叉燒丼家

營業中

休息中

朋友知道我喜歡吃叉燒，得知有新店開張主打叉燒，便帶我去品嚐一下。裝潢有別於一般的冰室/茶餐廳，設計簡約帶點型格，感覺頗有格調的，環境清幽舒適。餐廳名為「叉燒丼家」，顧名思義叉燒是當家。叉燒丼飯(極上叉燒，脆邊雙蛋) ($52)還包熱飲，凍飲+$3，特飲+$6，認真經濟實惠！單看賣相已讓人垂涎三尺，也不禁令我想起電影中的「黯然銷魂飯」! 叉燒色澤誘人，紋理清晰，厚度適中。入口肉味香濃，肉質鬆軟不死實，肉爽彈牙亦有咬口。肥瘦比例剛好，豐腴甘美，非常香口，大滿足。脆邊雙蛋熱騰騰，大小剛好覆蓋整個飯。蛋邊微脆、蛋白嫩滑、蛋黃流心，富蛋香及有質感。紅豆冰 (特飲+$6)紅豆軟腍而不失口感，熬得起沙，甜度剛好，入口還有淡淡的椰香味。炸大大雞脾 ($30)雞脾真的份量十足！外層酥脆，不柴口。雞肉鬆軟腍滑，口感juicy，零油膩感，美味可口。奶醬脆多 ($24)絕對是心思之作！將多士切開再塗上花生醬，再夾牛油和薄多士，煉奶是放於碟上。多士香脆內軟，花生醬味道濃厚，但沒有蓋過煉奶的味道，十分美味，口感豐富。價錢貼地，食物有質素有心思，CP值超高，絕對值得推介!

叉燒丼家剛新開張數日，位置有少許偏。係熱鬧食肆區嘅角落，店舖外觀簡潔。.以叉燒做店名，相信對自家叉燒出品一定有信心餐廳選項唔算好多，主菜主打都係叉燒、豬扒、炸雞。.今次叫咗叉燒丼飯，沙嗲牛炒腸粉一個飯黎計$52價錢尚可，包一杯餐飲不過飯量剛好，唔會太多又唔會食唔飽。.一上枱賣相幾吸引，叉燒煎蛋擺得幾靚😍脆邊蛋煎得幾好！蛋黃啱啱好有流心唔會overcook，係成個丼飯嘅加分位！有蛋香，蛋汁撈飯一流😋 補足左撈飯豉油唔夠味嘅位。叉燒肉質係淋身，無明顯脂肪，不過食落覺得d肉係偏肥。係平時無做開運動個d肉肉😝另外叫左沙爹牛炒腸粉，上枱色澤不錯，有沙爹香！不過食食下有d太鹹，絕對唔適合單食，要送飯。可能個人偏向清淡口味啦🤭而牛肉量亦偏少，性價比唔係好高。試左朋友嘅葱油豬扒脆邊蛋飯，這個只有一顆蛋喔！不過豬扒好厚身！同埋都有3大塊，炸得幾香脆肉質乾咗d，未到鞋口嘅😉.食物味道合格，就叉燒蛋飯黎講”咩話”冰室會出色一點。環境座位都寬躺，可是食食下都有一隻烏蠅係附近徘徊。隔一張枱仲見到有曱甴🤧新開服務員可能未上手，感覺有d甩漏😛整體環境衛生服務質素有待改善！.好食指數: 7.8/10性價比: 7/10

諗住新開試下, 幾多人等位侍應叫我地搭檯(2+3) 叫我地3個男人坐6人檯單邊(實際4人size)我地3個同人地2個都話唔夠坐 條友係咁講呢張6人檯搞左陣先比張4人台我地坐同另外1個人搭檯落左單之後 等左陣都未有, 追個侍應, 佢話冇record 問我食咩,我講兩個c1,1個b4 佢再行去睇 又話冇record都0n99 冇入問完又唔入返 又再問多次食咩前後落左3次單個fd 極上叉蛋飯到先,($52)睇落似茶餐廳級數,食落小汁 冇咩味低質叉燒 茶層油上面扮juice我個叉燒通,... 看圖 $45 我諗隔離街廿幾蚊早餐 叉通 差唔多最離譜係 食曬所有野追凍奶茶, 黎到飲飲下 飲到有核新開都係咁... 我冇報食環算係咁,如果你係茶餐負責人睇到呢篇食評你好檢討下, 你間野 食物 質素 員工 都唔掂你呢間做茶餐廳都未必做得住唔係靠裝修同埋用 "極上" "丼" 就扮到野 你根本唔係日式叉燒 同埋你d叉燒隔離大家樂都好過你我用左咁多年openrice 第1篇食評 就係為左你打

今日同老婆阿仔黎呢度食叉燒丼飯！由於做緊開張優惠，今日的招牌叉燒丼飯（連飲品）只售30蚊，真係好抵食呀！...我同阿仔叫左叉燒丼飯，好味！不同於酒家的叉燒，這個有點出乎意料的好吃。叉燒用上靚脢頭，肉質柔軟，亦夾有爽口的肉筋，好有口感，而且肉味濃郁，味道很不錯。.至於白飯方面，當中已預先落左豉油，與蔥蓉、蛋黃汁同撈來吃，味道一拍即合。一口叉燒一口蔥油飯，真的很滋味。.食飯唔係阿仔的強項，佢食左一半就停手了，我幫手食埋餘下的，好飽呀.......老婆要食炸野，所以叫左炸豬扒常餐。我試左，覺得味道很不錯。首先炸豬扒是即炸即上，極之熱辣辣！然後外層脆卜卜得好緊要，裡層的豬扒肉汁飽滿，肉味十足，質地亦很爽彈。.至於炒蛋就好滑，而且好勁蛋味，不似溝了水或大量奶去發大體積的炒蛋。米粉好大碗，湯底是正常雞湯味，沒有死鹹。豬仔包就較失色，不太脆，較乾。....我自己選了凍啡，很不錯👍呢度使用甘蔗渣飲管，是成本頗高的環保飲管，令我很驚訝！...題外話：吃飽飽後，就帶阿仔去新蒲崗圖書館睇書，呢間圖書館真係令我好困擾，環境實在好嘈好嘈好嘈好嘈好嘈..........

叉燒丼飯🍚$30 (原價$52)中午公司放飯見到有間新開食店仲有新開業優惠☺極上叉燒加脆邊煎雙蛋😎叉燒真係幾好食😉肉夠腍，有咬口👍肥瘦適中😛煎蛋夠香，蛋黃顏色鮮豔🍳仲包埋飲品🥤叉燒丼家 (新蒲崗)新蒲崗景福街99-101號啓德工廠大廈第二期地下

開業第一日嚟食早餐 ,餐廳開0730, 我就係0830 經過 ,一心諗住試試個叉燒通粉 , 點知話第一日開鋪叉燒未準備好 😯😯😯咁我都接受啦 ,雖然心諗你未 ready 開咩鋪？？算！ 到第二日 , 1045 左右去 , 話曬都叫做緊第2日生意 , 而且1100 後就轉做午市 ,唔會無叉燒啦掛！ 哈！ 今日同我講叉燒賣曬 ,最快都要 1130 先有 叉燒😒😒😒 🤷🏻‍♀️🤷🏻‍♀️🤷🏻‍♀️大佬你間餐廳係用叉燒嚟做生招牌 , 叫叉燒丼家 ,如果你係一間普通茶記 , 你話無叉燒我覺得冇問題，但你依間咩都可以無 , 就係唔可以無叉燒！重點我又唔係臨閂門先嚟食野！但都可以冇叉燒係咩玩法🤷🏻‍♀️🤷🏻‍♀️🤷🏻‍♀️雖然依間d 野好食又夠熱 ,環境舒適 ,但正常營業時間無叉燒賣依樣野真係令人好失望。新蒲崗有咁多茶記同餐廳 ,競爭都好激烈 , 如果一開始都唔經營好 , 俾人一個壞印象 ,之後要客似雲來就好難。 真心希望你地會有所改善 。P.S. 服務俾1 粒星係 for 佢無 叉燒依樣野 ,d staff 無問題係 nice 嘅

收到張開業優惠單張，又今日行經，一於去試試。餐廳格局行半西式加老香港線條畫做背景。個優惠係叫招牌菜《叉燒丼飯》包飲品，原價52，現優惠30攪掂，叫其他飲品只需補差價。呢個其實係名符其實嘅「黯然銷魂飯」，有葱油、豉油、脆邊煎雙蛋、叉燒、菜芯一條。可能開業關係，睇相片份煎雙蛋應該想兩邊兩邊其中一邊個蛋白只係半凝固，可能我接受程度比較低，呢方面有少少失望。叉燒有炭烤香味，半肥瘦，good! 葱油份量剛好，豉油適中，整體來說都算中上。紅豆冰反而有驚喜，唔係落淡奶，竟然用椰汁，啲紅豆夠腍，整體配搭起來味道不錯！希望繼續會改進，例如有啲圖文公仔教下人點食碗飯最好味。

新張試食$30 叉燒煎蛋飯 一杯熱飲 凍飲加3元 特飲加6元半肥瘦叉燒極好味，半生熟煎蛋撈飯加蔥蓉非常好味👍，下次再來試新的沙爹牛肉煎腸粉，引到口水流🤩🤩🤩😋😋😋