原野日本料理

營業中

休息中

⛩🏮石硤尾街坊日式小店，有刺身日式便當、烏冬、串燒，價格親民，店主仲送一客雞泡魚乾，好有人情味😍🍱刺身便當+一款小食：三色刺身中北寄貝冇晒，得返三文魚&墨魚，份量都幾多，小食炸魷魚鬚，香脆好味😋🍜雞翼烏冬+小食：雞翼有4隻，小食炸雞軟骨又送多隻炸蝦，大滿足🍢燒雞軟骨：好整齊一粒粒既雞軟骨🤩烤雞泡魚乾：送酒一流，烤得好冇乾爭爭燒雞腎，雞腎夠厚，咬落爽口夠肉汁🥰燒鱔:肥美，不過嫌份量太少😜燒魷魚翼：又香又有咬口，正燒芝士年糕：半熔芝士，正👍

原野日本料理📍：石硤尾石硤尾邨商場平台6號舖🚗：石硤尾地鐵A出口 步行5分鐘📞：+852 6909-8345💲：~HKD50/head for lunchFood quality✔️：無限任哏嘅沙律醬及饅魚汁撈飯、煙三文魚蟹籽沙律👌🏼：所有定食水平為中總結：👍🏼因為周圍好多中學 呢間亦係好多中學生嘅回憶食堂 而我都係其中之一🥺 諗起當年三十幾蚊就有日式便當食就好滾動👍🏼牆上面寫滿哂中學生嘅字句 好似之前寫紀念冊咁 有種回到過去嘅感覺😭👍🏼所有定食其實都不過不失 雖則宜家要成五十蚊一餐 但都係好抵食😋 👍🏼白飯任添 一定夠飽 強烈建議一定要落沙律醬同饅魚汁去撈飯食 實在係窮人恩物🤣👍🏼咁多年嚟 我每次都會叫煙三文魚蟹籽沙律 咁你就知係幾咁好食👎🏼主要係做學生生意 所以放假同暑假經常唔開 所以成日摸門釘🥲👎🏼如果係想食正宗日本菜都唔適合你 定位似係港式日式便當多啲 而且質素偏中 要求較高就建議另覓好西👎🏼位置係街市樓上 偏僻比較難揾 環境都唔係話好衞生同乾淨 但可以接受嘅😆

而我就揀左炸豬扒拼三文魚（學生價：$39 非學生價：$43）（+1均送罐裝或紙包飲品，不選擇飲品-$1）其實嗰便當都幾豐富，有6-7塊炸豬扒同埋一小碗三文魚粒，而佢會附送一兩款小食（炸帶子/芝士腸）同埋沙律，而我就揀左煙三文魚蟹籽沙律可能我咁啱去嘅時候無咩人，所以幾乎所有炸物都係新鮮滾熱辣，好好食，三文魚亦都好新鮮，而且三文魚色澤好鮮明，完全為成個便當加分👍👍 最吸引我嚟講當然係可以任加沙律醬💕💕💕💕真係無咩舖頭可以任加沙律醬😭😭 其實呢度都有做晚市嘅，不過晚市會貴啲，而且夜晚有燒烤嘅嘢，有意嘅話都可以試下

今晚無所事事，發掘下不曾去過的石硤尾街市頂層的食店。選了間日本菜試試，裝潢簡單，牆上佈滿學生塗鴉，算是特色但不美觀。第一次來吃，當然選該店餐牌推介的菜式比較穩當。該店熱門排名第一位: 錫紙芝麻醬焗烏冬(細)，烏冬香氣撲鼻，爽口彈牙，沾滿胡麻醬的鹹甜味，滋味香口。 可惜，除了烏冬沒有任何其他配料，加上份量真的很細，吃完好似無吃過，$33唔係貴但唔抵食…該店熱門排名第二位: 燒豬頸肉串，尚算香囗。不過，份量袖珍，平均$10/串，相比同區的串燒唔抵食… 該店熱門排名第三位: 三文魚腩刺身 (1/4磅)，砌成花形的三文魚賣相不錯，惜不夠肥美，也嚐不到鮮味，反而雪藏味頗重，勉強可以吃下。$83物非所值… 全餐最滿意的是自沖熱茶...整體份量不多，欠缺特色，刺身欠鮮味，價錢與份量質量不成正比，我想午市來吃可能比較划算，但晚餐真的無下次！

經朋友介紹 第一次去食 d款好多 叫左個三文魚b餐 午市價錢比晚市平 好抵食 正 有一晚因為肚餓未食飯 開openrice睇下有咩食 果時10點30 之後發現原野有開 就走左去食晚市 雖然價錢都比起午市貴一半 但都唔差 先叫左餐 等左唔夠5分鐘個餐就來 個餐比午市多左碗面鼓湯 都幾好飲 同埋個三文魚a餐 比午市多左舊三文魚壽司 雖然價錢唔平 但呢間鋪既食物質素唔差 加上店舖環境唔錯 幾乾淨 坐得好舒服 老闆娘都好好人 請左我同班fd飲野 整體來講 原野幾好

話說今日同朋友行過石硤尾商場附近，突然間聞到一陣好香既燒烤味引到我地個肚打鼓咁響。咁岩我地又未食飯，跟住我地二話不說就跟住個香味行到過去間鋪頭......我地入到去坐低見到四周圍圍牆上面都有啲畫同字句又幾特別，看左幾眼個肚又打鼓，我地就即刻點左幾味試一試先。日本料理出名海鮮，我地就點左個烤蠔黎試一試先。依個蠔真係好邪惡，融左既芝士加埋隻蠔味道真係岩岩好，唔太鹹又多汁重帶到蠔既鮮味。真係好值得大家試下日本料理又點少得鰻魚呢～依個烤鰻魚無想像中咁乾身，味道又唔錯，真係食到停唔到口。其他都唔錯，依間真係好推薦大家去試下

趁臨完sem就同同學係cityu行過黎哩頭食，由學校行過黎都15mins，不過哩間之前都食過幾次就忍唔住再行遠d黎食首先間野裝修算幾有屋邨風味，牆身寫滿哂字menu用簡單幾張紙填就得，今次我地兩個都嗌咗個一樣既餐: 三文魚b餐，所有餐都係(學生價: $35，一般價: $39) 如果要野飲就加$1個餐包三文魚刺身，一款小食，我簡咗八爪魚，佢就簡咗炸鱿魚鬚，唔係新鮮炸，凍咗唔好食我個款就算係正常水準，不過成餐咁既價錢一般以上既水準算係唔錯

今日豬小姐陪朋友仔尼到「原野」一個充滿住佢中學回憶嘅地方 佢話鋪頭原本位於白田購物中心嘅 不過而家搬左尼尼度 今日就陪佢找那些年我地兩點幾去到 避哂學生食飯時間 雖然地方比較殘舊 但確實充滿住校園感覺！牆上全部都係學生哥畫同寫上去嘅圖畫句子 由無聊野 寫偶像名 祝願句子 甚至表白嘅嘜都有 見到都不期然會心微笑 童年總是快樂的 諗起自己已經踏足社會一段時間 不禁唏噓起來入番正題啦 有set lunch 選擇都算幾多 朋友仔推介鰻魚飯 咁就一於試下 另外仲有壽司同小食跟嘅 我揀左三文魚壽司同煙三文魚蟹籽沙律 加$1有野飲紅色盤 便當feel十足 一格格分開哂啲食物 朋友仔話想當年鰻魚係原條上嘅 不過而家切絲嘅鰻魚條份量都唔少 最正係鰻魚汁可以任唧 沙津醬都係 重口味的我加左勁多汁 三文魚就唔算太新鮮 偏薄的 沙律反而有個小驚喜 沙律裏面除左有煙三文魚同蟹籽 仲有蛋同白吞拿魚 而且夠凍 尼個唔錯喎左上角嘅係炸墨魚咀 估唔到尼度有得食 雖然只係微温 但勝在過下口癮 接受！見朋友仔嘅餃子釀雞翼幾飽滿 漲卜卜 佢地話味道都可以嘅~ 整體尼講 係無期望之下 食物質素比我預期係好啲嘅！食下傾下咁 就個

畢左業好耐無返黎食原野，好懷念！以前不嬲都叫便當，lunch time $20-30，但原來晚市要成$63…講真飯無咁好食，因為有少少一舊舊痴埋……不過識食，一定係落醬汁！就係沙律醬同鰻魚汁，任落唔嬲！新嘗試，要左半條蒲燒鰻魚$70好味！不過份量真係唔算抵…今次見$220有野送，於是叫左碟蟹籽沙律湊數，然後要左炸蝦：炸蝦好味！蟹籽沙律收$30但無青瓜絲就略嫌慳皮……不過點都好，每次入原野，見到個幅中學生任意塗鴉既牆，真係好懷念😊😊

六點半就到左，間店一個客人都未有。以前讀書的時候都有食過原野，對原野的印象就係平民化的日本野。入到去，格局同以前一樣，只係牆上的塗鴉比以前更多煙三文魚蟹子沙律：個ｓｅｔ係朋友叫的，我只係試左ｓｅｔ入面的煙三文魚蟹子沙律跟據店方提供的熱門排行榜，煙三文魚蟹子沙律排名第十一位。份量唔少，蟹子都幾多。但食唔到有三文魚，除左蟹子，只係食到蟹柳絲同沙律醬。芝麻醬焗烏冬：熱門排行榜位居第一名。因為焗過，熱騰騰的烏冬一上枱，就香氣四溢。加上，本人都幾鍾意食芝麻醬，必食不過，其實制作成本好低，但細細份已經賣＄３０，感覺唔化算。鍚紙蒜蓉焗茄子：平時食的焗茄子都係乾身的，但原野的焗茄子係濕的。而且，蒜蓉夠多，所以好香，但幾油膩燒軟骨餃子：如果要為「油膩」呢兩個字打分數，蒜蓉焗茄子係兩分，呢個燒軟骨餃子我會比八分，食左一隻已經唔想再食。雞泡魚乾：熱門排行榜上完全冇排名，但其實香口的雞泡魚乾，係同朋友吹水時作為小食，真係唔錯。現在的原野，食物雖不如從前，但都仲算係一間抵食的日本野。

這店名令我想起關正傑的某一首歌開頭第一句: 在原野上讓我獨行….選擇在平安夜來, 主要是我們不太想吃聖誕大餐, 而這裡又不太貴, 本來兩個月前已經來過一次, 但剛巧她休咗息, 沒有幫襯就走了, 今晚差不多9點再臨, 客人只有兩枱, 座落不到30分鐘重只剩番我們包場, 店內情況樓下食友已經形容過這裡不再描繪了, 我們叫了:三文魚腩刺身一磅$135, 賣相(擺設)有點”娘”! 最有趣的是搭兩件蛋壽司用的蛋作調色之用, 全部魚生都是厚切, 魚生溫度ok, 雖有點凍但當晚溫度也相當低, 而店內是跟室外空氣流通的, 就咁擺都會變凍啦! 壽司用芥辣比較人工的綠, 不過我們都不會用芥辣太多等人, 食少少問題不大, 三個人分享剛好,但其實亦足夠四個人食, 串燒牛脷$19 一串五粒, 沒有太濃牛味亦沒有太濃調味, 但都知道食緊”牛脷” 嘅 壽司“盛り合わせ“自已組合的, 因為壽司是7送1 - $63, 我們選的壽司是醋鯖魚三件 –醋鯖魚偏乾且有點嚡口, 炸蝦三件 –成隻蝦露出2/3 視覺上不美觀, 炸色有深淺色 , 鰻魚兩件 –將鰻魚切碎上,外觀唔太好囉! 芝士焗菇菇, 基本上用咗兩扎金菇菜加一兩

嘩，今日經過喱度，見到有間日本野係度，又岩岩見肚餓，就入黎試下喇一入黎就見到佢d牆好有特色呀，一問之下，原來全部都係客人畫架，可以留番個簽名，嘻嘻簽完個名，畫埋d公仔，d菜就差唔多上喇叫左個三文魚c餐，有小食仲有4件壽司，$48都ok多野個餐仲有個三文魚a餐，岩曬有選擇恐懼症既男朋友呀^^喱個芝麻醬焗烏冬，酸酸甜甜夠開胃，唔快得知係介紹果度排No.1喇$25正野黎喇，我地喱d三文魚怪，緊係要勁叫三文魚刺身喇叫左半磅三文魚腩，夠曬香同肥呀！$108再整多半磅三文魚背位，俾唔食腩位既男朋友，三文魚刺身上面仲有個用三文魚整既玫瑰，好令喔~$98再黎一個雞泡魚干，第一次食就食上引，因為真係好好味呀！$33最後整個清酒煮蜆，好味到連湯都飲埋xd $40喱餐真係飽死左呀

話說之前都已經黎個一次,係又一城行過去 原來真係幾遠下....講番正題先. 一去到落order 話要半磅三文魚刺生,佢又係會問要厚/薄/108hkd變左做禁了~~可能真係我唔識野啦...望落去好似切到怪怪的,...有d似切剩唔要果d邊邊禁...哈不過唔理啦,,,, 美女廚房 ~~~食左至講啦味道幾好 不過有d唔係禁新鮮. 甘香 ,不過魚油偏少. overroll都係合格的.48hkd呢個salad 真係不得了.軟殼蟹真係好多,都幾大隻.不過如果2個人去ge話,就唔係禁建議叫呢味菜了,因為真的很多都好漏.....大量既蟹柳加上芝士salad 汁.....真係不得了. 不過個係好抵食! 建議要快點ko佢,因為凍左,d炸炒好淋唔係禁好味.

睇唔出屋村仔入面嘅壽司舖做到咁嘅水準👍👍👍個晚同老公兩個食飯叫左刺身，壽司，同天婦羅等刺身:三文魚同帶子，夠鮮無雪味，而且三文魚可揀薄切定厚切，即使背位都夠肥壽司:即叫即做，紫菜仍然翠口，鰻魚壽司好天婦羅蝦，又係即叫即做，炸左出黎熱辣辣十分翠，真係抵讚最後就係芝士炒什菌，芝士味一流，令人回味!

係附近返學,有時都會同同學黎食lunch,嗰日黎嘅時候有另一間學校嘅學生(12人一齊),所以等左好耐先有得食,嗰日食左炸雞翼便當,幾好食,不過啲飯涷冰冰,硬'挖挖'