈，又好熱。買返Office舒舒服服食就算。比較鍾意食佢個蕃茄湯，有一舊舊新鮮蕃茄，而佢個春卷，係冇蔥嘅非常好。👍🏻千祈唔好唔記得拎辣椒醬，佢嘅辣椒醬非常好食😋🌶推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：6⭐️賣相（10⭐️滿）：7⭐️味道（10⭐️滿）：7⭐️（係俾個湯既，飯團自己諗啦）價錢（10⭐️滿）：7⭐️服務（10⭐️滿）：7⭐️地點（10⭐️滿）：7⭐️［南記粉麵 (上環)］@namkeenoodle地址：上環德輔道中272-284號興業中心地下B舖#lunch #lunchideas #lunchtime #午餐 #午餐時間 #午餐吃什麼 #米線 #米線關注組 #蕃茄 #蕃茄湯 #外賣 #麵線 #南記 #上環美食 #上環 #takeaway #hkfoodie # hkfoodieblogger #hkfoodielife #winsomelai

天氣開始熱，想食米線，見到南記粉麵最近推出「芫茜蓉湯底米線套餐」，芫茜開胃消食及有抗炎、抗菌作用，我入去先試為快。$55套餐好抵食，除了大碗米線及配料之外，跟餐送一杯首創芫茜「可口可樂」🥤，味道好fresh。湯底加入大量芫茜蓉，香濃芫茜味道，配炸香脆豬扒、爽口芫茜豬肉丸、甘香皮蛋以及炸豆卜，仲想多啲鮮芫茜嘅話，可以加$3配多一份鮮芫茜🥰。📌南記粉麵🏠上環德輔道中272-284號興業中心地下B舖

嘔吐味蕃茄湯底🤢🤮🤮🤮平時食開紫菜四寶河，今日諗住試下新野，”蕃茄味湯底春卷牛腩米線”，張傳單入面比晒手指公咁，諗住實無死啦。點知，一攞返埋位途中，隔住個口罩都聞到一陣「嘔吐味」🤢‼️第一時間心諗係自己戴左口罩全日，口罩臭啫~返到個位一除口罩⋯嘩!!真係喺碗蕃茄湯度傳出嚟，完美嘅嘔吐味🤮。因為都肚餓，自我安慰一下：可能食落去係正常味呢～Surprise me，完全一樣，🌟係完美嘅嘔吐味。真係覺得好唔妥，場內唔見樓面，直接去揾收銀姐姐提出下。我：姐姐，碗嘢有嘔吐嘅味道。姐：哦！係咁ga!!個個都係咁講，正常ga!!我：下？嘔吐味，係正常！？姐：係呀，你問下師傅！（走去師傅櫃位）我：師傅，碗嘢有嘔吐嘅味道，係正常嘅？師傅：係呀，你食唔慣啫！其實我當下嬲到震！傻的嗎？邊個會食得慣嘔吐味！？但老公唔想我繼續爭持，而我哋又唔想浪費，最後問師傅攞碗清湯，洗走啲蕃茄湯底，再落三大匙辣椒油，完美覆蓋，食埋走人。BTW，反到屋企見到蕃茄味薯片都驚驚🥲，求心理陰影面積。最後，凌晨三點幾，嚟左一次萬馬奔騰嘅肚瀉，唔知關唔關哩碗野事，總之，佢係我食過最難食嘅蕃茄湯底米線🍜🤢。本來都幾like南記嘅春卷，但要跟你

今日lunch食南記，一於試下“新嘢” - 麻辣擔擔面.....見到個名咁勁，唔係唔試下呀？呢個新口味湯底响上環店只供應春卷菜肉餃呢個組合 （我見網站咁寫），雖然我唔好佢既菜肉餃，但見有春卷，照殺啦！呢個新口味湯底硬性規定要跟餐, 個餐跟一杯飲品，係芒果冷泡鐵觀音 （送咗俾同事飲，話唔錯，唔會太甜），盛惠53蚊。春卷唔使介紹啦，話晒係南記名物，大家都食唔少，水準keep到；至於菜肉餃呢，一碗有4粒，我個人真係覺得麻麻哋嘞，皮厚肉少，下次可以唔叫就唔叫啦！黎到重點，佢個 “麻辣擔擔面湯”，個湯有啲窄菜，肉醬，麻辣味唔多覺，只係有些少辣味，我加咗包南記辣醬都無乜料到，有啲失望，但慶幸個湯都仲有陣淡淡既花生味，令我有番啲安慰。今次米線我略嫌唔夠軟滑，扣咗少少分！

南記係每月都幫襯最少一次的店舖，因為價錢平加上唔難食，諗唔到食咩好的最好選擇。今次如常去幫襯下午茶，見到下午茶有新嘢，於是大膽地試下，肉碎冬菇米粉。一打開蓋，感覺有少少被人搵笨。肉碎，你在哪兒?D汁都好似唔夠，係得冬菇如所述有兩粒。肉碎都的少到得人驚，而醬汁亦勉強足夠，撈暈後味道也不錯。冬菇亦唔係好細只，但都係覺得唔抵食。

小妹一直都係麻辣米線既愛好者 南記亦都係我一向既寵兒之一 可惜我唔係成日都過嚟香港島 所以唔係成日有得食 今日難得係上環返工 lunch time就緊係過黎啦！平時都食開麻辣湯底 但係今日突然想食啲酸野 最後整左碗新出（新出左成年..）既麻酸辣米線（$43） 辣度中辣 餸要左招牌春卷同順德魚腐 📍*注意呢間分店價錢比尖沙咀金馬倫中心既貴一蚊食落去湯底依然好食☺️好正既麻椒湯底 加左酸菜原來都好配合 不過中和左 辣味就冇麻辣咁濃了 冇咁食得辣既人可以試下呢隻～#招牌春卷唔洗多講 一個必叫既餸 呢間水準都保持到 #魚腐就差啲了 平時南記魚腐係我最愛 呢度既就有小小雪味 相信係煮前未解凍得晒環境方面 鋪面有啲焗 再加上落雨後 濕氣有啲重 通風可以再做好啲～整體來講43蚊有咁既質素既米線🍜依然好抵 我愛南記😻

進去餐廳，站著幾乎十分鐘，都沒人前來下單。吃飯的吃飯，在廚房的吖姐就算沒事做都不出來幫忙下單，叫了五次員工，每個都你看我，我看你，你不動我不動，互相推託。過分！不吃你還有大把餐廳，氣憤之下一走了之，坐著吃的客人都一直搖頭，今時今日的態度。。。。無語！

食南記又點可以唔叫佢個招牌春卷呢？ 而春卷墨丸酸辣小窩米線🍜就係我既至愛啦🥰 可惜墨丸賣哂，只好叫魚蛋。春卷魚蛋酸辣小窩米線🍜🌟疫情價💲27 (配魚片同價)魚蛋彈牙有咬口💥👍🏻春卷唔洗多講啦，每次食都係甘好食，食極都唔厭吖🤤💕魚肉鮮甜，而且仲好掛湯添👍🏻米線外賣拎到返屋企都無捻到👍🏻 酸辣湯底味道香濃惹味🥰‼️ 酸菜、芽菜、韮菜、腐皮份量十足😍

近排疫情多數叫外賣留在辦公室食，今日中午好想好想食碗酸辣湯底麵爽吓過口癮。打電話落南記好快有人聽，十分鐘後去到門口，一如既往門外好多人排隊；入內十分細但聚集好多人又座無虛席。春卷牛腩小窩米粉HK$42除了有春卷和牛腩，配料有韭菜、酸菜、芽菜同腐皮，麻辣湯底味道先酸然後辣，簡直雙重享受，越食越夠晒刺激。酸菜好爽口十分開胃，春卷不愧是南記招牌，又彈牙又爽滑，點自家製辣椒醬更添層次口感，牛腩好乾柴柴且粗糙難食。

反工反中上環要面對飲食既高消費已經唔係新鮮事, 要相對搵d平平地既餐廳都有d難度, 好彩上環都有間南記幫下我依d貧窮既打工仔, 環境雖小, 但最緊要係員工效率快, 唔駛係狹窄既環境下等食物