南越南咖啡廳

營業中

休息中

南越蟹肉醬配脆球餅將鮮香濃郁既蟹肉醬釀入脆球餅，口感香脆，蟹肉醬味道鹹香，層次相當豐富～扎肉心內美米紙卷厚切扎肉彈牙有咬口，配以紅蘿蔔絲、青瓜、酸蘿蔔，清新爽口，外層米紙煙韌透薄，再沾上沙爹醬，更添滋味！越式咖哩牛肋條配斑蘭椰香飯牛肋條、牛筋炆煮得軟腍入口，咖哩醬汁帶點微辣，夠哂刺激開胃～而且大大碟份量十足好抵食！椰香飯充滿陣陣斑蘭椰香，食落綿密香軟！惹火上身鹹檸豬頸肉上菜時店員會即時點火，令豬頸肉變得金黃焦香，爽口彈牙既豬頸肉入口有鹹檸檬香，再配燒波蘿同食，口感更豐富～烤蔞菜雞配青蘋果條雞件烤至外脆內嫩、肉質細嫩，充滿肉汁夠哂JUICY，伴碟有微辣青蘋果條，清香開胃～NVN 咖啡骨面頭放上棉花糖，可自行淋上越南特濃咖啡，棉花糖會慢慢溶化至咖啡骨中，口感濃香特別！班蘭奶蓋咖啡（凍）炎夏最岩飲返杯凍咖啡，鍾意班蘭既朋友可以試吓呢杯班蘭奶蓋咖啡！醇厚咖啡夾雜清新椰汁、香濃鮮奶味，香甜交織～南越蛋咖啡（熱）第一次試南越蛋咖啡，估唔到口感係咁得意！面層有燒得金黃焦脆既豐厚焦糖蛋醬，底有冰涼黑咖啡，雙重口感有驚喜～南越南咖啡廳地址: 旺角彌敦道726號1樓

今天晚上， 我們去到旺角NAM VIET NAM CAFÉ 晚餐。侍應說餐廳開了三年餐廳， 但我見到裝修仍然很新，地方十分寬敞；近門的牆角有一隻巨大的大熊，十分有趣。招牌金邊粉（嫲嫲南越湯）是必試的美味，湯濃加上弹牙的牛丸，牛筋及爽口、入味，又易𡁻的牛腩。順化豬肉串撈檬粉，豬肉扎成香腸形，咬落跟香腸有点相似，味道不錯。扎肉心內美米紙卷，名字很特別，叫了一碟有5件，用米纸卷上，內含甘筍、青瓜、扎肉。醮上醬汁，咬落感覺清新，是一道很健康的食品。炸素食春卷，外脆內軟，用生菜包着吃，減少了油腻感。越式發酵茶葉沙律，上層舖满番茄、豆等，絕對是開胃的好選擇。最特別是NVN咖啡骨，上面舖滿白色的粉，慢慢倒入咖排，看着粉未慢慢沉下及融化，很特別及有一種治愈感。咖啡骨入口鬆軟，有一獨特風味。飲品方面，參參愛梨的熱飲，是花旗參加上梨子，飲落有濃郁的參味，令喉朧舒服畅。另一杯用樽装入的柑桔檸檬綠茶，驟眼望似威士忌，倒入裝有冰塊的杯子內，是一款有趣又解渴的飲品。這頓晚餐，真的吃得太飽，又滿足。 另外要稱讚一下，服務非常周到，讓我們的用餐體驗更加愉快！

同朋友係旺角行街，行到T.O.P shopping 時想搵間餐廳食飯，得知對面街彌敦道726號喺一座食肆林立大廈，竟然偶爾發現越南菜天花板「南越南咖啡廳」開設係一樓，於是二話不說同朋友品嚐美食，聽聞餐廳注入新元素，主打創意越南菜、而且迎合香港人口味、仲有自家製出品柑桔檸檬茶。甫踏進店內店員殷勤有禮，直接帶位入座。不時會更換碟同清走枱面多餘碟子，十分細心。而且仲有自助斟水🫗水吧位，可以自行添免費飲用檸檬水。Deep Sea Fantasy (HKD 72):一大個泡泡🫧係杯面，打完卡之後可以篤爆佢，好有儀式感。杯邊掛有鹽粒，飲落有梳打汽水和冰涼感，紅番石榴顆粒增加甜度，含維生素、礦物質及植化素，有少少酒精但不算濃，好易入口。金橘檸檬綠茶（HKD 25):自家製金橘檸檬綠茶好有誠意，用上玻璃樽承載，盡題高級感，仲配埋冰杯，清香怡人，綠茶的淡雅香氣與柑橘類的果香結合，讓整體飲品更加清新。微苦底韻的綠茶本身有些微的苦味，與金橘和檸檬的酸甜形成對比，增添了層次感。烤蔞葉雞配青蘋果條（HKD90):蔞葉香菜與烤雞的香味相得益彰，雞肉的鮮嫩得很，烤雞肉外焦內嫩，肉質鮮美，搭配醃料後的微酸和香氣，令人

南越南餐廳內部裝潢簡潔大方，增添了一絲異國情調，讓人感受到越南文化。這次用餐中，我哋揀咗幾款特色越南菜式。招牌金邊粉：金邊粉湯頭濃郁，食完金邊粉一定要飲埋d湯。牛丸彈牙，牛肉唔會太韌，配以新鮮的青檬，為這道經典的越南粉增添了獨特風味。👍🏻脆米子薄餅：脆米子薄餅外皮酥脆，內餡豐富，搭配上特製的醬汁，每一口都帶來驚喜，會食唔停口。牛及雞烤肉：牛肉和雞肉串燒入味，但略嫌太乾身，感覺冇乜肉汁，但醬汁幾惹味

呢間越南餐廳一直好受歡迎，上次食完念念不忘😍 今晚又同朋友過嚟試佢啲創新菜式，款款都好味，價錢都唔算貴～🧆Shake Shake 雞軟骨份量好多😍 爽脆彈牙，經過特製醃料的調味，十分香口 好好味！🍖NVN 咖啡骨以咖啡醬汁烹調的豬骨，肉質鮮嫩，味道濃郁，咖啡的香氣與肉的鮮味融合，為這道菜品增添了獨特的風味🍢順化豬肉串（2串）肉質鮮美，搭配特製醬料，好惹味🦐火龍芒芒蝦仁配脆蝦片（3件）賣相吸引🤩 色澤鮮艷，口感豐富。蝦仁鮮美多汁，脆蝦片增添了口感的層次，酸酸甜甜好開胃🍲嫲嫲南越湯 招牌金邊粉必食！湯底濃郁鮮美，配料好豐富，金邊粉爽滑可口，牛肉牛筋嫩滑無比，好高質！🍗烤蔞葉雞配青蘋果條雞皮金黃酥脆，肉質鮮嫩，搭配清新的青蘋果條，很不錯😚🍌香蕉薄餅真心超級好味嘅甜品😍😍😍 即點即製，薄餅暖暖的 十分酥脆，配上朱古力醬好香甜，加埋香蕉的甘甜，口感味道滿分🥰🥰🍵接骨木花茶青蘋果（熱）推薦！花茶清新怡人，帶有青蘋果的淡淡香氣💚🍹斑蘭龍眼茶（冷）清爽可口，帶有淡淡的斑蘭甜味，好解膩🤎

近排成日去旺角搵食，又比我搵到間勁多好評，就忍唔住試吓～嫲嫲南越湯-招牌金邊粉 $88有牛肉片、牛肋條、牛根、牛尾、牛肉丸、油條；個人麻麻地個湯底，覺得偏酸又唔重牛肉味，至於餸方面，牛肉丸冇乜汁，其他野就算炆得淋都冇乜牛味，份量都比較少惹火上身鹹檸豬頸肉 $70 點火的確嘅eye catching , 但豬頸肉本身偏瘦，有少少乾同hi，味道又醃到麻麻參參愛梨 $30最滿意係呢杯野飲，但係超細杯⋯富國島之椰子奶凍 $55有啲霧化效果連埋顏色係幾靚，但奶凍本身唔重奶味，芒果偏酸總結；食物有賣相岩哂打卡，但味道真心失望，環境其實都ok ge，但著重食物味道嘅我就唔會encore 了地址：旺角彌敦道726號1樓評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️

約左越南朋友仔食飯，佢話想試下香港既越南fusion菜，我就搵左呢間係旺角既Nam Viet Nam cafe 餐廳既裝修格局幾有心思，好中意每張枱有足夠空間，坐得幾舒服，唔會好逼。班蘭龍眼茶 - 班蘭既香味係前調，飲落去龍眼既鮮甜會先入口，最欣賞個包裝設計特別，仲可以自己控制濃淡☺️越式惹味粟米條- 擺盤好靚，粟米條配濃味真係好夾，上台時仲係新鮮熱辣，同個朋友一路傾計，好快就清哂。順化豬肉串撈濛- 個撈汁唔係出面一般咸到反眼，問番店員先知廚師特別就番香港人口味，特登減左咸。食撈濛時，個味覺就可以感覺番豬肉串既香脆，唔錯。NVN 南越法式麵包- 店員好細心提我地最好一分二，咁我地梗係跟🤣 法包餡係豬肉絲，驚喜係當中配切細條豬耳，食落口感韌爽，配埋熱香法包、醬同青瓜，好滿足🥰 越南朋友一邊話唔係傳統味道，但又話好食然後清哂。火龍芒芒蝦仁配脆蝦片- 蝦仁撈左火龍果汁，同芒果酸酸甜甜更加夾，放係蝦片度，食時脆脆酸酸，細細份小食好岩。烤婁葉雞配青蘋果條- 烤雞上台時係熱同脆皮，食落有淡淡既葉香，而且肉質仲係嫩。配菜係青蘋果配醬，酸酸甜甜既感覺，個人中意食哂雞之後，再食配菜青蘋果，

NAM VIET NAM CAFE 是一家專注於精緻越式料理的餐廳，提供多樣化的菜品，讓人能夠體驗到越南獨特的風味越式發酵茶葉沙律這道沙律以新鮮的蔬菜和發酵茶葉製作。脆嫩的蔬菜搭配茶葉的獨特風味，讓人感受到清新的口感，十分開胃。惹火上身鹹檸豬頸肉這道菜色香味俱全，非常適合拍照打卡。豬頸肉經過精心烹調，外焦內嫩，肉質鮮美，搭配鹹檸的酸香，讓人一試成難忘。越式咖哩牛肋條配斑蘭椰香飯這道菜將越式咖哩的濃郁與椰香飯的香甜完美結合。牛肋條肉質軟嫩，咖哩醬汁濃郁，搭配香滑的椰香飯，讓人感受到豐富的口感。火龍芒芒蝦仁配脆蝦片 這個小食色彩鮮艷，十分吸引眼球。蝦仁鮮嫩多汁，搭配脆脆的蝦片，加上火龍果的清甜，增添了清新的口感，讓人感受到夏日的氣息。越式惹味粟米條粟米的自然甜味與調味料的香氣相互融合，而且香脆可口，讓人感受到越南料理的獨特魅力。Citrus Blossom造型超靚😳😳呢款無酒精飲品清新怡人，適合搭配各種菜品。西柚的酸甜味道，能夠有效中和口中的油膩感。TEARS OF MERMAID呢款無酒精飲品色彩繽紛，十分吸引眼球。口感柔和，帶有微微的甜味，十分適合在炎熱的天氣中享用。

去到食店，第一接觸到的不是食物，而是服務員。這店的服務員衣着整潔，而且親切有禮。對外藉人客耐心講解菜單，也會對其他食客有點傾談、介紹，服務一流👍談到這店的主角食物，更帶有驚喜。不但食物美味，而且款式也很特別、很吸睛👀NVN咖啡骨（$78）這個做型完全出乎意料之外。看似一個雪山，原來是棉花糖。把齋啡倒進棉花糖內，棉花糖隨即溶化，杯中的豬軟骨滲透了濃郁的咖啡香味。南越蟹肉醬配脆球餅（$68）薄脆半圓的脆球很精緻，把蟹肉醬放在球中，容易入口。而蟹肉醬充滿蟹肉的鮮味，最適合我這喜歡食蟹而怕處理蟹殼的人。越式咖哩軟殼蟹配蒜蓉法包（$108）軟殼蟹浸在香濃的咖哩汁內，令柔軟的外殼帶着咖哩的香味。這咖哩汁香濃不辣，吃多幾口也不怕熱氣。扎肉心內米紙卷（65）扎肉、青瓜、紅蘿蔔被米紙卷卷在一起，再配以醬汁（帶有花生、芝麻味道），是道清淡而美味的菜式。炸素食春卷（$44）春卷即叫即製，炸得香脆可口。接骨木花茶青蘋果（$30）花茶配以青蘋果味道清香，賣相吸引 berries($62)這杯用莓子製成的飲品充滿莓子的香甜，而這飲品略帶一點酒精，整個配搭很和諧。富國島之椰子奶凍（$55）亁冰而成的白煙不斷冒出，白

睇到咁多好評所以一試，可惜……1. 食物只係適合想打卡的人，味道一般，份量偏細份2. 坐位迫，完全無空間感。有d post 話d 裝修好吸睛，真係見仁見智3. 服務態度，已經收10% service charge，仲要自己去針水。食食下野係到傾計，服務員成日個黎問”呢碟仲要唔要，食完未” 勁打擾！！4. 用餐時間，9.15pm就拎張叫我地俾錢先，9.45pm 就話closed 今日成餐飯都好似急住叫大家走咁，真係唔會再去（從來我都唔會寫食評，可想而知佢有幾差令到我寫下第一篇）

土旺角呢間越南Fusion菜，食物及飲料都好有南越特色。同中學朋友好耐無見，就去試一試。脆米紙簿餅未食過咁樣嘅薄餅，有青瓜絲紅蘿蔔絲加啲臘腸肉，食落幾新穎 。越式咖哩軟殼蟹配蒜茸法包，蒜蓉包非常惹味，夠晒脆口，咖喱軟殼蟹，放入口非常爆好滿足。越式時蔬，小小椰菜波+濃汁, 惹味搶口.餐廳菜式有越南風味且多元化，更有越南湯粉、越式法包、越南滴漏咖啡等，加上位置適中方便，約人食飯其中之一個選擇。

一位即時有台 坐低即搜Code落單 秒揀左招牌金邊湯粉 隔離台同時間坐低左兩位 佢地吹左一輪水 隔左近5、6分鐘先落單，結果我等左13、14分鐘都沒野食到，但隔離台原來叫左同一碗招牌麵 反而到左先，於是我問個侍應，佢話廚房係睇單做唔係睇落單時間做 話叫我等下 結果隔左一輪佢地又有人話果碗麵係我既 但裡面既牛肉已經浸死哂 我嬲嬲地求其食完就埋單去 一定沒下次 味道一般 侍應歪理成文 好評可能都是刷返黎 97蚊係旺角太子大把老店小店好選擇

睇嗰啲評論介紹，呢間嘅越南粉都得到幾高分，所以專登嚟試吓。我揀咗啲兩點幾冇乜人去嘅時間，好彩都仲有得食，呢度冇下午茶套餐，咁我就點咗一個呢度招牌嘅牛河粉啦，裏面有牛尾牛肉 ，牛柳，牛丸，啲料幾多元化，而且味道係好好，我鍾意食牛尾，雖然整體上唔算好大碗，我諗一個男人未必食得飽。之後我點咗呢個小食，係呢個南越蟹肉醬配呢個脆波。混合起上嚟係幾好食。可能我本身好鍾意食呢個脆波，咁加埋呢個蟹肉醬，好有層次。呢間嘢可以回頭

lunch又嚟食依間越南嘢😋牛肋條軟硬度啱啱好，咖喱辣得來好香（唔算太辣），斑蘭椰香飯好食🤤依個價錢真係差唔多～但係今次呢個飯就冇咗lunch set～（冇包嘢飲）Anyway值得encore再encore🤪門口依隻大熊好正～🤣埋單有張刮刮卡抽！

放lunch去左食越南野，唔洗等位～野食好好食！雖然lunch黎講價錢偏貴，但好食🤤會再encore✨✨餐包嘅冬瓜茶都好飲！坐得舒服～斑蘭飯第一次食，淋淋地唔錯👍🏻咖哩唔辣易入口，同斑蘭飯夾！下次會想試埋其他lunch set 😁埋單有刮刮卡，下次可有七五折😀