叉燒丼家

營業中

休息中

由細到大都好鐘意食差燒 係其中一種comfort food😌次次去完旅行返黎一定會食🤣一直覺得屋企附近無咩好食既餐廳 見最近開左呢間 仲要係食差燒 緊係要試啦呢日行完山下午兩三點返到黎 過左食飯時間無咩人 坐低即刻叫左個招牌差燒don飯 因為唔食蛋黃 叫佢煎熟蛋等左一陣就有得食 擺盤好靚 差燒一字排開 隔離2張煎蛋 仲有姜蓉差燒係至愛瘦差 燒得燶燶地 加埋蜜汁無得彈 連姜蓉食更加正 飯量十分多！我覺得係出面既2碗飯😍 略嫌豉油多左d 食到底好油如果呢間小店可以保持水準 我一定會做常客😎

原來七月已經開店，昨日才發現，但已經企滿人無食到！今日再去試試有冇位坐成功有得食店名叫叉燒丼家，我們當然先試叉燒飯啦！三客一樣雖然只係叉燒、煎蛋、葱油真心覺得配合得好好！最正係啲飯都好好食，粒粒分明有咬口，最絕配係個甜豉油生蛋黃撈埋啲飯到最正色香味俱全碗飯夠哂足料，飯底都好大食得飽飽檸檬茶都好飲檸檬好新鮮無澀味飯連飲品$52，喺呢區算貴但我都仲會再幫襯因為見到人地食吉豬都好正！常餐嘅炸脾又勁吸引！好期待下次再幫襯啦

位於新蒲崗景福街99-101號啟德工廠大廈第二期地下的叉燒丼家，主打經濟實惠的叉燒丼飯。晚餐有多款飯提供，連熱飲約五十多至六十元。鰻魚叉燒丼飯 來到了。一整條鰻魚來到，頗為震撼。鰻魚汁濃郁惹味，送飯一流。鰻魚肉肉質爽口不霉口，而且表皮烤得微脆。 半肥瘦叉燒口感鬆化，表面燒得微脆，感受到炭火燒香的風味。丼飯的份量充足，壯碩的男士吃也夠飽。朋友特別喜愛 蔥花炒蛋脆多士 。多士烘成金黃色，吃落脆脆的，配上大片半溶的牛油，以及滑溜又香口的蔥花炒滑蛋。胃口小的女士們可以三至四人分享一客。叉燒漢堡配薯條來到了。當中的叉燒大大件，一點也不吝嗇。其他配料還有滑蛋和半溶的芝士，配搭起來味道相當不錯，頗有新意。飲品則點了一杯超級檸檬茶，和紅豆冰。檸檬茶味道冰爽，底下還有爆爆珠，口感豐富。紅豆冰奶味濃郁，十分足料。

一直想試呢間餐廳，係新蒲崗好似幾出名，今日終於有機會，最後食左佢lunch嘅叉燒丼飯（普通版，另有得貴$1蚊揀淨係肥叉）之前睇相以為碗丼飯會好似台灣肉燥飯個啲咁細碗，但嚟到發現比想像中大，賣相亦都唔錯，只係等左大約5分鐘就有味道方面，叉燒咬落都幾淋同埋有陣蜜汁味，瘦得離又有啲肥膏幾好味蛋嘅話，蛋黃係全流心，攞嚟撈飯一流，而蛋白就煎到個邊有啲燒焦，食落脆脆地總括來說呢碗丼飯性價比算高，大大碗味道就都高過average，有時間不妨試試

新蒲崗附近有間好吸引嘅新派燒味店啱晒鍾意食肥美叉燒嘅你😍價錢超平民貼地價😏即使唔係街坊 都俾佢嘅王牌叉燒吸引左.叉燒丼家 $52呢款叉燒飯極上叉燒同脆邊雙蛋🍳用半肥瘦嘅叉燒 8成瘦肉 2成肥肉 脂肪黐住叉燒嘅邊 食落口叉燒軟淋淋嘅瘦肉配少少脂肪 口感好正🥳而且叉燒用秘製甜豉油醬汁燒 都好入味煎雙蛋堅係脆邊🍳篤穿中間嘅蛋黃 同米飯🍚撈埋一齊 米飯有叉燒汁同蛋黃汁撈埋🤪口感唔會乾又幾濕潤.鹹牛肉炒蛋多士 $26蔥花炒蛋脆多士 $24兩款多士都係烘過脆口嘅👍🏻鹹牛肉炒蛋多士 蛋漿加咗鹹牛肉一齊炒 味道更加突出😋 牛肉唔算太鹹 味道適中夾埋一片薄薄嘅牛油食 好邪惡啊🌝蔥花炒蛋多士嘅 蛋夾埋大量香蔥炒 食落非常香口😚夾埋一片薄薄嘅牛油 同烘多士 口感都幾豐富鍾意食炒蛋嘅朋友一定要試吓😍.飲品只係需要加$8加咗紅豆冰同埋超級檸檬茶餐牌上面有檸檬茶同超級檸檬茶 真係兩樣野嚟㗎超級檸檬茶加咗大量檸檬🍋 比茶餐廳飲到嘅有少少唔同

經過新蒲崗Mikiki商場附近，無心插柳發現咗呢間新開嘅叉燒丼飯餐廳，以港式叉燒飯做招牌，作為叉燒控緊係要試下…先講賣相，擺盤好靚，兩大隻太陽蛋又夠晒吸睛！煎蛋都算得上係脆邊，但如果同銅鑼灣間「兩草」脆邊煎蛋比較，仍然差少少，未到「薯片脆」嘅感覺。至於叉燒…真心唔錯喎！餐牌寫明係「極上」其實係用咗靚梅頭肉。今次試咗肥叉，肉質夠軟腍，完全唔韌！咬落鬆化，部份更入口即熔，而且燶邊位夠脆，仲輕帶點炭火香。

喺街出面見到門口圖片非常吸引😎不得不讚攝影師既技術🤤燒味亦係H先生所愛好既本土嘢食😹要支持下先😼.慢慢步入中年 飲食方面實在要節制☝🏻但肥叉既誘惑卻係難以抵擋😆😆H先生投降🥺蜜汁幾濃厚 夠甜 燒得好靚🤩出面少少燶燶地 嗒落有焦香味道😚外層好有口感 微微脆☺️不過實在係好肥 有幾舊好似係淨膏黎😅荷包蛋好大隻 篤穿望住蛋汁漏落飯到好心心眼😍配上豉油同蔥粒 美味非常😋飯用上左較迷你size既米 煮得好夠煙韌 驚喜🤗價錢方面都好抵食🤑

由於家住西貢 新蒲崗也是蒲點之一，最近突然好想吃好叉燒，見到這家新開的叉燒專門店，特別去試試。看了看裝修老闆也是幾有heart. 我們奌了叉燒蛋飯，又名暗然銷魂飯，甜鼓油和姜蓉為這個飯帶來了一點特色。再來是牛肉丼，牛有點銀，好像比吉野家差一點。紅豆沙，比較重揶汁味，我一般。另外原來重點不在叉燒，而是蔥花炒蛋牛油三文治，包皮切的很薄、蛋也香滑。兩個人 埋單under $200 快餐不錯選擇。吃完還方便到附近電影院看電影。

暗然銷醜飯系列(一）開左唔係好耐暗然銷魂飯，去試一試先！外表真係好吸引，而且份量相當驚人，舖滿成碟叉燒仲有兩隻煎蛋！其實要兩個人先食得哂！叉燒味道不錯， 不有點偏瘦，飯配鼓油同蔥油，十分惹味，不過食到一半都已經覺得好飽，價錢唔貴，包熱飲都只係50幾蚊！值得一試！不過記得叫少飯！

試完午餐☀️梗係試埋個早餐🍳叫左一份蛋治分4小份 方便左邊夾蔥蛋 右邊夾凍牛油片三文治底面都脆 good good👍🏻👍🏻$26 如果凍飲+$3食完飽飽 好滿足🤗

話說新蒲崗啱啱開左間主打港式食物既小店😻店名叫得叉燒丼家 就梗係有叉燒飯食啦！叉燒煎蛋飯 可以話係香港人既comfort food 所以小編二話不說 要即刻叫翻碗先😚_{叉燒丼飯套餐 $52 🐷🍳}一片片厚切叉燒 加埋金黃色既煎雙蛋 淨係見到個樣都已經流晒口水啦🤤🤤🤤叉燒用優質梅頭肉製成 肉味鮮甜香濃 肥瘦均勻 肉質軟稔鬆化 同時帶點爽口 重點係佢有燒味嗰種碳燒香😻😻😻 如果鍾意肥叉燒既 仲可以加一蚊 要個肥叉燒丼飯添 等食客可以各取所需～ 有質素！個蛋都煎的好好！蛋邊煎到脆一脆 而蛋黃仲保持完美既流心狀態將個流心蛋黃 同面頭既薑蔥撈埋啲甜豉油同飯一起食 啊 真係不得了🤤同埋唔好睇相以為得好細碗 其實係好大碗的！$52咁既質素份量同價錢仲包飲品 暫時未諗到可以媲美既👍🏼_{蔥花炒蛋脆多士 $24 🥪}烘至微脆既多士 入面夾住嫩滑既炒蛋同蔥花～ 唔只啊 仲有一舊超厚既牛油 真係邪惡至極啊😱😱😱只係小編之前食過海潮食堂既蔥花蛋治 嗰個實在係神級好食難以超越 所以相比起黎 就略顯呢個蔥花唔夠香 同埋多士唔夠鬆脆🙈不過整體都好食既！叫黎過過口癮多唔錯～😆

開左一排 終於同埋同事去試下午餐义燒蛋飯係招牌菜 於是點左來試 义燒ok 蛋都煎得好靚唯一不足是蔥油比一般的油膩食完要飲茶解解膩 另外見到早餐都幾抵$25包冷熱飲品 明天去試試

好耐冇寫食評啦😭大家多多指教20/8/2019 當日收咗工就同朋友前往呢間食店！當日可能係閒日 位都比較多，餐廳都俾我地自己揀位坐。點咗兩款比較有名嘅菜 包括叉燒蛋飯同蔥花三文治！飲品方面我本人就點咗凍檸茶！碗飯整得好靚，都幾眼前一亮！味道唔錯，叉燒肥瘦剛好（本人較愛吃瘦一點）個蛋就因為係太陽蛋我就讓咗俾友人吃，佢話撈埋飯食係正嘅！而我就食咗d蛋白 配埋d蔥 係唔錯！不過最驚喜係蔥花三文治！因為我見到用牛油夾住 我開初唔太接受到！我一向唔食菠蘿油類似的東西 成塊牛油食我覺得唔ok諗住試一啖有牛油就算了 點知發現好match！！！所以食哂全部😂😂整體滿意 係個飯相比 份量細咗少少(可能我兩個人share la 所以一人食係ok)服務生很細心 知道我要杯水食藥 專登換咗暖水俾我！很窩心！

Mikiki內無咩野食就出左外面睇下，見到呢個都幾多人就入去。【鰻魚叉燒丼飯】$82叉燒係用梅頭豬，食落軟滑甘香 ，散發碳香，叉燒係乾爽清甜，好食既但多少少肥肉就完美；鰻魚一大條，無細骨又夠味，肉質嫩滑，不過飯好多但啲汁吾夠。【丼家肉餅飯】$45呢個好抵食，飯既份量係外間兩倍，長幼既米粒熱辣辣又香糯，撈埋薑蔥油，第一次係出面食到甘高質既米飯。肉餅肥瘦均稱，煎過咬落特別甘香，吾會過於油膩肉質鬆化啖啖肉汁。【蔥花炒蛋脆多士】$24薄片既即烘多士一層夾住牛油，另一層夾著蔥蛋，奶滑既蛋帶著蔥香，加埋冰涼既半溶牛油，口感好豐富。【紅豆冰】$16一吸就有濃郁椰奶味，紅豆夠哂軟綿綿，不過啲冰太細顆，周不時會吸埋。

屋企附近新開左一間食叉燒飯既餐廳，我當然馬上同屋企人試一試呢間新餐廳啦！佢既叉燒飯有好多配搭，唔單單淨係得叉燒咁簡單！見到呢啲叉燒丼飯都覺得好吸引，直頭係流哂口水啊！我地叫左碗肥叉燒丼飯，呢啲叉燒係特別厚同埋多油脂，食落去超香，配埋流心既煎雙蛋，好正啊！我地仲點左呢個叉燒漢堡配薯條，估唔到將叉燒mix and match落漢堡飽又幾夾喎！我地仲點左蔥花炒蛋脆多士，多士夾住厚厚既牛油，好香口啊！仲有呢杯足料既紅豆冰！