叉燒丼家

營業中

休息中

難得今日收工出去食梗係去食好嘢唔碌電話好好放低吓🐑香草羊架久違嘅鐵板肉食啦，一上菜嗰吓鐵板喳喳聲衝擊哂你視覺聽覺，羊架用香草醃製無哂嗰羶味，佢煎嘅熟度拿捏得啱啱好，再上鐵板後加埋黑椒汁都唔會過熟，羊架肉質夠嫩，外層少少焦香perfect 🐔炸大大大雞脾芝士撈丁嘩嘩嘩個炸脾大過我隻手，落刀切嗰吓脆聲係最正嘅ASMR，外層炸好香脆但係一啲都唔厚唔會食到成口粉漿，最重要係個雞脾肉仲爆哂汁㗎，炸脾底係芝士撈丁，正所謂愈邪惡愈快樂🛸咖哩叉燒飛碟呢個組合幾好喎，飛碟平時食開係嚟嚟去去嗰幾味，咖哩叉燒原來咁夾，咖哩味偏甜加埋叉燒多咗重咬口，飛碟外脆入面嗰層吸哂咖哩汁感覺好似咖哩配烤餅咁perfect much woooooooo

這間除咗專做好味嘅叉燒之外，原來鐵板燒呀，炸雞脾呀、飛碟呀、都做得好有水準，我哋食得津津有味呀～炸魚柳司華力腸配厚豬扒薯條和蒜蓉多士 (HK$76)先上係蒜蓉多士，烘得香脆。主菜上枱時加入黑椒汁，熱到沙沙聲呀！炸魚柳炸得外脆內軟，魚柳不似是急凍的。豬扒也OK厚身，但其調味醃製得好好味呀。我喜歡伴碟的薯條，如果俾埋茄汁更好！芝士撈丁配炸大大雞脾 (HK$52)大大雞脾真係好大隻呀，炸得脆卜卜，肉質juicy，不過嗰芝士太杰，一丁麵有點乾和軟腍，比較難撈一點咖哩叉燒飛碟 (HK$31)呢個組合幾特別喎，叻哩和叉燒，真係冇想過咁夾。飛碟外面烘得好香好脆口，入面就滿滿是濃郁咖哩汁，是甜辣味、啖啖叉燒、仲有洋蔥和紅蘿蔔，超足料呀～超級檸檬茶 (+HK$8)這不是一般的檸茶，這一杯是有爆珠係底嘅凍檸茶，飲到啖啖爆汁，口感好過癮呀～龍鳳檸檬 (+HK$8)這是什麼？鹹檸檬配可樂囉！

去完新蒲崗搵朋友之後，有少少肚餓，就去左附近呢間叉燒丼家食晚飯🍴咖哩叉燒飛碟🍞食落熱辣辣脆卜卜，咖哩味偏甜帶辣🍛叉燒切成細細粒，好似食緊脆香嘅咖哩叉燒包😜炸魚柳司華力腸配厚豬扒🐖豬扒大件偏厚，肉質嫩滑，表面嘅蒜蓉汁🧄令豬扒充滿濃郁嘅蒜香味😋旁邊仲有粗薯條🍟西蘭花🥦蕃茄🍅粟米🌽芝士炸大大雞脾撈丁🍝第一次見咁大隻炸雞髀🍗一刀切落去嘅時候已經聽到咔咔聲，食落當然好香脆🤤雞脾肉肉汁爆哂出嚟🌋芝士撈丁，芝士醬絕對唔惹小😈好夠味，脆爆華田🥤凍阿華田上面係滿滿嘅忌廉，忌廉上面仲有阿華田餅乾、可可米同蜂蜜星星⭐️雖然睇落好甜🤨但實際係到少甜嘅味道，口感亦好豐富😚龍鳳檸樂嘅原理係鹹檸檬加普通檸檬🍋好有檸檬清新香味，同鹹檸檬令可樂帶少少酸味，所以飲完更加透心

新蒲崗係舊區 佢俾我嘅印象 只有工業大廈 車房🛠⚙ 同你埋迷你倉 Mikiki 商場🛍 開幕以來 對面嘅景福街 靜靜地起革命 發展得相當有食力 唔少食肆 有自已嘅招牌菜✨吸引區外食客-🌱🐔🍚蔥油煎雞扒丼飯 ($52 連餐飲)午市推介之一 丼飯盛得滿滿 天氣寒冷 睇見就想食 雞扒肉質鮮嫩 連埋雞皮食 香脆可口 隨丼飯附上嘅蔥粒 用鷄油走油 香氣撲鼻 加埋豉油飯 撈埋一齊食 箇中美味 同埋滿足感 你要親身體驗一下 😌-#🥢叉燒蘿蔔糕 ($30 跟熱飲)農曆新年嘅時令食品 蘿蔔同埋臘腸以外 有好多人手切粒🔪 嘅粗粒叉燒🥩🔥 店主嘅誠意 值得一讚-🍹脆爆華田 (單點$26 跟餐加$8)賣相討好 大人細路👩‍👩‍👧‍👦 都鍾意飲 呢杯飲品 本身落咗忌廉 你係嗜甜一族嘅話 建議向服務員 多要一啲糖水 分開上 咁就可以自行調教甜度 🧀🦞🐷🥔芝士焗龍蝦鐵板餐配厚豬扒同薯條 ($118)呢個港式surf n turf 性價比高 食物質量 做到童叟無欺 開邊龍蝦仔 用上大量芝士 如果你係芝士迷 一定滿意呢個拉絲效果 雖然整體味道 鹹咗一啲 我反而欣賞嗰個件厚切豬扒 有成吋厚 連同鐵板上 保持食物入口嘅溫度

話說昨晚去左接老公收工，夜晚8:30鐘左右，好多餐廳都未開市😭想搵食都真係好難。。點知行到啟德工廠大廈果邊，竟然比我地發現到佢😍仲要未關門‼️救星😭我地即刻衝入去😂原來呢間出名係食叉燒，但我地比佢鐵板餐同丼飯餐牌吸引住左😂鐵板真係超耐冇食過啦🤤最後叫左幾樣野😎🔹叉燒蘿蔔糕$30 ：老公話臘味蘿蔔糕就食得多😂叉燒都真係第一次😆我鍾意佢入面係有一條條嘅蘿蔔，口感超好👍🏻入面仲好足料，好多叉燒粒😎我最怕食蘿蔔糕，變蘿蔔碎😑佢呢個真係抵讚👍🏻夾起果陣唔會散開😎同埋用叉燒去代替左臘味，食落仲冇咁油膩😌🔹芝士焗龍蝦配厚豬扒薯條鐵板餐$118 ：食鐵板最鍾意就係聽到淋汁果下「炸炸聲」🤣咁就知燒得夠唔夠熱😌隻龍蝦加埋芝士一齊焗過🦞好香芝士味🤤而龍蝦肉質爽彈👍🏻夠新鮮！仲有唔少蝦膏🤩除左龍蝦之外，塊厚豬扒都有驚喜‼️Size有我塊面咁大🤣厚身得嚟食落一啲都唔韌👍🏻肉質夠鬆夠腍🤤呢盤野真係超滿足😎🔹咖哩炸魚柳丼飯$49 ：係日式嘅咖哩，咖哩味香甜帶小小辣😍呢種咖哩撈飯真係一流👍🏻炸魚柳同樣Size大大件😎炸到啱啱好，外層夠鬆脆❗️魚肉唔會炸到乾晒👍🏻切開嘅時候入面仲有煙出😌但如果再多啲咖哩汁就好

We had a serving of Char Siu Turnip Cake (💲30 HKD) as starter, one of the must-eat savory snacks in CNY. Different from the radish cakes we usually eat, barbecued pork has been used to replace Chinese sausages. It was soft all over and would taste better if it has been pan-fried to have a crispy exterior. The Scallion Fried Chicken Chop Rice (💲52 HKD) was heavenly. Seasoned with soy sauce and green onion, the two slices of boneless chicken thighs were incredibly juicy, not to mention the rice wa

今日提早收爐，但係因為多嘢做OT到好夜，咁啱老公要去新蒲崗拎啲嘢，就喺附近搵間餐廳食個晚飯，點知一嚐好耐冇食過鐵扒。為迎接放假有一個好嘅晚餐！因為老公話好耐冇食過鐵板，所以就帶咗一個芝士焗龍蝦配厚豬扒薯條🍟配黑椒汁，好親切嘅經典味道啊！鐵板上嘅薯條，吸埋啲黑椒汁，真係人生一大享受龍蝦嘅芝士味好出，但又唔會搶嘅龍蝦鮮味，幾好食 我就食個蔥油雞扒飯😋😋😋，由於太肚餓嘩2大大塊嘅雞扒，好香嫩！個蔥油飯超級無敵，好香，就咁食飯都好滿足，最後大家變咗搶飯食！仲有應節嘅蘿蔔糕👍🏻👍🏻蘿蔔糕看似簡單，但係原來入邊嘅料都幾多，煎得幾香，唔錯！呢一個晚餐真係好滿足！紅豆冰同老公一齊飲，紅豆冰原來係用椰汁沖㗎，好解渴兩個人呢一餐飯咁多嘢食，都係平均每人$100 ，真係好抵環境又坐得幾舒服，可以encore

黎新浦崗整車，等拎車其間，誤打誤撞入黎食個lunch. 真係可一不可再。 2個人分別叫左個常餐- 叉燒通粉，西多炒蛋； 肥叉燒蛋飯。通粉硬，湯底冇味。上面果幾舊叉燒色澤古怪好柴冇味。 炒蛋，冇蛋味，唔知係咪用預製蛋漿。。。多士，塊包唔知放左幾耐。肥叉燒蛋飯 - 份量都算多，面頭2隻蛋冇脆邊，連煎香既感覺都冇。飯又濕又爛。重點d 叉燒都係柴同硬，少少叉燒香味都冇。 去附近其他茶記食好過。 以食叉燒作招來，真係一大敗北。 見佢餐牌整得幾靚，查看一下。原來係富臨集團其下既餐廳。可能係集團旗下餐廳，都係大批供貨，且存貨其長。質量低。後記。餐廳抽風好差，食完出門口，個人由頭到脚都係油煙味。

因為要去新蒲崗買d嘢，一支公就求其食間，本人吃量不大，見到有少飯選擇，梗係要求。誰不知張單放枱面，無減錢，我就問職員姐姐。我 : 姐姐想問下少飯唔係減$1咩？姐姐 : 呢d少飯無得減架，要真係好少飯先減。我 : 哦.................老實說我聽完真係黑人問號，咁要少幾多先為止少飯？何況其實碗飯嚟到，我都係食剩一半。講真又唔係貪你減嗰$1，只係唔想浪費，但menu寫得出嚟比人揀，但原來有潛規則嘅，咁有d唔係咁好囉😂。P.S. D叉燒有肥但乾身一d都唔淋，bye💩。

我欠了朋友一餐幾個月，夾時間約食飯係一件難事！今日突然夾到朋友時間，仲要遠遠去了新蒲崗，我諗起新蒲崗附近淨係有Mikiki，但其實已經開了不少有特色店舖，就好似【叉燒丼家】咁，朋友帶我去食靚叉燒！ 【The Master Of Char Siu】😋我對店舖有好大嘅期望，叫得Master，冇咁上下，真係太棒自己了，希望食物質素好吧！門面闊落新淨，一定新開了不太久！！我今倆由於時間尚早，店內只是一、兩檯食客坐很入，最後我哋揀左個靠牆的卡位，兩個人入坐，非常鬆動。裝修很好精緻，用木系同豬仔黎做主打，明顯地有點心思，整體餐廳都好光猛又開揚，係到晚餐，環境好舒服，最緊要呢度好乾淨。餐牌上嘅設計都好好～簡單易明又Colourful，最緊要多圖，望落好多都好吸引呢。價公都親民！🌟沙嗲牛肉潛艇🥯$32沙嗲牛肉通心粉就成日食，沙嗲牛肉潛艇就好少食了，備有口感嘅沙嗲牛肉放在鬆軟無比既面包配上🍞，又幾好食。牛肉腍身，沾上沙嗲醬後，鹹度啱啱好整體份量亦都好多入面配埋爽口洋蔥好惹味。個包本身亦都有烘過所以黎到面前都係熱辣辣，加埋一齊好夾啊！又多汁牛肉又好食，比想似中好吃多了。🌟芝士咸牛肉飛碟 $28芝士咸牛肉飛

朋友同我講問我有無去叉燒丼家食？我話未...咁之後佢就帶我黎食下呢度d美食, 咁我地考慮過後就叫左👇🏻🔽🔽🔽🔽🔽🔽🔽🔽🔽🔽【焗半邊龍蝦鐵板餐配雞扒及薯條 $(94.40)】坦白講我好耐無食到好食既龍蝦啦, 尤其係焗烤過後既芝士香讓我狂吞口水, 薯條又夠熱同夠多, 講到雞扒外酥內嫩既鮮嫩口感真係一食就知道口感及火候與製作係真的非常不一樣！我好少食到咁樣鮮嫩好食既雞扒。🔽🔽🔽🔽🔽🔽🔽🔽🔽🔽【沙嗲牛肉潛艇 $(32.00)】我最期待嘅沙嗲牛肉潛艇, 首先佢有整熱個包, 整個也熱辣辣, 而且包上面嘅芝麻, 更令其加多一點香味, 餡料嘅沙嗲牛肉糧頗多, 而沙嗲香而不辣, 滲透在包內, 而且汁多到可流出。🔽🔽🔽🔽🔽🔽🔽🔽🔽🔽【芝士咸牛肉飛碟 $(28.00)】一向覺得咸牛肉同芝士好夾, 叫飛碟雙拼都係揀佢或吞拿魚芝士或蛋, 仲要佢落勁多芝士汁, 超正又邪惡。🔽🔽🔽🔽🔽🔽🔽🔽🔽🔽【龍鳳檸樂 $(8.00)】龍鳳檸樂真係幾好飲, 清新既檸檬香, 很對味, 好清涼的感覺, 飲完個人都開心返😬🔽🔽🔽🔽🔽🔽🔽🔽🔽🔽【紅豆好立克 $(8.00)】飲落超濃既好立克味, 濃而不膩 😍🎶🎶🎶🎶🎶🎶🎶🎶🎶🎶P.S.

今晚行開mikiki就搵下有咩好食，反而見到呢間評價好高所以就決定入嚟試試!岩岩好搭住咗最後下午茶時段所以就仲食到tea set，我地分別叫咗沙嗲牛肉潛艇同埋芝士咸牛肉飛碟。沙嗲牛肉潛艇好足料，牛肉多到差唔多滿瀉，而牛肉都有處理過切得好碎方便食，包本身亦都有烘過所以都係熱辣辣，兩樣加埋一齊好夾又唔會太咸! 至於芝士咸牛肉飛碟焗到好脆而且芝士係可以拉絲咁，咸牛肉味道適中配合埋芝士真係令我地食上癮! 我地另外嗌咗個半邊龍蝦配雞扒鐵板餐，龍蝦肉質鮮嫩而且好易離殼，龍蝦味濃仲有少少蝦膏，另外雞扒足足有兩大塊，煎得好靚而就算鐵板熱辣辣都唔會overcooked，應該都有再夾過鐵板既熱力令到雞扒煎得岩岩好，有肉汁而且雞皮香脆，淋咗黑椒汁都仲食到雞味!最後忍唔住叫多個肥叉蛋飯，話哂都係叉燒丼家所以點都要試試叉燒既，等咗一陣上台個陣我口水都流出嚟咁滯，因為叉燒整得好靚，唔會全肥肉而係五花腩咁樣，一層層燒得好入味同埋時間控制得好好，肉汁夠而且加埋隻太陽蛋一齊食，撈飯一流! 而且下午茶會再平D，個人建議鍾意食叉燒既一定要試呢間!

放假唔想同人逼, 去左d舊區行下影下相。行到攰就搵左間坐得舒服價錢平實的新式餐廳試下, 估唔到都有驚喜!焗半邊龍蝦鐵板餐配雞扒及薯條半邊龍蝦, 連塊雞扒, 都只係百幾元左右, 以今時今日黎講, 真係好抵食! 龍蝦面舖左濃郁的芝士 龍蝦肉彈牙帶鮮味 蝦頭部分好多膏 撈埋d芝士 好香好正。沙爹牛肉潛艇份量10分足, 牛肉好多, 沙爹汁帶甜唔辣, 有落埋花生粒同洋蔥去炒香個汁, 係港式茶記的沙爹, 好親切好味, 包身鬆軟仲可以索曬d沙爹汁食!芝士咸牛肉飛碟飛碟好脆，食落唔算好咸，芝士配咸牛肉，芝士無索絲，但食落有火腿既味道。超級檸檬茶原來係檸檬茶加爆爆珠, 口感豐富左, 但d珠都甜, 下次可以茶底少甜返咸檸七又想飲汽水，又想健康既我既港式選擇🤣🔺🔻🔺🔻🔺🔻🔺🔻🔺🔻🔺🔻🔺🔻🔺🔻🔺 叉燒丼家📍九龍黃大仙新蒲崗景福街99-101號啓德工廠大廈第二期地下💰 唔駛加一$200(2人均$100）

屋企附近開咗間抵食得黎味道又唔錯既餐廳，所以間唔中都會去食下。今晚試下呢個爵士牛扒焗半邊龍蝦脆邊蛋配薯條 ($138) 呢個價錢又有龍蝦又有牛扒咁抵係邊度揾～ 首先講個龍蝦好新鮮彈牙，岀乎意乎既好食。呢外牛扒都煎得好香，而且唔乾，肉汁仲可以鎖住係入面，幾好口感。豬扒芝士撈丁 ($52) 超級大塊豬扒原塊上，個樣超吸引，叫之前驚個芝士汁會好漏，但食落又ok咼！比較似忌廉汁，撈丁反而係恰到好處。超高質阿華田脆多士($24) 面包烘到脆一脆，仲熱辣辣既時候塗上阿華田醬，夾埋塊厚牛油入口即溶☺️ 未溶之前就要即刻食！感覺超滿足跟餐加$8就有特飲🤪 紅豆好立克同龍鳳檸樂都好特別。

自從有了食神這部電影之後， 一碗尋常不已，大家由從小吃到大的叉燒煎蛋飯，搖身一變成為了街知巷聞的黯然銷魂飯....這一間近來成為區內吃飯熱點的地方，主打的就是這一個黯然銷魂飯....只是幾片叉燒再加一隻太陽蛋，連醬油撈飯加起來就要索價50多大洋 ，從小弟的角度來看是絕對不值的，原因在於這碗飯基本上隨意在家也可以輕鬆做出來....於我來說，這道菜好吃的關鍵一定是在於那碗白米飯及其所用的醬油....說回這間店的飯， 只屬一般並沒有什麼過人之處。 兩隻太陽蛋煎得尚算合格，邊位是帶微脆的，而且 蛋黃色水奪目入口甘甜。 這裏的飯醬油下得不多， 主要的調味是來著置頂的那一撮葱茸。 對我來講感覺是有點奇怪的， 不過由於自己一向喜歡用蔥蓉撈飯，所以也就不太介意....點了肥叉， 入口的確甚為肥膩而且瘦肉的部分也有點偏硬， 望上去都唔太覺靚仔....另一款近來在好些茶記内成為點菜大熱的蔥花蛋多士， 對我來講竟做得比主角好 --- 多士麵包外脆內軟熟， 炒蛋熟度剛好有蛋汁溢出入口軟綿， 而且最重要是蔥粒夠多，這樣才能真正吃得出香氣來....