叉燒丼家

營業中

休息中

醒醒神食個靚午餐，黎到爆哂棚，但一支公嘅優勢就係易有位。人地等緊排緊嘅時候我唔洗等就有位坐出名番茄湯底，咪就係濃度夠，番茄香，通粉彈牙囉！湯量都好足下，蓋過哂d通粉，所以唔洗怕唔夠一啖湯一啖粉。例牌跟埋多士火腿炒蛋，炒蛋夠滑多士夠熱夠香脆。公雞碟有d特色！餐飲of course 係香港特色奶茶是也，個茶底做得唔錯，奶亦濃亦滑。附近返工嘅人都知呢間正野，始終返工前同食晏都不能去太遠，呢個叫做係幾好嘅選擇啦！

無去一排既叉燒丼家 今日經過見到有新menu又去左試啦😆😆 見到除左招牌既叉燒丼 仲新增左一系列鐵板餐 不過我地都係敵唔過叉燒既誘惑🙊我地今次就試左牛叉燒溫泉蛋丼飯同脆洋蔥圈叉燒芝士漢堡配薯條🤤 牛叉燒用既係油脂分布平均既牛小排 加上蜜汁 入好口感軟腍又入味 飯粒撈上蜜汁同温泉蛋真係令人食到停唔到口😋脆洋蔥圈叉燒芝士漢堡配薯條既漢堡足料到不得了 洋蔥真係仲好脆 我最鐘意醬汁夠多既漢堡 呢個加上蜜糖芥末醬汁真係好惹味又新穎👅👅另外 我地仲忍唔住叫左個小食 阿華田脆多士😆 多士加左厚切牛油 阿華田粉同練奶 真係又香口又邪惡又好食😭飲品就揀左2杯特飲 脆爆華田同紅豆好立克 紅豆好立克偏甜 脆爆華田造型好靚 不錯🌟

最近再度拜訪叉燒丼家，佢地自從開左新分店後，都推出左好多唔同既新菜式～早排見得閒，就去左試下😋🌟牛叉燒溫泉蛋丼飯($98)👉🏻牛叉燒我係第一次見，出於好奇心點左~首先溫泉蛋一如既往咁流心同治癒! 而原來牛叉燒係烤過既半熟牛塊, 牛塊香嫩, 食落有碳燒味。不過當日唔知點解，某些牛塊比較”un”變得有點難咬。但牛叉燒係特別既🌟脆洋蔥圈叉燒芝士漢堡配薯條($48)👉🏻麵包做得幾脆口，原塊叉燒夾入漢堡包，加埋配菜，充滿左港式style! 配埋粗薯條，係過癮既🤣🌟芝士撈丁配雞排($48)👉🏻去叉燒當家又唔一定要食叉燒既！佢地都好多元化，出左好多港式口味菜式！呢個芝士撈丁，都唔馬虎，多芝士，Mandy就鐘意加埋小小辣椒油點綴下，更好食👍🏻🌟阿華田脆多士👉🏻呢個係本住試下新野心態食。但又出奇好食喎～鮮牛油薄層配阿華田脆多加埋練奶原來有一番風味，就係甜甜地脆脆地，幾得意既味道，無伏！😋.....📍 叉燒丼家 (新蒲崗)新蒲崗景福街99-101號啓德工廠大廈第二期地下📍 叉燒丼家 (葵涌)葵涌和宜合道26-30號和宜商場地下B-C號舖🔍sayit_地區

去新蒲崗既次數確係👐🏻手指數得曬 新蒲崗較多工業大廈同寫字樓 不過仔細望下其實周圍都有好多小店🥳今次黎到以叉燒作主題既餐廳 以冰室為裝修概念 仲用有傳統特色紅雞碗🐓•🍚牛叉燒溫泉蛋丼飯 $98第一次聽牛叉燒 查實係牛小排 熟度剛好 肉質十分軟淋 牛肉油脂與飯混和十分香口 吃得到胡椒味卻不會過辣搶喉 醬汁帶甜杰身 與食燒味飯醬汁有幾分相似🥰•🧅脆洋蔥圈叉燒芝士漢堡配薯條 $48以叉燒代替傳統漢堡扒 概念十分新鮮 與其他漢堡材料配搭味道更突出 唯獨肉質稍硬 用半肥瘦叉燒口感可能更佳•🍞阿華田脆多士 $24三層脆多士 一層配阿華田醬 另一層則以薄牛油作夾心面層再淋上煉奶增加甜味 第一口牛油及煉奶味道最突出 阿華田醬味道較淡•整體滿意 價錢與食物質素成正比 份量以男仔作標準的話夠飽👍🏻附近翻工既朋友或者鍾意食叉燒嘅你可以一試啊🤟🏼

自問我係一個叉燒迷，由細細個到而家都好鍾意食叉燒。今日經過新蒲崗，見到一間專食叉燒既餐廳，於是入去試試。店舖既裝修幾靚，一入門口聽到好柔和既音樂。雖然我入去既時候已經係2:00，但係仲可以食到午市精選。午市精選有10個餐可以選擇。就算係叉燒都有兩個選擇，一個係肥叉燒，另一個係普通叉燒，適合女仔可以揀瘦叉燒。我地叫左兩個飯。L1 .肥叉燒丼飯+凍好立克賣相好吸引叉燒係一層脂肪一層肉，叉燒邊係有少少燶燶地；仲要有煎脆邊雙蛋，蛋汁撈白飯簡直是絕配。加$3可以有凍好立克L2. 醬炒豚肉溫泉蛋丼飯+凍阿華田一上枱有點失望😞。因為豚肉脂肪實在太多，根本全片是脂肪，放唔到入口。飯汁又無味，好似食白飯，洋蔥又煮唔夠耐，食落係生的。全部都是脂肪原本我期望的豚肉丼飯好似噹噹屋既豚肉丼飯，點知個落差太大。雖然餐廳係用叉燒命明，最出名理應係叉燒，但我仍然覺得敏華叉燒丼飯比較出色！這一家試一次便好了！

最近經常到新蒲崗上跳舞課，課後順道發掘一下周邊美食。路過這家叉燒丼家，印象中在IG上有頗多人推薦，所以就來嚐一嚐食物：4/5原以為只是一般茶餐廳水準，但整體味道岀乎預期味道不俗！雖然這家叉燒最有名，但今晚來到發現剛推岀了新菜單，所以點了新菜式「焗半邊龍蝦脆邊蛋鐵板餐配牛扒」龍蝦配上芝士焗香口惹味，肉質鮮甜仍留有肉汁龍蝦頭還有橙紅色的膏，非常美味！牛扒軟硬適中，能吃到牛味及油脂香，並不是一般茶餐廳的貨色「雞扒芝士撈丁」雞扒很大塊，但味道沒有特別。撈丁比較岀色，麵不會過軟，芝士咸度及濃度剛好，不會太膩。「阿華田脆多士」脆多士配上阿華士粉、牛油及煉奶，咸甜交雜，味道有驚喜值得一試！整體食物令人滿意，下次再來嚐嚐招牌叉燒

由細到大都好鍾意食叉燒飯 小時候一碗叉燒飯食唔晒要同媽咪一齊Share 到咗而家胃口大咗一碗飯我可以食得晒 依家食叉燒唔係一個白飯加豉油裏面仲加咗好多唔同嘅元素今次我就試吓依間專食叉燒飯嘅專門店1.叉燒丼飯 (豬)秘製炭燒叉燒9分瘦肉1分肥肉不會太油膩 小許蜜汁包住叉燒好甘香重點係個飯軟硬度適中 兩隻荷包蛋煎到微配薑蔥汁撈埋飯一齊食 成碗飯俾我食晒2.脆爆華田滿天星星脆脆 朱古力夾心餅厚厚一層忌廉 加埋阿華田一甜到入心

星期日遲左起身，去附近搵早餐，原來已經過左11點，但見到呢間Ｄ燒味好吸引，咁就入左去喇！超—級—驚—喜！嗌左一個lunch set around $48 ***叉燒太陽蛋菜心飯D 叉燒真係yip得超超超超超入味師傅係薄切架，雖然係薄切，但份量一啲都唔少，都有成十幾塊架個蛋好黃，但唔知係邊款雞蛋，反而冇咩蛋黃香味。呢個有少少美中不足。因為如果蛋黃好香好香的話，拎來撈飯真係超級正 另外要提的就係碗飯嘅蔥油同是油！！！應該係經師傅特別釀整過，撈飯一流！另外早餐時間好彩有常餐我地叫左　蕃茄湯底牛肉通粉，再配油多太陽蛋先係 AROUND $45 超抵.......蕃茄湯底雖然係有少少味精，唔係純蕃茄湯，但勝在蕃茄味夠香！牛肉份量都好多！下次黎一定會再食！我見到佢TEA SET MENU 都係$20蚊咁上下非常抵食！ＰＳ＊＊＊＊佢的飲管係蔗造架！！！！！！環保，一流呀！！！！！！！（因為我好討厭紙飲管，有陣好臭的紙味LOL)ＰＳ２＊＊＊＊佢Ｄ碗碟ＴＩＳＳＵＥ都係特別為自己間鋪訂造，好精美！所以我都特登影左Ｄ相哈哈

叉燒丼飯 $55幾唔錯幾足料叉燒偏瘦但一啲都唔乾柴 仲要幾淋添 （佢有肥叉燒丼飯揀 所以中意肥叉嘅都唔洗怕）仲要有雙太陽蛋 篤完啲蛋汁流落個飯度 加埋佢啲海量豉油 食落真係更滋味😂同埋飯係幾多架 我諗係正常飯量1.5-2碗左右Overall係唔錯derrr

叉燒丼家 The Master of Char Siu顧明思義即喺叉燒喺招牌菜啦，點知伏晒。今晚叫咗3個飯，鰻魚叉燒丼，啲鰻魚油淋淋，一pat pat，啲肉又梅，仲勁鯹，叉燒硬過柴皮; 温泉蛋牛丼啲牛肉𡁻到牙較軟都𡁻唔開; 叉燒蛋丼好少少，最終3碗食飯冇1碗食得晒。唔好話要我俾錢再幫襯，你貼埋我都唔會再中伏

This restaurant is famous for its barbecue pork which happens to be one of my favourite dish in Hong Kong so my friend recommended this place for its barbecue pork!It was so good! The barbecue pork was perfectly roasted and had just the right amount of fat ratio!

早排聽同事講，公司附近開咗間新餐廳，仲要排隊，決定今日星期五去試吓有幾好食。肥叉燒丼飯：同事點嘅，試咗一舊叉燒，真係好好食，唔會好似出邊啲肥叉，見到一舊脂肪，而係均勻分布係啲肉入面，咬落去又香又腍，早知我都叫呢款😂。叉燒滑蛋丼飯：唔叫肥叉，就得普通叉燒，切得都幾薄，睇落去乾乾地，其實食落都好腍，當然比唔上肥叉。啲蛋炒得好滑，鋪滿成碗飯表面，啲飯仲有落豉油，帶出啲鮮味。建議想食嘅朋友，要有定心理準備排隊。同埋一定要點肥叉燒丼飯！

🐖🍳| 叉燒丼飯 | $52 |叉燒燒得好靚好入味，食得出係靚豬不過係瘦叉，我自己鍾意食半肥瘦個種肥美口感🤣個雙蛋好正，蛋邊真係煎到好脆拮爆個蛋黃個下好治癒，勁鍾意蛋黃撈埋飯嚟食個飯仲加咗啲蔥油、豉油，所有嘢加埋一齊一羹放入口，真係勁滿足！！！同埋碗飯係 好 大 碗，女仔細食嘅真係兩個share一碗都夠！-| 蔥花炒蛋脆多士 | $24 || 咸牛肉炒蛋多士 | $26 |本人勁熱愛食多士 ，去親茶記都會嗌蛋牛治但夾厚牛油嘅多士我係第一次試牛油半溶嘅狀態，第一啖感覺好邪惡但好正但食多幾啖就開始有啲漏，建議大家幾個一齊share嚟食蔥花蛋同咸牛肉蛋，我覺得真心兩個都好好食因為佢個蛋煎得岩岩好唔會太老蔥味又好出，咸牛肉份量又好足不過略嫌個多士唔夠脆（但唔知係咪因為我影相影耐咗🤣-| 紅豆冰 | +$6 || 菠蘿冰 | +$6 |飲品方面試咗呢兩杯，兩杯都太甜了......同埋相對上較普通，個人recommend食物多啲～btw下次再訪好想試埋佢嘅炒腸粉！！會再戰的！

叉燒丼家個店名好大聲咁說比你聽佢賣乜，咁專心做叉燒，當然要試一試啦~個menu好吸引，而且店既音樂好舒服，坐得好闊落👍🏻👍🏻本來點左肥叉燒撈麵，同叉燒丼飯🤤🤤 注意，我呀媽係好麻煩既顧客，因為唔食生蛋，侍應哥哥幫佢落order煎熟隻蛋。及後，佢瞄到肥叉燒真係幾肥，侍應哥哥又好客氣咁幫佢改order🥺🥺🥺原來一般既叉燒係用梅頭造，而肥叉燒就係用五花腩既，絕對滿足到嗜肥煮既需要！叉燒有膿邊，燒得好香，肥瘦適中，加上少少鼓油同葱油，撈埋隻生蛋黃，OMG🤤🤤🤤值得一提係佢碗飯飯量真係好大，我估有兩碗普通size，所以細食量記得嗌少飯，仲可以減一蚊添！叉燒丼空成功咁將叉燒飯精緻化，價錢仲好合理，服務優質，一定會再黎🥴🥴遲下去食黯然銷魂飯3.0，比較下有乜分別先！

公司附近開了一間新餐廳，我和同事急不及待地12時準時趕去嘗試。12時左右，仍有不少位置，當我們坐下了一會兒，已立刻滿座。我們都叫了叉燒煎蛋飯配凍檸茶，但不敢叫肥叉燒，因為怕肥🤣送菜速度很快，等了約5分鐘便已有。外貌已有10分叉燒味道也不錯可是不是珍珠米，我們一致認為如果是珍珠米會更加好吃