博多拉麵別天神 (已結業)

此店鋪內裡細細 款式都算多,我們點了兩碗面都是套餐來的、又有小食小食是煎餃子同埋蝦沙拉連紫菜我們都喜歡蝦沙拉 味道香濃 好味蝦味豚骨拉麵 及 豚肉拉麵，這裡標磅冇味精，用豬骨湯熬製平時我都不飲湯但呢間我有飲，很安心食得

好少可遇到對食物同食法好有要求，一定要即食，如果5係會影響食物質素，影相打卡的朋友仔要注意了。第一次食到入口即融既半熟蛋！ 超perfect!! 🥰🥰🥰 基本上筷子🥢一夾就裂開兩半，好治癒豚骨湯麵🍜個湯底又滑又香濃，質感有d鮮奶feel重點係5會太咸，反而係可能食左餃子先，第一二啖食麵係覺得較淡少少，但食多幾啖就發覺好濃豬骨味，滿滿骨膠原🦴🤤🤤🤤 講返餃子🥟，係好少可做到既軟淑，底又香口，内餡菜6肉4既比例我好中意！ 好健康好爽口好清新！ 👍🏻👍🏻👍🏻👍🏻👍🏻👍🏻 呢間真係俾爆5粒星！ 對食物食材都係一絲不苟既態度和做法。

今日去到北角,見到哩間好日本風既拉麵舖頭又到左晚飯時間,即刻入去試下舖頭主打兩款拉麵,所以我就點左2個套餐同日本一樣係自助式既點餐機,可以用八達通/信用卡付款食物方面:🔘別天神套餐配餃子🔘蝦味噌套餐配餃子首先試下個原味既湯,好濃郁好香,個豚肉都吾會好肥,有2大塊麵既軟硬度岩岩好,而蝦味湯底最吾同係再濃d因為係蝦味噌豚骨湯底而2碗都係套餐所以都有全隻溏心蛋係流心好滑既,配料有木耳.粟米套餐既餃子🥟好香口好脆配埋醬汁好好味整體方面:鍾意食拉麵嘅朋友可以過嚟試吓而湯底係用豚骨煲既冇味精所以唔會好頸渴拉麵都好大碗豚肉都好好味都好有日本嘅風味重點係價錢合理 值得推介

第二次黎食呢間拉麵小店，店舖雖小，但都坐得舒服。放工自己一個食，呢間小店岩晒呢個愛食拉麵既我。買拉麵係自助式既，門口有部選單機，選好食物，就有唔同付款方式付款，用現金在櫃台俾都得，好方便。今次食豚骨湯拉麵，我中意佢唔會同其他拉麵店既湯咁咸，佢個湯濃得黎唔咸，成個湯奶白色，唔會濃到傑達達，鮮味得黎唔會覺得味精重，食完唔洗狂飲水。糖心蛋有水準，冇失望。勁多蔥，最like啖啖湯都有蔥真係好正。主食叉燒軟滑，但味道略嫌偏甜，對於我呢個淨係食甜品甜既，未必咁岩口味，不過整體而言，係唔錯既拉麵店，會再去食其他口味

成日都見到呢間拉麵舖，原來佢係有好多間分店！今次就去咗北角果間，兩至三分鐘就行到。入到去佢哋係用自動販賣機去買拉麵ticket，好似日本果d拉麵店咁，連座位嘅settings 都好似。今次叫咗一個別天神套餐配餃子同埋一份蝦味增套餐配小龍蝦沙律。別天神湯底好濃豬骨味，幼身嘅拉麵都幾掛汁。除咗湯底係拉麵嘅靈魂之外，糖心蛋都係非常重要！呢隻蛋真係超讚！食落甜甜地，真係食多幾隻都唔會厭！餃子即叫即煎，餃子皮煎到脆脆地，幾可口！蝦味增湯底顧名思義就有濃濃嘅蝦味，再加埋面頭大量嘅櫻花蝦，真係超級濃郁！兩個套餐入面都有叉燒，肥瘦適中，都幾軟熟！小龍蝦沙律本身以為剩係得一啲碎肉，點知入面竟然有兩三隻小龍蝦，都幾彈牙！整體來講，$115有一碗拉麵加小食都算好抵，同埋佢上菜速度都幾快，如果趕時間要食個快嘅飯呢個簡直係首選。

上次食完之後對佢個湯底念念不忘所以一收工就過黎再食過..先再去做gym～同一位師傅 好認真咁煮緊我地既拉麵～好期待！我念念不忘既就係呢個豚骨湯！好鐘意佢個湯夠稠身，而且濃而不膩最緊要係塊叉燒唔算肥 無論係做完尖先食定食完再去做尖 都無乜內疚感翻食同一間舖頭 最怕係同上一次會有落差 不過粒溏心蛋同樣keep到水準 蛋汁濃郁麵底幼身，今次煮得硬返小小，正！小食方面 今次試左龍蝦蟹子沙律～龍蝦似爽口，仲有啲脆卜卜既蟹子，好fresh好開胃。另一款同樣嗌左蝦味噌湯～湯味同豚骨差不多，上面加左蝦乾 而且湯底都多左陣蝦既鮮味，咸成地好惹味另一個餐照舊跟煎餃子皮不厚又料多 不過比小編揀小編會鍾意蝦沙律多啲呀～食食下先發現原來佢地搞緊活動，儲印花再加錢就可以換幪面超人既野！喜歡幪面超人既朋友要留意喇！

呢間位於新光戲院對面ge拉麵鋪十分唔起眼，但佢出面有日式紅燈籠懸掛住，令人不禁再三回頭望一望。踏進門口，播放著日歌，裝潢格局與日本拉麵店一式一樣，大家都係圍住個廚房食麵。佢呢到都係用自動售賣機揀選自己喜愛ge食品，再坐低等食物。呢到只賣兩款拉麵，當然要試下有咩分別。我地order 左兩個set,仲有餃子同龍蝦沙律。餃子不太油，肉餡同急凍貨差不多。反而龍蝦沙律就較為出色。每食一淡都有不少龍蝦肉，而且味道適中，值得讚賞。豚骨拉麵，佢ge湯底係無味精，呷一口十分濃厚豬骨味湯底，可見用料充足。蝦味豚骨拉麵，多左d蝦乾，令成個湯底即刻昇華哂，蝦味濃郁。麵條屬幼身，軟硬度適中，叉燒淋身，又燒過，十分之好味。

別天神套餐配小龍蝦蟹子沙律 $105呢間拉麵店名好日本 入面都係自己襟機果種日式玩法 叫左份拉麵套餐套餐拉麵其實得兩款 咁我通常食拉麵都會試下豚骨湯底先 個湯係濃白湯 調味上無咁咸 比起一啲內麵名店唔算重口味 麵係我鍾意既硬身幼麵 趁佢未浸到好奈食有返咁上下口感 豚肉有兩塊 薄身suppose易入口 豚肉處理上就無咩特別 譬如無話咩灸燒 肉質正正常常同拉麵得兩款一樣 跟餐小食都係兩款 呢碗麵就跟既小龍蝦沙律又幾特別 present上用紫菜半圍住沙律球 紫菜落得幾慷慨 小龍蝦蟹子口味都唔錯 同沙律咁夾幾match 市面都少見 有啲驚喜蝦味噌套餐配餃子 $115蝦蝦拉麵比豚骨有特色拉麵既蝦當然唔係真蝦肉 落左唔少蝦乾 一片紅幾搶眼湯底任味噌 其實蝦味搶focus啲 兩者配搭得又幾好 有個印象幾好既湯底麵身都係硬幼麵 係我杯茶 覺得咁處理口感會好啲套餐跟左餃子 如果完整單叫餃子會有六隻 跟餐就4隻 餃子簡單處理得黎又幾好食 煎得真係唔錯雖然無咩拉麵同小食選擇 不過專注啲未嘗不精 少少建議係加紙巾盒俾客人自助

最近天氣又焗又熱，冇乜胃口食飯，所以就同個朋友仔去食拉麵。一碗好味嘅拉麵湯底好重要，我朋友話聽講呢間拉麵唔錯，所以我哋就去試吓。到咗餐廳見到有部自助式購票機，都幾方便喎！我哋揀咗兩個set meals: 別天神套餐配餃子，同埋蝦味噌套餐配小龍蝦蟹子沙律。等咗陣個餐已經準備好，個湯底的確okay, 但估唔到最令我滿意嘅係佢隻流心蛋，口感一流，非常好味。我朋友亦都好滿意佢嘅蝦味噌套餐，而個小龍蝦蟹子沙律，係我哋兩個女仔一致認為必點嘅小食，用紫菜包住啲沙律一齊食，又好味又有營養。一邊聽住日本歌，一邊食拉麵，回憶起之前去日本旅行嘅點滴，真心正。

之前食過銅鑼灣分店, 呢間係第一次食, 店內採用食券機, 和風味濃👍🏻我哋叫咗一個別天神套餐同一個蝦味增套餐, 小食方面就揀咗餃子同小龍蝦沙律個人比較喜歡蝦味增拉麵, 因為佢嘅湯底比較香濃, 加上面頭大量嘅櫻花蝦, 增加左味覺嘅層次😋豚肉軟滑, 入口即溶, 溏心蛋亦係另一個點睛之處🤩至於別天神拉麵湯底就冇咁濃郁, 於是我哋按照店內推介, 加入蒜蓉同埋辣芽菜♥️效果令人眼前一亮! 🤩小龍蝦沙律配紫菜亦都係其中一個店內特色, 雖然細細份, 但蝦肉彈牙, 用紫菜夾住嚟食係一流👍🏻👍🏻

有日行過北角新光戲院見到有間小小拉麵店， 原來係「博多拉麵別天神」 , 今日落開北角當然要試吓啦。 一向都鐘意裝潢以傳統日式設計， 門口有部食券機， 睇啱就點選買完張飛交俾服務員或者拉麵師父就可以搵個靚位坐。 我點了招牌別天神套餐， 有豬骨拉麵配餃子， 湯底又真係幾濃郁喎， 拉麵麵條軟硬適中， 當然有叉燒同溫泉蛋。 老公選擇限定數量嘅蝦味噌拉麵套餐配小龍蝦蟹籽沙律。 花蝦份量都幾多， 同樣嘅麵條， 叉燒同溫泉蛋， 但湯底加入花蝦鮮味更加濃厚， 值得一試。 另外一讚係小龍蝦蟹籽沙律， 啖啖小龍蝦肉， 鮮甜開胃， 係必選呀。

今日放工 突然抽起條根想食拉麵見到喺鬧市中呢一間小店就入左去食喇但原來佢有吾少分店嫁 🙈😶地點好方便一出np地鐵站過對面就到呢度系好似日本咁用機落order幾方便 😁我揀左別天神套餐配餃子好快就到~啲拉麵煮到啱啱好唔會太硬亦都唔會太淋湯底味道適中啲肉肉呢 都吾會太過咸餃子皮薄餡靚另外我朋友就叫咗個蝦味噌豚肉拉麵聞到濃濃嘅蝦味 真系好開胃拉麵質素歸一呢度同某啲拉麵站一樣都有bar枱可以睇住師傅煮麵 😂😂😂

第一次係香港去拉麵館食拉麵🍜小龍蝦蟹子沙律好鮮美，用紫菜包住好滿足😍1. 蝦味噌套餐配餃子2. 別天神套餐配小龍蝦蟹子沙律諗起我都想食😂😂😂餃子不過不失🥟略嫌底有點兒燶蝦味噌拉麵🍜日本半熟溏心蛋好嫩滑啊😍好入味！豚肉可以再加多少少調味麵身比較幼細，有啲似街上買嗰隻味千拉麵

今日同媽咪去左北角果邊周圍行下事關係毫無方向咁亂行 所以都係行下街市 睇下白鴿😂😂😂最後行到新光戲院嘅時候 見天都黑哂我地又肚仔餓餓 咁就隨便行左入依間拉麵店一入到去見裝修好似日本拉麵店咁店員一見到我地就好熱情咁21314～🤣🤣真係好似去左日本咁！依到係用機自己點嘅 用八達通同信用卡比咁我地就點左豬骨同埋蝦味噌拉麵各一 再配埋餃子🥟☺️☺️餃子煎得好香脆 係典型嘅日式餃子另外我點嘅豬骨白湯黎到喇～個湯底好濃郁 好鮮甜 料好足！加上我又加左勁多蒜蓉同辣芽菜 所以真係好濃味 我鐘意！試埋媽咪個蝦味噌湯底 覺得好重海鮮味 但我個人會鐘意白湯多點😋😋😋其實本人一向都唔太好拉麵 因為食過幾間都覺得麻麻地 但依間我又覺得幾正喎 下次見到都會再食😊😊

收工同朋友行左陣街突然落雨，諗住搵間鋪頭食野等停雨，行到地鐵付近就見到呢間拉麵店好有日本風，細細間，雖然坐位唔多（大約10個位），但d食客食完就走，我地去到已經即刻有台客走，唔洗等位。一入店鋪有部自動點餐機，可以八達通／信用卡收費都得，唔怕無現金！同大部份拉麵小店一樣，宜間鋪頭都係主打兩款拉麵，懶得諗於是我同朋友叫左「別天神套餐配餃子」同「蝦味噌套餐配小龍蝦蟹子沙律」，諗住乜都試下。拉麵幾足料湯底好濃，但唔會太油（可能係d啲豚肉都唔係太肥），而且勁多麵！啱晒行到累既我地；麵既軟硬度適中，不過自己偏好硬d既麵，但以呢個價錢有咁既質素真係物超所值！跟餐仲有兩款小食，小龍蝦蟹子沙律同餃子。嘩，真心有驚喜，份沙律雖然唔大份，但超級足料，啖啖都係小龍蝦蟹子，完全無偷工減料！超好味；而餃子就不過不失，反而有少少香港餃子既味道原本我地個餐左叫飲品（諗住買珍珠奶茶），老闆超級貼心提醒我地有水可以自己斟，原來係麥茶！平時拉麵鋪都只會準備冰水，但別天神竟然係冰麥茶，食到飽飲返杯真係消滯一流！